الحمد لله على السلامه 
احنا مخططين على ماليزيا إن شاء الله بشهر 1 أو 2 الياي
و حابين نقعد اسبوعين
عدد الاشخاص 5
حابه أعرف جم يبيلها تقريبا المبلغ الاجمالي .. تذاكر , سكن , مواصلات , أكل
من غير تشرّي من السوق
و بغيت أعرف عن المناطق التوب هناك من ناحية الطبيعة
و أبي مناطق تصلح حق التصوير و يكون فيها ورد أشكال و ألوان
يعني سفرتنا نبي انركز على التمشي و المناظر الطبيعية و المناطق البارده
هلا والله
اختياركم للتاريخ حلو ماكو زحمه مثل الصيف اااااف ززززززحمه هالصيف
والجو هناك نفس الشي صيف وشتاء
5 اشخاص تذاكركم بحدود 230 تقريبا تزيد او تنقص حسب خطوطكم اللى بتروحون عليها وحسب الاعمار اذا فيه اطفال تنقص طبعا
5*230 = 1150 تقريبا
سكن اقل شي غرفتين بتاخذون بكل فندق
بحدود 40 دينار بالليله تزيد او تنقص حسب الفندق
14*40 = 560
560 *2 =1120 قيمه تقريبه للسكن لغرفتين بكل فندق
مواصلات اكيد فان او ميني باص وطبعا يختلف سعره حسب المكان اللى بتروحون له
من المطار الى العاصمه حوالى 170 رينجت
من الفندق للاماكن القريبه بحدود 20 - 40 رينجت
اذا بتاخذونه بالساعه من 40 - 60 رينجت للساعه الواحده
اذا بتسافرون طيران داخلى اسعار تختلف حسب نوع السفريات
اسياأير تقريبا على الشخص 30-40 دينار
الاكل رخيص خصوصا الوجبات السريعه
بس المطاعم العربيه لا نفس اسعار الكويت
يعنى قيمه عشاء ل 5 اشخاص لا يقل عن 150 - 200 رينجت
بس الوجبات السريعه يطلع عليج 30 - 50 رينجت
بالنسبة للمناظر الطبيعيه بصراحه كل ماليزيا شجر وخضره وورود بتتعبين تصورين يعنى
احلى شي روحى حديقة الفراشات والزهور والطيور - بييانج - جنتنج - للتصوير طبعا
وفيه الكاميرون يمدحونها حيل انا ما رحت لها بصراحه
واى استفسار انا حاضرة :tek:
