هل تنزل الاعانه لخريجات الكورس الاول ؟

[Talyan Rose]

انا ماراجعت الهيكله !
بس اذكر لمن تخرجت من الجامعه شهر 6 دزولنا مسجات انه نروح العمده نتاكد من حساباتنا بالبنك عشان ينزلون لنا الاعانه هالكلام اتوقع كان ايام الصيف ومن يومها لا حس ولا خبر ولا نزلو الاعانه !

في اوراق معينه لازم نوديها الهيكله ولا شنو ؟؟

 

[حنانو 89]

نفس السؤال
ليش نروح الهيكله اول الجامعه قالت الي ماغير حسابه مايروح العماده بس الي غير حسابه هذا الي انا اعرفه؟؟

 

[Talyan Rose]

حنانو 89

اي بالضبط هذا الي اعرفه وكل رفيجاتي ما يدرون عن سالفه الهيكله ما اتوقع انه لازم نودي اوراق

 

[нάγoηά cнεмίsтяγ]

لا ما تروحون الهيكله الا اللي غيرت حسابها لان البيانات موجودة عندهم

 

[MiSs-HTNI]

ولا انا ماغيرت حسابي .. في اوراق معينه انوديها الهيكله ولا بس اللي مغيرين حساباتهم يراجعون

 

[Pocahontass]

لالا بس الي غيرو حساباتهم يروحون يراجعون

 

[нάγoηά cнεмίsтяγ]

انا فاتحه حساب يديد بس القديم موجود

 

[MiSs-HTNI]

اب

 

[Pocahontass]

للاسف يقول النائب ناصر المري انه باجر بيناقشون موضوع اعانتنا بالجلسه يعني السالغه مو اكيد تنصرف لنا اخر الشهر !! للحين محد وافق ولا شي

 

[нάγoηά cнεмίsтяγ]

واي لا مو صج بس خلاص اي لا اي لا اي لا اي لا اي لا


انتو من وين قاعد اتييبون الاخبار متا قال ووين الخبر اللي عن ناصر المري ؟؟؟

 

[حنانو 89]

امبيييه لا لا بس حاطين بموقع الخريجين ان الخبر مؤكد...

 

[حنانو 89]

توني دخلت موقع خريجين تويتر لقيت الخبر موجود؟؟؟

خـريـجـيـن ‏@5rejen_ku 9 س
النائب ناصر المري : اعانة الخريجين سوف تُناقش غداً مع الوزراء المعنيين في جلسة مجلس الأمة لحسم الموضوع

يعني شنو بطول السالفه!!!!!!!!!!!!!

 

[حنانو 89]

امبييييه عاد انا اتوقع النواب الحالين بيرفضون السالفه بكبرها وماكو اصلا اعانه بح خلاص....بس ليش اصلا يناقشون بالمجلس مو احنا القرار مالنا مال اعانتنا وافقوا عليه مع قرار كادر المعلمين وكا المعلمين ياخذون كادرهم وماكو شي اشمعنه احنا يرد للمجلس ويناقشونه امبيييه شكو انا الي اعرفه وانا كنت سياسه ان يقر المجلس (جهه تشرع) ويروح بعدين لمجلس الوزراي ( جهه تنفذ) شكو مجلس الامه مره ثانيه.....او يابنات الموضوع اصلا خلص من المجلس خلاص بس في اعضاء يكونون وزراء ونواب بنفس الوقت عرفتوا علي فيبون يناقشونهم لانه فرصه موجودين كلهم مع بعض بنفس المكان بدال مايروحون وزير وزير هذا الي انا فهمته....انا ترا قاعده افكر بصوت عالي وانتوا قولوا شنو الصح!!!

 

[حنانو 89]

بنات بقولكم شيء ترا ان شاء الله ان شاء الله لما تنزل اعانه الخريجين ترا ماراح تنزل بدل البطاله ماراح نجمع بينهم هذ محادثه النائب وحده تساله شلون علي البدل لما تنزل الاعانه:

المجهولة ‏@6Mjhola 12 أبريل
@nasalmarri السلام عليكم استاذ بغيت اسال انا متخرجه شهر يناير ٢٠١٢ وماتوظفت الي إلان وقاعده استلم بدل بطاله فهل راح تنزل لي أعانه ولالا

ناصر عبدالمحسن المري ‏@nasalmarri 13 أبريل
@6Mjhola تاخذين الأكثر

 

[нάγoηά cнεмίsтяγ]

عفوا هذا ناصر المري شيبي ؟ نشالله يجرب يقحط مثلنا عشان يحس بحالنا

اذا الموافقه نزلت خير انشالله بتتناقشون من يديد

حسبي الله عليكم انشالله بنكمل سنه و نص من القرار و للحين تتناقشون

ما كفاكم سنه و نص قاطينه عالحديده و هم بتتناقشون

كل مره ينزل الاوكي بعدين لا وراها انتظار او مناقشه

يا عمي خلصونا فكونا اي والا لا الله لا يوفق اللي قاعد يلعب باعصابنا و حسبتنا

 

[Rooorooo90]

بنات انسو الشهر هاذا ماكو شي لا اعانة ولا بطيخ اذا القرار ماوصل للهيكله لليحين ويقولون اخر الشهر مستحييل وحسبي الله عليهم ذلونا وخلونا ننحد علا ناس مانبي ننحد عليها ندرس ونتعب عشان نتخرج ونتوظف واخرتها بطاله بالبيت ولاوظيفه ولا اعانه وبدل البدله مذله عليها والله جيت الموعد تمشي والله ماجيتي تروح عليج مايبون يمشون شي الله لايوفق اللي كان السبب :eh_s(11):

 

[нάγoηά cнεмίsтяγ]

امين الله لا يوفقهم يارب و يصير فيهم مثل ماصار فينا

 

[ϲհҽɾɾվ87]

امبي اشفيهم هذيل يونسونه بعدين يقول يعرضونه حق المجلس شكوووو اصلا القرار وافقو عليه شكو المجلس صج مالت وماراح ننطر منهم شي كله جذب بجذب لا وظايف من متى متخرجين والهيكله يقولون ماكو بطاله خل بالكويت واحنا شنو ان شاءالله

 

[Pocahontass]

النائب ناصر يقول مالكم شغل بالهيكله و انه صرف الاعانه مو خيار لهم اصلا و بتنزل اخر الشهر اكيد .. عاد ما يندرى صج ولا لأ بس ما اتوقع انه بيقول كلام جذب لانه بينمسك عليه اهو نائب و مدامها تمشي حق خريجين الجامعات الخاصه عيل غصبن عليهم يمشون لنا اياها و اذا ما نزلت اخر هالشهر راح ارفع قضيه هلى الجهه المسؤوله عن عرقلة صرفها و بطالب بتعويض بعد دبل المبلغ

 

[حنانو 89]

امبيه صج قاعده تنزل لين الحين حق الجامعات الخاصه عليهم بالعافيه والله يهنيهم بس احنا وين موقعنا من الاعراب شنو عيال البطه السوده