هل تنزل الاعانه لخريجات الكورس الاول ؟

[حنانو 89]

اب اب ..

 

[A9A9-Q8]

بعثت رسالة للعدساني ، بالمستجدات الي صارت مع الاخت حنان
والشي الجديد اليوم كان لقاء محامي الحميدي السبيعي
عاليوم برنامج الكلام الحر كنت بشارك و كتبت للمذيع داهم القحطاني وتأسفلي لان ماتصلو علي
وطلب رقمي واسمي وانا طلبت منه ايميله وارسلته كل تفاصيل موضوعنا و ان بيطرحه بالبرنامج
عالهوا وقالي ابشري بالخير

 

[ديزاينر الكويت]

بنات
انا رحت اليوم وزارة الشؤؤن الاجتماعية والعمل علي حسب كلام موظفة وزارة المالية لما سالتها عن جهه صرف الاعانه للطلبة الجامعيين ورحت وقالولي احنا مو مسؤؤلين عن الاعانه المسؤؤل قسم المالية جامعه الكويت الي بالخالدية رحت انا مع رفيجتي وزحمه وماكو مصافط صج تعــــــــــــــــب.. ورحنا المالية قالوا صح في قرار بس مادزولنا شلون نصرف وقالت روحوا الرعاية الاجتماعية جامعه الكويت بالشويخ ورحنا ودخلنا علي مساعد المدير مال الرعاية الاجتماعية لان المديرة ماخذه اجازة وكلمناه وقلت كـــــــــــــــل شي عنكم وعني وان الاعانه مانزلت بالرغم من وجود قرار وقانون وان الاعانه تنزل حق خريجات الجامعات الخاصة قال ان القانون صح موجود ومفروض يطبق بس مافي ميــــــزانية ولا قالولنا الية الصرف شلون لان السستم مسجلنا خريجين فيوقف شغلنا كله قتله ليش حطيتونا خريجين كاهم الجامعات الخاصة ملفاتهم موجوده قال الجامعات الخاصة خريجينهم عددهم قلييييل مو نفسنا قتله شلون الحين؟؟؟

1-قال في اجتماع مع مدير شؤون الطلبة هالاسبوع وبيعطينا الحل وقال ان اهما سواا كل شيء ووصلوها للمدير الجامعه ثم وزير المالية بس الوزير ماحطلهم ميزانية للخريجين
2-وقال احنا قاعد نشتغل ونوصلها لاعلي المستويات انتوا طلبتنا وعيالنا بس الموضوع قاعد يوقف عند الوزير
3-وقال الحل اهوا اننا نكلم نواب من المجلس يضغطون علي الوزير المالية لانه كل الشغل بيد الوزير
4-وقال لازم القرار يطبق من زمان هذي مسؤؤلية والقرار عمرة 7 اشهر مايصير
5-وقال ان شكثر ناس راحتله مو بس انا وهذا حقنا بس المشكله بالميزانية + الية التطبيق

+++هذا الي صار يعني مافي الا نواب يكونون اداة ضغط علي الوزير وبتمشي السالفة+++

((هذا الي اذكرة لان صار كلام واااجد وانا طلعت كل الي بقلبي بس هذي الزبـــــــــــدة))​

اهااا يعني المشكله ماكو ميزاانيه !!!!

زين سويتي رحتي

طمنتيني

الله يرزقكم يارب :yaaaaaarb:

 

[حنانو 89]

بعثت رسالة للعدساني ، بالمستجدات الي صارت مع الاخت حنان
والشي الجديد اليوم كان لقاء محامي الحميدي السبيعي
عاليوم برنامج الكلام الحر كنت بشارك و كتبت للمذيع داهم القحطاني وتأسفلي لان ماتصلو علي
وطلب رقمي واسمي وانا طلبت منه ايميله وارسلته كل تفاصيل موضوعنا و ان بيطرحه بالبرنامج
عالهوا وقالي ابشري بالخير

يعطيج العافية حبيبتي ماقصرتي كلمتي العدساني..
برنامج الكلام الحر علي قناة العدالة صح؟ ومتي راح يتكلمون عنا اليوم ولا متي؟؟

 

[حنانو 89]

ديزاينــــر اي مشكلتنا بالميزانية بس ولا القرار موجود وصح

 

[Ben_Aşk]

والله يا بنات ان قضيتنا ملعونة ههههههههههههه

اليوم حلت المحكمة الدستورية مجلس الأمة !!!!

