هل كارثة الجهراء ستكون عبره وعظه؟

[ice_cream]

هل كارثة الجهراء ستكون عبره ه وعظه لكل زوج واهل زوج يتفنون في تعذيب الزوجه

وكأنهم شروها بفلوسهم

هل سيكون عبره لكل رجل يتصور ان الزوجه مثل الحذاء الي يشتريه يلبسه متى مابغى ويقطه متى مابغا

ويدفنها تحت العبايه ويسوي الي يبيه بس مجرد انه اسمه رجل

صحيح انه في ضحايا راحو في هذه الكارثه ومالهم ذنب ربي يغفر لهم ومثواهم الجنه

ولكن الضحيه الاكبر كانت نصره نفسها ضحية حب زوج واهل زوجج تفننو في تعذيبها ضحية ظروف مرت فيها افقدتها

التوازن والتمييز بين الصح والغلط

زوج مدمن مخدرات عاطل عن العمل

لا يقدر معنى الزوجيه ولا الابوه

وخوات زوج يتلذذون في خراب بيت مرة اخوهم

ترى وايد بنات وحريم عايشين هذي العيشه بالكويت بس ساكتين وصابرين وماباليد حيله

يمكن لعله وعسى هذه الكارثه تصحي وايد رياييل وتخليهم يفكرون الف مره ومره قبل لا يأذون بنات الناس


اتمنى اسمع رايكم

 

[ShahoDah85]

والله صاجه الضحيه اهي نصره الله لايوفق اللي وصلها لي هل مواصيل والله يعين عيالها
وعسى الله يرحم الضحايا ويشفي المصابين آمين

 

[جوري وبنفسج]

السلام عليكم

العنوان جميل لكن المضمون .... لي وقفة عنده

أختي الغالية المفروض يكون الموضوع

هل أعتبرنا من الحادثة وعرفنا أن الموت يأتي فجأة
هل أعتبرنا من الموضوع بأن الغضب والشيطان طريق للهلاك
هل أعتبرنا من الموضوع بأن محد يستاهل أني أخسر دنيتي وآخرتي علشانه

وعلى أي أساس أنتي حكمتي أن الزوجة مظلومة وأن أهله هم المجرمون >> على كلام الجرايد >> حتى الجرايد ذكرت أن خالتها أخت أمها سبب المشاكل ولنفرض أنه مثل ما يقولون الجرايد أنه كان عاطل عن العمل ويعاملها معاملة سيئة طيب وهل من يقوم بهذي التصرفات أحرق الناس علشانه !!!!!

عموماً أن كانت هي أو هو فما ألقى عذر لها أن تسوي اللي سوته ألا من قلة الإيمان والسخط على قضاء الله

يما أزواج تزوجوا على زوجاتهم وفي بعضهم تزوج خادمته

وياما أزواج كانوا يخونون زوجاتهم وجدام عين الزوجة وبفلوسها بعد

وفي وحدة بعد صج تكسر الخاطر زوجها قطها بالملحق اللي هو جبرة هي وعيالها وجاب زوجته تسكن في البيت

لكنهم صبروا وأحتسبوا الأجر عند رب العالمين

أما أننا ندور مبرر لجريمة الزوجة فلا يوجد أي مبرر مهما كانت الدوافع .

!​

 

[m.a.m154]

شنو ضحيه قصدج مجررررررررررررررررررررررررررررررررررررررررررررررررررمه ووين العظه والعبره اشوف ما ضر زوجها ولا اهل زوجها شي وكلنا في حياتنا مشاكل ومحد مرتاح بحياته ومحد فكر تفكيرها الواطي والاجرامي الله لا يوفقها دنيا وآخره ويويلها من عذاب ربها هذي اقتلت النفس اللي حرم الله قتلها الا بالحق انا اذا شفت قطوه ميته بالشارع قلبي يعورني اشلون كل هالناس اللي ماتت واقتلتهم بابشع طريقه هاذي لازم يصنفونها ضمن اشهر سفاحين العالم اجراما

 

[ضحـاوي]

اذا في عظه فان العظه تكون لاصحاب القلوب الحقوده والقلوب الميته

يا ما زوجات تزوجو عليهم ازواجهم ,, ويا ما زوجات انظلمو ,, وياما زوجات تعذبو من اهل الزوج

لكن احترو ,, وتمت حرتهم بقلبهم واحتسبو الاجر عند الله ,, وتركو الامر لله ياخذ حقهم

والحره مو دافع انها تحرق ناس مالهم ذنب وكل ذنبهم انهم باركو ووجبو اهل المعاريس

 

[رماني زماني]

كلكم صاجين بكلامكم وعدل كلامكم الا صاحبة الموضوع والله موقصدي أفاول عليج بس لو وحده من أهلج كانت من هالميتين ماجان سميتيها ضحية إلا كلبه وحقيره وواجد عليها وسامحيني