هل لديكم طفل يعاني من التوحد- خلونا نتجمع

[Emanova]

اني حبيبتي اشلونج؟
الله يبارك فيج... ولدج باي صف راح يحطونه؟

 

[سنع ومنع]

ون

اخيرا دقوا علي مدرسه التربيه النموذجيه و قالوا لي تعالي اخذي كتاب القبول

فمن باجر الركضه ورى النقل و الله كريم....

حمودي صايره شهيته اسم الله عليه مفتوحه و صاير بطه....و امقفه عنه العشا مسكين يبجي يقول لي اابي فيكن ناجيتس... يضحكني على كلمه فيكن .. و يكسر خاطري و اسوي له عشا مع اني ما ابي اوكله

اليوم اذا الله قدرني نروح مركز سلطان علشان اغراض المجرسه علشان تكيسلت ذاك اليوم

:stars: مبرووووووووووووووك :stars:
ألـــــــف ألـــــــف ألــــــــف مبرووووووك
هذي الأخبار الحلوة ..
الله يوفقه .. ويسهل عليج يا رب

 

[Emanova]

سنوعه حبيبتي... مشكوره يا عمري

 

[ناصر العجمي]

السلام عليكم

اشكر القائمين على المنتدى بشكل عام وعلى هذا الموضوع بشكل خاص

انا عندي طفل عمره سنتين ومصاب بالتوحد وكانت امس اول رحله العلاج عند الدكتوره عبير

وللامانه كنت شاك فيه من زمان انه مصاب بس كنت اعتقد أنها نهايه الدنيا بالنسبه له

اذا اصاب بهالمرض ..

الا بعد ان اتضح لي شي واحب ازفه لكم لما كان له تاثي اجابي علي وكان دافع كبير لي لرفع معنويتي

كان هناك اطفل اذكره من زمان قبل سنتان تقريبا واذكر انه مصاب بالتوحد كثير البكاء ويضرب من حوله

ويصنف بانه حالته شديده


قابلته قبل كم يوم والمفاجاه اني رايت طفل سوي ماشاءلله عليه

سالت اهله قالو الفضل لله ثم للدكتوره عبير

ورحله العلاج بدات معاي من اليووم وللامانه استفدت استفاده كبيره من هالموضوع

اشكر القائمين عليه مره اخرى

 

[wathoo7a]

السلام عليكم,,,شلونكم بنات شخباركم أنا ولهااااااااااااااااااااااااااااااااااانه عليكم واايد ناني سيكرت أنا بعد ولهانه عليج موووت سنع ومنع شخبارج؟؟؟؟وريحانه شلوونجوإيمان ألف مبرووك قبول ولدج أنا بسألكم عن المنتجات الخليه من الكازين من وين أيبها ومنو جربت حليب الأرز اللي بمركز سلطان؟؟أنا خايفه أشتريه ما يحب طعمه وبعدين ماأدري إذا في حلويات مصنوعه من سكر الفاكهة في الكويت بليز وأبي صمون وتوست مافيهم حليب من وين؟ الله يعافيكم ضروري ضروري لأني حايسه حوس مأدري من وين أبدي وأبشركم إن وليدي حبيبي مافيه توحد الحمد والشكر لله كنت أحلل على كيفي من كثر ماقريت عن هالشي ولكن طلع ولدي عنده ضعف في إستقبال وإرسال اللغه مع نشااط مفرط اللهم لك الحمد والله يشفيه ويشفي عيالكم

 

[ناني سيكرتس]

اني حبيبتي اشلونج؟
الله يبارك فيج... ولدج باي صف راح يحطونه؟

و الله ليما الحين ما ادري , بس اول شي بحطونه بصف عشان تقييم السلوك عنده وبعدين بينقلونه صفه الاساسي..

 

[ناني سيكرتس]

السلام عليكم,,,شلونكم بنات شخباركم أنا ولهااااااااااااااااااااااااااااااااااانه عليكم واايد ناني سيكرت أنا بعد ولهانه عليج موووت سنع ومنع شخبارج؟؟؟؟وريحانه شلوونجوإيمان ألف مبرووك قبول ولدج أنا بسألكم عن المنتجات الخليه من الكازين من وين أيبها ومنو جربت حليب الأرز اللي بمركز سلطان؟؟أنا خايفه أشتريه ما يحب طعمه وبعدين ماأدري إذا في حلويات مصنوعه من سكر الفاكهة في الكويت بليز وأبي صمون وتوست مافيهم حليب من وين؟ الله يعافيكم ضروري ضروري لأني حايسه حوس مأدري من وين أبدي وأبشركم إن وليدي حبيبي مافيه توحد الحمد والشكر لله كنت أحلل على كيفي من كثر ماقريت عن هالشي ولكن طلع ولدي عنده ضعف في إستقبال وإرسال اللغه مع نشااط مفرط اللهم لك الحمد والله يشفيه ويشفي عيالكم

وضوح انا جربت حليب الارز حق يوسف والله حلوو كان يشربه عادي و واتصدقين انه افيد من حليب الصويا بعد,واذا عالتوست في بمركز سلكان اشكال وانواع, وبعدعندج مخبزامير الامراء الي بحولي فيه عجايب من خبز الصويا..

