واااي قـــهر والله قـــــــهر ( قصتي مع نيللي زهار)

[اوملييتا]

الله يعوض عليج حبيبتي " نواظر " و مايضيع حقج دامج انظلمتي و الله يعوض عليج
و انا ما تعب روحي و اروح حق هالمصممين اخذ جاهز و ايد اريح اذا حيل متوهقة روحي الصالحية
فوق في محل اسمة كي كوليكشن اييب بدلات مصممين عالميين و اسعارة بحروة 500 و فوق
و على موقفج هذا ذكرتين بموقف صار جدامنا انا و اختي

قبل سنتين يمكن كنا رايحين محلات الكلف اللي يم بركات في السالمية اختي تشتري منهم خيوط صوف لأنها هاوية كروشية

المهم و احنا عند واحد منهم دخل مصمم معرووووووووف ماني قايلة اسمه بس محلهم حيل معروف على البحر و مرته خبيرة تجميل
و حالتها حالة المهم ماعلينا

و كان ماسك خام البطانه اللي ينباع ب 250 فلس و سأل الهندي : هذا خام قطن ؟؟؟؟؟ الحين انت مصمم و حالتك حالة و موديلاتك تنباع بالالاف و ماتدري هذا قطن و اللا نايلون واااااااي انا و اختي بققنا اعيوننا شفيه هذا مايعرف خام البطانه من القطن؟؟

اللي ابي اوصلله انهم يشترون ارخص و اخس الخامات و يبيعونها باسعار خيالية و لام حلات الموديل و لا حلات الخام عشان جذي اخذي جاهز و ايد اريح و ابتعدي عن المصممين العرب اخذيلج شي كلاس و راقي من مصمم اجنبي وايد احلى

صج تذكرت روحي محلات العثمان في مجمع مريم عندهم شغلات وايد راقية

 

[fatomy]

حسبي الله على كل وحده تنصب على الناس

 

[زهر الرمان]

واااااي حرتني مو صج
زين كتبتي تجربتج عشان البنات ينتبهون وهالاشكال وغيرها يتعلمون الادب
واصول الشغل ما اتعرفون اتصممون لا اتقصون على العالم
معوضه حبيبتي انشاءالله تلاقين نفانيف حلوين

 

[miss cute 86]

واااااي صج قهررر نفس سالفتي بس مع وسميه الحربي فلبينيتها ثوبي طلع يخرررع وانا دافعه لهم غير العربون 200 نص السعر للبروفه الاولى ولما شفته يمه يخرع وطولوا على ماطلع والمصممه كلش ماشفتها واخر تها طلعت بدون فلوس وقطيته عليهم مايعطونج شي نصب
عيني عينك وعرس اخوي بعد العيد شريت جاهز شسوي وطلع حلو علي الحمدلله على كل حال والله لايربحهم نصابين وتوبه افكر اقط فلوسي
على كمصممين كلهم نصب وذوق فاشل مايضبطون الثوب الا للفنانات بس

 

[جميله55]

ياقلبي الله يعين ويوفقج وتلقين بدل تعجبج
أنا عندي ثلاث بدل " بدلتين من لابرجوازي والثالثه من ديفون " شغلهم شوارفسكي وكنا مفصلينهم لعرس أخوي يعني شغل راقي وذرابه طبعا الشغل من جدام وورا

 

[نواظر]

بنات شكرا لك من ارسلي بالخاص وحاول انه يساعدني
والي قالي روحي لحمايه المستهلك والله يابنات راحلهم ابوي اليوم وقالوله مابيدنا شي روح إشتك بالمحكمه
حنا بس ننفذ العقد
والعقد مكتوب فيه انه يرد نص العربون او يتصلح الثوب اذا في غلط

وانا الثوب عايفته لانه مايسوى ربع دينار
الشكوى الله عصفور باليد ولا عشره بشجره
بس نصيحه لاحد يثق بمصممين الي همهم الاول والاخير بس الفلوس
والي كل ماشافونا سحبو الي في جيوبنا وحنا ياغافلين لكم الله

جنائن من :eh_s(17)::eh_s(17): لأرواحكم

 

[روزماري]

انا من شفت شكلهآ آستغفر الله مآ آرتحتلهــآآ

الله يعوضج حبيبتي

 

[غَـنْـجَـى و دَلـوعْ]

وااااي قصتج تقهر حبيبتي الله يعينج و ييسر لج و تلقين أكشخ و أسنع نفنوف و تطلعين أزهى وحدة بالعرس ياااااا رب
ما عليه حبيبتي أنتي مظلومة لو ما حصلتي حقج ربي ما يضيع حقج عليج بالدعــــااااااء استغلي إجابة الدعوة بسبب الظلم فديتج و الله ييسر لج

 

[أمـيـرهـ بكلمتي]

