هل لديكم طفل يعاني من التوحد- خلونا نتجمع

[ناني سيكرتس]

كلمت بنت الكويت ....و قالت راح يفتحون قسم للاحتياجات الخاصه ....الصراحه الفكره عجيبه

صج..؟ الله يبشرج بالخير يا ايمان, هذا معناته ان صار فيه اهتمام اكثر للاحتياجات الخاصه..

الله يعطيهم الصحه والعافيه..

 

[ناني سيكرتس]

السلام عليكم
اخواتي عندي نفس مشكلتكم رحت للدكتورة عبير ومشيت علي نظام غذائي وادوية مكملة ونصحتني باخصائي تعديل سلوك اسمة احمد يشتغل بمدرسة ايمها التربية النموذجية بشرق يعطي جلسات حق الاطفال بعد العصر بس ماشا الله علية وايد زين بس ماعتقد راح تحصلين مكان عندة اللة يشافييهم ويعافيهم
اذا تبين اي معلومات انا حاضرة

حبيبتي اسمه احمد شنو..؟

 

[najlaa]

اختي انا ولدي عند أ - احمد من سنة تقريبا والصراحة ولدي اتغير وايد
الحين صار انتباهة افضل وصار يقعد وبعد بيسوي مهارات ماكنت اتخيل انة يسويها
الموضوع يبيلة صبر اختي
مشكورة

 

[najlaa]

امرحبا اختي ناني سيكرتس
اسمة احمد البرماوي اذا تبين رقمة بدزة علي الخاص

 

[najlaa]

اختي ناني سيكرتس اسمة احمد البرماوي اذا تبين رقمة بدزة عالخاص

 

[najlaa]

اختي ولدج شنو حالتة وشكثر قعد مع أ- احمد ويدرس باي مدرسة

 

[sondos]

والله قلبى عورنى وانا اقرا تجاربكم .............


بس الله يهوون عليكم ويقويكم ان تحفظوون هالامانه اللى رب العالمين عطاكم اياها.........لكم الاجر انشاالله


والله انى اشوف امهات بالمولات عيالهم بيد الخدم والام قاعده بالمطعم والياهل والخدامه يم النافوره .........احس قلبى ينفطر من هالمنظر


يعنى اللى تعرف انها مالها خلق الياهل ليش تطلعه معاها؟؟؟؟؟؟؟؟

مدراس التربيه الخاصه الحمدالله متوفره والام وظيفتها اولى عيالها وانشالله كله بميزان اعمالكم

 

[غلاك اش فادني فيه]

خواتي حبيت أشكركم على هالموضوع والمعلومات اللي فيه
أنا أخوي اللي فيه توحد وبصرااااحه حيل استفدت من اللي كاتبينه البنات
حتى الدكتوره عبير اول مره اسمع عنها
وأختي سنع ومنع ماقصرت عطتني رقمها يعطيج العافيه
وهذي الورده للأمهات الصابرات:tek:​

 

[غلاك اش فادني فيه]

نسيت لا اقولكم تراا انتو حييييل رفعتوا معنوياتي انا وامي وعطيتونا أمل انه يتحسن

 

[najlaa]

اختي الحمد للة علي كل شيئ اهم شي مانقصر في حق عيالنا لو اقولك اشكثر انا خسرانة علي ولدي للحين بس لما اشوفة متقدم ومتطور يهون اي شيئ

 

[najlaa]

ان شا اللة راح يتحسن بس اهم شيئ الصبر انا ولدي صار لة سنة واكثر جلسات تعديل سلوك والحمد لله الحين صاير احسن وااااااااااايد
اهم شيئ الصبر

 

[غلاك اش فادني فيه]

اختي الحمد للة علي كل شيئ اهم شي مانقصر في حق عيالنا لو اقولك اشكثر انا خسرانة علي ولدي للحين بس لما اشوفة متقدم ومتطور يهون اي شيئ

اي والله صدقتي وتسلمين​

 

[ناني سيكرتس]

اختي ناني سيكرتس اسمة احمد البرماوي اذا تبين رقمة بدزة عالخاص

مشكوره حبيبتي وما قصرتي, انا ولدي اصلا يدرس بالتربيه النموجيه توه اول سنه له, حبيت اعرف اسم المدرس عشان اقدر ايال عنه بالمدرسه..
صاجه اهم هناك يعطون دروس تعديل السلوك وانا يبت له مدرس من قبل يشتغل بعد بالتربيه النموجيه بس اهو قالي ان ولدي مو وايد محتاج هالدروس خليه بالمدرسه واهم اصلا بعلمونه, انا ان شاء الله بروح اسال المدرسين عن ولدي وبشوف اذا في تقدم ولا لأ..

 

[ناني سيكرتس]

نسيت لا اقولكم تراا انتو حييييل رفعتوا معنوياتي انا وامي وعطيتونا أمل انه يتحسن

يا هلا فيج حبيبتي معانا, هذا التجمع لكل ام او اخت عندها حاله توحد, اهني احنا كلنا خوات والي ما نقدر نقوله عالعام نقوله عالخاص, بس للامانه قاعدين نحط كل تساؤلاتنا واستفساراتنا عالعام عشان الكل يفيد ويستفيد, والحمد لله مثل ما رفعنا معنوياتج انت وامج تاكدي ان معنويات وايد ارتفعت من خلال هالموضوع وانا كنا اول وحده استفدت حيل منه ومن الخوات سنع وايمان ووضوحه الي كانوا اكثر من خوات بالنسبه لي اوقفوا يمي وساعدوني باشياء وايد, من خلال هالموضوع صرنا رفيجات برا وداخل المنتدى, عسى الله يخليكم ويوفقكم ويشافي عيالنا وعيالكم يارب يا كريم..

وبعد اشكر ريحانه الي عطتنا من وقتها وعلمتنا طرق التعامل مع الحاله التوحديه من الناحيه التعليميه..

:edbf4317b9:

 

[Emanova]

انا ارحب بنجلا و غلاك ...و اتمنى يسولفون لنا عن اعيالهم و اخوانهم

 

[ليالي نجد]

خواتي نصيحه لوجه الله التزموا القراءه والرقيه على عيالكم مع العلاج وان شاء الله يتعافون يارب ولا يوريكم فيهم مكروه

بس اللي اعرفه ان التوحد من المشايخ ان التوحد يلزمه قراءه لانه مس من الجن غير عن بطء التعلم او التعسر الدراسي واحيانا عين تصيب الام وهي حامل فيه باسم الله عليكم

لان مرات ماتنقدين عليهم بشي ومرات اتحسينهم بعالم ثاني
مره شفت برنامج غريب وانا مراهقه تقريبا على الكويت عنهم شي غريب عجيب واغلبهم فيهم موهبه عجيبه----- تخيلي اثنين كلهم فيهم توحد بس تقريبا اعمارهم 10 و 12 لما قعدوهم بمثل المصحه مده سنه تقريبا قاموا يتكلمون مع بعض بلغه غريبه تخيلوا شنو؟؟؟؟؟؟؟؟؟؟؟

يتكلمون بالارقام الفرديه بس ؟؟!!!! يعني 31 تمثل كلمه بينهم و 751 كلمه ثانيه وهكذا ...............
سبحان الله وتوقعت في بعض حالات يلزمها قرايه شيخ مع العلاج طبعا0000000 بس مو كل الحالات لكن اصبروا وجربوا والله لايحرمكم الاجر

على فكره اغلب اطفال التوحد عيال؟؟!!! هذي وحده قالت لي هالشي!! مادري المعلومه صح والا غلط؟؟

 

[Emanova]

والله يا ليالي نجد اهلي كانوا ياخذون ولدي من وراي و يقرون عليه عند الشيخ

الحمدلله على كل حال ...و الله كريم

صاجه اغلب اليهال اللي فيهم توحد صبيان بس لما يحوش البنت العن من الولد

 

[اسراء205]

حبايبي ... الله اذا احب عبد ابتلاه

والحمد لله رب العالمين على كل شيء

اللهم لااسالك رد القضاء ولكني اسالك اللطف فيه

 

[najlaa]

مرحبا اختي ايمان واشكرك علي الترحيب
انا ولدي شخصوة انة توحد رحت فية لندن وامريكا وتعبت وايد معاة وبعدين رحت حق د- عبير عطتني ادوية وقالت لازم من جلسات تعديل السلوك والحمد للة الحين قاع يخد جلسات تعديل سلوك من سنة وسهرين وقاعد يتحسن في امور كثيرة مثل انتباهة وحركتة الزايدة واستجابتة للاوامر
وانا مستمرة وياة واللة كريم

 

[Emanova]

نجلا ... جم عمر ولدج و اهو اكبر اخوانه و لا وحيد مثل ولدي