وأخييييييييرا رحت حق محمد ربيع...تعالوا شوفوا ريجيم أمورة

[عسولة الكويت]

مشاركة: وأخييييييييرا رحت حق محمد ربيع...تعالوا شوفوا ريجيم أمورة

اموره حلو رجيمك تابعي وصممي انج تضعفين وان شاء الله يصير وزنج 55 مثل ماتبين
والفال لي باذن الله

بس حبيبتي بسألج ماقالج امشي والا لعبي رياضه ؟

 

[كويتية أمورة]

مشاركة: وأخييييييييرا رحت حق محمد ربيع...تعالوا شوفوا ريجيم أمورة

seule12
حياج الله حبوبة وان شاء الله تضعفين




بسكوته
هلا والله ببنت الروضة طلعتي عندنا وانا مادري ياحليلج
حبوبة لاتاكلين بسكوت اكلي بدال التمر افندية ولا كيوية ولا تفاحة بس مو بسكوت ماينفعش اوكي؟
والشيش طاووق مايحتاي مال مطعم الروضة يهبببببببل
بس بقولج شي اخاف الوع جبدج
ذاك اليوم طلبت منهم دياية مشوية عالفحم مو شواية
ولا القى شعره مشوية مع الدياية وععععععععع استغفر الله لاعت جبدي
فقلت بحول على مطعم فتوش بالفيحا بعد شسوي




عسولة الكويت
تسلمين حبيبتي على الدعوه الحلوة
وطبعا لازم مشي مع الريجيم

 

[المرفأ~~]

مشاركة: وأخييييييييرا رحت حق محمد ربيع...تعالوا شوفوا ريجيم أمورة

حلووو رجيمج..مصيبتنا بس لو نلتزززم جاان صج نضعف

والزنكال يسببون سرطان..؟؟ما اظن والله اعلم

 

[أنا وين ؟؟]

مشاركة: وأخييييييييرا رحت حق محمد ربيع...تعالوا شوفوا ريجيم أمورة

مردي لج اموره ...

مو كنت قايله لج على اساس اني بسوي رجيم التمر واللبن ... تسلطت طناقر الخدامه عندي من صباح الله خير ... ففازعه معاها من الساعه 7 ... ياعل ماكو خدم ...


المهم ...

الصبح كليت 5 تمرات مع حليب قليل الدسم ..

والحين باكل تفاحه

والغدا باكل سلطه ولحم وشوية عيش بدال الخبز ... لأني اليوم مسويه رز بخاري وبصراحه مابيه يطوفني (( صاحب بالين جذاب ههههههههه ))


والله يسهل

 

[om shehab]

مشاركة: وأخييييييييرا رحت حق محمد ربيع...تعالوا شوفوا ريجيم أمورة

مبروك حبيبتي وانشالله تتوفقين بالرجيم بس هم ترى ريجيم الدكتور حسين ةدشتي زين وواايد حلوو :d

 

[صاحبة المعالي]

مشاركة: وأخييييييييرا رحت حق محمد ربيع...تعالوا شوفوا ريجيم أمورة

اموره ...
فديت الروضه واهلها

ولايهمج ناكل افنديايه لاني مااواطن الكيوي
وفيني حساسيه منه

واذا على الطاووق .. اموت عليه
بس انا مااحب مطعمنا ياعلهم الحين اقول :s
10000000000000000 مره تطلبين وكله الطلب غلط
انا زبونه دائمه عند فتوش ok
انصحج فيه مال الفيحا لو تطلبين صمونه وحده هم يوصلها
احسن من مطعمنا ممدوحوه مع ويهه مايطلع سياره الا اذا الطلب وصل 5دنانير
يعني لازم تعشين الفريج معاج

اليوم طلبي لج غدى من فتوش وهذا رقمه
2510280 2510281
و ادعيلي

 

[كويتية أمورة]

مشاركة: وأخييييييييرا رحت حق محمد ربيع...تعالوا شوفوا ريجيم أمورة

المرفأ~~
ميرسي حبوبة
وعلى قولتج التخربط هو اللي ذابحنا هههه
والزينكال منعني عنه قالي يسبب سرطان وقالي انا اضعفج بدون حبوب ولا شي
انتي حطي بالج عاد





أنا وين ؟؟
وااااااي الله يعينج صراحة على بلاوي الخدم اففففففف
وحبيبتي بكيفج هو تاكلين عيش يا ام العيش هههههههه
مايصير الخبز اقل كالوري من العيش
لاتخورينه وتالي ماتنزلين حسافه





om shehab
حياج الله حبوبة
وريجيم دشتي لايحوشك من صجج اسويه بايعه عمري؟؟؟ هو الي يكود الامراض اعوذ بالله
والمشكله كل مااقول حق وحدة اييب امراض تقولي كا فلانه وعلانه سووه مافيهم شي!!!
اي الامراض ماتطلع بيوم وليله نطروا
الله يكفينا الشر بس

 

[كويتية أمورة]

