هل تنتهي الصداقه بموقف أو كلمه ؟

[دانه الشطوره]

الصداقه تنتهي بكلمه..
وتنتهي بموقف..

ويمكن لأنج تحبين هالشخص..
تنتهي بعد عدة مواقف..

احيانا" لما يكون الشخص اللي جدامك عزيز إلى درجه كبيره عليك..قد تتلافى وايد اخطاء
وماتشوف عيوبه اصلا"....! ولا تحاسبه عليها..واذا حاسبته ماتحاسبه الحساب اللي يستحقه..

كانت لي صديقه..واكثر من صديقه..
ماكنت اشوف الشغلات السيئه اللي سوتها لي ... بعد ما تقاطعنا بديت اراجع حساباتي
واقول معقوله !!!!! ماحاسبتها !!!!!!

واحد من المواقف اللي حصلت لي
نزلتني من سيارتها وانا بلباس غير محتشم..
للمطعم...
على اساس ماتبي ريحة الاكل بالسياره !!!!!!!!!!!!!!!!
ولا تقدر تخليني بالسياره .. اتوقع علشان البانزين ..
ولا تقدر تتنازل عن وجبة الغدا..

وعلى اساس ماكو اي احد والمطعم يصفررررر...
كنت ابجي ! ومنقهره .. وليلحين اتذكر شلون كانت تخزني علشان ما اطول السالفه واهي قصيره !

فعلا" ماكان في احد!... لكن شلون سمحت لنفسها تخلي شرف رفيجتها فرجه للي يسوى واللي مايسوى
عشان


" مابي ريحة الاكل بسيارتي"

وعشان

" وجبة غدا "


لو افتح قاموس الكره واتكلم إلى اي مدى انا اكرهها الحين ماراح نخلص
وإلى اي مدى انا استحقر روحي لأني رافجتها.. ما راح نخلص
وهالموقف كل يوم ايي على بالي..
مستحيل تكون هالانسانه حبتني بـ يوم..

كان درس قاسي... وعلمني امور كثيره ..

الله يوفقها بعيد عن دربي..

اعتذر على الاطاله ..
شكرا لج

صاجه حبيبتي بكل كلمه قلتيها
دايما لما تحبين شخص تصيرين عميه او انتي بنفسج تغطين على اخطاءه و تعطينه فرص ثانيه
لكن لازم ينفضح في يوم :eh_s(15):
و طبعا كلنا لازم نستفيد من المواقف اللي تصير لنا مو مجرد ذكري و يروح مع ذاكره النسيان
لاء لازم نظل نتذكره لي اخر يوم في عمرنا ولازم نتعلم من اخطاءنا حتى لا نكررها
لا حبيبتي اخذي راحتج و الموضوع ما انفتح الا للنقاش
تعجبني الردوود الطويله :eh_s(22):
عفوا حبيبه قلبي
نورتي يالغلا

 

[دانه الشطوره]

اي تنتهي اذا الشي زاد عن حده وانا عندي رفيجه معاااه يمكن 8 او 7 سنين بس شافت رفيجات بالكليه غيري وشافت نفسها علي فقتلها مع السلامه ماهمتني وكل ما ادق اتقولي ليش ما ادقين اقولها اللي يبيني يدق انا ما ادق على احد بس بين قتره وفتره اكلمها بس مو نفس قبل كل يوم مع بعض واكتشفت الصراحه مافي احلى من صداقتج مع خوااتج ولا خلاتج ولا بنات خالتج اللي ترتاحين لهم من العايله
اما رفيجات بره قليل ماتلقين ناس تسوى وتقدر الصداقه الصراحه واغلب بس يبون الوناسه والطلعات

لوووووول انتي قصتج نفس قصتي
عندي رفيجتي معاي 8 سنين
وقلت قصتها في موضوعي هذا بس مادري بأي رد لوول
المهم انا احبها و مسويتها يا دهينه لا تنكتين لكن اهيا ترافج بنات مو كفوو وكل ما اقول لها هذول يضرونج و ما يحبونج ما تصدقين الا لما يصير لها موقف معاهم و ترد تتعرف على بنات و يتكرر الموال نفسه و صايره ما تدق الا ايام المدارس بس اول كنا 24 ساعه نكلم بعض و كلا تزورني حتى العطله هاذي كلش ما دقت ولا زارتني البيت اما انا زرتها مره و بالاسبوع ادق عليها 4 مرات و اودي لها نقصه برمضان يعني ما غيرت عادتي ولا قطعتها بس صرت ما اكلمها واايد نفس قبل و على قولتي اللي ما يبيني مابيه :eh_s(15):

 

[توت1]

انتهت ... لكنى اتمنى ان لا تعود

اذا هنت عليها وتركتنى فا ما راح تسمع منى الا فمان الله

ما راح ترد ولو ردت ما راح تكون مثل اول في حال تكررت الواسطات ع قولتج راح اقولها انى مسامحتج بس فات الاوان واللي تركتنى علشانهم انا ما ارضي تتركهم علشانى

والمؤمن لا يلدغ من جحر مرتان


مواضيعج روووعه لا حرمنا منج

 

[عزتي مالها حد]

على حسب قوة الكلمة او قوة الموقف

ممكن تنتهي الصداقة

لسانك حصانك ان صنته صانك

 

