واحنا بس ماعندنا غير واي ياشين حمولتي وياشين حمواتي ؟؟؟!!

[kuwaitya_zoGaa]

والله شوفي انا حمولتي الحمدالله وايد زينين وانا زينه معاهم
ولازم الوحده تعرف انها من بيت وراحت بيت ثاني عاداتهم وطريقتهم غير عن البيت اللى تربت فيه
واهم شى الوحده لازم ما اتدقق على توافه الامور وحمولت الوحده اذا شافوها محترمه معاهم بيحطونها على راسهم
انا لى الحين اذكر يوم قررت انى اسكن عند حمولتى جم وحده الحمدالله والشكر تشيشني عليهم وتخيلي واهيا ماتعرف حتى من ولده ماخذه بس تبي تزرع فيني ان الحموله مو زينه ؟؟ واذا سكنتى عندهم يعنى اكو مشاكل ؟؟؟ وايد ناس تأثرت من المنتدى ومن الكلام
وماعرفوا ان الواقع شي ثاني طبعا ما انكر انه فى حموله وفى جنه مو زينين بس الزين يفرض نفسه وكل واحد يتصرف على اللى اهوه تربا عليه

 

[PuPa^^SWeeT]

الله يتمم عليج يالغاليه .. اي صح كلامج
وتعليقي على ردج اللي قبل هذا لما قلتي

بس اللي انا متاكدة منه انه اغلبنا و كلنا بعد انتهااوش ويا خواتنا و حتى امنا ممكن نزعل من كلمة ولا موقف

كل الجناين يقولون جذي .. وهذا اللي يبط الجبد ..يقولون ( انا اعتبرها مثل امي او حمواتي مثل خواتي بس مادري ليش اهما يعاملوني جذي ؟! )
انتي لو صج عادتهم مثل خواتج او امج جان مانشبتي لهم على كل كلمه
يعني أشوف امج لو تسبج صفيتي النيه ... بس لو خاتج قلبتي الدنيا وماقعدتيها
وارد واقول على مشتاهتهم
اففف بعضهم صج يلوعون الجبد قطيعه <-- حقدت لول

وحياج الله :*

حياتي تسلمييين :*

 

[PuPa^^SWeeT]

بس ساعات تكون المرا مالها ذنب ويتبلون عليها
خاصه حريم الحموان تقولين شريجتها مو مرت حماها
غصب طيب تخلق مشاكل عشان تبين ان هي الزينه وغيري الشين

حريم الحموان خليهم على جنب هذيل فعلا مالهم حل

انا ماجربتهم اشوا بس لما بجرب بكون كبيرة بالثلاثينات و اخرها بعد


ياربي اتيي مرت حما هادية يارب


بس باتيي مرت حما والله اخااااف لوووووووووووووووول

 

[فله]

محد مشتكي من رخا

 

[ميشو المالكي]

كلن يعامل الناس بطيب أصله وكرم أخلاقه
وكما نعامل الناس بيعاملونا
ومشكوره على الموضوع خيتي

 

[ملوكـه]

مساكم الله بالخير كلكم
السالفه ومافيها الله يسلمكم انا لا اشتكي من حمولتي ولا شي ولله الحمد ​

بس عندي استفسار !؟
الحين البنات اللي يكتبون واي خالتي ام ريلي ذبحتني او اخت ريلي مادري شسوت .. ما سالت نفسها ليش يعاملونها جذي ؟ ماسألت هي شسوت علشان يعاملونها جذي ؟​

طبعا انا ما أقول ان كل الحمولات زينين ولا اكون ان كل حريم الاخو زينين !! حظوظ في الزين وفي الشين​

يعني ما سألت يمكن هي صارت سوسه بين خالتها وبنتها ؟ يعني مافكرت انها نقلت حجي مثلا حماتها حق احد غريب ووصل لاهل زوجها الحجي ؟ ويكون الحجي اللي نقلته جذب ؟ او او او وايد اشياء تفرق الاهل ماتجمعهم​

ولا بس كل اللوم على الخاله والحموات .. ومرت الاخو هي السنعه واللي ماتطلع منها العيبه ؟؟​

