هل يجوز ذلك ؟ و لمن ألجأ ؟

[jen2n]

السلام عليكم

في مشكله صارت عندنا بالقسم

ان نزل لي صف و صار نصابي 12 حصة

للعلم تخصصي فلسفة

المشكلة ان عندنا معلمة خبرة 13 سنه

ما تحب عاشر

فماخذة منهج واحد واهوا فلسفه و صفين بس

هل يجوز هذا الشي ؟

عشان ما تحب عاشر تأخذ منهج واحد ومرحلة وحدة ؟

ولمن ألجأ له ؟

 

[نور83]

حبيبتي تلجأ ين حق رب العالمين ياخذلج حقج

 

[مدّهره !]

إن شااء الله يفيدوونج البنات .~

 

[Aloe Vera]

شنو المشكله ان نصابج ١٢؟؟؟
لو يوصل نصابج ١٨ عادي حسب القانون
مافهمت المشكلة

على فكرة انا مستقيلة وزارة التربية الحمدلله بس عندي خبرة كبيرة فيها

 

[jen2n]

المشكلة مو بالنصاب
المشكلة في ناس حجتها ما تحب تدرس المادة الفلانية
فتدرس منهج واحد ونصابها ٦ حصص في الأسبوع
والمفروض تدرس منهجين لانها مو رئيسة قسم
هذا أهي المشكلة

 

[Aloe Vera]

ماعليج منها دام انها مو ظالمتج
المهم انتي تشتغلين صح و تحلليل معاشج

 

[jen2n]

اشلون مو ظالمتني !!!

وين العدل !؟

بامكان رئيسة القسم تعطي صف من صفوفي حق الابلة الخبرة

و بالتالي يكون كل القسم نصابه ٩ حصص

 

[Miss Basma ..}]

ما أدري ، بس اسألي بالوزارة ، هم أدرى

 

[mafio98]

اللي اعرفه خبره ولا مو خبره لازم الجميع يتساوى بالنصاب الا ادا صار في صف زايد الاقل خبره تاخذه كلمي مدرستج الاولى واذا مانفع كلمي موجهة المادة اهم المسؤلين عن هالموضوع اهم شي الخبره على قولتج دام تفلسف ليش ماتقعد فبيتهم انا ملاحظه كل وحده تقول انا خبره مااوقف مناوبه نااوقف بطابور الصبح اطلع مبجر ماسوي وماسوي وبلاخير تقعد بالصف لاشرح ولاشي انزين بفهم ليش مداااااااومه:eh_s(14):

 

[3houd86]

شي طبيعي الأبله الخبره تاخذ نصاب أقل.
إحنا الرياضيات 15 حصه و منهجين, آنا ثالث سنه.
الأبلات الخبره منهجين و عشر حصص.

بس اللي نمتعض منه أبله وحده معانا 10 حصص بس منهج واحد. هذا عندنا ما يصير.

أما إنها تاخذ نصاب أقل هذا من حقها, إنتي باجر لما تصير خبرتج 7 سنين إن شاء الله ماراح تعترضين لما الأبله التعيين الجديد تاخذ نصاب أكثر.

هذا الطبيعي.

 

[كويت الاناقه]

الله يكون بعوووونج وصراحه اي موظفه جديده باي وزاره ياكل الشغل وغيرها يرتاح عشان بس انهااا يديده


الله يكون بعوونج

 

[dana1212]

رئيسة القسم
وان ما فادتج كلمي الموجهه
اول شي بهالتوزيعة مافي عدل حتى لو الوحدة جديدة ماتنكرف و الباجي قاعدين
معانا معلمات لغة عربية 12 سنة خبرة ونصابها 18

 

[randomy]

وزارة التربية .....وزارة الظيم


اللي يرتاح يرتاح....واللي يشقى يشقى

محد داري عن احد

 

[هيبة ملك]

معروف. ان الابلة. الاكثر خبرة ترتاح. خاصه. اذا كانت. خبرتها في نفس المدرسه. ويحق لها تختار الصف والمنهج اللي تبي.
وحجتهم بهذا. انها تعبت بمافيه الكفايه وخدمتهم


عرفتي؟
الله يعينج ومالج الا اللجوءلله اولا ثم. الموجهة
مع. انها راح تسمع كلام رئيسة القسم