هل مره سألتو نفسكم هالسؤال !!!!

[هاديه وايد]

شلونكم !!

بنات لي عندكم سؤال
هل مره سألتو نفسكم معاكم بالمنتدى بنات من فئه الصم والبكم !!!!
انا بتكلم عن نفسي

انا من فئه الصم و اصبت بالاعاقه من عمر معين وعمري الحين 21 سنه

انا الحمدالله احمد ربي على ابتلائه و اختباره وانا مو زعلانه على هذا البلاء لمن كبرت حسيت بهالكلام وبقيمته
صحيح ان شي مايفرح وعشت فتره من عمري كنت كله بروحي ولا اتكلم و بنت خالتي اللي انا حيل وياها قمت ما اقعد معاها لان ما عندي شي اقوله كنت دايما اسكت ما اتكلم لاني ما ادري شقول و شعبر فيه كنت احس غير عن الناس

وبعد تخرجي من الثانويه حسيت اني قاعده اعيش بظلام فقررت اني اروح حق مركز الصم والبكم و اتعرف على بنات نفس اعاقتي و تعرفت عليهم و درست لغه الصم والبكم

مع اني ما احتاجها كثير بس قمت استخدمها حاليا بيومي وايد لاني كل سوالفي مع صديقاتي اللي فيهم اعاقه بالصم والبكم

و خذيت دورات انا زميلاتي عن الكمبيوتر على حسابي لاني ما كملت دراستي الجامعيه

لان صعبه علي وايد لان من فئه الصم

بس في شي دايما يزعجني واهوا ان الناس تنظر لنا ان احنه غير قادرين و مكسورين الخاطر
وفعلا صج احنه ساعات نتالم لكن كل الناس تتألم مو بس احنه
واستغرب من نظرات الناس لمن اطلع مع صديقاتي من نفس الفئه و نقعد نسولف بلغه الاشاره الناس تخزنه و تطالعنه و للاسف في ناس ما ادري شقول عنهم يطنزون علينه
ليش يعني !!!
هذا شي يجرح وااايد
وترا عادي احنه نطلع سينما و نروح مكتبات و نقرا ونروح مطاعم

يعني اتمنى تفاعلكم معاي ومع الموضوع لان جدا مهم
واتمنى تعتبروني اختكم :eh_s(7):
[/SIZE]

 

[غراوي]

لا تصدقين ماعمره طري ابالي هالسوال

بس عادي اهم ناس حالهم حالنا ماكو شي غريب

ماعليه لحظات الياس تجينا كلنا حتي احنا اللي متعافين

ونرد نجدد الامل بقربنا بالله ويقينا فيه

ولاتنسين ان اغلب العظماء كانو كفيفين او مايسمعون يعني معناته هالاعاقه ما تمنع من التميز

تميزي بشي تحبينه
وحلوه فكرتج لما رحتي النادي*

 

[~ كرز ~]

ماعليج من مجتمعنا التافه و ترا المعاقين اهم اكثر فئة عندها مواهب و قدرات خيالية ما عنده اياها الانسان العادي
اهم شي انتي تكونين واثقة من نفسج و تصبرين على هذا البلاء و تحتسبين الاجر من رب العالمين
و هالشي يعطيج الدافع انج تطورين نفسج و تثبتين للمجتمع عكس اللي يعتقدونه

 

[مولاي الفرج]

بعد عمري استانسي ودرسي وشدي حيلج وعيشي حالج حال غيرج

واذا عالناس ترى الناس يخزون على اي شي لان بكل اختصار ناس فاضيه وماعندها ذوق

بالتوفيق حياج ويانا بالمنتدى

 

[granted]