يعني استغفر الله الحين البنات هالجيل من يتزوجون مادري شيصير فيهم !! تطق عقولهم مره وحده وبدال ماتصير سنعه تصير بليس وعقب تشتكي تقول وااااااااي حمولتي يلوعون الجبد !!!
شي اكيد بيتغيرون عليج دامج سوسه .. ولا تبينهم يفرشون لج الارض ورد وانتي هذا طبعج ؟؟​

طبعا أصابع اليد مو سوا .. اتكلم عن البعض​

واترك الكيبورد لكم لنقل تجاربكم ..​

سبحان الله
مااعررفت انه فيه احد يسب حموولته الا من النت

بالعكس
ام ريلي حبوووووووبه
ماعمرها ضرتني !!
الله لايغير عليناااا

حتى خوااااته
بيناااااا احترااااااام .. وكل وحده تلزم حدها

وبعدين معروفه
وعلى نياتكم ترزقوون ,,

 

[حكستار]

الاختلاف موجووووود.... ومو معناه ان اي طرف فيهم شين...بس كل واحد تربيته وشخصيته غير فلازم تصير احتكاكات وتتشات <<<<< (متعوب عليها هالكلمة) هههههههه.

 

[سكوتي بذوقي]

أنا احترم أهل زوجي

لأنهم طيبين خاصةً امه ماتقول لي الا بنيتي

 

[بدوية بملامح كشميرية 86]

والله. انهم. مثل اهلي وبيتهم هو بيتي الحمدلله يااارب


وخالتي فديتها جني بنتها تخاف علي

واهم شي ماتحبني اتعب نفسي بالشغل

 

[** باربي **]

الله يتمم عليج يالغاليه .. اي صح كلامج
وتعليقي على ردج اللي قبل هذا لما قلتي

بس اللي انا متاكدة منه انه اغلبنا و كلنا بعد انتهااوش ويا خواتنا و حتى امنا ممكن نزعل من كلمة ولا موقف

كل الجناين يقولون جذي .. وهذا اللي يبط الجبد ..يقولون ( انا اعتبرها مثل امي او حمواتي مثل خواتي بس مادري ليش اهما يعاملوني جذي ؟! )
انتي لو صج عادتهم مثل خواتج او امج جان مانشبتي لهم على كل كلمه
يعني أشوف امج لو تسبج صفيتي النيه ... بس لو خاتج قلبتي الدنيا وماقعدتيها
وارد واقول على مشتاهتهم
اففف بعضهم صج يلوعون الجبد قطيعه <-- حقدت لول

وحياج الله :*

لانه الام شي والخاله شي ثاني ماكو مقارنه

لانة مستحيل ام تكره بنتها وبتدمر سعادتها

بس مو مستحيل انه خاله تكره جنتها وتبي تعاستها وطلاقها

يعني لي الام زفت البنت ولا صرخت عليها وقطت حجي عليها او حتى طقتها

البنت تدري انه عشان مصلحتها تلقائيا وانه مها مردتها على قلبها وبتخاف عليه

وتفديها بروحها لي احد تعرض لضناها

اما الخاله لي زفت ولا قطت حجي ولا صرخت او مدة ايدها وهاذي كبيرة بعد ..
يعتبر شي كبير وما ينسكت عنه لا يكون بس صج مثل امها عشان خايفه عليها
وتبي مصلحتها وانه ولدها يحبها !!

ولي صار تجج بين الام والبنت وييه الريل للأم الأم تلقينها توصية عليها ولو توة البنت غاثتها

انا الخاله لي سوت تجج مع جنتها راح توصلها لي المذابح بين الريال ومرته ويمكن الطلاق!!

هذا الفرق عرفتي ليش !!
ماكو مقارنه بين علاقه ام وخاله ..واخت وحماه.. واخو وحمى !! يعني هاذول يتساوون عندج !!كلش نوكومنت
هاذول اهلج وعزوتج لي هدج الريل وعمرة الدم ما يسيح و هاذول اللهم اهل ريل لي هدج ولدهم انقطعت علاقتج خلاص فيهم ولا عاد يسألون عنج اصلن ولا جنج عشتي معاهم !! ...


هذا الفرق بمعنى مختصر الاهل يمونون لو مهما صار لو تذابحوا يردون اهل ويبون المصلحة لبنتهم وعمرة ما يتمنون لها الطلاق ولا يغارون ..!

