هومي كيك بالصور

[نور من نور]

كيكة من جد سهله وسريعه
وطيبه << دعايه :eh_s(20):
المقادير:-

½1 كوب طحين
1كوب سكر
¼ كوب زيت
4بيضات
1كوب كريما
1ملعقة اكل بكنج بودر
1ملعقى صغيره فانيله
لوز او جوز مفروم
مقادير صلصة التوفي :-
½ كوب سكر
1علبة قيمر
1/3 زبده
الطريقه
1- يخفق البيض والفانيله لمدة ربع ساعه بالخلاط
2- يضاف ليه السكر والزيت ويخفق لمدة 7 دقايق
3- يضاف لهم الكريمه ويخف ايضا لمدة 5 دقايق
4-يخلط الطحين والبكنج بودر مع بعض ويضاف على الخليط
5- يخبز في حرارة 350 مني لين يتنضج
طريقة عمل صلصة التوفي :-

1- بنحتاج وعاء تيفال حتى ما يلصق فيه التوفي
2- يخلط السكر والزبده ويوضع على النار ويحرك مني لين يصير لونه بني فاتح

3- قبل وضع القيمر على السكر والزبده
حطي القيمر في ماء دافي شوي قبل البدء في عمل الصلصه
حتى لا يصير لج كتل لمن تضيفيه يعني حطيه واهو دافي
4- اضيفي القيمر على خليط السكر والزبده وحركي بستمرار حتى ما يتكتل لج

5- تترك الكيكه لتبرد تماما
ثم يصب عليها الصلصه
وزينيها بالمكسرات او الجوزالمبشور

بالف عافيه

ويارب تعجبكم​

 

[bnt q8 in usa]

تسلم ايدج انشالله شي عجيب لازم اجربها هاليومين

 

[طماشه]

اممممممم لذيذه


يسلموووو نور

 

[جارة القمر]

تسلم ايدج حبيبتي

ومشكوووووره

 

[bambena]

تسلم ايدج ماشالله

 

[[]نهاوند[]]

لذييييييييييييييذه انا احط وياها شوية حيل
ومرات من الكسل اسويها من غير ديكوريشن :eh_s(6):
تسلم ايدج حبيبتي ​

 

[DooNy]

ما شاء الله رووووووووووووووعه تسلم إيدج إن شاء الله بجرب أسويها باجر بالشاليه

 

[لولي**]

يسلمو غاليتي
بصراحه شكلها حلو

 

[نور من نور]

بالف عافيه عليكم اخواتي
ويارب تعجبكم
تحياتي للجميع

 

[ايفيان]

تسلم ايديك نور على الكيكه السنعه اللي تبيض الويه

صج اسم على مسمى هالكيكه شكلها شغل بيت اصلي

الله يعطيك العافيه

 

[سجى]

تسلم ايدج غاليتى

 

[^مزهريه^]

ماشالله حلو شكلها
مرتب

تسلم ايدج

 

[bnt q8 in usa]

نور حبيبتي سويت الكيكه اليوم بس تصدقين كانت متفوخه بالفرن ويوم طلعتها هبطت وصارت من داخل مو منفوشه مع اني حطيت سكين وشفت انها اوكي

ياريت تقوليلي السبب
بس التوفي بطريقتج روعهههههههههههههه احلي من النستله

 

[وديان@@@]

تسلم ايدج حبيبتي

 

[نور من نور]

نور حبيبتي سويت الكيكه اليوم بس تصدقين كانت متفوخه بالفرن ويوم طلعتها هبطت وصارت من داخل مو منفوشه مع اني حطيت سكين وشفت انها اوكي

ياريت تقوليلي السبب
بس التوفي بطريقتج روعهههههههههههههه احلي من النستله

ياهلا عزيزتي
الكيكه دي تعتمد اول على تخدي ربع ساعه او اقل تخلطي السكر والزيت والبيض لمن تشوفي لونهم قريب يصير ابيض كريمي
تضيفي لكريما لهم وتخلي تخفق عشر دقايق
وتنخلي الطحين وباقي المواد الجافه مع بعض
وتضيفيهم شوي شوي للخليط الاول وخلي الخفق يكون مو بطى على سرعه قويه
ولمن تخبزي الكيكه طبعا مشغله الفرن قبل على حرارة 350 درجه قبل ان تشتغلي بالكيكه
واهم شي ما تتركيها بصينيه تبرد دي الي يخلي الكيك يهبط ويخشن شوي
خليها شوي بس تبرد وطلعيها من الصينيه وافضل صينيه تكون مجوفه مثل الي اني عملتها فيها
يارب تزبط جربي وشوفي
وخبريني :eh_s(8):

 

[bnt q8 in usa]

مشكوره حبيبتي انتي انشالله بجرب طريقتج

 

[نور من نور]

مشكوره حبيبتي انتي انشالله بجرب طريقتج

ياهلا عزيزتي
يارب يزبط وياج هنوب وتصير عدل
تحياتي :eh_s(8):

 

[ضحكة الدنيا]

كلها يشهى
تسلم ايدينج حبوبه
بجربها عن قريب ان شاء الله

 

[نور من نور]

ياهلا عزيزتي
يارب تعجبج وتجبي طعمها
تحياتي

 

[شيهانه]

تسلم ايدج