مشاركة: وأخييييييييرا رحت حق محمد ربيع...تعالوا شوفوا ريجيم أمورة

بسكويته ويته ويته
عاشت بنيتنا عاشت

والله مطعم الروضة قبل شزينه وعادي يوصل لي بدينارين بس من شفت الشعرة وانا لايعه جبدي وعععع استغفرالله

وعلى قولتج ممدوحوه احيانا يخوره
خلاص بحول على مدحت مادري رأفت مادري بهجت مادري شسمه راعي فتوش ههههههه
وميرسو علارقم حبوبة
باجر اطلب منهم اليوم غداي تونه بكرة شيش طاووق واللي عقبه تكا اعتقد واللي عقبه دياي مشوي
نجرب شورانا

 

[شدن76]

مشاركة: وأخييييييييرا رحت حق محمد ربيع...تعالوا شوفوا ريجيم أمورة

امورة ريجيمج حلو واحسن شي فيه التمر >>>>>>>>>>>>>>>>>>>>>>>>>>>>>>>>> غر امي التمر

ان شاء الله ببدى فيه من بكره لان ريجيمي الي ماشية عليه حلو بس الوزن ينزل بطييييييييييييييييييييييييئ

بالتوفيق ان شاء الله

 

[كويتية أمورة]

مشاركة: وأخييييييييرا رحت حق محمد ربيع...تعالوا شوفوا ريجيم أمورة

هلا والله شدن

انا موذاك الزود مع التمر بس ياختي مفيد وكلو يهون من اجل الرشاقه
ويالله ابدي فيه ووافينا بالنتايج
بس موتنسين المشي ترى مهممممممممم

 

[شدن76]

مشاركة: وأخييييييييرا رحت حق محمد ربيع...تعالوا شوفوا ريجيم أمورة

انا صارلي اسبوع ما مشيت بسبة الجو ناوية اشترى جهاز مشي والله يعين

 

[أنا وين ؟؟]

مشاركة: وأخييييييييرا رحت حق محمد ربيع...تعالوا شوفوا ريجيم أمورة

واي اموره ... لا تقولين ما يصير عيش بدال الخبز !! .... امبلالالالا يصير يصير ... هههههههههه استخفيت



والله صج جني سامعه اني اخذ جم قفشة عيش او باستا او خبز ... يعني شي منهم

 

[Brounzi_girlly]

مشاركة: وأخييييييييرا رحت حق محمد ربيع...تعالوا شوفوا ريجيم أمورة

آنا ذاك اليوم قريت له ريجيم وقررت إني أطبقه صراحه صج التمر يشبع ومفيد وفيه كل القيم الغذائية آنا لازم يوصل وزني 55 آنا طولي 154 وزني حاليا تقريبا67 وعندي عرس بعد شهر و نويت بإذن الله أشد حيلي عشان أصير رشيقة بس ودي أصير أضعف حتى من ال55 الله كريم
مع تحياااااتي لكل البطبوطات

 

[you 2]

مشاركة: وأخييييييييرا رحت حق محمد ربيع...تعالوا شوفوا ريجيم أمورة

مشكوووورة أختي على التوظيح

والله خووش كيوية وأناناسة



الله يعطيج العافية

 

[q8ya-co0ol]

مشاركة: وأخييييييييرا رحت حق محمد ربيع...تعالوا شوفوا ريجيم أمورة

اموره بغيت اسالج وزنج من اللي ينزل بسرعه او لا ؟

والله يوفقج وتوصلين للوزن اللي تبين

 

[kLCkchEyA]

مشاركة: وأخييييييييرا رحت حق محمد ربيع...تعالوا شوفوا ريجيم أمورة

خواتي ممكن عنوانه او رقمه؟
ومكلف اذا بروحله؟

 

[كلي تفاؤل]

مشاركة: وأخييييييييرا رحت حق محمد ربيع...تعالوا شوفوا ريجيم أمورة

اذا استمريتي عليه وكان عندج اراده قوية بنتزلين نفس ما صار معاي مشيت على كلامة وفعلا نزلت بس يبيله (((((صبرررررررررررر))))

وللأسف رديت على وزني القديم وزياده لما تركته .....

 

[الحــــــلا كله]

مشاركة: وأخييييييييرا رحت حق محمد ربيع...تعالوا شوفوا ريجيم أمورة

يعني شنو ما يبي عضله تنبني وما ينزل الوزن وضحي ؟؟َ!!
يعني ما العب رياضه مع بدايه الرجيم
وووووووويييييي
انزين ما قال لج جم تضعفين بالاسبوع من ها الرجيم ؟؟!!

 

[طير الحب]

مشاركة: وأخييييييييرا رحت حق محمد ربيع...تعالوا شوفوا ريجيم أمورة

مبروك روحتج يا اموره

 

[شدن76]

مشاركة: وأخييييييييرا رحت حق محمد ربيع...تعالوا شوفوا ريجيم أمورة

كويتية انا طبقت الريجيم وهذا اليوم الثاني لي صراحة من اروع ما يكون لا جوع ولاشي

يمكن لاني متعودة على الريجيم

راح ابلغج بالنتايج ان شاء الله