تعالي اشدراج انه ولدج ما فيه توحد..؟ رحتي حق دكتوره عبير..

 

[سنع ومنع]

ناني حبيبتي ترى خبز الصويا اللي بأمير الأمراء فيه نسبة قمح 30%
فماكو فايدة منه للأسف :0bee2e8d89:​

 

[سنع ومنع]

السلام عليكم,,,شلونكم بنات شخباركم أنا ولهااااااااااااااااااااااااااااااااااانه عليكم واايد ناني سيكرت أنا بعد ولهانه عليج موووت سنع ومنع شخبارج؟؟؟؟وريحانه شلوونجوإيمان ألف مبرووك قبول ولدج أنا بسألكم عن المنتجات الخليه من الكازين من وين أيبها ومنو جربت حليب الأرز اللي بمركز سلطان؟؟أنا خايفه أشتريه ما يحب طعمه وبعدين ماأدري إذا في حلويات مصنوعه من سكر الفاكهة في الكويت بليز وأبي صمون وتوست مافيهم حليب من وين؟ الله يعافيكم ضروري ضروري لأني حايسه حوس مأدري من وين أبدي وأبشركم إن وليدي حبيبي مافيه توحد الحمد والشكر لله كنت أحلل على كيفي من كثر ماقريت عن هالشي ولكن طلع ولدي عنده ضعف في إستقبال وإرسال اللغه مع نشااط مفرط اللهم لك الحمد والله يشفيه ويشفي عيالكم

وضوحة حبيبتي ألف مبروك ..
الحمد لله انه مو توحد ...:ggdw:
انزين اذا مو توحد ليش راح تمشين معاه على الدايت ؟؟؟
وما قلتي لنا رحتي حق منو وشخصه لج ؟؟؟

المنتجات الخالية من الكازين تلاقينهم بمركز سلطان طبعا مو ركن بروحهم .. راح تشوفين الجبن عند الأجبان والحليب عند منتجات الحليب جذي .. وفيه ركن خاص مع سوالف الريجيم هم فيه سوالف حلوة ..
بالنسبة لحليب الأرز ما فيه شي .. حلو .. وعندج حليب الصويا احلى ..
واليهال في الغالب يحبون المنكه .. بالكاكاو وبالفراوله والموز ...
وأغلب الحلويات انا قاعدة أطلبها من بره عن طريق مركز سلطان .. الصراحة اللي هني شي ما يبرد القلب بالمرة .. بعني فيه بس مو ذاك التشكيلة ... بس صج نهييييييييبه يعني آخر طلبيه ب 400 دينار :eh_s(16):
بنات توني رادة من البحرين .. والله انصدمت بالمنتجات اللي عندهم .. عندهم واااااااااااااااااااااايد سوالف حلوة .. البركة في أختي ايمانوفا اهيا اللي دلتني
وبالنسبة للصمون والتوست أحلى شي كان عند جمعيه الروضة بس للأسف الحين سكروا الجمعيه عليها تعديلات ومن سكروها وانا ضايعه حدي ..
تحصلين صمون ممتاز ممتاز ممتاز في مخبز الشامية .. صويا 100% ..
واذا بغيتي أي شي حبوبة انا بالخدمة
​

 

[wathoo7a]

صباح الخير والهيل والزعفران,,,شلونكم بنات إي وديته حق الدكتوره عبير وشخصت حالته وقالت المشكله عنده من الانتي بايوتكس اللي أخذهم فتره طويله بسبب مشاكل الأذن اللي عنده بلأضافه إنه
he is at risk to have ADHD وقالتلي إنه مشاكل الترجيع وإلتهابات إذنه المتكرره من الحليب لنه كان يرجعه وايد من خشمه يوم صغير ونفس الشي السيريلاك وجذي تأثر مركز الكلام بالدماغ بسبب الكازين والسكريات والحمدلله والشكر يابنات ويلله يشفي عيلنا وعيالكم,,,,ناني وسنوعه مشكورين وسنوعه أحب التفاصيل اللي تعطينها ليمن أحد يسألج لأني دقيقه وأحب التفاصيل فمشكوره وايد وناني سيكرت حليب العيش فيه نكهات ولانوع واحد؟؟ليمن اللحين ماشريت كل يوم يطلع لي شغل ومارحت وبسألكم أي مركز سلطان أفضل شرق ولا السالميه اللي أقدر أحصل الأغراض مره وحده؟أدري قاعده أتدلع بلأسئله تحملوني:tomato2:

 

[سنع ومنع]

