واخيرا يا بنات استقرينا على ماليزيا:)

[الجــادل]

مرحبا بنات


انا نزلت موضوع عن السفر لمصر او دبي وكنت محتاره

لاني بروح مع اخواني


المهم قدرت اقنع الوالد والوالده انا نروح رحله عائليه اونس

وبما ان اوربا ميزانيتها عاليه حيل كاسره من 9 اشخاص وحنا عندنا بنيان

وترميم


قلنا ماليزيا رخيصه وما شفناها

وانا معاي خوف من الطياره لما تطير فوق المحيط فراح اكل منوم

المهم

من خلال مواضيع البنات وخصوصا الاخت شهد والاخت اريج

اخذت فكره عن ماليزيا


فقلت اول ثلاث ايام بنقضيه في الاحصنه الذهبيه

وبعدين بنروح بينانغ ثلاث ايام بس محتاره


شنو احلا فندق هناك؟؟؟

وبعدين الجنتنغ يومين


شنو احسن فندق بالجنتنغ؟؟


وبعدين كوالالمبور ابي فندق برجايا تايم سكوير واذا ما حصلته شنو ممكن يكون خيار ثاني نفس مستواه وموقعه؟؟


وشنو الاسواق الحلوه هناك واماكن البخور الحلو

وشلون بالنسبه لتاكسيهم امينه والا ناجر سياره من الفندق؟؟

وبالنسبه للطيران ما حصلنا حجز كنا نبي الاتحاد او القطريه او الاماراتيه او الكويتيته مافي


في السيلانيه بس فيرست كلاس فحطينا اسمينا انتظار


شلون مستواها؟؟


وبالنسبه للجو هناك شلون عساس اعرف شنو اخذ؟؟


وشنو المطاعم والسينيمات الحلوه؟؟

واماكن الاسواق المختصه بالماركات العالميه؟؟

والكافيهات وين موجوده؟؟

وبالنسبه للمستشفى لا سمح الله شنو احسن مستشفى هناك؟؟

والمطاعم العربيه شنو اسمها وين موجوده؟؟


وشنو في سوقهم شي غريب مو عندنا


هذا اللي يحضرني من الاسئله حاليا


وبانتظاركم يا خبيرات ماليزيا

 

[شيخة الزين 80]

جدوله...أنا سويت برنامج سفرتي كل يوم طلعه :eh_s(9)::eh_s(9): من منتدى العرب المسافرون صراحه روعه :eh_s(15)::eh_s(15): كل اللي سألتي عنه بتلقين اجابته بالعرب المسافرون لا يطوفج.....:eh_s(8):

 

[الجــادل]

شيوخه


دخلته وضعت من كميه المعلومات


وذوقنا حنا يالكويتين غير

 

[جكورة]

أحسنتـــــي الإختيـــار يالغاليــه... ماعندي أي فكره عنها بس حبيــــت أدش وأقولج تروحين وتردين بالسلامــــة

 

[ريفيل]

http://

http://

 

[عنايد]

موفقه وتروحين وتردين بالسلامه انا كنت ناويه اروح لها وخططت للرحله عن طريق منتدى المسافرون العرب أفادني حيييييييييل لكن تكنسلت الرحله خيره ان شاء الله
ترا المنتدى حيل مفيد يعني قارنت مابين كلام البنات بالمنتدى وبين منتدى المسافرون العرب على جم استفسار من عدد من المسافرات لها سابقا وسويت لي جدول لكن الله ماكتب
بس حبيت اذكر لج تجربتي عشان تستفيدين من كلام الكل
وموفقه يارب اتمنى لج رحله سعيده وعودا حميدا

 

[الجــادل]

جكوره

ريفيل

عنايد

مشكورين

بس لحد الان ماكو حجز

 

[تركواز]

الجادل احنا نفس حالتج مو لاقين حجز لماليزيا

 

[شهدQ]

هلا وغلا اختي الجادل اشكرج ع الثقه فيني ياحياتي واتمنى اني اساعدج على قد مااقدر

اولا اضيف الجدول الناقص من الاخت ريفيل شاكره جهدها

واهو جدول كوالالمبور

بالنسبه لأسألتج

وبعدين بنروح بينانغ ثلاث ايام بس محتاره


شنو احلا فندق هناك؟؟؟

اذا كنتي تبحثين عن الافضل والافخم عليج بشانغريلا راسا سينج بشارع باثوفرنجي واحفظي اسم الشارع لان الفنادق هناك كل فندق مكرر بشوارع مختلفه