اي اعرف وحده من فئة الصم جذي ويانا بالمنتدى ومتزوجه وعندها عيال بس عادي مااحس انه شي غريب بالعكس احس ان عدم القدره على الكلام حاله اهون من الكفيف لان وايد يقدر يسوي اشياء ويطور نفسه
الكفيف مو كل شي ممكن يحولونه للغه برايل ومو كل شي يتوفر له
بس الصم ممكن يقرون ويشوفون الحياة يستقرؤون الملامح يشوفون الطبيعه واشكالهم اشكال الناس ومعاني الاشياء على حقيقتها احس البصر نعمه كبيره الحمدلله اختي احمدي ربج فديتج واحنا خوات اهني ولا برا
والي يظحكون او يتطنزون على اي مبتلى هذيلا صغار عقول وعندهم احساس بالنقص ويدورون النواقص الي عند غيرهم وتفكيرهم رجعي
مع اني اشوف ان المجتمع تحسنت نظرته للذوي الاحتياجات الخاصه مو مثل قبل وايد ويانا بالجامعه من فئة الصم وكفيفات ورفيجتي كفيفه وعادي مااشوفها منعتها عن التواصل وتكوين علاقات مع البنات

 

[قلبي وينك]

حبيبتي هذا ابتلاء من رب العالمين ومأجرين عليه وكلنا عندنا هموم ومشاكل محد خالي منها ومجتمعنا مجتمع يراقب الغير هذي شغلتهم بعد شو تسوين

 

[شموخ داري]

ماعليج من النااااااااس الله يوفقج ي قلبي بصرااااحه عمري مافكرت بهالسؤال !!!

 

[تحت ظلك]

أي أحد ينظر لكم نظرة غير فهوا ناقص،،كلنا عندنا ابتلاآءت ومصائب بس طنشنا الناس وآمنا بقضاء الله،أكو ناس تعاني من شلل بس تحرك عيونها أنتي أفضل من حالهم ، ربج يبتلي خلقه لأنه يحبهم وبيمنحهم درجة أفضل بالجنه، خلي الي يستهزأ وينظر نظره دونيه يستانس بدنياه ، العبره مو بالدنيا العبره أنا شنو بالآخره ، علمي نفسج الطموح للآخره بأفضل الأعمال وأقربها الى الله،كلنا موجوعين متألمين بس نعض على الصبر بأسنانا ، ممو شرط يعطينا ربنا كل متع الدنيا بس الأهم شلون نحصل متع الآخره ، خلي الناس وراج واسعي بدنياج لكل شي ينفعج ، النت بحد ذاته متعه أستفيدي منه، والله ينور طريقج بالخير.

 

[روانتي 12]

مآعليجج من كلالاـآم نآسسٌ . . وماعمممَري سألت نفسسٌي هالسسؤآل ,’ !

 

[ޢޢޢإيمانޢޢޢะۣۨ>]

بصراحه ما خطر في بالي هالشي
ماشاءالله عليج
وعسى الله يوفقج
ماعليج من بعض الناس التافهين
ماعندهم شغل غير الخز
و اكيد انتي اختنا ونتشرف فيج
​

 

[zgrtya]

اول شي حياج الله بينا

ثآني شي حبيبتي كلام الناس ما يخلص

و الي بيشوف فلانه و علنتانه بيتعب -_-

ثآلث شغله مو بس انتي تواجهين هالشي ..

المجتمع كله .. يعني عسى ما مشيتي بروحج خزوج و تكلمو عنج .. عن لبسج عن مشيتج عن مكياجج عن اي شي

مشيتي مع رفيحاتج همن يتكلمون عنج

الناس فاااضيه تقدرين تقولين ...

الشي الآخير أهيه نصيحه

طنشيييهم و عيشي حيآتج ..

مالج شغل شيقولون و شنو نظراتهم

اساسا مالج شغل فيهم ..

