واااي ضاق خلقي اهل زوجي عندهم حالة وفاة و كنسلو العرس قولولي شسوي الحين ؟

[زهر الرمان]

حبيبتي الله يتمم عليج انشاءالله ويحفظج من الحساد يارب وعظم الله اجرج بنفس الوقت
دام بيحطلج كوشه يعني حرام مايبي يكسر فرحتج بس هم الظروف يت جذي
وعسى ان تكرهوا شيا وهو خير لكم يمكن خيرة لج سبحان الله ماتدري
سوي استقبال نفس العرس ولبسي ابيض ودجي وكل شي
بس الحين واجب اتقدرين ظروفهم لانه حرام اهو متضايقين من الصوبين على خالتهم وعلى العرس
والله يتمم عليج حبيبتي وانشاءالله اخر الاحزان يارب

 

[ملــحْ !]

رد : واااي ضاق خلقي اهل زوجي عندهم حالة وفاة و كنسلو العرس قولولي شسوي الحين ؟

يمكن خيييييييييييييييييييييييييييييييره









سووي حفله بيتكم وعوضيهآ بشهر عسسسسسسسسسل

 

[تبطي عظم!]

لا حول ولا قوة الا بالله

ان لله وانا اليه راجعون

الله يصبر قلبهم ويعينج حبيبتي

دام رافض زوجج التأجيل شتسوين بعد امرج لله

والله ما ادري شقولج ترا الموقف صعب هذي خالته

يعني مو وحده بعيده علشان ينسون بسرعه حتن لو بعد العيد

هم مستحيل بيسون لج عرس!!

يعني التأجيل ماراح ينفعج هالوقت بعد وهم أنا فاهمتج ماودج تجينهم وهم بحزن!!

هذا قضاء الله وقدره توكلي على الله والحي ابقى من الميت والله بيسر هالسالفه لاتحاتين

الله يوفقج

 

[bint_looda]

توكلي على الله وامشي على هواهم ... وعقب ماتردين من شهر العسل سوي استقباال وحطييلج ديجي واستاانسي فيه انتي واهلج ورفيجاتج
ربي يوفقج ويتمم عليج

 

[sحلالي أبيه]

رد : واااي ضاق خلقي اهل زوجي عندهم حالة وفاة و كنسلو العرس قولولي شسوي الحين ؟

لاحول ولاقوة إلا بالله

إنا لله وإنا إليه لراجعون

انتي لو تفكرين فيهاا تراا خيره من الله

ماتدرين شنو بيصير

 

[انصاريه قمره]

ما تدري يمكن خيره لوو كنتي مسويته جان صار شي لاسمح الله وقدري الناس حتى يقدروونج وحزني معااهم هذي خالتهم مو غربيه وعادي اي وقت سوي استقبال بصاله ولبسي وكشخي واستانسوا ورقصوااا بس مو الحين تسوين نطري عليهم حراام توها متوفيع خالتهم الله يرحمهااا

 

[أشــواق]

الله يرحمهاا

واقنعيه انه يأجل العرس هذي فرحتج ولج حق فيها حاولي معاه بطريقه واسلوب خااص قوليله الاضحى مابقاله شي


وموفقه

 

[ام النوري 2]

رد : واااي ضاق خلقي اهل زوجي عندهم حالة وفاة و كنسلو العرس قولولي شسوي الحين ؟

انا لااله وانا ايه راجعون
الله يرحمها وماتدرن يمكن فيه خيره لك ولزوجك وسويه بالبيت احسن واعزمي اللي تبغين
والله يوفقك ويبارك لك//////////////

 

[magnolia]

حياتي عيون ملكية ما تستاهلين عظم الله اجركم

قدر اللــــــــــــــــــــــــــــــــــــــــه و مــــــــــــــــــــــــــــــا شــــــــــــــــــــــــــــاء فعل سبحانه

حطي فبالج ان كل شي ربي كاتبه فيه الخيرة لبني ادم بس وقتها ما يحس

امشي على شور زوجج لان هذا اهوا المهم و اهوا اللي راح يبقالج (اهم الشي التوفيق من رب العالمين)

يمكن الله دافع عنج شي راح يصير بالعرس

صدقيني اهم شي الرجال و لا العرس و الطقطقة ما فيها الا انج تفتحين عيون الناس عليج

صدقيني
خــــــــــــــــــــــــــــــــــــــــــــيرة


مع عمري ما حبيت اطلع من الموضوع بدون ما اواسيج

 

[عيون ملكيه]

فديتكم بنات

بس خل يخلص العزا و انشالله بفاتحه بالموضوع و ان رضا رضا و ان قال لا بعد شسوي امري لله

 

[al7anona]

رد : واااي ضاق خلقي اهل زوجي عندهم حالة وفاة و كنسلو العرس قولولي شسوي الحين ؟

لو تقدرين تسوين حفلة ببيتكم ديجي وعشى وكوشه وشي بسيط وتستانسين انتي واهلج وتصورين

وبس

يعني حفلة بسيطة ببيتكم عشان تراعين ظروفهم

اذا يمديكم الوقت

 

[قطوة@@]

رد : واااي ضاق خلقي اهل زوجي عندهم حالة وفاة و كنسلو العرس قولولي شسوي الحين ؟

ما تدرين كل شي خيرة

 

[ذهبيه مرصعه بألماس]

