وأخييييييييرا رحت حق محمد ربيع...تعالوا شوفوا ريجيم أمورة

[جودي الامورة]

مشاركة: وأخييييييييرا رحت حق محمد ربيع...تعالوا شوفوا ريجيم أمورة

والله يا حلوة انا لما رحت عنده كنت 74 بس والله انو نزلني لل54
والوقت كان سريع وما حسيت ابدا
تقريبا 8 اسابيع بس ولا شي لما تكون همتك قوية وانشاء الله نسمع اخبار طيبة عنك وتصيري
متل كلوديا شيفر

 

[كويتية أمورة]

مشاركة: وأخييييييييرا رحت حق محمد ربيع...تعالوا شوفوا ريجيم أمورة

هههههههههههههه ظلول
والله على راسي انتي ادري فيج اولى منه بس ياختي ماالتزم الا ان حسيت اني قاطة فليساتي
شسوي بعد ايدنا تحكنا شغل بلاش مايعجبنا
وطبعا الريجيم مع رياضة



جودي
والله شجعتيني ماشاء الله نزل وزنج هالكثر معاه؟؟ وناسه
انا الحمدلله متحمسه وملتزمة بكلامه والله كريم

الحين بحطلكم الاسبوع الثاني والثالث رحتله اليوم قلتله ابي حق اسبوعين بسافر خخخخخخخ
عيل ان شاء الله كل اسبوع بدفع 10!!!!
قالي اوكي بس موتخورينه بالسفر خخخخخ مصدق مسكين

المهم دقايق ارتب الريجيم وانزله

 

[كويتية أمورة]

مشاركة: وأخييييييييرا رحت حق محمد ربيع...تعالوا شوفوا ريجيم أمورة

عدنا والعود احمد
احمد احمد انا فـؤادة يا احمد الفئران آتيـــه احـموا النـــاس من الطاعووووووون آتيـــه آتيـــه خخخخخخخخخ

ماعليه مستانسة توني رادة من الطبيب ونازل وزني<<<<يايه اقول وازن نزلي الله ياكبرها هههههههه كل هذا من الوناسه

باركولي

نزلت 2 ونص مع ان بالبيت نازله 3 بس لما رحتله مافرغت الخزان خفت اتأخر قلت لا ييت البيت افرغ على كيفي خخخخخخخخخخخ
فالظاهر هذا الفرق ولا يمكن هو يقص علي زايد الميزان
بس هو مستانس قالي برافو عليكي

بس تقدري تنزلي اكتر من كده بس عموما كويس
قلت اشوه دام انه كويس

المهم قلتله حطلي ريجيم حق اسبوعين قلتله بسافر خخخخخ ضاق خلقه قالي ماتخربيش اللي عملتيه قلتله مش حخربه

والله عطاني بلعه ياحليله قلتله ابي توست وجبن حق العشا قال احطلج ريوق وعشا
والريجيم الحمدلله فيه اكل وتنوع اكثر من الاسبوع الاول


الافطار:-
======
5 تمرات +حليب
أو
2 توست تحشينهم جبن او لبنه لو فات مع خس وخيار وطماط يعني سويها سندويشه محترمة+ شاي حليب او قهوة بالحليب


==========

الضحى:-
=====
عصير أو حبة فاكهة


==========

الغداء:-
=====

من كل مجموعه تختارين اختيار واحد...

يعني تختارين صنف واحد من

المجموعة الاولى:-
سلطة أو تبوله أو فتوش مع قطع خبز محمص أو سلطة روب بخيار ونعناع أو خضار مشكله مفيوحة او عالبخار

+

صنف واحد من

المجموعة الثانية:-
نص دجاجة مشوية أو 6الى8 قطع شيش طاووق أو 1 الى 2 شريحة ستيك أو 2 كباب أو 8 الى 10 قطع تكا أو سمكة مشوية أو تونه أو 7 الى 10 ربيانات يفضل مشوي بس اذا مقلي حاولي تحطين الورق الماص للدهن عشان يخفف الدهن اللي فيه

ويكرر...



==========

المغرب:-
=====

عصير او حبة فاكهه او 3 تمرات



==========

العشاء:-
=====

2 توست محشي جبن او لبنه قليل الدسم مع خس وطماط وخيار+عصير
أو
خس+كوب لبن+2 الى 3 فاكهه
أو
اذا كنتي متغدية غداء خفيف اختاري للعشا صنف من الغداء واحد من المجموعه الاولى وواحد من الثانية

وكل اسبوع تقدرين تاخذين وجبه فري مو يوم كامل لا تخترين يوم تاكلين فيه يا اما غدا او عشا فري وباقي اليوم تكملينه ريجيم

وسلامتكم...