حبيبتي وضوحة حياج الله بأي وقت ..
احنا من لنا غير بعض:friends:
والحمد لله حبيبتي شي أهون من شي .. عسى ربي يشافيهم كلهم يا رب ...
بالنسبة لحليب العيش في منه منكه بس للأسف ساعات وايد ما تحصلينه واذا حصلتيه تلاقين علب كبيرة بس .. لتر .. عاد هذا الواحد شيسوي فيه :eshrab:
ومركز سلطان شرق والسالمية تقريبا نفس الأغراض ماكو فرق ..
شوفي اذا رحتي شرق راح تلاقين عند ركن الرجيم حلاو علب صغار حيل داخل جيس كبير هذا وديته حق د.عبير شافته وقالت انه طبيعي 100% وما عليه مشكله .. اهوا على فواكه ووايد حلو .. هذا اللي اذكره ..

 

[wathoo7a]

يابعد قلبي سنوعه ما تقصرين والله

تصدقين رحت مركز سلطان وحسيت إني ضايعه وسألتهم عن المنتجات الخاليه من الكازين وكل واحد يطالع الثاني محد عارف شنو أنا أبي وداخو معاي سبع دوخات وأنا ما حصلت إلا حليب العيش بو لتر ونكهة عاديه الله يستر إن شاء الله يعجبه

وما لقيت أشياء ثانيه مثل الجبن والروب المنكهه وتصدقين إني خايفه من الحميه إحس غنه راح يضعف وايد يعني ما أدري شعطيه؟إهو أكله معتمد على الأجبان والروب ما أدري شبخبص كاسر خاطري يبي حليبه وجبن كيري ويصيح محتاره ما كو محل بالكويت غير مركز سلطان؟ وبالنسبه لموقع الألعاب يزاج الله خير اليوم حددت كل الطلبات وإن شاء الله مايطول على مايوصل

 

[Emanova]

السلام يا بنات ....ادا تبون منتجات دكتور شار اللي كان في الروضه ..احاول باجر ادبر رقم المندوب ..علشان تكلمونهم

 

[wathoo7a]

بناااات الحميه متعببببببببببببببه وقاعده أحاول معاه يشرب حليب العيش ماكو فايده لو ميت من اليوع ما يشرب والأجبان كل شوي فاتح الثلاجه يبي جبن كيري أنا شكلي ما راح أقطع عنه كل شي بس بخفف لأني لاني لاقيه منتجات تفتح النفس وكل شي ماصخ ومالق الله يعين اليهال أنا الكبيره شربت من حليب الصويا جان أتفله وأنتو بكرامه ماكو أشياء أونس حق يهال بعمرهم حلويات بسكر الفواكه مثلا أو اليوغرت المنكهه والله خوش مشروع اللي بيفتح لأن ماكو شي إهنيه إحنا وين والعالم وين,,,

 

[سنع ومنع]

وضوحة حبيبتي يا ريت تتصلين علي متى ما فضيتي الموضوع يبيله قعدة شوي ..
ولااااااااااااا تيأسين من أول شي ..
ناطرة مكالمتج

 

[Emanova]

يا امهات يا حلوين ... منتجات دكتور شار موجوده في جمعيه قرطبه يم السلم الكهربائي... قبل ساعه شايفتهم ..ستاند يم السلم الكهربائي

 

[wathoo7a]

سنوعه إن شاء الله بدق عليج واليوم كان يوم التحدي لأنه كل شوي يرجع الدوا وأرد أعطيه ويرد يصارخ وأرد أعطيه ويرد يرجع ليمن معدته فضت يالله بالغصب بعد جهد جهيد يالله بلع الجل اللي يقولي راعي المحل كل اليهال يحبونه والله معدته تعبتني حساااااااااسه بس يشم شي مو متعود عليه يرجع اللي في بطنه كله يالله ياكريم لك الحمد والشكر

 

[ناني سيكرتس]

وضوح عاد طالعي شكلج وانت تصارخين على فهودي وتبينه غصب ياكل,لو انا ولدج والله ما اكل كلش. يا حلوج والله عسل حدج, يبا اي شي تبينه من مركز سلطان انا حاضر وبالخدمه بس دقي علي وانا اروح معاج بنفسي عشان تشترين حق فهودي وتشترين حق يسوفي معاه, سيم سيم..

 

[ناني سيكرتس]

وضوح عاد طالعي شكلج وانت تصارخين على فهودي وتبينه غصب ياكل,لو انا ولدج والله ما اكل كلش. يا حلوج والله عسل حدج, يبا اي شي تبينه من مركز سلطان انا حاضر وبالخدمه بس دقي علي وانا اروح معاج بنفسي عشان تشترين حق فهودي وتشترين حق يسوفي معاه, سيم سيم..

 

[wathoo7a]

لوووووووووووول حبييييييبتييي نلني والله ماتقصرين ونخدمج بالأفراح