وأخييييييييرا رحت حق محمد ربيع...تعالوا شوفوا ريجيم أمورة

[كويتية أمورة]

السلام عليكم ورحمة الله وبركاته


شلونكم بنات يامتختخات ومربربات ومتينات مثلي

باركولي أخيييييييييرا رحت حق الدكتور محمد ربيع اليوم

وخليته يسويلي ريجيم عشان أتأدب وأتسنع وأصير خوش بنية وألتزم وأضعف بدال الشحوم اللي ميمعتها وقاعدة حلايا ويهي

طلع وزني 75 وطولي طول هالمدة على بالي 166 طلعت 164 ونص وتعالى بص ههههههه

المهم عطاني ريجيم لمدة اسبوع والاسبوع الياي ان شاء الله اروحله يشوفني شكثر نزلت ويعطيني الريجيم الثاني
قالي انتي وزنج مبدئيا لازم يصير 60 قلتله مابي 60 وايد قال هذا مبدئيا
انا اخليج توصلين 55 ان شاء الله اذا انتي خوش بنية وتلتزمين
قلت ان شاء الله التزم بس المهم اضعف ياقدعاااان اهئ اهئ اهئ

وسألته عن الحبوب قلتله عندي زينكال قالي لاتاخذينه زينكال يسبب سرطان موزيييييييييين قالي هذا يسحب الدهون ويأثر عالكلى وجذي
قالي انا ريجيمي بدون حبوب ينزل
قلت اوكي خلاص بلاها الزينكال
حسافة على ال 17 دينار بس

وأترككم الحين مع الريجيم
==============================



الإفطار:-

5 تمرات+كوب حليب خالي الدسم وممكن اضافة الشاي أو القهوة

==========

الضحى:-

حبة فاكهة أو كوب عصير

==========

الغداء:-

1) علبة تونة ويمكن اضافه زيت الزيتون والليمون والبصل+ سلطة مع ملعقة زيت زيتون+ربع خبزة
2) 6 الى 8 قطع شيش طاووق+سلطة+ربع خبزة
3) 8 إلى 10 قطع تكا+سلطةروب بخيار+ربع خبزة
4) ربع أو نصف دجاجة مشوية+سلطة+ ربع خبزة
ويكرر

==========

الساعة 5 مساءًا:-

3 تمرات+ قهوة مع كوفي ميت او سادة<<<<تسد النفس وماتخليج تيوعين

الساعة 6 او 6 ونص مساءًا:-

حبة فاكهة أو كوب عصير

==========

العشاء:-

خس كمية كبيرة اللي تقدرين عليه+ كوب لبن قليل او خالي الدسم+2 كيوي+برتقالة


المفروض هالريجيم ينزلني مابين 3 الى 4 كيلو بالاسبوع
وببدي فيه من باجر ان شاء الله
يالله من تبدي معاي؟؟

 

[أنا وين ؟؟]

مشاركة: وأخييييييييرا رحت حق محمد ربيع...تعالوا شوفوا ريجيم أمورة

هلا اموره ....


رجيمج يشبه رجيمي بس انا مدلعني شويه ...

انا ناويه باجر ان شاء الله ابتدي رجيم التمر واللبن لمدة يومين او 3 ... وباشوف روحي حزة الغدا ... اذا ما قدرت اكلمه اسوي رجيمج ...لأن اول وتالي ريوقج تمر وحليب .... وباجر ابلغج ان شاء الله ...



بس خوش شي اذا يضعف 4 كيلو جان زيييييييييييييين

 

[رياح الصبا]

مشاركة: وأخييييييييرا رحت حق محمد ربيع...تعالوا شوفوا ريجيم أمورة

محمد ربيع يسمونه الساحر
اذا قالج تنزلين باذن الله تنزلين بس التزمي برجيمة خطوووووووووووووة بخطوة

 

[كويتية أمورة]

مشاركة: وأخييييييييرا رحت حق محمد ربيع...تعالوا شوفوا ريجيم أمورة

أنا وين
حياج الله حبوبة ومشكورة على الرد

بس حطي بالج ترى ريجيم التمر والحليب مايمدحونه يقولج يخليج تصدعين ويجوع وايد واول ماتهدينه تردين كل الوزن اللي خسرتيه
خلج على ريجيم ربيع احسن لج

وسوي معاي الريجيم خل نشجع بعض

رياح الصبا
اي والله صاجة لاقال تنزلين هالكثر يعني تنزلين ماشاء الله عليه
يعني انا يبيلي 20 كيلو من 75 الى 55 الله يصبرني ويثبتني على الريجيم ومااخوره هههههه

 

[b6o6a]