بس اهل الزوج لا والله ما يمونون مثل الاهل يعني لو ابوج سبج تسكتين لو غصب وتقولين ابوي
بس ابو ريلج هانج بتسكتين !! بترضين لنفسج الاهانه !!
السب والزف من امج وابوج مو اهانه ما انتي منهم وقطعه منهم ..
اما السب والزف من غيرهم وناس غرب او اهل ريلج لا والله اهانة وتمصخر !!

يعني ممكن اخوج لمن يعلي صوتة عليج مثل لمن حماج يعلي صوتة عليج !!

هذا اجابة سؤالج..


اما عن الجناين والحموله ليتج كملتي الاطراف وقلتي وياشين مرت اخوي !!
عشان ما تكونين ظلمتي اي طرف..
انتي قلتي نموذج بس قولي بعد النموذج الثاني الحمولة الهيلق الي تيي لهم بنت الناس
عروس مستانسه داشه عليهم بفرحتها وبتثبت لهم الزين عشان يستانسون وتتبي تكسب رضاهم
تلقينهم حافرين لهم الشوك بدون سبب ويخربون عليها احلى ايام حياتها ويه ريلها ..اي ليش؟ بس جذي غيرة وحقد

وينطرونها عالزله عشان زن زن زن وتشيش بعقل هالولد ليمن يصير اهو ومرته نار وشرار
لو بشي جذب او مو حاطة ابالها لانها من بيئة ثانية اكيد
بس بدال لا يكلمونها بالزينة ويقولون لها الي يبونة او يقولون له قولها يمكن ما تقصد لا يمسكونة باب لتغليطها وشفت اهي مو زينة اهي مو سنعه وتحل اللعنه ويشوشرون العلاقة بينها وبين ريلها هل عقبها بتقبلهم بذمتج !!.. بتقبل ناس يبونها جنه على مزاجهم بس مشروع قهري

ويا كثر هالنماذج

واحب اقولج ترى المفروض اهل الريل ما يهتمون انه ما صارت جنتهم سنعه
لانها ماراح تضرهم بشي راح تضر نفسها ..

اما الجنه المفروض تهتم لانه اهم الي راح يشيشونة ويصدق كلامهم عليها .. واهني راح يضرها


فاستغرب من اهل الريل الي يشتكون وحارين عمرهم جنه ميت لهم احد ..مو ادمية بالطقاق حق نفسها

بس ما استغرب لمن البنات يشتكون وينقهرون ويدعون لانه بيكون ريلها مسوي لها مشاكل ابسبتهم ..!!

 

[يكفيني حنانك..]

والله اتوقع على حححسب الزوجه وعلى حسب الحموله

 

[April 29]

من ناحيتي اهم زينين معاي بكل شي بس لان حماتي مو متزوجه خالتي تبيها 24 ساعه معانا بكل طلعه وبكل سفره ولانها وحيده ما عندها خوات تبي تطلع معانا مرات غصب تدري ان طالعين دق على ريلي ها وين تعال اخذ اختك

واي الله يعين
والله يتمم عليكم
حياج الله

 

[April 29]

والله شوفي انا حمولتي الحمدالله وايد زينين وانا زينه معاهم
ولازم الوحده تعرف انها من بيت وراحت بيت ثاني عاداتهم وطريقتهم غير عن البيت اللى تربت فيه
واهم شى الوحده لازم ما اتدقق على توافه الامور وحمولت الوحده اذا شافوها محترمه معاهم بيحطونها على راسهم
انا لى الحين اذكر يوم قررت انى اسكن عند حمولتى جم وحده الحمدالله والشكر تشيشني عليهم وتخيلي واهيا ماتعرف حتى من ولده ماخذه بس تبي تزرع فيني ان الحموله مو زينه ؟؟ واذا سكنتى عندهم يعنى اكو مشاكل ؟؟؟ وايد ناس تأثرت من المنتدى ومن الكلام
وماعرفوا ان الواقع شي ثاني طبعا ما انكر انه فى حموله وفى جنه مو زينين بس الزين يفرض نفسه وكل واحد يتصرف على اللى اهوه تربا عليه

ايوااا عدل كلامج
ولو كل جنه تفكر نفسج احنا بخير والله
حبيبتي الله يتمم عليكم انشالله
وحياج الله

 

[April 29]

