هل شفتي طليقج بعد الطلاق ؟؟؟؟ او صار موقف بينكم ؟؟؟ اسدحوووه هنا

[ديانا سبنسر]

الله يعوضكم خيييييييييييييييييييييييييير

 

[candeya]

بدورة حاسه فيج او ودي انصير رفيجات انواسي بعض لانه انتي نفس شهوري بالضبط انا جدام اهلي اسوي روحي قويه بس وايد تضررت حتى دوامي استقلت منا والسبه انه كسرني من داخل هالشي ابيج اتصيرين رفيجتي وانفضفض حق بعض انا بيصيرلي سنه او نص او كل اللي اييوني مطلقين بدون اعيال والا متزوجين والا اكبار حسبي الله ونعم الوكيل

 

[ياسمين وجوري]

ااااااااااااااااااه أنا توني قبل ساعه شفته بالمستوصف كنت رائحه أنا وبنتي جان تقول بنتي عمرها ١٠ سنين يمه أبوي أبوي واحنا كنا قاعدين عالكراسي ننطر الدور والكراسي فاضيه اصلاً قلت لها لا تطالعين خلي وجهج جدام جنا ما شفناه بعدين حسيت فيه واقف على يساري ويطالع سويت روحي مو منتبهه جان يمشي شوي شوش ويقعد ورانا وانا اقول حق بنتي سوي روحج ساهيه وما شفتيه وعقب دقيقتين ما قدرت جان اقوم واروح للكراسي الثانيه صوب الرياييل وكان مكانهم فاضي على اساس اني استحيت من الريال اللي قعد ورانا يوم جا دورنا مشينا صوبه عشان غرفة الدكتور واهو خز وبنتي ماسكه روحها من الضحك تعمدت أطول عند الدكتور عشان نطلع وما نشوفه يوم طلعنا الا قاعد بالوجه ومرتز عطيناه طاف ورحنا للصيدليه بسرعه وردينا البيت ما وصلت البيت الا دازلي رساله (( الله أقوى يا نصيبي وانا وش بيدي )) طبعا ألقصيده كامله دازها """""""""""أنا مطلقه قبل عشرين يوم وهذي الطلقه الثانيه مع العلم ان الطلاق الاول والثاني تم لاسباب غير معروفه اذكر الطلاق الاول قبل ثمان سنين قربت آجن وردينا واستمرينا سبع سنوات وتم الطلاق الثاني لكن سبحان الله الطلاق الثاني جني شاربه قلاص ماي صارت عندي مناعه من كثر صدماتي فيه لدرجة انهم قعدوني الساعه ٨ الصبح يقولون فيه مندوب محكمه جايب ورقه تبليغ طلاق وقعت عليها ورديت كملت نومي حتى اهلي انصدموا مني وعااااااااااااااادي شنو يعني بنذبح عمارنا علشانهم لابوهم لابو من عاش معاهم ((نحتاج ان نعيش معهم ولكن ما احلى الحياه بدونهم )) *

 

[Sugar cube]

الله يعوضكم خير ان شاء الله

ما تدرون وين الخيره



حبيبتي بدوره و candeya ماكو شي يسوا ، اللي باعكم برخيص بيعوه بتراب و لاتحسفون عليهم
و ان شاء الله الله بيعوضكم بازواج صالحين و مصلحين و فيهم الخير لكم
اعزب ان شاء الله و الناس تدور بنت الحلال

و حتى لو كان مطلق ، يمكن يكون فيه الخير لكم و يكون احسن من مليون اعزب



الله يعوضج خير يا رب

 

[ياسمين وجوري]