مشاركة: وأخييييييييرا رحت حق محمد ربيع...تعالوا شوفوا ريجيم أمورة

خوش رجيم

موفقه

 

[nouriya]

مشاركة: وأخييييييييرا رحت حق محمد ربيع...تعالوا شوفوا ريجيم أمورة

مشكوره كويتيه اموره على الرجيم والتزمى فيه(شوفى من يتكلم؛) )
بس شكله ايضعف انا آآآآآآآآآآآآآآآآآآآآآآآآ افكر اسويه علشان اضعف
وافينا باخر الاخبار

 

[الحــــــلا كله]

مشاركة: وأخييييييييرا رحت حق محمد ربيع...تعالوا شوفوا ريجيم أمورة

كويتيه رجيمج حلو بس ما سويتي الفحص الي يقولون عنه ايقيس دهن والماي الي فيج
ما قال لج شي عن الرياضه يعني ماطراها ورجيمج حلو بس فيه خبز وهذا المشكله

 

[bnt_kwt]

مشاركة: وأخييييييييرا رحت حق محمد ربيع...تعالوا شوفوا ريجيم أمورة

بالتوفيق انا بعد اروح حق ربيع والحمدلله في نتايج حلوه معاي بس لازم تلتزمين

 

[Angel]

مشاركة: وأخييييييييرا رحت حق محمد ربيع...تعالوا شوفوا ريجيم أمورة

الله يوفقج أمورة وتصيرين كتكوتة
يحليله ربيع ريجيمه هوهو ما يتغير.

 

[Harmony]

مشاركة: وأخييييييييرا رحت حق محمد ربيع...تعالوا شوفوا ريجيم أمورة

الله يوفقكم مع ان اي رجيم ما ينفع لازم تسنعين اسلوب حياتج من طريقة اكل و كمية و نشاط يعنى شيء يدوم طول العمر بدون ممنوعات مو رجيم لان اللى يترك الرجيم لازم يرد يزيد ما دام انه ما سنع اسلوب حياتهم كل اوربا و امريكا ما يسون رجيم الحين لأنه اثبت فشلة الناس الوحيدين اللى يسولهم رجيم مرضى القلب و السكر اللى لازم ينزلزنهم بسرعه و بعدين يسنعون نظامهم بدون رجيم

 

[كويتية أمورة]

مشاركة: وأخييييييييرا رحت حق محمد ربيع...تعالوا شوفوا ريجيم أمورة

[SIZE=4]بطوطة[/SIZE]

حياج الله حبوبة ومشكورة على الرد



نورية

عقبالج حبوبة تضعفين وتصيرين مثلي لما اضعف مو الحين لووووووول



ام هيا

آآآآآمين نصير سمبتيك وينضرب فينا المثل
من بؤك لباب السما ياختي ههههههه



الحلا كله

امبلا حبوبة سوولي تحليل الدهون وقالولي الاسبوع الياي لما ايي حق المراجعه يقولولي النتيجة
والرياضة ماقالي سوي شي بس قال الاسبوع الياي اقولج شنو الحركة اللي يحتاجها جسمج
يمكن مايبي عضلة تنبني الحين وماينزل الوزن



بنت الكويت

صاجة يبيله التزام بس حلو ومنوع



انجل

صاجة ريجيماته متشابهه بس لاصار متابعني بستحي على ويهي والتزم ههههههه



هارموني

صاجة المفروض الواحد يسنع اسلوب حياته
بس حبيبتي اذا باخذ على كلام امريكا وامشي على السعرات ولا الاكل المفيد بقعد سنين مانزل وزني بوجود المغريات وطبيعة اكلنا الدسمة
بس انا ناوية لما ينزل وزني ان شاء الله بحافظ عليه يكون وقتها عندي حافز
والله كريم

 

[إمرأة مثالية]

مشاركة: وأخييييييييرا رحت حق محمد ربيع...تعالوا شوفوا ريجيم أمورة

مبرووووووووووووك والفال للنزول

 

[QUMAR]

مشاركة: وأخييييييييرا رحت حق محمد ربيع...تعالوا شوفوا ريجيم أمورة

كويتيه أموره بالتوفيج حبيبة ألبي وأن شاء الله توصلين للوزن اللي تبينه
عاد أنا اقصر منج طولي 160 و وزني 73 واااااي ببجي
انا كنت مراجعه عنده أيام الحمل عشان السكر يرتفع عندي
شكلي بدور في الأوراء الأديمه وبطلع ريجيمه مادري وين شايحته وأنا أختج وبكتبه

 

[كويتية أمورة]