شرايكم مو احلى من الاسبوع الاول؟؟ احسه متنوع اكثر ويشبع صراحة ماجنه ريجيم وناسه

بس ترى مايصير تسوين هالريجيم قبل اللي حاطته للاسبوع الاول
يعني بالترتيب ابدي اول اسبوع تالي سوي هذا لازم بالترتيب لاتخورونه وتقولون مانزلنا ترى انا قلتلكم وانتوا كيفكم

وهالريجيم ينزل بعد من 3 الى 4 اذا سويتي رياضة كل يوم

قالي الرياضة تقدرين تهرولين بمكانج مو شرط جهاز او نادي او تمشين بممشى

وقلتله عندي شريط رياضة قال ممتاز هرولي ولعبي رياضة لازم المجموع مايقل عن نص ساعه واذا كملتي ساعه كل يوم تنزلين اكثر بوايد

يالله عاد دعواتكم لاتنسوني ادعولي الله يثبتني على الريجيم ومااخوره يارب واصير كلوديا شيفر على قولة جودي

 

[شكليطه]

مشاركة: وأخييييييييرا رحت حق محمد ربيع...تعالوا شوفوا ريجيم أمورة

يسلموووووووووووووووووووووووووووو امورتنا
ومبرووووووووووووووووووووووووووووووووووووووووك عالنزول

يالله شدي حيلج.............سيري ونحن من ورائج :d

انزين حبوبه هالرجيم حق اسبوعين؟؟

والرجيم الاول ما اقدر اكرره؟؟؟



وبغيت اسألج ...........المشروبات الدايت مسموحه ؟

 

[كويتية أمورة]

مشاركة: وأخييييييييرا رحت حق محمد ربيع...تعالوا شوفوا ريجيم أمورة

حياج الله شكليطه
عاد مو تستانسين ليش نزلتي تقومين تخورينه
حطي بالج وعندج نهايه الاسبوع وجبة فري انا توني تعشيت ماكدونالدز وباجر ابدي الاسبوع الثاني

اي بالنسبة للي حطيته اليوم هذا الاسبوع الثاني والثالث مع بعض انا قايلتله بسافر
شنو حلاو كل اسبوع 10

واذا تبين تكررين الاسبوع الاول عادي يصير
بس ليش غيري لاتملين


والدايت ماقالي عنه شي والله بس ترى يتفخ البطن شتبين فيه
انا ماشي حالي مااشرب شي عادي

 

[شكليطه]

مشاركة: وأخييييييييرا رحت حق محمد ربيع...تعالوا شوفوا ريجيم أمورة

الله يسهل ان شاءالله................هذا ثاني يوم.........ولسسسسه الطويل طريق



لووووووووووووووووووووووووووووووووووووووول

ماراح امسح البدليه ................هههههههههههههههههههههههههههههههههه (قامت تبدل يوم ثرت ماكدونلد)

والله يا اموره ما يسوى علي هاليوم الاوف.............ارد اللي نزلته بشربه ماي


لا يبا خليني على عماي جني ما ادري .........................(والا تدرين على حسب المزاج..........اذا الطلعه تسوي بسوي روحي ادري)




موفقه حبوبه

 

[شكليطه]

مشاركة: وأخييييييييرا رحت حق محمد ربيع...تعالوا شوفوا ريجيم أمورة

ولييييييييييييييين ..................بدينا بالبدليات


ثرت= قرت..............لان ال ث وال ف جيران

 

[كويتية أمورة]

مشاركة: وأخييييييييرا رحت حق محمد ربيع...تعالوا شوفوا ريجيم أمورة

هههههههههههه شكليطو ياما قطينا بدليات عادي جنج ماتدرين نفس الوجبه هههههه

وان شاء اللي تضعفينه مايرجع يارب
اقول اخذي حبوب فيتامينات اخاف يحت شعرج
اخذي بنتوغار عجيب بالصيدلية ب 9 وخرده
وايد زين حق الشعر مع ريجيم او من غيره

 

[jolie_q8]

مشاركة: وأخييييييييرا رحت حق محمد ربيع...تعالوا شوفوا ريجيم أمورة

مبروك اموره وشكليطه على النزول

وعقبالنا

وبصراحه ربيع رجيماته تونس وتنزل

موفقين بنات

بس عندي سؤال ..تهقون هالرجيم ينفع حق الحامل ؟ والا يضر ؟

 