و مو إلا تهتمين لهم و لهمساتهم و كلامج

خلج

إيي نعم خلج واثقه من نفسج

و لا يهزونج

و ثقي بإمكانياتج و قدراتج الثانيين

و بس

 

[فطوم 84]

حياتي انتي بعكس انتي الله يحبج اكثر منا المومن مبتلي )والله سبحانه اذا حب عبد ابتلاه سبحانه )))فلا تتوقعين انه احنا ننظرج نظره غير عنا بالعكس والله انتي نفسنا والصم والبكم. حيل انا اشوفهم مختلطين بمجتمع انا مره شفت كتاب للغه اللي يتكلمون فيها وتعلمت منها حبيت اني اعرف هاللغه وحسيتها سهله وترا صدقيني لما نطالعكم مو لانه فيكم شي حشا. بس ممكن نشوف الكلام شنو معني هالحركه فهمتيني بالعكس وايد بنات مبدعات في مجلات وايد ومايهتمون لاي اعاقه بجسدهم لانه الاعاقه بالعقل والتفكير عند الناس الجهله بعقلهم وبتفكيرهم ))اما انتوا بنظرنا كاملين والكامل الله واللي يضحك ويتطنز اهو اللي ناقص لانه متخلف وجاهل الله سبحانه اذا اخذ نعمه من عبد يعوضه بنعم كثيره لانه منان وهالشي نشوفه بذوي الاحتياجات الخاصه كلهم مبدعين بمجالاتهم واذكيا وفعالين بمجتمع افضل من الاصحيا جسديا ومرضهم ب "عقولهم "واعتبريني بهالمنتدا من صديقاتج واتشرف. فيج. حبيبتي

 

[جنتي زوجي]

ياعمرى لاتكوونى حساسه انتم زينا وبالعكس نحس فيكم ونشيل همكم
الدنيا حبيبتى مافيه احد مرتااح هموم ومشاكل والله اعلم ماتخفى الصدووور
وانتم موجرين ان شاء الله والله يحبكم اذا حب عبد ابتلاه
واسال الله ان يسخر لكم عبيده

 

[ليه الجفآ]

حبيبتي عادي احنا تعرف من الجماعه بنت من هلفئه وماودي اقول من هلفئه لان ماااشوف انهم غير بشي

ماشاءالله عقل ورزانه وثقافه وكل شي

عادي جدا والبنت تزوجت من نفس وضعها وكلنا فرحنا لها وفخورين جدا فيها

وانجبت والحمدالله مافيها اي مشكله ..

عيشي حياتج ولاتهتمين لا لنظرات احد ولا شي

لان اي احد فينا تعرض لها .. كل العالم تطالع وتاخذ من هنظرات طااف ..


حياج حبيبتي بينا


وكلش لاتفكرين انج غير بشي ولاتضايقين ..

لان كلنا نتضايق وكلنا فينا نواقص ... وربي كلنا .. ماكامل الا وجهه سبحانه ..

وقولي الحمد الله ان الله مثبت فيج اهم شي بلانسان وهو العقل ..

تلبسين عدل وساتره عمرج .. وشايله عمرج ..

مومحتاجه لاحد .. ولا راح تحتاجين باذن الله ..



..​

 

[عويتقة]

يا روحي عااادي جدا ترى الناس دوي الاعاقة مو جايين من الفضاء لا هن ناس عاااديين بس ربي ابتلاهم الانو يحبهم ولانو خاش لهم اخرة زينة في جنته فعادي انا لما اشوف احد مبتلي واشوفو مبتسم احس بالدنيا منورة وملونة واككككككككره الي يخزونهم

 

[دهن_العود]

الحمد الله وايد ناس عندهم إعاقات. او رافعين اسم الكويت او لهم مواهب او اعمال او وايد ناس مافيهم شيء ومع جذيه ما عندهم اي شي المعاق ماعاق في عقله مؤ في جسمه الله ايوفقج حبيبتي

 

[Tom ♥ Jerry]

.



مكررة الموضوع مرتين هني و بـ قسم " النقاش الجاد "
راح اكتفي بالموضوع الي بقسم النقاش الجاد :*

-مُغلَقً-