هل تقدر تعيش المرأة بدون رجل ؟؟ للمناقشه الجاده... حياج

[جـــواهر]

مهم وجود الرجل بحياة المرأه طبعا

بس تقدر تعيش بدونه

 

[عيش و مرق]

لا لالالالالالالالازم ريال مادرى على قولتهم ضل راجل ولاضل حيطه

 

[أسرار الطبيعة]

اي تقدر
ويمكن تشعر ببعض من الهدوء
إذا تركها أرملة أو قدر الله لها نصيب أن تبقى عزباء

 

[ناريه]

ظل راجل ولا ظل حيطه

 

[ام خالد 78]

انا ماقدر اعيش بدون ريلي او اخواني او ابوي

 

[ابتسامة خجل]

المراة تقدر تعيش من غير ريال

ووالدليل ان في وايد مطلقات عايشين ومستورين

وساعات الريال يكون نقمة ويخلي الوحدة تلعن الساعة اللي ارتبطت فيه

لكن الريال المطلق او الارمل ما يقدر يصبر على الوحدة

والله يسهل امور الجميع

انا معاها بكلامها

 

[sweet dashttya]

يعطيج العافيه حياتي على الموضوع طبعا المره ما تقدر تستغني عن الريال ولا الريال يقدر يستغني عنها

 

[ديرة العــــــز]

أنا صراحه اشوووووووف ان المرا تقدر تعيش بدون رجال

شنو مستفيدين منهم غير التحكم

متزوجين بس بالاسم لاتقولين لي استقرار وامان نومتي في بيت اهلي بدون ماأفكر بخياناته وتحكمه فيني احلااااااااااا بواااااااجد وربي :hjy5jewf:

 

[مـعـجـبـة]

إي لحد الحين قادرين نعيش من غير ريال ..

خو كل شي قمنا انسويه بروحنا .. محنا بعازتهم !!

 

[راعية الطويلة]

طبعا المرأة بدون رجل


تصبح كالرجل تماما


لأنها في هالحالة راح تضطر تقوم بمهامه

و بتصطنع القوة عشان ترد ضعفاء النفوس عنها

و الله يعلم وأنتم لا تعلمون​

 

[مزيونه الحربي]

الرجال والمرة اثنينهن ما يقدرن يعيشن بدون بعض

لان بيسبب مشاكل صحية للاثنين

ويقولن ان اكثر حالات الجلطات وامراض القلب للي يعيشن حياة اسرية ناقصة

يعني تكون ويكون يعيشن مع اهلهن بس هذا مو الوضع الصحيح فديتش

لان هرمونات الرجل والمراه تستقر عندما تكون علاقة زوجية متكاملة

وباختصار لا رجل بلا مراه ولا مراه بلا رجل وبث

ومشكورة حب قلب روح معه كوارع شبده مشوية فديتش موضوعش جونان وسؤالش مفيد

 

[shai5at al3arab]

لاااا ما تقدر

 

[ام سعدون]

اختي انا من وجه نظري ان المرة تصتطيع العيش بدون رجل اقصد (زوج)

 

[اشتياق]

عن العيشه محد يموت الا بيومه بس عاد الدور والباقي على نوع العيشه وطبيعتها

يعني صح تقدر تعيش من غير الريال ماتموت بس عاد في احتيااجات نفسيه وعاطفية ماتلقاها المرأة الا عند الرجل


ويكون الحوار اشد لو كان السؤال شخصي بمعنى

كل وحده تجاوب(هل تستطيعين العيش من غير رجل؟)

فتبدأ الاجابات لكل واحدة على حسب رايها

وعن نفسي مالي غناة عن وجود رجل محب حنون قد المسؤولية يعتمد عليه ويحبني واحبه

اما رجل بهيئتة وهندامه فيقعد عند امه ابركله

مشكورة يالغلا عالموضوع الراقي

 

[Nokia N95]

مشكورة على الموضوع
بالنسبة لسؤلاج انا أشوف ان المرأة تقدر تعيش بدون رجل خاصة اذا كانت حياتها فيها شغلات تشغل نفسها فيهم. المشكلة بالمجتمع عمره ما يخليج ديما كلمة مسكينة مقرونة اللب مو متزوجة مع ان في مسكين وايد و متزوجات، الشغلة الوحيدة اللي راح تفقدها المرة اهم اليهال و طبعا هذي نعمة من الله مو شرط كل متزوجة الله يرزقها ياهل و لا شرط ان اليهال هذول لما يكبرون راح يبرون بوالديهم ولا لأ.
أدري طولت عليكم بس جوابي باختصار "نعم" المرأة تقدر تعيش بدون رجل

اتفق مع الاخت فوز ...
اذا المرة عايشة معززة ومكرمة في بيت اهلها ....
وعندها شهادة ووظيفة ... وهوايات ...
تقدر تعيش من غير الريال ...

 

[خدوج]

تقدر ونص تعيش من دون رجل مو اي عيشه بعد؟؟ عيشة ملوووووووووووووك بلا حنه ولا رنه

 

[عيني عليه]

عن نفسي ؟؟

قبل لا انخطب كنت كنت افكر هالتفكيير ...

وتوصلت الى قناااعه تاامه اني مااقدر اعييش بدوووون رجااااال ....

 

[أم الروووووون]

خلوني ابلش قبلكم انا من رايي

المرأه تقدر تعيش بدون الرجل وتكون استقرارها المادي والوظيفي والمستقبلي وتكون احسن من مليون رجل بهذا المجال

ولكن اتوقع ان الحاجه لوجود الرجل مهم في حياه المرأه من الناحيه النفسيه والعاطفيه والاستقرار والاطمئنان الداخلي


وتظل الاختلاف في وجهات النظر بين امرأه واخرى ..​

حبيبتي كلامج عين العقل انا معاج بكل نقطه قلتيها

لكن !

هناك نساء يعتمدن على الرجل اعتماد كلي واهمها (( ماديا)) يعني تكوون ربت بيت ومعاشها من الزوج

وهذي الفئه طبعا 100% ما راح تقدر تستغني عن وجود الرجل

لكن الموظفه - تقدر تعتمد على نفسها من الناحيه الماديه

وجهت نظري من الناحيه الماديه فقط

اما النواحي الاخرى لا لا لا لا لا لا نستطيع الاستغناء عن الرجل

وموضوووووعج حده روعه وموفيد وياريت تكثر مثل هالمواضيع للافاده

فديتج والله يا عسل

 

[ام سعدون]

لا ما اقدر اعيش من دون رجل

 

[TamraBarney]

اتوقع اللي سبق لها الزواج هي اللي ماتقدر تعيش بدون رجل

بس اللي ولا مره تزوجت تقدر تعيش

هذي انا عايشه بدون رجل وماضرني