[كويتية أمورة]

مشاركة: وأخييييييييرا رحت حق محمد ربيع...تعالوا شوفوا ريجيم أمورة

تسلمين جوجو
بس حطي بالج لاتسوين ريجيم وانتي حامل الا باستشارة طبيب

 

[كويتية أمورة]

مشاركة: وأخييييييييرا رحت حق محمد ربيع...تعالوا شوفوا ريجيم أمورة

اليوم اول يوم بالاسبوع الثاني والريوق عجييييييييييب انترس بطني ماشاء الله لا اله الا الله لا احسد روحي خخخخخخخخخخخ


يالله بنات منو وصلت معاي الاسبوع الثاني؟؟

 

[jolie_q8]

مشاركة: وأخييييييييرا رحت حق محمد ربيع...تعالوا شوفوا ريجيم أمورة

السلام عليكم

انا بديت اليوم من الاسبوع الاول

بس راح ادخل لبن على الغدا << علشان انا حامل

وقهوه المغرب (بشرب بدالها جاي+حليب)

والفواكه شويه اكثر

مادري ينفع والا لأ

لان خلاااااااااااص انفجرت

حتى الدكتور قام يتحلطم

 

[كويتية أمورة]

مشاركة: وأخييييييييرا رحت حق محمد ربيع...تعالوا شوفوا ريجيم أمورة

جولي الله يتمم عليج حملج يارب
بس هم استشيري الطبيب بالنظام اخاف موزين عليج
عشان ضميري لا يأنبني

 

[jolie_q8]

مشاركة: وأخييييييييرا رحت حق محمد ربيع...تعالوا شوفوا ريجيم أمورة

ان شاءالله

مراجعتي اليايه بودي الرجيم وياي

بس لو احافظ على هالوزن العله اللي انا فيه ...لين ولادتي.. نعمه

 

[ايفيان]

مشاركة: وأخييييييييرا رحت حق محمد ربيع...تعالوا شوفوا ريجيم أمورة

الله يوفقك اموره وتنزلين لين توصلين الوزن اللي تبينه

واهم شي ان ما يرد

يعطيك العافيه

 

[ظلال القرآن]

مشاركة: وأخييييييييرا رحت حق محمد ربيع...تعالوا شوفوا ريجيم أمورة

استمري لا تصيرين مثلي ماكله اليوم بقلاوه توها واصله من الردن زلاطيمو زلطه وانا مغمضه والحين متحسفه حدي

 

[شدن76]

مشاركة: وأخييييييييرا رحت حق محمد ربيع...تعالوا شوفوا ريجيم أمورة

يابنات وزني ماينزل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ظ

صارلي اسبوع ومافي اي نتيجة

 

[كويتية أمورة]

مشاركة: وأخييييييييرا رحت حق محمد ربيع...تعالوا شوفوا ريجيم أمورة

جولي
اي زين تسوين راويه الطبيب وهو يقرر ينفعلج ولا لأ




ايفيان
تسلمين حبوبة على الدعوة الحلوة ماقصرتي





ظلال
واي حاسه بشعورج نفس اللي يصيرلي قبل اكل واتحف بعدين
بس عاد يابطة اخر مرة لااشتهيتي اكلي وحدة مو عشر
وشعندج ماتسوين ريجيم معانا؟؟؟؟




شدن
انتي تلعبين رياضة ولا لأ؟؟
ترى لاااااازم رياضة
واذا مع الرياضة وماينزل مشكله!!

 

[jolie_q8]

مشاركة: وأخييييييييرا رحت حق محمد ربيع...تعالوا شوفوا ريجيم أمورة

انا للحين تمام قاعده اشرب حليب مع نسكافيه

بس اليوم الصداع ذبحني ...ترى مو من الرجيم بس ولدي الله يحفظه حن علي حنه وماخلاني انام العصر

على الاقل قاعده احس اني اكل شي مفيد ..كل يوم المغرب اكل برد هاغن داز

واليوم نسيت اشوف جم وزني ..ماكو الا باجر الصبح (يارب ما انسى)

 

[كويتية أمورة]

مشاركة: وأخييييييييرا رحت حق محمد ربيع...تعالوا شوفوا ريجيم أمورة

هلا جولي
ماتشوفين شر ان شاء الله
وشتبين بالبرد اكلي بداله فاكهه احسن