هل شفتي طليقج بعد الطلاق ؟؟؟؟ او صار موقف بينكم ؟؟؟ اسدحوووه هنا

[كتكوته بطبعي]

فوفو
تكفين ليش ماتردين له

 

[كتكوته بطبعي]

عورتوا قلبي
الله يعوضكم خييييييييييييييييييييييييييييير يارب ياكريم
واللي تطلقت وهي مظلومه ان شاالله ترد لطليقها اذاهم يحبون بعض
والله مدري شكتب قمت اخربط ههه

 

[احلى ذكرى]

الله يعوووووووووووضكم خير يارب ويزقكم بالازاج الصالحين

 

[قوس فرح]

الله يعوضكم بأخير منهم انه على كل شيء قدير

 

[كوكب العرب]

السلام عليكم ورحمة الله وبركاته
واسعد الله مساكم بالمسرات والافراح
حبيت اشاركم في الراي شوي
اولا الله كريم وكل شي قسمه ونصيب
ولاحد يندم على الي فات ابد لانه مو مكتوب واغلب قصصكم والله تعور القلب وانا تاثرت جدا وذكرتوني بصديقه عزيزه تطلقت بعد مراره وهم وغم وراواها نجوم القايله ونصحتها بالاستغفار وسورة البقره وقعدت اواسيها واشيل معها بعض الهموم وعلى سالفة راعي المثل الي يبيعك برخص بيعه ببلاش معليش بعض قصص الطلاق تكون نتيجة سحر او عين وهاذي حق ولاعتراض عليها ويكون الزوجين مو في وعيهم او اختيارهم اما الي يمرمط بنات الناس او انه جاهل او اهبل او راعي سوالف وخرابيط و مخدرات وبلاوي اجارنا الله منها هذا ماعليه حسوفه والله لايرده
اما عن سالفة صديقتي الله ارسلها رجل بمعنى الكلمه وشالها من الارض شيل ربك الرازق تصدقون دفع مهر زود مثل مهر البكر وازود وعمل فرح ولا في الخيال ومعيشه عيشت امراء وعلى قولة ربعنا يادهينه لا تسحين الله يوفقها ويوفقكم ويوفقني لما يحب ويرضى المهم انسو وبقوه وعيشو زمانكم الي فات فات وعليكم بالاستغفار وسورة البقره والاتعاظ واخذ العبره من الي فات وربكم الرازق عليه التوكل وحسب

 

[سفييره الكويت]

بصراحه قصص تعور القلب الله يعينكم

 

[••غـلآًهْـم••]

الله يعووووضكم يارب

ويعوووض امي حبيبتي

 

[سمر شمر]

لا والله حبيبتي صاحبة الموضوع
لا مظلومات ولا قالها الله

وايد بنات يتدلعون مابي ومابي شنو مظلومات الله يخليكم على شنو مظلومه ... اذا المره ماتتفرغ حق ريلها ... ماتقوله كلام حلو
بالله ليش تطلقت ؟
الريال مايروح المحكمة مني والطريج ويطلقج الا وعنده شي

فكيناا بس :bbbiu:

 

[سمر شمر]

لا بنات صج صج قتلتوووني قصصكم تحزن

الله يعوووضكم باللي احسن ان شالله ولايحوجكم لايشمت عليكم احد

بعد قلبي انتووو

 

[al3neda]

الله يعوضكم خيرا يارب ويرزقكم باللي يستاهلونكم ويسعدونكم


عورتوا قلبي قسم بالله

 

[أحلى من الخيال]

مع احترامي لصاحبة الموضوع
أحسه موضوع ماله داعي
يخلي الوحدة اتذكر و اتضايق و اتركز على شوفة وجه الودر
وييييييييييييييييييييييييع
إن شاء الله و لا وحدة تشوف طليقها
عشان تنسى تجربتها و تلهى
لأن كل ما تشوفه بتذكر غلطة عمرها
حبايبي العوض في مقبلات الليالي
كل أموركم طيبة و أنسو و عيشو و لا تفكرون​

 

[أحلى من الخيال]

الحلوات اللي يعلقون على المطلقات إنه العيب فيها
مثل مملوحة
أقول العياب عند الباب و إذا الي بأخلاقج هذي متزوجة
ما يقدرون البنات يخربون أخلاقهم عشان يقعدون عند الزوج نفسج
بأخلاقج هذي و الشماته اللي فيج
ما تدرين يمكن تشربين من نفس الكاس اللي شربوه
و على فكرة فيه بنات هم العايفين ما انعافو
خواتي المنطلقات لكم مني أحلى دعوة و أجمل تحية