[sarah11]

اي تنتهي .....من تغلى تخلى

 

[الكرملين]

ممكن تنتهي وانا لي تجربه ومونادمه لاني انجرحت

 

[دانه الشطوره]

اب
اب
اب

 

[سمو : ذاتي]

تنتهي بكلمة لا مستحيل


لكن بموقف احتمال تنتهي


عن نفسي لو تكرر هذا الموقف اكثر من مررة

اي يمكن تنتهي ​

 

[فلبينية عبدة]

بالنسبة لي وبعد تجارب اقولج اي نعم الصداقة تنتهي بكلمة .. مو عشان شي بس لازم مثل ما انا اداري الطرف الاخر واحاول ارضيه واكون بالفعل صديقة صدوقة لازم الطرف الاخر يكون جذي .. والا ما يشوف شر .. وباختصار الحياة علمتني ان اللي ما يعدني راس مال ما اعده فايدة ..

وتعلمت شغلة ان اللي يحبك صج مستحييييل يجرحك في يوم من الايام لان حتى لو يبي يقولك شي او يعاتبك راح يختار احلى الكلام وبعدين يقولك ..

وبالنسبة لسؤالج اسامحه او لا ؟؟ اكيييد اسامحه لاني الحمد لله بطبعي بسرعة اسامح (بس) !! لا يمكن يرد هذا الصديق حق حياتي مرة ثانية .. لان باختصار اللي يجرحني يعني طلع من قلبي وحياتي .. واللي يطلع من حياتي لاااااااااااا يمكن ارجعه مرة ثانية حتى لو سامحته ...


وفي الختام الصديق ممكن يكون موجود .. لكن الصديق الصدوق اتوقع نااااااااااااااااااااااااااااااااااادر ويكاد يكون شبه معدوم ..

هذه وجهة نظري ويمكن غيري يعارضها لكنها بالنهاية تمثل رايي الشخصي فقط تقبلي مروري

كلامج عدل 100%


كل اللي بقوله قلتيه :eh_s(7):

 

[دانه الشطوره]

تنتهي بكلمة لا مستحيل


لكن بموقف احتمال تنتهي


عن نفسي لو تكرر هذا الموقف اكثر من مررة

اي يمكن تنتهي ​

وجهه نظرج و نتقبلها

نورتي عزيزتي :eh_s(7):

 

[دانه الشطوره]

كلامج عدل 100%


كل اللي بقوله قلتيه :eh_s(7):

نورتي حبيبتي فلبينيه عبده :eh_s(17):

 

[مــ ك ــلا]

انا بالنسبه لي صداقتي ما انتهت بكلمه بالعكس انتهت بصمت يعني من غير سبب ما قامت تتكلم معاي مع انه صارلنا ثلاث سنين مع بعض
يمكن يكون فيه اسباب لانتهائها بس للاسف ما عرفتها لحد الحين يعني فجأه من غير مبررات انتهت
بس و الله لو بيدي رديتها مثل اول و احسن لانه جد كانت اجمل علاقه صداقه لي
الله يهديها انشاءالله ​

 

[ترانيم القصيم]

على حسب الموقف

و على حسب الصديقة

 

[Beyoncee]

اشكر على طرح موضوع ذوشجن الصداقه تنتهي بموقف مو اى موقف
موقف جايدموقف انساني موقف كان لازم تنقال فيه كلمة حق ومانقالت
اهنى ارجع واعيد حساباتي ويمكن بيني وبين نفسي اسامح
بس ارجع العلاقه شي صعب تصلحين الى انكسر
والمواقف اهى الى تبين معدن الانسان

 

[الملاك المجهول]

اية ممكن تنتهي بكلمة لان بعض الكلام يجرح حيييل ومستحييل تنسينه
اكثر مماتجرح الافعال
امكن اسامح وترجع الصداقة لكن بحدووود واقرب مانقول عنها علاقة رسمية لان انا من طبعي اللي يطيح من قلبي مستحيييييييييييييييييل يرجع مكانة مثل قبل
ومشكوووورة عالموضوع العسل ياعسولة

 

[الحظ العاثر]

الصداقه وايد حلوه بس الأنسان من لحم ودم يمكن احب صديقتي واتباهي بصداقتي وياها ويمكن تستمر ايام وسنين ويمكن تكون اعز انسانه عندي بس اذا وصلت المرحله انها جدام الناس تستخف دمها وتحقرني او تقلل من شاني اهنيه اقول استوب للصداقه والله اهم شي راحتي

 

[PuPa^^SWeeT]

في صداقات تنتهي

بكلمة

تكوون جارحة

او موقف يكوون ظاالم




وفي صداقات تبتدي من يدة و يديييد بعد زعل و ضغيينة

 

[عسل سل]

تصدقين




توني منهيه صدااقه
من كلمه وموقف بعد

 

[كويتية و لكن]

وانا بعد انهيت صداقة العمر بموقف انسحبت منه خوفا اني اجرح الطرف الثاني وانا ارفض اسحب بتجريح وغلط علي صديقة العمر

 

[@ كويتيه @]

إذا صدآقتهآ هآنت كرآمتي تنتهي ليش ما تنتهي