هل هناك مخلوقات غير البشر؟؟

[مسك الجنوب]

عندي يقين كامل إنه في مخلوقات غير الملائكة و البشر و الجن و الحيوانات !!
كل ها السماوات و المجرات و الكواكب مستحيل يلفها الصمت !!
ربي قادر على كل شي و مبدع كل شي
و على فكرة أنا يتراوالي كنا كبشر - بعد نزولنا من الجنة - كنا على كوكب آخر و وصلنا مراحل من التقدم بس دمرنا بعض بالحروب و الناجين انحاشوا و سكنوا (( هاذي الأرض ))
يعني في أرض ثانية و أراضي

كلامج كله غلط في غلط

الي هبط من السما الي الارض هم ثلاثه ادم واحواء وابليس والحيه الي ساعدت بليس في دخوله بالجنه

ومافي احد غيرنا الله ذكره في القرأن الكريم (( اهبطوا بعضكم لبعض عدو ولكم في الأرض مستقر ومتاع إلى حين)) سوره البقره 36

> وهبط (آدم) و(حواء) من السماء إلى الأرض وتحديداً في الهند كما ذهب أكثر المفسرين .. في حين هبط (إبليس) في 'دستميسان' على مقربة من البصرة .. وهبطت الحية في أصبهان. (المصدر البداية والنهاية لابن كثير).

 

[chocolate bar]

سبحان الله أمس قاعده أطالع فيلم حق توم كروز وفكرت بهالموضوع , شوفي الصدفه!!
بصراحه أنا أتوقع ليش لأ قال تعالى (( ويخلق كل شيء وأنتم لا تعلمون )) سبحانه ..
فما تدرون يعني ع قولة اختي في 9 مجرات غير الأرض مو معقوله ما في أحد غير الانس والجن
أنا متيقنه بأن تحت الأرض في مخلوقات ثانيه فما بالج بالسما والمجرات , و الأفلام يصورون المخلوقات الفضائيه
بشكل غريب يخلي الواحد ما يصدق وهذا تصوير بسيط ..
بس جوابي : أهو إي أتوقع إن في مخلوقات غيرنا ..

ويعطيج العافيه .. بصراحه انصدمت من هالصدفه ..
نوف انتي أمس شايفه الفيلم ع 2 ولا شنو ؟؟ :0bee2e8d89:​

ههههههههههههه انا شفته .. الصراااحه انا اخاااف من هالمخلووقاات بس ما اعتقد فيه لانه اذا كانوا يبون يستولون

عالارض ويذبحون بالنااس شنو يبقى بالارض والله خلقنا عشان نعبده ونطيعه مو عشان هالمخلوقات تذبحنا فعشاان

جذي انا ما أؤمن بهالاشياء .... يسلمووؤووؤ عالموضوع .

 

[شياكه]

فيه سورة كاملة بالقرآن الكريم اسمها
الرحمن

الله سبحانه وتعالى يخاطب فيها فقط الإنس والجن

وتتكرر فيها اآية الكريمة

"فبأي آلاء ربكما تكذبان"

والمخاطبة بالمثنى
معناها ما فيه غير الإنس والجن

ولا لو فيه مخلوقات ثانية
جان الله سبحانه وجه لهم الكلام والتكليف بالعلادة مثل الإنس والجن

والمخلوقات الفضائية اللي تشوفينهم يتكلمون عنها

هذي حبيبتي قصتها قصصصصة

بكل بساااطة

هذيله جااااان

لا مخلوقات ثانية ولا شي
دخلي يوتيوب

وشوفي بعض علماء ناسا

شيقولون عنهم

وان ما شي اسمه مخلوقات فضائية

وهذا مجرد وهم

خلقوه الإستخبارت الأمريكية بالخمسينات

ومعروف عند الكل ان الجان عندهم قدرات خارقة

ويتشكلون بأي شكل يبونه

وتقبلي مروري

عزيزتي

ذكر الانس و الجان
في هذه الايه لدعوتهم للاسلام
ومومعناة انه ما ذكر غيرهم انهم هم بس المخلوقات الي فقط على وجه الارض
طيب هذي الايه ما ذكرت الحيوانات و الفيروساتت و البكتريا وكلهممخلوقات

انا كنت زيك عندي نفي اعتقادك بس من غبر اعتقادي

استاذه بريطانيه
نعم بريطانيه يوم اسلمت تدبرت في القران مو احنا انولدنا مسلمين ونقراء القران ولانفقه وش فيه
قالت هذي الايه الي غيرت قناعتي السابقه

(ويخلق ما لا تعلمون) النحل 8

 

[catloverq8]

كلامج كله غلط في غلط

الي هبط من السما الي الارض هم ثلاثه ادم واحواء وابليس والحيه الي ساعدت بليس في دخوله بالجنه

ومافي احد غيرنا الله ذكره في القرأن الكريم (( اهبطوا بعضكم لبعض عدو ولكم في الأرض مستقر ومتاع إلى حين)) سوره البقره 36

> وهبط (آدم) و(حواء) من السماء إلى الأرض وتحديداً في الهند كما ذهب أكثر المفسرين .. في حين هبط (إبليس) في 'دستميسان' على مقربة من البصرة .. وهبطت الحية في أصبهان. (المصدر البداية والنهاية لابن كثير).