اما اذا كنتي تبحين عن الارخص فهو البي فيو ويعتبر نظيف جيد لكن مو فخم لكن الناس يفضلونه لانه نصف سعر الفنادق بهالشارع وطلته حلوه بالفطور

وبعدين الجنتنغ يومين


شنو احسن فندق بالجنتنغ؟؟

للاسف ماعندي جواب اروحلها الصبح استانس وارجع بالليل كاني رايحه للترفهيه

وبعدين كوالالمبور ابي فندق برجايا تايم سكوير واذا ما حصلته شنو ممكن يكون خيار ثاني نفس مستواه وموقعه؟؟

الافضل بشارع العرب الويستن والماريوت بس اسعارهم الدبل انا انصحج باستانا كبديل نظيف وغرفه وساع وحمامه شرح وقريب من شارع العرب 5 دقايق مشي والاحلى رخيص جدا جدا

وشنو الاسواق الحلوه هناك واماكن البخور الحلو

انا حبيت التن تورز وسنجواي بلازا والتايم سكوير والناس اذواق

وبالنسبه للجو هناك شلون عساس اعرف شنو اخذ؟؟

رطب حار لكن اوقات يغيم ويصير حلو والملابس صيفي

وشنو المطاعم والسينيمات الحلوه؟؟

واماكن الاسواق المختصه بالماركات العالميه؟؟

والكافيهات وين موجوده؟؟

المطاعم عندج خيمة الصحراء والطربوش ونان وغيرهم الكثير بشارع العرب

الماركات العالميه بالتن تورز

الكافيهات بشارع بوكيت بيتانج ( شارع العرب )

اتمنى اني افدتج وتروحين وترجعين بالسلامه

 

[روزالكويت]

تروحين وتردين بالسلامه وان شاء الله تلقون حجز زين..

 

[طوق البنفسج]

الجادل .. فندق ال golden horses مايسوى 3 ايام مافيه شي يمه بس سوق و عادي جدا .. و المنطقه الي اهو فيها منعزله و بعيده .. روحي يوم له رحله و حق السوق الي يمه ..

اذا تبين فندق ثاني بنفس الفخامه بس اونس .. عندج sunway lagon اينن فندق و متصل فيه سوق و مطاعم و ماذكر بس جنه في سينما .. و صاله تزلج و المدينه ملاهي و مدينه مائيه .. يعني احنا قعدنا فيه 4 يايام ايهبل .. و يمه جامعه و مطاعم بره الفندق و السوق .. يعني يستاهل العنوه

وجنتنج .. ماتسوى يومين الا اذا عندكم يهال الانها مدينه ملاهي عالجبل و صغيره بعد مو كبيره و سوق و مطاعم يعني رحلة يوم كافي ..

بنينغ .. احنا سكنا بفندق شتغريلا بس شنو تكملته ماذكر بس مشهور انه بليل الساعه 7 عند سور الفندق ايصير سوق الليل لوحات و هدوم و يمه مطاعم و الريوق بمطعم مفتوح عالبحر و البراشوتات .. و الجت سكي ايهبل واايد حلو

و ان شاء الله تلقون حجز و تروحون

 

[ساره ستايل]

الجنتنج ماتسوى يومين .. روحولها الصبح ورجعي المغرب كافي
جنها الترفيهيه نفس ما قالت شهد

اسواق الماركات : احلى واكشخ سوق وكلله ماركات اسمه (one utama)
لاتطوفينه
حتى تلقين فيه محل (dkny)

فندق اببينيغ : سكننا مرتين اب (موتيرا بيتش ريزورت 5نجوم) بس حاليا مغلق للصيانه

في جزيرة لنقاوي : سكننا في بيلانقي بيتش ريسورت(5نجوم) حلو بس عيبه الحشراااااااات

كوالالمبور : مره سكننا بجي دبليو ماريوت 5نجوم << لووووووعه
وبغوا يبوقونا بالليل واحنا نايمين ولما اشتكينا ،، لاحياة لمن تنادي
ومعاملتهم لوووووووووعه بعد

