هل هذه الامور طبيعية بعد إستخدام الكلوميد؟

[الجوري2008]

السلام عليكم ورحمة الله وبركاته....
اناعندي تكيس واستخدمت كلوميد وقال لي الدكتور في تبويض وان شاء الله في حمل هذا الشهر لكن في اشياء تصير بعد استخدامي للكلوميد المفروض دورتي تنزل 18 من هذا الشهر يارب مااشوفها الا بعد 9 شهور المهم.....احس بطني منتفخ صحيح فيني كرش بس مو كبير حيل بس الحين احسه منتفخ والالام في اسفل البطن واحيانا في صدري
زي علامات الدورة باقي على موعد الدورة 5 ايام وعشان دورتي مو منتظمه ازيد10 ايام عليها
اللي استخدموا الكلوميد حسوا بالاالام هذه والا الا ؟
عادي يعني يارب الله يرزقكم الذرية الصالحه عاجلا غير اجل يارب

 

[ღ مــي ღ]

والله مااعندي خبرة بس حبيت ادعي لك بالذرية الطيبة المباركة الطيبة

 

[تفااحة]

ترا عادي اذا خذيتي الكلوميد من خامس يوم الدورة حبتين يوميا في اليوم التاسع من الدورة تحسين بالم ويشد عليج في 12و13و14ويكون التبويض ممتاز احيانا وتحسين بثقل اسفل البطن وتقريبا نفس عوار الدورة بس مو وايد تحسين مثل الكرة على المبيض اليمين او الشمااال وبعدهااااااااااا يخف في الايام الجاية لين موعد ىالدورة بأيام يجي عوار الدورة نفس الاعراض ماكو فرق وتنزل اذا اللة ماكتب الحمل يعني حتى اذا كنتي حامل انشاللة تحسين بألم الدورة يقولون ..... وموبالضرورة تحملين اذا خذيتي الكلوميد نفس الشهر انا عن نفسي كليتة سبع شهور بس ماحملت ورفيجتي بالشهر الثالث من الكلوميد حملت .... واللة يرزقج انشاللة ويرزقنا معاج

 

[الجوري2008]

شكرا جزيلا مي على المرور
ورحم الله والديك ياتفاحه ريحتيني الله يريحك يارب

 

[دمثة]

انا نفسج كان صدري يعورني والالام ونزلت الدورة اخذته مرتين وماحملت

 

[اللافندر79]

لا حبيتي عوار البطن والانتفاخ عادي دام انج ماخذه كلوميد اعراض الكلوميد جذي ويزيد وقت التبويض والله يعينج ويعيني لاني ماخذه كلوميد وحاسه نفس احساسج وربي يكتبلنا الحمال هالشهر انا وياج وكل محروم قولي آمين

 

[الجوري2008]

الله يرزقنا كلنا الذرية الصالحه بحق محمد وال محمد

 

[غلاي غير]

الله يرزقج الحمال عاجلا غير اجلا

 

[المدللة1981]

انا ماعطاني كلوميد عطااني اوفاميت وقال مايصير جماع الا ب 12 و 13 و14 وصار ولله الحمد وانا باليوم 17 وناطره يوم 21 عشان عندي تحليل وابشركم

 

[أم هـجـرس]

هذي عوارض الكلوميد

تحسين حتى باللوعه وساعات والالام اسفل الظهر وعوار في المبايض

شي طبيعي يالغاليه

ويارب تكونين حامل

ويرزقني وياج بالولد حق مريومه

 

[F O O S H I A]

انا استخدمته وانا بويضاتي سليمه لكن طلبت ... علشان سرعه الحمل

.......... اول شي عادي بس ثاني مره عوار بعيوني ولوعه وتعبت

وحسيت بعصبيه لكن الحمدالله على كل حال

وهلشهر خذيته علما اخر دوره 19 يارب يرزقنا جميعا يارب العالمين.. خايفه تيني وراح تيني من تفكيري

ربي يوفقنا ويرزقنــــــــــــــــــــــا

 

[اثمان]

الله يرزقج بالذريه الصالحه

 

[عاشقة الرشاقة]

الله يرزقج بالذرية ويرزق كل محرومة