هلااااااااااااا


الله يعينج لو مشتكيه احسن وترى صارلي نفس الموقف عند مصمم ثاني حسبي الله عليهم

والشرها موعليها الشرها على اللي تمدحها

الحمدلله والشكر صج الناس اذواق

واذا تبين اختي عندها نفنوف من شادي زين الدين والله حيل حلو وراقي تعالي البيت وشوفيه


والله لدرجه لما نروح محلات الحريم اللي ياجرون نفانيفنا احلى بواجد من اللي عندهم

وانا نفنوفي وديته اليوم عند ام خالد اللي بمشرف اللي تاجر نفانيف بس نفنوفي روعه

قصير ومن ورى ذيل روعه الكل امدحه

 

[دبدوبه q8]

رد : واااي قـــهر والله قـــــــهر ( قصتي مع نيللي زهار)

وييييــــــــــــــــــــ شنو هــــــذا <<< ابدا ماكو ثقهـــ
يحليله خياط المنطقهـــ <<< ما عنده هالاحتيال هذا
اللهـــ يعوضجـــ خيــــــ,,,ــــــــر
اذا عندج وقتـــ تسافرين الخبـــر <<<فيه اشياء راقيه و حلوهـ هناك و رخيصه بنفس الوقتـــ​

 

[بدون اسم]

رد : واااي قـــهر والله قـــــــهر ( قصتي مع نيللي زهار)

متى عرسكم ؟

 

[& مــشــايــخ &]

يوه يوه يوه

امبيه مايمديج

قهرررررررر

حبيبتي انتي جم مقاسج؟

 

[جالكسي*]

حسبي الله عليهم حبوبه روحي اخذي جاااهز ما فيه وقت

 

[كسرة عود]

رد : واااي قـــهر والله قـــــــهر ( قصتي مع نيللي زهار)


حسبي الله عليها

الله يعوضج يااااااااارب

 

[قبلة مطير]

الله يعينج والله حاسه فيج
يحسبون فلوسنا لاقيينها بالشارع واحنا نتعب فيها
نفس الوقف صار معاى وعند المصممه فاطمه قبازرد
احب ستايلها والمشكله ما كنت مخططه اروح العرس بس
امى لزمت اروح وباقى اسبوع ورحت لهم وعجبتنى بدله 380 دينار
وقلت لها تخلصونها باسبوع والا المصريه اللى تشتغل عندها قالت اكيد
بس تدفعين المبلغ كامل قلت مصممه راقيه وما بتضيع فلوسى
دفعت واخذت القياس والاستلام بنفس اليوم يعنى حده حده
قلت معليش والا اللى ما تخاف ربها موسعه بالبدله اللى انهرت من لبس العارضات
وعرض البدله ويوم قلت لها هذى البدلله مستعمله قالت ما عندنا خام قلت لها
ليش ما قلتى من الاول قالت ما ادرى قلت مو حرام تعطينى بدله مستعمله وبالسعر
قالت كيفج تبين البدله اخذيها مانرد الفلوس سكت لان من بياخذ حقى واليوم عرس
قلت حسبى الله عليها عساها ما تهنى بالفلوس ولا ترقد بفراشها
اذا هذى سواياهم

 

[مــضــاوي]

رد : واااي قـــهر والله قـــــــهر ( قصتي مع نيللي زهار)

الله يعوضج حبيبتي

 

[السقوط إلى الأعلى]

رد : واااي قـــهر والله قـــــــهر ( قصتي مع نيللي زهار)

نفسسسسسس السالفة ورب الكعبة صارتلي مع اتيليه اسمه (( اتيليه المصمم )) لبناني اسمه علي يونس بالمنقف نصاب درجة أولى وربي سالفتج اهي نفسها اللي صارتلي عبالي اختي اللي كتبت هالموضوع وديرو بالكم منه يابنات نصاب وماشفنا ثيابنا الا بصالة العرس اقسم بالله العظيم ! بس ماقول الا حسبي الله على كل فلللللللللس خذاااه منا ياعله زقووم

كل مابكتب موضووع عنه اتعاايززز لا اشرح الهم والغم مادري شكتب مادري شخلي واقول اخليها على الله

اهو خام ردي اهو جذب ونصب وتغيير بالموديل مو نفس اللي طلبناه اهو تاخير بروفات ... اااااااااااااااااااخ ذكرتيني بالماااضي

لا والمصيبة يتنحش منا نقول لسكرتيرته الوقحه نبي نكلمه نتكلم بالموديل ؟؟ وربي شفناااه اول مادخلنا ونحش يوم شافنا تقولنا السكرتيره مو هني امبيييه حسبي الله ونعم الوكيل بسسس:eh_s(2):

 

[السقوط إلى الأعلى]

رد : واااي قـــهر والله قـــــــهر ( قصتي مع نيللي زهار)