هل تنزل الاعانه لخريجات الكورس الاول ؟

[انجبر قلبي]

اي والله حنانو ملينا من النطرة بس يالله نطرة علا شي يسوا الله يعين


ايام البنات اثنين و اربعا وخميس


تاخذين معلج تحوسل راتب من البنك و صورة من شهادتج و صورة من بطاقتج المدنية

 

[حنانو 89]

مشكوووورة انجبر قلبي ان شاء الله اروح واسجل ....

 

[A9A9-Q8]

انجبر قلبي انا ترشحت 5 مرات .. ورفضت اقدم على بدل البطاله والا لا لوول !

 

[انجبر قلبي]

انا اقول قدموا يعني حرام يضيع عليكم بدل بطاله يايلكم بلاش من الحكومة

لان الشهور اللي راحت عليج ترا ما يعطونج اياها

ينزلولكم من بعد تسجيلكم ب40 يوم واحيانا شهرين تعالي شوفي برودهم

فانتوا سجلوا منتو خسرانين

 

[lebanon night]

بينزل البدل من الكورس الاول أنا البنات اللي معي بالكلاس نزلهم من الفصل الاول
بالعافية صبايا عقبال رواتبكم يا رب

 

[انجبر قلبي]

قصدج عن بدل بطاله والا المكافاه مالت الخريجين




متا نزل لهم مكافاه الخريجين ما نزل لنا شي

 

[انجبر قلبي]

تم الشرح بشكل تفصيلي عن "بدل البحث عن عمل" في التغريدات وهو أمر منفصل تماما عن المكافأة الاجتماعية للخريجين فكلاهما حق مكفول لكم كلا على حدى -- خريجين جامعة الكويت (@5rejen_ku)

 

[حنانو 89]

انجبر قلبي شلونج ان شاء الله تمام:eh_s(8):....انجبر قلبي انا بقدم علي البدل أخذ معاي صورة من الشهادة والبطالة المدنية وتحويل راتب من البنك ووين أروح ما اعرف وين مكانهم وأنا تخرجت 6/20 فاقدم ها لأسبوع ولا لا ؟؟؟.....:eh_s(10)::eh_s(10):

 

[انجبر قلبي]

هلا حبيبتي انتي شلونج



اهو التقديم عقب ست شهور يعني 20 هالشهر يصيرلج ست شهور بس اتوقع تقدرين تقدمين الحين ما عندج احد يسالج ؟؟؟؟ حسافه انا كان اليوم موعدي ما دريت جان سالت لج


تروحين مبنا الهيكله بالضجيج اول ما تدشين اكو بويهج رسبشن اهني تقوليلهم انا بقدم بدل بطاله ... اكو وحده منهم قاعده بالرسبشن اهي اللي تسجل طلبات البدل راح تعطيج ورقه و تروحين غرفه يمهم غرفة ادارة التوظيف و تقصين موعد و بس اهي راح تاخذ منج ورقتج و بياناتج و تعطيج موعد للمراج


سهالات وماعندهم زحمة بسرعه يمشي الدور



روحي اربعا او خميس

او الاثنين الياي

 

[حنانو 89]

حبيبتي انجبر قلبي مشكوووورة ماقصرتي حبيبتي انتي....انا أحسن أدق عليهم باجر واعرف بالضبط متي اقدر اقدم عليها عشان مااروح ويردوني اهم رقمهم ١٠٣ صح ؟؟؟

 

[ϲհҽɾɾվ87]

@5rejen_ku: أعزائي الخريجين والخريجات للفترة تسعه وثلاثون خريجين شهر يونيو
فترة تسجليكم في بدل البحث عن عمل تبدأ في يناير وسيعلن عنها في الجريدة الرسميه

 

[مناره الجون]

^^

شالمقصود ؟!
أنا من هالفترة :|

 

[حنانو 89]

@5rejen_ku: أعزائي الخريجين والخريجات للفترة تسعه وثلاثون خريجين شهر يونيو
فترة تسجليكم في بدل البحث عن عمل تبدأ في يناير وسيعلن عنها في الجريدة الرسميه

ϲհҽɾɾվ87 يعني شنو مارح أسجل بدل هالشهر شكو ليش انا كملت 6اشهر ليش بياجلونه شهر 1 اوووووووف ما ادري إلاقيها من الإعانة ولا من البدل اووووف

 

[انجبر قلبي]

شكو شهر يناير !! غلطانين


عادي البدل يتسجل اي وقت ماله شغل

انا رايحه مسجله من كيفي كملت ست اشهر و رحت سجلت لا اعلان ولا شي من متا اصلا ينزلون فترة تسجيل بالبدل



روحي عادي سجلي

 

[M!ss-Sosa]

شكو شهر يناير !! غلطانين


عادي البدل يتسجل اي وقت ماله شغل

انا رايحه مسجله من كيفي كملت ست اشهر و رحت سجلت لا اعلان ولا شي من متا اصلا ينزلون فترة تسجيل بالبدل



روحي عادي سجلي

لا حبيبتي راح تقول لها نطري الاعلان بالجريده وبس يحطونه بالجريده بعدها بأسبوع تروح تسجل
انا صارت فيني شهر 8 كملت 6 اشهر جان تقول نطري الاعلان بالجريده والاعلان حطوه شهر 9

 

[انجبر قلبي]

والله مادري استغربت عن الاعلان لاني رايحه بدون ما اجيك علا اعلان او شي

 

[مناره الجون]

حتى بالحق سالفة ذل :/
كانها سالفه طراره
المفروض تنزل تلقائي يكون فيه تعاون بين الجامعه او التطبيقي والهيكله بس وين العقل اللي يفكر ويسوي

 

[ϲհҽɾɾվ87]

يالله هانت حنانو مابقى شي على شهر ١

 

[M!ss-Sosa]

والله مادري استغربت عن الاعلان لاني رايحه بدون ما اجيك علا اعلان او شي

حبيبتي انتي اي دفعه ،، و أي شهر قدمتي ؟؟

 

[انجبر قلبي]

مناره قام نتكلم عن بدل بطاله من الهيكله



مالها علاقه الجامعه و التطبيقي


عاد البدل نزل اليوم


يالله كل تاخيرة فيها خيرة الله يعين