يمكن استخفيت هههههههههههههه مساكين احنا يالحريم لكن احب اقولج ان هذي مو ردة فعل غريبه عشان طول السبع سنوات اللي عشتهم معاه عقب الطلاق الاول وانا مسيطره علي فكرة الخوف من وقوع الطلاق الثاني وما تتصورين شكثر عانيت وضحيت وصبرت وتألمت وانهنت بسسسسسسسسسسسسسسسس عشششششششششششششششششششان ما يحصل طلاق ثاني نسيت نفسي نسيت الناس نسيت اهلي نسيت كل شي عشان سي سيد المعقد ما يطلق للمره الثانيه مو عشان سبب تافه لا عشان ولا شي وشنو عذره أنا موطبيعي أنا مبتلي وعشان اهو موطبيعي ومبتلي أذبح نفسي أعيش برعب طول حياتي خوفا من الطلاق لا والله الطلاق لا هو عيب ولا حرام حتى حريم الرسول تطلقوا لكن سبحان الله ترى المره حياتها مراحل وحده من هالمراحل اذا وصلتوا لها ما عاد يهمها الزوج مثل اول حياتها الزوجيه خاصةً اذا كان ظالم وغثيث *

 

[رواضي قطر]

اناا شفته بمجمع فلاجيو عندناا كنا طالعين انا واختي من السينمااا واول مااشفته جااني شي مابي اشووفه وانخشيت ورا اختي وهو يطالعني

 

[لورا 22]

الله يرزقكم باللي احس منه يارب
الطلاااااق مو شي سهل خصوصاً اذا في جهال

 

[ياسمين وجوري]

اختي ربي رضاك والجنه لا تفكرين بالموضوع وايد ادري غصباً عنج بس اذا الله مقدر هالشي غصبن علينا لازم نستسلم ولا تفكرين وتقولين شمعنى أنا قولي قدر الله وما شاء فعل واللهم اني فوضت امري بفلان لك وبس قطي حملج على رب العالمين وقولي الحمدلله حالج احسن من ناس وايدين واحنا ما راح نعيش احلا من الايام اللي عشناها اول زواجنا اللي راح ما يرجع خل نفكر بانفسنا وبعيالنا وانا وحده من الناس جربت ولله الحمد كل مشاكل الحريم من تأخر في الزواج ويوم تم الزواج جربت العقم لمدة خمس سنوات ويوم تم الحمل ما يمديني افرح فيه تم الطلاق الاول وجربت بعد انه تزوج مره ثانيه عقب ما طلقني وحره على حره عقب ما ولدت وكبرت بنتي شوي رجعني على ذمته والمره اللي خذاها طلقها عقب شهرين واستمريت معاه سبع سنوات وفجأه تم الطلاق الثاني وهلم جرى مسلسل من العذابات معاه اللي أنا اسميهم ابتلاءات من الله عز وجل والحمدلله الحياة ماشيه ما توقف عند احد بس سبحان الله الله اذا شاف الانسان صابر ويحمده ينزل عليه اللطف مع كل ابتلاء بس بذمتج انت ما تحسين ان السالفه صارت سامجه عقب كل هالطلاقات *

 

[aldanaha]

يارب يعوضكم خير ويصبر اقلبوكم يارب
اختي مطلقه ورب الكعبه قلبي متقطع عليها
الله لايحط وحده بهالموقف وياارب رياييلكم يحبونكم ويحطونكم بعيونهم يارب دعاء في ظهر الغيب

 

[احساس السعوديه]

الله يعوووضكم باللي احسن منهم
والله يسعدكم يارب

 

[~ بنت الهدى ~]

خالي خاطب وحده يمووووووت فيها بس اهلها خربوا السالفه و انفصلوا عن بعض للأسف ولله خوش بنت و اهيا بنت اهلنا ..

احنا عايلتنا كل سنة تسوي رحلة عائليه كبيييره كل العاايله نشوف بعض ب هاليوم ...