لانه الام شي والخاله شي ثاني ماكو مقارنه

لانة مستحيل ام تكره بنتها وبتدمر سعادتها

بس مو مستحيل انه خاله تكره جنتها وتبي تعاستها وطلاقها

يعني لي الام زفت البنت ولا صرخت عليها وقطت حجي عليها او حتى طقتها

البنت تدري انه عشان مصلحتها تلقائيا وانه مها مردتها على قلبها وبتخاف عليه

وتفديها بروحها لي احد تعرض لضناها

اما الخاله لي زفت ولا قطت حجي ولا صرخت او مدة ايدها وهاذي كبيرة بعد ..
يعتبر شي كبير وما ينسكت عنه لا يكون بس صج مثل امها عشان خايفه عليها
وتبي مصلحتها وانه ولدها يحبها !!

ولي صار تجج بين الام والبنت وييه الريل للأم الأم تلقينها توصية عليها ولو توة البنت غاثتها

انا الخاله لي سوت تجج مع جنتها راح توصلها لي المذابح بين الريال ومرته ويمكن الطلاق!!

هذا الفرق عرفتي ليش !!
ماكو مقارنه بين علاقه ام وخاله ..واخت وحماه.. واخو وحمى !! يعني هاذول يتساوون عندج !!كلش نوكومنت
هاذول اهلج وعزوتج لي هدج الريل وعمرة الدم ما يسيح و هاذول اللهم اهل ريل لي هدج ولدهم انقطعت علاقتج خلاص فيهم ولا عاد يسألون عنج اصلن ولا جنج عشتي معاهم !! ...


هذا الفرق بمعنى مختصر الاهل يمونون لو مهما صار لو تذابحوا يردون اهل ويبون المصلحة لبنتهم وعمرة ما يتمنون لها الطلاق ولا يغارون ..!

بس اهل الزوج لا والله ما يمونون مثل الاهل يعني لو ابوج سبج تسكتين لو غصب وتقولين ابوي
بس ابو ريلج هانج بتسكتين !! بترضين لنفسج الاهانه !!
السب والزف من امج وابوج مو اهانه ما انتي منهم وقطعه منهم ..
اما السب والزف من غيرهم وناس غرب او اهل ريلج لا والله اهانة وتمصخر !!

يعني ممكن اخوج لمن يعلي صوتة عليج مثل لمن حماج يعلي صوتة عليج !!

هذا اجابة سؤالج..


اما عن الجناين والحموله ليتج كملتي الاطراف وقلتي وياشين مرت اخوي !!
عشان ما تكونين ظلمتي اي طرف..
انتي قلتي نموذج بس قولي بعد النموذج الثاني الحمولة الهيلق الي تيي لهم بنت الناس
عروس مستانسه داشه عليهم بفرحتها وبتثبت لهم الزين عشان يستانسون وتتبي تكسب رضاهم
تلقينهم حافرين لهم الشوك بدون سبب ويخربون عليها احلى ايام حياتها ويه ريلها ..اي ليش؟ بس جذي غيرة وحقد

وينطرونها عالزله عشان زن زن زن وتشيش بعقل هالولد ليمن يصير اهو ومرته نار وشرار
لو بشي جذب او مو حاطة ابالها لانها من بيئة ثانية اكيد
بس بدال لا يكلمونها بالزينة ويقولون لها الي يبونة او يقولون له قولها يمكن ما تقصد لا يمسكونة باب لتغليطها وشفت اهي مو زينة اهي مو سنعه وتحل اللعنه ويشوشرون العلاقة بينها وبين ريلها هل عقبها بتقبلهم بذمتج !!.. بتقبل ناس يبونها جنه على مزاجهم بس مشروع قهري

ويا كثر هالنماذج

واحب اقولج ترى المفروض اهل الريل ما يهتمون انه ما صارت جنتهم سنعه
لانها ماراح تضرهم بشي راح تضر نفسها ..

اما الجنه المفروض تهتم لانه اهم الي راح يشيشونة ويصدق كلامهم عليها .. واهني راح يضرها


فاستغرب من اهل الريل الي يشتكون وحارين عمرهم جنه ميت لهم احد ..مو ادمية بالطقاق حق نفسها

بس ما استغرب لمن البنات يشتكون وينقهرون ويدعون لانه بيكون ريلها مسوي لها مشاكل ابسبتهم ..!!

