هل تنزل الاعانه لخريجات الكورس الاول ؟

[omathoob]

ماكو اخبار يديده بنات ماصارت طااالت السالفه :/

 

[حنانو 89]

مأكو للاسف

 

[انجبر قلبي]

تعبنا والله واحنا ننطر ماتعرفون احد من اللي متابع القضيه خل يقولولنا اخر التطورات شنو و في جلسه والا لا و ليش ساكتين ماكو حس بس شاطرين ان احنا ضغطنا عليهم لتعجيل الصرف

 

[Sosota_20]

يونسونه على الفاضي رفيجتي لمه اسالت ادارة التجاري لانها تخرجت قالوا لها لا مجرد خبر ماوصلنه شي ولا صرفنه حق الخريجين
ولمه سالت قروب التطبيقي قالي بس تتخرجين راح تنصرف لج يلعبون علينه

شنو البدل الي قاعدين تتحجون عنه ممكن تفهموني !

 

[انجبر قلبي]

ملينا والله من الحجي


نبي نسمع شي يديد فعل انجاز تطور



نتكلم عن بدل بطاله اذا كنتي مقدمة عالديوان و صارلج ست اشهر مانزل اسمج يحق لج ينصرف لج بدل بطاله شهريا لمدة سنة و اذا رفضتي ثلاث مرات وظايف يتكنسل عقب الرفض الثالث

 

[omathoob]

شصاار بناااات :|

 

[حنانو 89]

مأكو اي أي خبر للاسف

 

[انجبر قلبي]

حسبي الله عليهم انشالله جانهم مطنشينا


انا اقول نرجع نرفع قضيه لان الوزير قبل جلسته قالوا بيصرفونها و نادوا الطلبه و الطالبات عشان يسجلون

يعني مزهب الدوا قبل الفلعه

ويوم صار موعد الجلسه بيقول ناديناهم حق صرف المكافاه و بيوريهم خبر الجرايد و ينقذ نفسه


وعقبها برد الظاهر و طنش شكليااااااااات بس عشان ينحاش


انا حاسه جذي السالفه استغفرالله

 

[زبــــــــدة]

وييع قطيعه ترى مو طراااارة ...

انا بس نزل اسمي جان يقطعونها ما صدقووو ...وماتوظفت بس نزل اسمي

والمشكله ان الوزارة رفضوني

وقعدت انطر ينزلون اسمي مرة ثانيه ...وماقامت تنزلي الاعانه


فقر فقر الحمدالله والشكر

 

[انجبر قلبي]

الله كريم الله يرزقنا من اوسع ابوابه

 

[اميره بعيونه88]

بناات من صجكم ما نزلت لكم الاعانه بعد التخرج شسالفه ؟؟

 

[om_3azoz]

بنات انا عساس كنت بسجل بدل بطاله بس قلت حق ابوي يقولون يبون ينزلون لنا الاعانه قال انا اروح اسال راح سال قاله اللي يشتغل منو قاص عليكم قايل لكم بينزلون اعانه حق الخريجين ؟؟؟

وترى قبل جم شهر رفيجتي رايحه وقالت اللي مغير حسابه يروح يراجع عشان يودي تحويل راتب واللي نفس حسابه خلاص


فيوم ابوي راح وقالي استغربت قلت عيل ليش يقولون ويتحجون كله حجي فااااااااضي

 

[Mo0oNii_88]

انا رفيجتي خريجه الكورس اللي طاف و تواا انزلتلها و ...

و احنا لنا الله :yaaaaaarb:

موو من صجهم عشمونا علفااااضي

 

[انجبر قلبي]

بنات خبر يديد عن الاعانه


يوم الاحد الياي في جلسه مع اليكله علا اساس انها بتنفذ صرف مكافاه الخريجين


جريدة الأنباء الكويتية | حسم المطالب المالية لـ 6 جهات الأحد

 

[انجبر قلبي]

ام عزوز شحقه ماسجلتي بدل بطاله سجلي لا تخافين ما يتعارض مع المكافاه مراح تروح عليج لو نزلت خو هذا حقج وببلاش اخذيه !!


موني مافي ولا خريج او خريجة نزلت لهم مكافاه للحين


ماعدا خريجين الجامعات الخاصه هذو ل تطبق معاهم القرار علا طول بس احنا لحكومة اللي نطرنا وماكو شي

 

[مسؤولة تعيين]

من قال مافيه احد نزل له
مادري من وين تيبون الحجي
حبايبي انا خريجة جامعة الكويت وتوني خرييييجه فريش تخرجت الكورس الاول
ونزلت لي الاعانه والحمدالله
وكلللللل رفيجاتي الي تخرجوا معاي نزلت لهم

 

[انجبر قلبي]

مسؤوله الظاهر انتو اول دفعه تنزل لها من بعد القضايا و المحاكم

 

[Jenαη]

بنات خبر يديد عن الاعانه


يوم الاحد الياي في جلسه مع اليكله علا اساس انها بتنفذ صرف مكافاه الخريجين


جريدة الأنباء الكويتية | حسم المطالب المالية لـ 6 جهات الأحد

يارب يستعجلون بموضوعهم

السالفه طولت ;_;

وزين ماشاءالله اذا نزلت للخريجين الجدد حمدلله يعني في أمل ^^

الله ييسر​

 

[انجبر قلبي]

بنات باجر الجلسة



اتهقون ينزلونها هالشهر ؟

 

[حنانو 89]

أن شاء الله انجبر قلبي ينزلونها هالشهر أن شاء الله يااارب