و خالي كان موجود و خطيبته القديمه موجوده و بالصدفه اهيا بتتمشى برا و اهوا كان طالع و شافوا بعض تلاقووا ولله عوروا قلبييي

بس اهوا الحين خطب و يموت في خطيبته .. و خطيبته السابقه ان شاء الله يجيها نصيبها ولله خوش بنت ودي اخطبها لأخوي

 

[super bo0ory]

يسلموااااا

 

[فديت سالم]

يااااااارب يسر امووركم ويغسل قلبوووبكم ويريح قلوبكم
ويوفقكم ويستر عليكم ويكتب لكم مستقبل احلا من المااضي
اللي رااح وولى والله بچيتوووني وانا دااشه اشووف مشااكل
البناات عشاان الهى عن مشااكلي بس ضيقتي صارت ضيقتين
من مشااكلكم قعدت ابجي ورااسي عورني
يااااااااااااااااااااااااااااااااااااااااااااااااااارب يعوضكم خير

 

[الجو رايق ~]

الله يعوضكم يابنات بازواج يسعدونكم وتسعدونهم ..
​

 

[بدوره87]

حياتي سكنتيني و كنديه و كنديه حبي لي الشرف اكون صديقتج حبي.
للاسف احنا من البنات الي نشتري الريال و بيتنا بنات ناس نبي نعيش و احنا الحمد الله اهلنا مو مقصرين فينا و مو حرام لي كونا اسره بس الحرام لمه يكون في ناس تخرب و ناس عقولها صغيره و حرام لمه يكون الولد يبي يلعب ولا يجرب ولا يكتشف انه مو قد المسؤليه و حتى ما عنده الي ينصحهه و الي يوجهه لا عنده الي يشيشه و للاسف صاير تفكير الشباب الزواج مو زين و حكره وصارت موضه واحد يشيش الثاني جنه ما عندهم بنات
بس شنقول غير انهم خربو حياتنا بمتياز اهنيهم و اهني اهلهم و الي خربو عليهم الحين شنو بيستفيدون حسبي الله و نعم الوكيل

 

[&هند&]

بنات ادعو ربكم ان الله يعوضكم انا تمرمت بزواجي وانا كنت جاهل عمري 18 صرت له خدامه واخاف منه ولما قال بوديج لبيت اهلج قعدت ابجي مع العلم والله ماسويت شي وكنت خايفه من كلمت مطلقه وعمري 18 تخيلو ولله الحمد صرت مطلقه وارتحت معاش يمشي لي من الشؤون ومدلعه والحمدلله والحين انا متزوجه والله عوضني كنت افرش سجادتي وادعي ربي مثل ما انا مظلومه يعوضني .​

 

[00فطوم00]

مواقفكم تعور لقلب
الله يسهلها عليكم ويعوضكم خير ان شاءلله

 

[اميره1980]

الله يعوضكم يا بنات بالريال الله يملي حياتكم سعادة و هنا
و مو كل الرياييل نفس الشي و الزواج شر لا بد منه

 

[المبدعة]

يمكن استخفيت هههههههههههههه مساكين احنا يالحريم لكن احب اقولج ان هذي مو ردة فعل غريبه عشان طول السبع سنوات اللي عشتهم معاه عقب الطلاق الاول وانا مسيطره علي فكرة الخوف من وقوع الطلاق الثاني وما تتصورين شكثر عانيت وضحيت وصبرت وتألمت وانهنت بسسسسسسسسسسسسسسسس عشششششششششششششششششششان ما يحصل طلاق ثاني نسيت نفسي نسيت الناس نسيت اهلي نسيت كل شي عشان سي سيد المعقد ما يطلق للمره الثانيه مو عشان سبب تافه لا عشان ولا شي وشنو عذره أنا موطبيعي أنا مبتلي وعشان اهو موطبيعي ومبتلي أذبح نفسي أعيش برعب طول حياتي خوفا من الطلاق لا والله الطلاق لا هو عيب ولا حرام حتى حريم الرسول تطلقوا لكن سبحان الله ترى المره حياتها مراحل وحده من هالمراحل اذا وصلتوا لها ما عاد يهمها الزوج مثل اول حياتها الزوجيه خاصةً اذا كان ظالم وغثيث *

100 % صح

 

[حورني 2010]

الله يعوضكم خير