اللي استنتجته من كلامج حطيتي نموذج لما تكون الحموله تبدا بالغلط
طيب اذا الحموله سنعه و الجنه بالبدايه بدت بالغلط ؟؟او مرت الاخو ؟؟

ووجهة نظرج نحترمها
حياج الله

 

[April 29]

فله
بوبا سويت
ميشو المالكي
ملوكه

منورين يالغالييات

 

[April 29]

حكستار
سكوتي بذوقي
بدويه ستايل
يكفيني حنانك

حياكم الله

 

[عاشقة هواك]

حبيبتي غلطانه مرات الجنه اطيب منها ماكو بس حمولتها مو زينه شنو تسوي مثلا اذا خصوصيه ما عندها عيالها يتدخلون كل شي يتدخلون شلون بتعاملهم مثلا ؟ جياس السوق وملابسها الداخليه يتعبثون فيه اذا شرت شي من السوق يحترون واذا طلعت يحترون ما يصير بعد كل طلعه ماخذتهم وياها

 

[أمي غلاها غير]

هههههههههههههه مسكينه صاحبه الموضوع تعانين نفسيا شكل مرت اخوج مجننتج لا ياعمري بنات هالجيل فينا المتربيه وفينا الصالحه وفينا الصبوره حبيبتي انا تربيه بيد امي طيبه وحبيبه وعلمتني عللصبر والطيب دخلت عل بيت متشتت لام ما تكلم خواتها وعايله قطوع لام خبيثه وتستغل طيبي واحترامي لها ولاخت مطلقه وتشيش لام ولام خلقه خبيثه ما يحتاج بنتها تشيشها تخيلو خبيثه وبنت تشيشها صبرت وصبرت ومرت اخوهم الثانيه بنت عمهم محترمينها عشانها منهم وانا عشاني غريبه الزبده ترا فيه بنات متربيات احسن تربيه ومتعلمات وحبيبات وتدخل وتعيش معاهم على نيتها بس مع الوقت لاشافت الظلم والقهر تصير خبيثه نفسهم وتخبث لهم :rerrerek: محد مثلي شاف الضيم والحمدالله يبون طلاقي وما حصل قعدت على كبودهم لان زوجي مو غبي عرف انا شنو وهم شنو اجيهم من عيد ورمضان دقايق وانا واقفه وزوجي جمبي وواجد عليهم طبعا يكون بعلمكم انا شقه بروح حاليا طلعت ولدهم من البيت تهقين ياصاحبت الموضوع انا طلعته من البيت اتهقين البلاوي مني لو ماشاف زوجي اني كفو واني صبرت 5سنين لين شاب راسي عطي الموضوع حقه بليز

 

[بسمة^^]

أنا الحمدلله أحب خالتي و حمواتي
و خالتي أعتبرها بمقام أمي
و أصلآ أهي تعدني وحدة من بناتها
الحمدلله الله يخليها لي
بين فترة و الثانية أطلعها معاي و أخذ خوات زوجي أطلعهم
معاي طلعة جماعية
و أستشيرها في بعض الاشياء
و أذا شريت أخذ لها معاي
أصلآ هي نفستني في ولاداتي
بحكم أن والدتي متوفية
مامرة حسيت أنها أم زوج من دخلت بيتهم حسيت أنها أم لي

 

[ميسم]

صج الدنيا حظوظ واصابع ايدينج مو سوا
في حمايل مومستوعبين فكره ان ولدهم تزوج وعبالهم ان الزوجه بتاخذه وحتا لو تنزل وتوقع كل يوم لهم حضور وانصراف مايبين بعينهم حتا ع زواره اهلج يحاسبونج بالروحه والجيه وان طلعتي مع ولدهم القيامه قامت هووووووووووووووووب هووووووب دام تبون جناين جذي ليش مااخذتولهم مقطوعين من شجره الجنه بعد تبي اهلها وخواتها وخالاتها وعماتها وماراح تنساكم بتوجبكم وبتجيكم بس سوالف النغزات و اللي جني اكلم طوفه لي طلعت موحلوه هني اسحب ع الحموله
بعد احنا لي جينا نبي كلمه حلوه ونبي مقعد عدل موتنغز
وفي جناين سلمي لي عليهم توري حمولتها وجهها بالاسبوع مره وتطلع وتروح وتجي وخلي احد يبطل حلجه
صدقيني واقع وشايفته....