واشنطن...ياخبيرات أمريكا

[JEED2007]

مساء الحب


بنات انا ان شاء الله بروح واشنطن بس بروحي عندي مؤتمر ورحلتي عالكويتيه يعني الكويت نيويورك واشنطن
فابليز بنات اللي عندها فكره عن واشنطن وعن مسار الرحله وطريقة الطيران الداخلي لاني مثل ماقلت لكم بروح نيويورك ومنها لواشنطن
تفيدني وشنهي الاماكن اللي اقدر ازورها بواشنطن والاسوقه لاني دخلت على مواضيع امريكا بس محد تكلم عن واشنطن

والله يسعد كل من تساعدني دنيا واخره ويسهل لها امورها

 

[nawnaw]

اذا تقدرين تغيرين الطيران وتروحين دايركت واشنطن عال اليونايتد يكون وايد احسن
واذا ماتقدرين ..تاخذين اي طيران داخلي ..اليونايتد او الاميركا اير لاين ..وهذي الشركه اعتقد ان الكويتيه تتعامل معاها...والمفروض ان حجزك يكون كامل الي واشنطن عن طريق دوامج ..يعني مالا داعي انتي تحجزين الداخل
اما عن السوق ..فا اكو شارع اسمهm street وايد حلو كله محلات وقهاوي..طريقته كانه شوارع اوروبا
فب البانتاغون موول ..صراحه انا ماحبيتا
اللي وايد عجبني ..مول اسمه تايسون1 ..ويمه مول ثاني اسمه تايسون 2,,واحد مول كبير كله الماركات الامريكيه الحلوه .والثاني كله ماركات
صراحه هالمولين يغنيج عن اي موول ثاني ..
بس انا ما ادري وين راح يكون السكن مالج ..لان هالاماكن مويم بعض

 

[كوب حليب]

عليج بالعافية السفرة و ان شاء الله راح تستانسين بواشنطن تراها ونيسة وآمان طول ما انتي بعيده عن الاماكن الفقيرة والخطرة و انتي في السنتر مال واشنطن لا تباعدين فيها ... واخذي تور في الاماكن السياحية واذا تبين ترا في باص سياحي حق المناظر لانه واشنطن متروسه سايت سينغ ومتاحف روعه .... وأم ستريت ايييييييييييييييييييييينن كله بوتيكات صغار يم بعض و صاير شارع طوييييييييييييييييييل .... وروحي في فيرجينيا تايسون 1 و2 ايننوووووون مثل ما قلت ناوناو ماشاء الله يغنونج عن كل السوق الي في العالم شقول بس شقول آخخخخ على هالمولين وترا تايسون 2 اهوه الصغير مقارنه في الثاني و الراقي وفي اوتيل كشخه مثل الصالحية عندنا واحلى مليون مره كله بوتيكات ماركات وفيه مطعم لبناني لذيذ وفيه تشيز كيك فاكتوري لذييييذ ما يحتاي اقولج عنه واذا في اي استفسار لا يردج شي سألي عزيزتي وان شاء الله اقدر اجاوب .. وما ابي الا دعوة حلوه منج

 

[*دانة الخليج*]

بنات ماقصروا
بس لاتنسون انها رايحه مؤتمر يعني ماعندها سياره واذا بتروح لتايسون بتاكسي بيطلع غالي عليها

عندج شوارع واشنطن حلوه وكلها ماركات وراح تتعبين وعندج ساكس افنيو روعه ملابسه