عظم الله اجركم

و هذا شي مو بيدج و لا بيد احد

حبوبه
تفاهمي مع زوجج و رديلنا خبر
و اولا و اخيرا ترا انتي اللي تسهلينها و انتي اللي تعقدينها

الامر بيدج و لا الرجال ما قصر قال بحطلج كوشه و بحطلج دي جي دخلتج اشتبين بعد ؟ يداري خاطرج مع ان المتوفيه خالته اخت امه ترا قويه حيل
الله يكون بعونج

 

[ريانة العود ،،]

رد : واااي ضاق خلقي اهل زوجي عندهم حالة وفاة و كنسلو العرس قولولي شسوي الحين ؟

الله يـرحمهآ يآرب ويــسكنهآ فسيح جنآته..
صــآدقه عيون صعـبه تدخلين ع النآس وهم بحآلة حزن..انآ رايي أمك تكلم أمـــه وتقول أجلوا العــــرس فترة شهر أو شهرين ومولازم عــرس وطقطقه بس عالآقل تهدآ النفوس شوي..,, حتى يكون موقــف حلو من أمك تجآههم .. وموفـــقه ياقلبي ..

 

[حقوقية عسل]

رد : واااي ضاق خلقي اهل زوجي عندهم حالة وفاة و كنسلو العرس قولولي شسوي الحين ؟

خيره ان شاء الله وموفقه حبوبه..

 

[*قمر 2005*]

حبيبتي عيون ملكية انا حاسة فيك حيل ولكن قدر الله وما شاء فعل واحنا مؤمنين ونؤمن بالقضاء والقدروهذا اللي الله كاتبه لج وما عليج الا الصبر والاحتساب والله ان الله راح يعوضك بالسعادة وراحة البال مع زوجك واهله انشاء الله تعالى شيلي وسوسة ابليس من مخك وترى الفرحة مو بالطقطقة او بدخلة الصالة او الترقص وغيرة كل هالامور هذي لو بتجمعينها على بعضها ما اتعدى الساعتين او الساعتين ونص بالكثير لاتبيعين الغالي بالرخيص اهم ما عليك رضا زوجك اللي اهو من رضا الله وصدقيني راح تكبرين انتي واهلك بعيونهم وما راح ينسون لكم هالموفق مهما كان
وبما انك مو حابة تدخلين عليهم وهما بحزنهم اقترح عليج انك تطلعين مع المعرس من بيت اهلج بعد ما تصورين معاه بالكوشه وتباتون بفندق وتسافرون شهر العسل وعقب ما تردون بالسلامة بكون حالهم احسن وبعد فترة تقدرين تسوين حفلة استقبال وتعزمون حبايبكم صدقيني ترى موقفهم صعب جدا الله يكون بعونهم وخاصة اهو اللي مو عارف شسوي خليك معاه وخليه يحس انك مومن اللي تهمها المظاهر وما تراعي شعوره وشعور اهله

 

[منيرة خالد]

خيره

والله يوفقج

 

[سوالف وتراحيب]

رد : واااي ضاق خلقي اهل زوجي عندهم حالة وفاة و كنسلو العرس قولولي شسوي الحين ؟

حبووبه نصيحه استانسي ابيت اهلج وعزمي رفاايجج وخل يزفونج على فندق عشاان ماتخترب فرحتج فهمتي حبووبه يعني من بيتكم للفندق وتالي ردي بيتهم على الاقل ماتشوفين الحزن بعيونهم بيوم عرسج
وقولي هالدعاء اللهم لا سهل الا ماجعلته سهلا وانت تجعل الحزن اذا شئت سهلا

 

[كاروهات#]

رد : واااي ضاق خلقي اهل زوجي عندهم حالة وفاة و كنسلو العرس قولولي شسوي الحين ؟

سوي عرس في بيتكم وحطي كوشه
وهو يجي يدخل يصور معاج بالكوشه وياخذج وتطلعون

 

[ضاقت علي دنياي]

الله يرحمهآ ويغفر لهآ ،،

حبيبتي هآذي خآلته ،، وحتى لو اجل استحآله يكون شهر 12 ..

لآ تكلمنه وتغثينه ..

فكري لو كلمتيه وقلتي ابيك تآجل العرس وانتي اصلآ مكلمته من قبل وقآل لآ ..

رآح يآخذ موقف منج وختى اهله بآجر لمآ تجينهم مآرآح ينسون انج طلبتي تآجلين العرس واهم حزنآنين ..


كل وحده تحلم بيوم عرسهآ وتبي تستآنس وتفرح مع اللي يحبونهآ وتحبهم ..

سوي خفله في بيتكم واعزمي اهلج ورفيجآتج واستآنسي معآهم ..


لآ تعآندين جذي رآح تخسرين زوجج واهله ومآرآح يفيدج العرس والطقطقه ..


والله ان في اشكبر بنآت صآر فيهم مثلج وكم وحده اعرفهآ جت لآهل زوجهآ ببدله عآديه بس فحمه حتى الفستآن الآبيض مآ لبستهم علشآن زوجهآ واهله ..

والحين شوفيهآ متهنيه ومستآنسه وطآيرين فيهآ انهآ قدرتهم الله يوفقهآ ..

وخيره ان تآجل العرس ..



لآ تتسريعين بقرآرآت تندمين طوول عمرج عليهآ ..


والله يوفقج ..