هل تنزل الاعانه لخريجات الكورس الاول ؟

[انجبر قلبي]

الله يجازي كلمن وقف مع الخريجين و حاولوا ياخذون حقنا من بعد الله

 

[مس روبنز]

ما شاء الله عليكن

انتوا للحين ناطرين ومتأملين

أنا غسلت ايدي بماي وكلوركس وديتول من هالسالفة

 

[حنانو 89]

بنات ما تدرون شصار اليوم علي الاجتماع ....صار شي ولا لا ...دخلت عند الخريجين وناصر المري ماحصلت اي شي شصاااار ابي اعرف :rgewrg:

 

[انجبر قلبي]

اكيد متأملين بالله خير و الحق مايضيع عند الله طول ما الخاصه تمشيلهم و احنا لا
يا يردون فلوسم للحكومة يا احنا ناخذ فلوسنا
لازم واحد من هالشيين يصير و الحل الثاني لازم يصير لان القانون صادر


المهم حنون يقولون الهيكله باجر اييلهم تصريح و اذا ياهم تصريح راح ياخذون من اسبوعين لي شهر علما تنزل
والله كريم

 

[حنانو 89]

حبيبتي انجبر قلبي مشكوووره وان شاء الله تنزل بسرعه اهم شي يكون في امل عندنااا

 

[Talyan Rose]

طلع خبر من مجلس الوزرا انهم اعتمدو الميزانيه لصرف الاعانه وباثر رجعي
وباجر الشباب قالو راح يتاكدون من الخبر
انشالله يكون خبر صحيح وتنزل الاعانه يااااااارب

 

[انجبر قلبي]

مبروك بنات شكلها هالمره صج بتنزل والله ماراح يخيب حسن ظنا و صبرنا

 

[Talyan Rose]

الهي امين

 

[شفايف كرزيه]

الله يبشركم بالخيرررر

 

[حنانو 89]

ان شاء الله ياااارب تنزل ياااارب
بنات بسالكم ما تدرون كم الخريج يأخذ سواء كورس اول او ثاني او او ...... لان اكيييد المبالغ بتختلف صح ..... وشلون علي بدل البطالة بتوقف صح....

 

[حنانو 89]

بنات انا توني اقرأ الخبر مافهمت الجملة الاخيره من الخبر يعني شنو ماراااح يعطونا فلوسنا مره وحده بيقسطونها شهريا ولا شنو؟؟؟؟؟؟
أقروا آخر جمله وفسرولي إياها بلييييز....



أكد دفاع الطلبة خريجي جامعة الكويت والهيئة العامة للتعليم التطبيقي والتدريب, المحامي علي العلي, أنه تم انهاء مشكلة الاعانه الموقوفه بعد استجابة مجلس الوزراء لمطالبنا واعتماد صرف مكافأه الخريجين بأثر رجعي"، مضيفا أنه تم التنسيق لتنفيذ القرار مع الجهاز التنفيذي لدعم العماله بسرعة صرف المكافأه .

وأضاف : في وقت سابق طالبنا الحكومه وتم الاعلان عن اعتصام ولن اترك اخواني الطلبه الذين اقسمت امامهم بتبني موضوعهم وصرف المكافأه.

وذكر العلي ان صرف اعانة الطلبة الخريجين الذين اعطاهم القانون الحق بأخذ الاعانة حتى التوظيف ، ويجب على الحكومة توظيف الطاقات الشبابية والإستفادة منها في خطط التنمية .

وكانت الحكومة في اجتماعها أمس , استجابت لمطالبات بصرف ال 200 دينار الشهرية لخريجي جامعة الكويت وهيئة التعليم التطبيقي والتدريب الذين لم يتوظفوا حتى الآن , تنفيذا لقانون صادر في هذا الشأن .

وقررت الحكومة مباشرة صرف المبالغ باثر رجعي من تاريخ استحقاق القانون , بعدما تأخر عن موعده , حيث أعلن الوزير محمد العبدالله في وقت سابق ان" المبالغ ستكون في حسابات مستحقيها في ابريل, لكن لم الحكومة لم تف بوعدها, بسبب اجراءات ادارية بحتة.

واقرت الحكومة مباشرة الصرف خلال الشهر الجاري , حيث تحال المبالغ على البنوك بأثر رجعي , على ان تصرف في الاشهر المقبلة , كل نهاية شهر .

 

[7laawi]

هلا حنانو

لا ياعمري يقصدون انها راح تنزل نهاية كل شهر

مثل المعاشات نهاية كل شهر

والله يعطيهم العافية ماقصرو شباب الحملة

 

[أم خلودي2009]

بناات
توني سالت خدمه المواطن انا خريجه ٢٠١١ قالولي مايشملج القرار هذا كلام خدمه المواطن اللي بالهيكله
جذي راح يكون فيها ظلم يعطون ناس ويخلون ناس

 

[A9A9-Q8]

بناات
توني سالت خدمه المواطن انا خريجه ٢٠١١ قالولي مايشملج القرار هذا كلام خدمه المواطن اللي بالهيكله
جذي راح يكون فيها ظلم يعطون ناس ويخلون ناس

اختي القرار نزل شهر يناير 2012
وين الظلم ؟

 

[A9A9-Q8]

كل الشكر للشباب

والنواب ناصر المري لانه هو وجهه سؤال برلماني ..

وكلم رئيس ديوان الخدمه و الهيكله ..

وكل الشكر لهاني شمس لان صرح اكثر من مرة والكندري وجميع النواب ...

 

[أم خلودي2009]

انا توني سالت قالي اللي ياخذون خريجين ٢٠١٣ ومابعدها واللي قبل ٢٠١٢ ماياخذون يصير ظلم

 

[أم خلودي2009]

اقصد ٢٠١٢ وما بعدها انا خريجه ٢٠١١ يعني ما اخذ

 

[A9A9-Q8]

اختي القرار يطبق بعد صدروه ..

وكان مع زياده الاعانه واصلا فقرة الي تنصرف لحين الحصول على الوظيفه

المجلس ما اقرها ولا الحكومه
بس سمو الامير قبل لايوقع اضاف الفقره ..

ووقع ..

عشان جذي الحكومه موعاجبها والمجلس السابق ماطالب فيه لان مايدرون عن هالفقره ..

والقانون يطبق بعد النشر ..
مافي شي اسمه تطبيق قانون باثر رجعي ..
جذي بيقولون 2010 احنا نبي و 2009 نفس الشي ..

الله يرزقج باللي احسن منها ..

 

[أم خلودي2009]

اصلن فيها ظلم اذا عطو ٢٠١٢ وما بعدها مايصير

 

[انجبر قلبي]

ام خلودي الله يعوضج و يرزقج وظيفه سنعه قولي امين

ام خلودي القرار نزل يناير 2012

يعني يتطبق القرار علا كل خريج تخرج بعد هالتاريخ يعني بعد صدور القرار

اذا بيعطون اللي قبل معناته بيعطون حتا اللي تخرجوا 1992 ^_^ واللي تخرجوا ألفين واحطبه

اذا فاقده الامل بالوظيفه عيدي رابعه و دشي كليه تطبيقي وراح تمشيلج طول فترة دراستج ومابعد التخرج