 

[حنانو 89]

بنااات الي قريته وفهمته ان مو بس الغوا هالمجلس لاااا بس القرارات الي صدرت فيه راح تستمر الي ان يلغونها او يبطل دستوريتها يعني رحنااا خلاااص احتمال يلغون القرااار امبييييييه لاااااااا تحطمــــــــت انا خلاص ...وقرارنا اقروه سنه 2011 يعني احتمال خلاص يلغونه...
وااااااااااااااااااي لا لا لا

 

[حنانو 89]

بناااات
اذا كلامي صح قولولي واذا غلط هم قولولي...
الحين قرارنا مال زيادة الاعانه من 100 لين 200 وتستمر لين الحصول علي عمل كان 12/2011 كان بمجلس 2009 وحلوا المجلس
وصار المجلس الجديد 2/2/2012 وتطبق فيه القرار
الحين حلوا مجلس 2011 واكييد بيكنسلون قرارات هذا المجلس...يعني الحين احنا في السلييم مالنا شغل مع مشكلة بطلان مجلس 2011 احنا قرارنا اقروه وتصدق عليه في 2009 صح ولا لا؟؟؟؟؟؟؟؟
ناطرة ردكم علي​

 

[انجبر قلبي]

حنونه والله اني ما افهم بسوالف المجلس الي طايح حظه

الله كريم انشالله الحق ما يضيع

 

[حنانو 89]

انجبر قلبي ياقلبي انتي الله ان شاء الله مايضيع حقنــــااااا ..وياخبر اليوم بفلوس باااجر يكون ببلاش

 

[انجبر قلبي]

الاه يرزقنا من اوسع ابوابه

لنشالله يارب

والله مساع عالاخبار ضاق خلقي صراحه

كنت متامله لان الموضوع بيد النواب محد يقدر يسوي شي

تحبيط بس يالله الحمدالله

ل

 

[حنانو 89]

انجبر قلبي لا تتضايقين ولا شيء وان شاء الله الله بيرزقنا ويرجعلنا حقنااا ياااارب وانا بروح الاسبوع الجاي مرة ثانية للرعاية الاجتماعية بالجامعه بالشويخ وبسال شنو بيصير وان شاء الله تكون اخباار حلوة..

 

[miss water]

ننطر وننشوف مع العلم اني توظفت توني مادري هل تنزلي الاشهر الطافت

 

[ديزاينر الكويت]

حنانو صعبه يلغووونه تري

ما اتوقع

اتوقع راح يشوفون حل لهل مشكله بس يلغوون لا ما اظن مو عشان انا استلم لا والله

بس اذا لغووا هل قرار لازم يلغوون قرار الزياده من ١٠٠ لي ٢٠٠ لطالب مو بس للخريج

و ما اتوقع راح يلغوون الزياده الكل راح يعاارض سواا خريج او طالب

الله يسهل انشالله سهالات

خووش نواب بهل مجلس انشالله يحلوون

 

[انجبر قلبي]

ديزاينر الجامعه و التطبيقي لهم ميزانية لزيادة الاعانة

بس الخريج مو محوليلهم ميزانية مايدرون لي متا بتنصرف له

 

[ديزاينر الكويت]

وااي الله يعينكم الصراحه

صج هل ٢٠٠ يفيدوون حيل

 

[حنانو 89]

ان شاء الله خييير ننطر ونشوف شبيصير...

 

[حنانو 89]

تدرون بناات ترا والله والله ظلم حراام عليهم ساحبين علينا اليوم نزلت اعانه شهر 6 هذي اخراعانه لي ورفيجاتي خريجين هالكورس شنو هذا الظلم ليش جامعتنا ماتهتم والله حدي مضاايقة استغفر الله قانون وصارله 7 اشهر ماطبقوه لا الجامعه ولا التطبيقي ماكو ميزانية الحمد لله والشكر خل يروحون الجامعات الخاصة ويتعلمون منهم شلون يتصرفون مو كل واحد يقط علي الثاني واااااي حدي متضايقة ومنغثة اووف

 

[بنوته كربونش]

اقرو الي وصلي اليوم

خاص قروب الاتحاد

الاعانه مستمره ٢٠٠ ولن يتم استرجاع الاعانه السابقه و ذلك بسبب موافقة المجلس السابق على قانون الزياده و تم توقيع الامير على المكافأه لذا نتمنى عدم نشر الاشاعات فقط الي تم الغائه جامعة جابر

يعني بنات ماراح ينلغي القرار لان قرار زيادة مكافأة الطالبه اهوه نفسه قرار استمرار الاعانه للطالب بعد التخرج بس احناا كلامناا منو يوصله والله حرام عليهم صارلنا ٥ اشهر لنا حق بهل اعانه احنا مو اجيال المستقبل وين ما اشوف شي كاشتين فيناا كشته مو طبيعيه

​

 

[A9A9-Q8]

بخصوص القرار..

القرار اصلا مومن هالمجلس
المجلس الي طاف مجلس 2009 يعني لاتخافون..

ثاني شي ..

اعتقد قروب الاتحاد يقصون ان تستمر 200 ان ماترد 100 بسبب حل المجلس ..

مو ان تستمر بعد التخرج ..