هل نكره الديموقراطيه ام نحسن الاختيار ياكويت

[ضحـاوي]

اسمحولي اقول وجهة نظري

ترى مو كلهم نفس الشي والواحد ما يصير يجمع

يعني كلهم حراميه ؟؟؟؟؟؟؟ كلهم مصالح شخصيه ؟؟؟؟؟؟؟ كلهم جذابين

والله قلبي عورني ليش هالافكار الحمد الله الديره ماشيه والله يخليها لنا


من كل شر يارب ويعلي شانها بعيالها وبناتها البرره يارب

اتمنى ما تزعلون علي بنات ؟؟؟؟؟

 

[ضحكة الدنيا]

صج شى يعور القلب والكل يفكر بمصلحته الشخصيه
وتناسوا القضايا الهامه اللى تمر فيها البلد المجلس يجتمع على اساس انه بيناقش قضيه مهمه وحساسه ويطلعون واهم يامومكتمل النصاب او مختلفين ومتبادلين الشتايم والبلد تكثر مشاكلها وقضاياها بدون حل
مشكوووره حبيبتى على طرح الموضوع

 

[ii DareeN ii]

ضحاوي انا ماقلت ان كلهم حراميه السالفه مو سالفه بوق بس المجلس مو على مستوى الديره ولا على مستوا قضاياها ولا الناس الي فيه اهم الي مثلون قضايانا بصوره صحيحه واخر ازمه صارت صج تقهر عندنا مشاكل صجيه مشاكل واهم قاعدين يصفون حساباتهم عشان مصالح انتخابيه لا اكثر ولا اقل
احنا نبي الناس توعى لمى تختار ناس تكون صج تمثلنا وتقول قضايانا عشان نكمل مسيره هالبلد بخير عيل الله يرضى الديره بتطفي عنها الكهربا وتلوث وبطاله ومستشفيات الداخل مفقود والطالع مولود وناس مو كفو ماسكه مناصب كل هذا عشان يرضون النائب لفلاني والنائب العلاني انا بمكان شغلي اشوف اشياء صج تكدر نواب يتسطون حق ناس حتى مو كويتين ياريت كيويتي اقول مضطرين يتوسطون حق ناس يشتغلون بوظايف تاثر على الناس وتمس سلامتهم الواحد صج ينغث

وبالعكس انا احترم وجه نظرج احنا ماعمينا على الكل ولا الواحد يشكك بذمه احد الماليه ولا يتهم بالبوق لان هذي ذمه وحياج الله

 

[ضحـاوي]

مشكوره حبيبتي دارين على اسلوبج الراقي

وانت صاجه الواسطات والتجاوزات الي تصير بالديره مو خافيه عن احد

لكن ما نقول غير الله معانا

 

[calemero]

مشكورة عالموضوع

 

[ام السلمي]

دارين .. دارين ..دارين

يعني ماتصدقين انا هذي المواضيع صارت حديثنا اليومي اما وابو السلمي والله شي اعور القلب.


لالالالالالالالالا والأخت حصة اتقول الديرة ماشية مثل الساعة مشا اله علينا لحد يحسدنا << سالفة بيني وبينها خخخخخخخخخ



والله احاول على قدي والله يجازي كل واحد على عملة ونيتة والله يحفظكم ويخليكم انشا الله

 

[ام السلمي]

الكويت تمام وكلشي زين وحنا احسن دولة بالعالم التعليم زين والصحة بومب والأسعار زينة والمعاشات مكفية وانتي يا دارين شوفي الكويت احسن من وايد دول احسن من السودان والصومال وجيبوتي الف حمد وشكر

 

[Alia]

ام السلمي انزين ليش مانصير احسن من الامارات وغيرها من اللي قاعده تتطور ليش نقارن الكويت بدول مثل الصومال !!!!!!!!!!!!!! واليمن وغيرهم

ليش بدال مايسوون مشاريعهم بمصر ولبنان ليش مايحطون فلوسهم بديرتهم؟؟

والله عندنا خير ولله الحمد .. لكن البوق ذابحهم ومصالحهم

والا الكويت ممكن تصير مثل الامارات بتنظيم والروعه والشوارع والاعمار وكل شي

 

[أوركيد]

دارين ...

عووار قلب هالموضوع ..

ساعات يراودني نفس احساسج ..بس آنا ينقلب احساسي لأماني ...ودي ينحل مجلس الأمة !!!!

مجلس لا هيبة له ...من الحكومة والمسؤولين ..ولا من الشعب !!!

مجلس ..اعضاؤه على كثر ماتصارخ ..يرتفع رصيدك ..!!

على كثر ما تهدد بالستجواب تضمن كرسيك الدور الياي !!

مجلس ..عطني واعطيك ..نفع واستنفع..

حالة ميؤوس منها

وتبين تعرفين اذا احنا ندور بنفس الدائرة ولا تعدلنا ..

حاولي تذكرين اسماء الأعضاء اللي يعتبرون عالة على الكويت وعلى المجلس...وبالإسم ..

راح تلاقين بنات المنتدى كل يدافع عن اللي من قبيلته ولا عايلته ولا مذهبه ..ولا ولا ولا ..مع انه الكل يجمع على انه هالفئة فاشلين بالمجلس !!!

الحل ...

" إن الله لا يغير ما بقوم حتى يغيروا ما بأنفسهم "

خل نغير معتقداتنا والعقد اللي براسنا ...ونعرف نختار العضو الصح ونقيم آداءه ..ونحاسبه على تقصيره>>>>ذيج الساعة يتعدل الوضع