وأخيرا"..الكورسيه السحري لكرش الحمل>>قولي باي باي

[كوكيز بالكريمة]

هلا عهود .. رفيجتي تمدح بو سحاب بس انا قيصريه مو زين لي ﻻنه يضغط حيل و رفيجتي استخدمته اخر نفاسها واستمرت لبعده بجم شهر و صج كرشها خفت .. عليج بالعافيه وإن شاءالله يعطيج نتيجه ترضيج .. بس هذا الحلو فيه انه من اول يوم وﻻده وينفع للطبيعي والقيصري ويخفف خطوط الستريج ماركس (تمدد الحمل) مثل ما اهو مذكور

بسووم .. الله يسهلج ويسهل لنا معاج وإن شاءالله نتيجته ترضي

 

[3houd86]

زين طمنتيني كوكي. الله يسهل و أولد طبيعي و إن شاء الله ينفع معاي.
و نشوف تجاربكم مع البيبي باندت, و إذا كان زين أطلبه بحمالتي الثانيه إذا الله سهل

 

[شيخه كويتية]

الله يزاج خير حبيبتي وانا بعد عندي خلطه للتشققات دشو ع مواضيعي ودعواتكم

 

[كوكيز بالكريمة]

عهووده الله يسهلج حمالج و تولدين طبيعي ياااارب بس اهتمي بأكلج و بلشي مشي عشان تخفين و عضلات الرحم اتمدد عندج و اهم شي كثري دعاء و استغفار ..

شيوووخ بعد قلبي نورتي موضوعي .. الله يتمم حمالج و يقر عينج بشوفه ضناج بسلامه .. و جااااري شوفة الموضوع مشكوووووره مقدما"

 

[فواصل]

انا مب متزوجة يصير استخدم هالحزام ؟

 

[مذهــلــه]

كوكيز

يعطيج الف عافيه حبيبتي والله يسهل عليج حملج وولادتج ان شالله

 

[مذهــلــه]

كوكيز في وايد انواع

والاسعار متفاوته مادري على اي اساس بس في اسود وبيج
البيج صديق البيئه ومافيه ماده المطاط
هذا ب 69 دولار
في واحد يشابه بس مواصفاته غير ب 49
اذا انتي طالبه علمينا اي نوع طلبتي؟؟

 

[رفيعة الشآآن]

يعطيج العافية و الله يسهل عليج وعلينا يارب

 

[مذهــلــه]

كوكيز

جربت اطلبه من امازون بس للاسف مايوصلونه الكويت مادري ليش
مع اني طلبت اغراض ثانيه بس طلع عليه اني لازم احذفه والاغراض الباقيه عادي كملت الطلب عقب ماحذفت الكورسيه

ياليت اللي تعرف غير الامازون ويوصلون الكويت تفيدنا

 

[3houd86]

بنات ترى هذيك المره شفت علبته الحزام هذا بأنور اللي بالبيرق.
روحوا يمكن تلقونه عندهم, آنا كنت ألريدي شاريه فما سألت عنه.

 

[كوكيز بالكريمة]

هلا اختي فواصل .. نورتي .. مادري والله اذ ينفع للكرش بشكل عام او بس حزه الولاده بس اتوقع عادي ﻻنه يشد الرحم والبطن يضبها .. و خطوط التمدد يخففها حيل وهالخطوط تطلع للبنت والمتزوجه لمن تكبر الكرش .. الله يرزقج الزوج الصالح والذريه الصالحه إن شاءالله


مذهله جزاج الله خير ياقلبي .. انا بشوفه باﻻفنيو مثل ما قالت عهووده و بشوف شنو اﻻنواع الموجوده .. البيج صديق البيئه و اهو اكثر طلب عند اﻻجانب ﻷنه خالي من ماده اﻻلستيك والمطاط والبوليستر ﻷنه اكو ناس تحسس منهم تدرين الجسم بيعرق وبيتنفس اذ اكو مطاط او بوليستر او اﻻليستك بيسبب حكه و ضيقه .. بس هم المطاط مفيد كونه يشد عدل و يضب

حياج الله رفيعه الشان .. ربي يرفع شأنج يالغلا نوورتي ربي يسهل عليج ويقر عينج بشوفه ضناج بسلامه

مشكوووره عهووده ع المعلومات ♡ :-*

 

[Lulu_Perla]

السلام عليكم حبيبتي كوكيز بالكريمة

كنت معاج بتجمع او شغلة بس مادري وين نسيت لووول


المهم
ترا هالكورسيه موجوووود باكثر من مكان
تلاقينه بانور
و تلاقينه بديستنيشن ماترنيتي
توني شايفته عندهم
بس ماعطيته ويه
اذا صج جذي حلوو بروح اشتريه

و انصح تشترونه من هني مو من النت عشان تاخذون قياسكم بالضبط
او انكم تقيسونه و تالي تطلبونه من النت

لان بالنت ارخص طبعا
بدون سعر الشحن ب 19 دينار و نص تقريبا
و هني على كلامكم ب28..
الفرق بس 9 دنانير بدل شحن و نطرة على ما يوصل

اتمنى فدتج و ربي يسهل عالجميع و تختفي الكرشة الخايسة

 

[درب الخير دربي]

مشكورة كوكيز الله يعطيك العافية
انا عندي بريد في الامازون بس مشكلتي اللغة الانجليزية

وعلى فكرة اذا بطلب منهم وشلون اعرف مقاسي ؟؟

 

[كوكيز بالكريمة]

يا هلااااا و غلااااا لووولووو شخبارج ياقلبي .. اتوقع بتجمع يونيو ممم يمكن هههه
تو ادري منج انه هم موجود بأنور مشكوووره ياقلبي ع المعلومه .. وبالنسبه للكورسيه الموضوع مانزلته حصري اهني اﻻ بعد ما جمعت عنه خوووش معلومات وإن شاءالله نجربه بعد الوﻻده بسلامه


دروووب انا مع لوولوو اشتريه من السوق وﻻ تطلبينه ﻻنه ع القياس بتخربطين و يعتمد على كرش كل بنت والثانيه يختلفون بعضهن بطونهن كبيره بعضهن ﻻ و اذ بتعرفين احسن قياس لج يقولج لما تكونين بالشهر الثامن قيسي محيط بطنج من بدايه السره داير مادار البطن و نقصي من هالقياس تقريب 3 انش و الناتج دوريه بشريط القياس بالموقع تحت sizing chart و هذا رابط يوضح احسن طريقه تختارين فيها القياس

How your Belly Bandit should fit.mov - YouTube

ﻻاااازم الكورسيه يسكر شي بسيط هذا معناته قياسج مضبوط اما اذ سكر عدل معناته غلط كبير ماراح ينفع و اذ ما سكر خير سر معناته قياسه صغير عليج .. و اذ تبين اساعدج بالقياسات اكثر انا حاضره