مشاركة: وأخييييييييرا رحت حق محمد ربيع...تعالوا شوفوا ريجيم أمورة

إمرأة مثالية

الله يبارك فيج حبوبة تسلمين




QUMAR

والله يبيله ريجيم احسن لج كل ماتأخرتي كل ماصعب عليج الالتزام
دوري على قولتج باوراقج وسويه يالله انا معاج

 

[منوله كويتيه]

مشاركة: وأخييييييييرا رحت حق محمد ربيع...تعالوا شوفوا ريجيم أمورة

حبيبتي ترى ريجيماته نفسها اللي يعطيها للكل

وريجيماته تاااااااااااااااااااااااارسه المنتديات وبالتدريج اسبوع اسبوع
مجرد سوي بحث بجوجل على عنوان (محمد ربيع) وطبعيهم ووفري فلوسج

مو بس محمد ربيع حتى طالب الشمري ويوسف الخضر

انا قبل كنت اداوم عندهم بس من شفت ريجيماتهم بالمنتدى تابعت بروحي مع مشي نص ساعه كل يوم

ولايقص عليج ويقولج اشتري كذا وكذا من محلهم اللي بالدور الاول بنفس المجمع لأنه سواها فيني ودفعت 145 دينار وتالي شافهم دكتور نعرفه ماااااااااااات من الضحك وقالي هذا النصب والا بلاش وطاحوا بجبدي وتالي بالزباله

هذي تجربتي والقرار لج

اتمنى لج التوفيق و تحياتي

 

[نوال]

مشاركة: وأخييييييييرا رحت حق محمد ربيع...تعالوا شوفوا ريجيم أمورة

تسلمين يالغاليه وانشاء الله توصلين الوزن الي تبينه
حلو الرجيم ومحمد ربيع ريجيماته نفس الشي ماتتغير وايد بس الي يلتزم فيها ينزل

 

[you 2]

مشاركة: وأخييييييييرا رحت حق محمد ربيع...تعالوا شوفوا ريجيم أمورة

الله يعطيج العافية

الريجيم واايد حلوو ومريح بس المشكلة إني ما أكل تمر للأسف ماحبة وما أشتهي أكلة كلش

مااتدرين شنو يعووض التمر ؟؟؟

جزاكم الله الف خير

 

[خبيرة اعشاب]

مشاركة: وأخييييييييرا رحت حق محمد ربيع...تعالوا شوفوا ريجيم أمورة

انا قبل كنت استعملت خلطتي مالت التخسيس و ضعفت يمكن 5 كيلو ...و طبعا الخلطه استعمالها شهر و ما يصير اتعيدينها مره ثانيه ...
و انا امس قريت ريجيمج قلت خلنا نجربه ....و لا اليوم الصبح اول ما شفت ال5 تمرات في الصحن ...مرت علي كل احاسيس الحقران صدج حسيت بالظلم ..و انا على ال5 تمرااات ..و الناس قدامي تاكل من ها الاجبان و البيض ...

بس تراني قلت ابصبر نفسي الحين ...عاد الريوق مو مشكل بس البلشه على الغذا ...سلطه و شيش طاووووق ..

عسى الله يثبتني بس ...؟؟

 

[صاحبة المعالي]

مشاركة: وأخييييييييرا رحت حق محمد ربيع...تعالوا شوفوا ريجيم أمورة

مبروك روحتج يا اموره

وشكل الريجيم مشبع صراحه
والحلو فيه انه من غير حبوب ...( لا زينيكال ولا ريداكتيل )

ان شاءالله بقلدج وابلش فيه
بس مو الحين لاني قاعده آكل كرواسان

نقول على يوم الخميس ان شاءالله

بس سالفة التمر موعاحبتني
راح آكل بداله بسكوت دايجستف

لاني مااحب التمر ... الا برمضان وبالغصب آكل ربع وحده
سوووووووووووو

نمشيها حليب وبسكوت على الريوق ,,,
والشيش طاووق غرامي ,,,بطيح له

ويارب ينزل وزني
واصير سمبتيكه قبلج p:

 

[كويتية أمورة]

مشاركة: وأخييييييييرا رحت حق محمد ربيع...تعالوا شوفوا ريجيم أمورة

منوله كويتيه
ادري حبوبة كل ريجيماته كوبي تحفظينهم صم اصلا
بس ياربي ابي متابعه ابي احد يتابعني واحس اني قاطة فلوس عشان اتحسف ومااخربه ههههههههه




نوال
اي والله اللي يلتزم بريجيماته ينزل بالذات هو مو نفس طالب يمكن تنزلين ويمكن لا
هذا وحدة وحدة
عسى ماخوره بس ههههههههه




you 2
هلا حبوبة
اكلي بدال التمر افندية ولا كيوية ولا شريحتين اناناس
وبالتوفيق