على فكرة يا بنتي ماني مستخدمة نفس عبارتك ( كلامج كله غلط في غلط ) لأنها شوي تفتقر إلى الذوق
و خصوصا إننا نتكلم عن آراء تحتمل الصواب و الخطأ و محد فينا يمتلك دليل علمي ثابت بيده !!
فبالتالي المفترض كل شخص يحترم رأي الآخر و ما يسفهه و بدوره يدلي برايه اللي الثاني أيضا لازم يحترمه و إن اختلف معاه
و أنا أختلف معاك و أحترم رأيك
و اختلافي معاك حول الحية اللي ماورد لها أي ذكر بالقرآن و قريت في كثير كتب إنها من الإسرائيليات ، يعني اللي أقحمت على القصة بناء على راي اليهود و ادعاءاتهم و تقولهم على الله سبحانه و تعالى( خاصة بالتوراة و إنجيل متى - العهد القديم و الجديد )
و أتمنى تراجعين النص القرآني
عموما موضوع الكون و المخلوقات الأخرى هاذي قناعات شخصية بحتة و أنا و إنتي مو أفضل من علماء صار لهم سنين يبحثون بها الموضوع و الظواهر الخارقة و الغريبة و ما وصلوا لنتيجة علمية نهائية !!
( بناء الأهرامات مثلا و مثلث برمودا و غيرها )

 

[كريستال ليدي]

اي اتوقع في مخلوقات غيرنا

 

[نوف العازمي]

يسلموووو ,,,,, الردود تساعدني اقدم لكم الافضل اكيد تسلمون حبيباتي على مروركم الروعه

 

[فلالي]

كل شي جايز

 

[نوف العازمي]

شكرا على مروركم الرائع

 

[TWEETY]

هههه

أنا .....!


الله واعلم ...بس لو فيه احنا من زماااااااااااااااااااااااااااااااان ميتين او أسرى او اكل بقواطي حقهم

 

[Ocean]

up up up up خوووووش موضوع ابي اسمع بعد

 

[{ شيوخهـ ~]

يمكن فيه مخلوقات بس مو انس

لانه لو انس جان كانوا مكلفين ، ولو كانوا مكلفين لازم توصلهم الرسالة ، لازم لااااازم

لان الله سبحانه اخبرنا انه الرسالة لكل البشر

فيمكن فيه مخلوقات بس مو بشر

(( ويخلق ما لا تعلمون )) مو كل شي عرفناه من مخلوقات الله سبحانه وتعالى .

:gr4uu:

حبيبتـي يمكن إهمـا إنس نفسنـا ومكلفيـن بالعبـاده لكن بكـوكب ثـاني بمجـره ثانيه ،، ترا كل شي جــااايز ،،

وهـم أعتقـد اني في مخـلوقات ثانيـه لكن مو إنس ولا جن ،، و غير مكلفـين بالعباده ،،

والله اعـلم :080402ask_prv:

ويـلاااا بنـات نبـي ردودكم

وكمـا قلت ،، لي رجعـه مع قصص إقتنعـت فيهـااا _03BA:

 

[WHO CARES!]

اي اعتقد ليش لا غير الجن

 

[سلفر2009]

انا بصراحه من زمان كنت ابحث عن اجابه لهذا السؤال فكلها اعتقادات وتخمينات وبحثت خصوصا عن المخلوقات الفضائيه واخيرا لقيت اجابه واقتنعت فيها وهي ان في الحرب العالميه امريكا كانت تربك العدو بهذي الصحون الطائره وكانت عندها تقنيه عباره عن ومضات تخيل للعدو انها ناس طبعا مستحيل انهم يخلقون ناس لكن كانت تقنيه من مختبراتهم اللعينه فكان اول صحن طائر يشوفونه كان في الحرب العالميه يعني كانت خدعه ..............

 

[catloverq8]

انا بصراحه من زمان كنت ابحث عن اجابه لهذا السؤال فكلها اعتقادات وتخمينات وبحثت خصوصا عن المخلوقات الفضائيه واخيرا لقيت اجابه واقتنعت فيها وهي ان في الحرب العالميه امريكا كانت تربك العدو بهذي الصحون الطائره وكانت عندها تقنيه عباره عن ومضات تخيل للعدو انها ناس طبعا مستحيل انهم يخلقون ناس لكن كانت تقنيه من مختبراتهم اللعينه فكان اول صحن طائر يشوفونه كان في الحرب العالميه يعني كانت خدعه ..............

و الحق مو على الأمريكان يا سيلفر
الحق على الطليان
بنخليهم يستعبدوننا بسبب إيماننا المطلق بنظرية المؤامرة اللي هي أهم اختراعات الضعيف !!

 

[نوف العازمي]

يسلمووووو على المرور.... نورتو الصفحه

 

[تفداك روحي]

لا اناا عن نفسي ما اعتقد اول شي لانه الله ما قال ولا نبيه ,, وثااني شي ترا لاطباق الطائره وسيله لتجسس من مصاادري خخخخ

 

[كويتية 85]

أنا نفس راي شيخة البيض ...

بعدين يا قلبي المفروض ان احنا البشر ما ننبش عن أمور الغيب ولا نفكر حتى فيها ولو كان فيه أساساً جان ذكروا بالقرآن الكريم

وبس مشكورة

 

[املى كبير]

الله واعلم حبيبتى

 

[AnGel GirL]

ما استبعد وجود مخلوقات بكواكب ثانيه ووجود حياة بره مجرتنا
ومثل ما الارض اهو الكوكب الوحيد اللي فيه حياة بمجرتنا
احتمال كبير بالمجرات الثانيه فيه كواكب ثانيه فيها حياة والكون فيه ملايين المجرات وطبعا استحاله يوصل لها احد فهالشي بعلم الله وحده

 

[سوسا 2009]

دايما افكر كذأ !!!
يمكن هم قاعدين في مجرتهم الحين وحاطين موضوع في النت ! ويسألون نفس السؤآل !!
ويتوقعون انه مافيه غيرهم زي ما احنا نتوقع !!
خخخخ خرعتكم !

اي بصراحه اتوقع فيه ,, سواء كانو جن او انس او غيرهم
والله اعلـــم ,,