والمره اللي بعدها سكننا برا كوالالمبور بالاحصنه الذهبيه 5نجوم
إحليو والاحلى فيه انه تابعتله بحيرة وتوصلج ابتاكسي مائي
حق سوق كبير اسمه ماينز << وايد حلو وفيه شغلات ارخيصه ومطاعم متنوعه

الجو : رطووووبه وحر << بس مو نفس حر الكويت.. لا اهون ابوايد
ومرات يطق مطر خفيف
يعني لبسج هناك نفس لبسج بلكويت
وجنتنغ اشوي ابرد
بس بالنسبه لي ما تحتاج لبس شتوي بالمره

الديرة عموما : روووووووعه
خبري فيها من سنتين
بس حاليا يقولون صارت اغلى من قبل
وليش الحين ماكو حجوزات؟
لأن دورة كاس آسيا مقامه عندهم بشرق آسيا
اتوقع بس اتخلص المباراة النهائية .. بتتوفر حجوزات

 

[الجــادل]

تركواز


ابشرج لقينا حجز عالقطريه عند روتنا بس التذكره 335 عساس حجز متاخر



روز الكويت


الله يسلمج يا قلبي



شهوده وساره ستايل وطوق البنفسج


مشكوووووووووووورين حبيباتي على النصائح العسل افدتوني والله

جزاكم الله خير



حنا حجزنا وبنزل لكم مخطط الرحله نطروني شوي بس

 

[الجــادل]

طبعاما لقينا حجز الا بطلعه الروح عالقطريه


المهم


اول يومين فندق الاحصنه الذهبيه نبيها ريلاكس بعد الرحله الطويله خصوصا امي بعد ما شافت صور الفندق اصرت عليه لانه عجبها



بعدين بنروح بينانغ بنقعد فيها 4 او 5 ايام نسيت كم بالضبط وحجزنا هوليدي ان وقالنا في اثنين عالجبل والبحر اخترنا البحر


وبعدين بنروح كوالالمبور في برجايا تايم سكوير حجزنا 2 ستيديو ديلوكس لمده 10 ايام

ومنها نقدرنروح يوم لجنتنغ ويوم نروح حق افا موسى وهكذا



شرايكم ؟؟

 

[الجــادل]

تذكرت شغله برجايا تايم سكوير قريب يم شارع العرب؟؟؟

 

[شهدQ]

جدول ممتاز

بس لو تخلون بينانج 4 ايام ويومين للنكاوي افضل حرام توصلون ماليزيا ماترحون لنكاوي جزيره ساحره ورائعه

 

[b6o6a]

الجادل متى سفرتكم انشاءالله

 

[ArEEj]

بالتوفيييق
صج بتستانسين هناك
الله يهنيكم
واختياراتج حيل حلوه
الاحصنة الذهبيه صج مريح وراااقي
ومن عنده تطلعون للمايينز عن طريق التاكسي المائي
وللصن واى لاقون الالعاب او الصن واى برميد السوق
عن طريق التاكسي مشوار ربع ساعه

والهوليدي ان ما سكنت فيه بصراحه بس بييننغ كل ما فيها حلو
الالعاب البحريه والشاطئ والحدايق وهضبة ببينق كلها تونس

برجايا تايم سكوير لو اروح مره ثانيه لماليزيا ما اسكن الا فيه
موقع استراجي ومكان حلو والاستديو اللى اخذتوه راهي وكبير

وبرجايا تايم سكوير قريب من شارع العرب
وشوفي هالخريطه توضح لج
ترى اسم شارع العرب الحقيقي هو ( جلان بوكيت بانتنج )​

 

[ساره ستايل]

انا من راي شهد..
لنقاوي لازم تروحون لها وتمرون على جزيرة النسور فيها
لأنها صج مكان هادي ورومانسي ورووووووووووعه

هوليدي ان : ربع ريلي اثنين راحو له وما ارتاحوا فيه
يقولون كللش ولا جنه هوليدي ان
ف غير وا واحجزوا في شارنغريلا ابشارع السوق الليلي وااااايد ارقى واحلى

 

[الجــادل]

جدول ممتاز

بس لو تخلون بينانج 4 ايام ويومين للنكاوي افضل حرام توصلون ماليزيا ماترحون لنكاوي جزيره ساحره ورائعه

مشكله اهلي يا شهوده


اني ما احب البحر


زين بعد حب خشوم وافقت على جزيره


لو بوافق عالثانيه بيجيني انهيار عصبي خخخخخخ