​

 

[كوكب العرب]

السلام عليكم ورحمة الله وبركاته
واسعد الله اوقاتكم بالمسرات وابدل احزانكم افراحا
عليكم بالاستغفار وسورة البقره وصلاة اخر الليل
والله هو الوهاب والكريم وانسو وعيشو حياتكم
والي باع بيعوه
احلى التمسي لختك الغذر
اخت مملوحه ماهكذا تورد الابل

 

[كريستال]

الله يعوضكم

 

[كوكب العرب]

:eh_s(17):بسم الله الرحمن الرحيم
اسعدالله اوقاتكم بالمسرات وابدل احزانكم افراح
قصيده هديه لكم جميعا

يالله طلبتك ياإله الكون يالرب الكريم
ياعالم اسرار الخلايق يامدير ارزاقها

ترأف بحال مطلقه تستاحش الليل العتيم
النوم حارب عينها والدمع بل احداقها

إفراشها هموم الزمن ولحافها الجرح الأليم
وفي كل يوم وكل ليل احزانها تستاقها

حتى توالف حزنها معها وصار اغلى نديم
والحزن يحزن كل ماطرّو عليه إعتاقها

حتى الذي منزوعه الرحمه بامر الرحيم
يرأف لها من احوالها بجلالها ودقاقها

كله من اسباب الجهل والطيش وإبليس الرجيم
تسلطنت في زوجها االين فك اوثاقها

صرخ عليها بالثلاث وصارت الدنيا جحيم
من صرخته رعد المخيله يستبق براقها

وعقب السعاده والهنا والعز والأمن المقيم
وعقب انشراح الصدر والبسمه وطيب اخلاقها

سيطر عليها الهم وجروحه تزيد الضيم ضيم
صارت كما شجره هبوب الريح هت اوراقها

والمجتمع ينظر لها نظرة سخط والله عليم
بان المره نصفه ولاحدِ يستطيع افراقها
الزوج لابدّه يكون فبعض وقفاته حليم
لابد يداري زوجته حتى يخيط افتاقها

ماينكر حقوق المره غير الخبل وابن اللئيم
والا الرجال اهل المروّه صافيات اعماقها

ولو كل رجال رزين ويمتلك عقلٍ فهيم
كان المحاكم صدرت لنا قرار أغلاقها

وهذي حروفي من بعد ماجزعني الفعل السقيم
لابارك الله بلحيّتٍ نوماسها حلاقها

ويالله طلبتك ياإله الكون يالرب الكريم
ترأف بحال مطلقه احزانها تستاقها

 

[دلوعه ززوجي]

الله يعوضكم كسرتوا خاطري

 

[بنات حواء2]

ماشفته و لا ابي اشوفه
و اتوقع لو شافني هو و لا اهله راح ينزلون راسهم الارض من سواد ويهم

 

[بنات حواء2]

اختي مملوحه الحكم على خلق الله بهطريقه خطأ لان حكمد في نوع من التعميم انتي منتي بموضع قاضي تحكمين
سمحيلي برد على كلامج لاكن الرد بيكون بنهاية وجهة نظر ورد اعتبار لبعض المطلقات الي عممتي عليهم الرد
انتي قلتي الريال مايروح المحكمه و يطلق الا وعنده شي هذي كلمة حق قلتيها
فعلن الريال مايروح المحكمه و يطلق الا و عنده شي لاكن موشرط هشي يكون عيب ببنت الاوادم
يمكن يكون هشي فيه هو
يمكن يكون لعوبي
او موقد المسؤوليه
او عشق حيات الخيانه
او مريض نفسي
او
او
او
تعددت الاسباب و مافي سبيل لحصرها
و اذا تبين ازيدج من الشعر بيت في رياييل طلقو لانه امهاتهم ييبون حقهم بنات شرايج؟؟؟؟ بعد شيبي بمرته اذا امه تنوعله كل يوم شكل
حبيبتي شكلج صغيره و ماعرفتي الدنيا عدل و لا عرفتي مكر و خباثة الناس
عمومن الدنيا تجارب و خبرات و حلو ان نتعلم منها
و يعطيكم العافيه

 

[الله ياكثرعذالي]

عوووووورتوووو قلبي والله الله عوضكم خيررررر ياربببببب يستر عليكم ويوفقكم وحياتكم تصير منحاللل الا حااال راضين عنه ويعطيكم مننن حلووو الحياه

 

[انامل ناعمه]

الله يعوضكم​

يارب اجلا غيراجل