واعليه واعلى حالي كنت الاول صرت انا التالي

[بخـــارى]

:eh_s(16): مرحبا معلمات شلونكم



بقولكم قصتي وانتوا حكموا
انا هالفتره مضغوووووووووووووووطه بدزة اخوي وبعدها زواجه
الموووووووووووووهم
ماامدح بنفسي اول شي انا مدرسة مادة غير اساسيه لكنها حلوه
احب طالباتي وطالباتي يحبوني
مااغيب الا للشديد القوي
احب دوامي ومخلصه فيه
تحضيري ووسائلي كامله
صارلي جم سنه نصابي اعلى نصاب
وماتكلم
صايره حق المدرسه(.............مكده وكراف)
للعلم سيارتي جديده وغاليه وفوق كل هالشي
يكرفوني مشاوير لشويخ والضجيج ولي كشخنا الجمعيه:eh_s(12):

كافيه شري لكن خيري لا مسويته سبيل
نظام مدرستي في حال انه المواد الاساسيه يبون حصص منا نعطيهم من غير تردد والسبب يكون لصالح الطالبات علشان يخلصون المنهج واعتقد من عمر الدنيا المدارس ياخدون حصص اضافيه من (بدنيه-اقتصاد_فنيه_موسيقى)
ومثل ماقلت لكم الماده مو اساسيه وماعليها درجات
توجيهنا العزيز بالتعاون مع رئيسة القسم عايشين الدور انه احنا ماده اساسيه لا واهم من الفيزيا
الحصص ماتتوزع ماعدا(حصص المدرسه الاولى) وكلها حصتين بالاسبوع ومالها خلقهم
انا كنترول وحصص واشراف ومناوبه وشغل المدرسه الي بره وقت الدوام وكل هالشي وانا اعتبر فاضيه وماعندي شغل
امس رحت مع مدرسه مستجده علشان نوزع حصصها لانه عندها اليوم دوره وامسكتني مدرسه من المدرسات وطلبت مني اعطيها صف من صفوفي لانهم متاخرين وانا قلت لها مومشكله ووافقت بسرعه لانه عرس اخوي باجر وكل يوم اخلص دوامي وركضه اخلص شغل العرس وكل شي على راسي
والدرسه الاولى عارفة بوضعي
لو كنت مااخاف ربي جان غبت وقلت بالطقاق لكن استحرمت اني اغيب
والعرضي مايعطونا الخميس ولا الاحد
اليوم رئيسة القسم اجتمعت فينا وسمعتني كلام يسم البدن
بما معناه اني انا وحده حياله والف وادور ومستهتره وانه اهيه وايد متستره علي وعلى اهمالي:080402ask_prv:
وبنفس الوقت قالت انتي قبل لاتغيبين توزعين حصصج واتشيلينا هم الاحتياط
:080402ask_prv: شهالتناقض

اقسم بالله يابنات الكلام الي كتبتبه مو مدح بنفسي والله انه صج
انا الي زعلني بعد انها اليوم وقت حصتي تمر علي جم مره تبي تتاكد اني اشرح ولا لا شخباري هالحركات سوالف الخاله والجنه(مرت الولد)
والكلام الي قالته مو وقته
انا ابي كلمه تريحني وتفرحني
والله اني حيل تعبانه من مسؤولية العرس ولويته عسى ربي يتمم فرحتنا على خير:yaaaaaarb:
يعني مو قادره تمسكت نفسها لي الاحد وتقولي هالكلام الي بعيد عن الحقيقه
حتى الي معاي بالقسم تضايقوا من كلامها
وطرشولي مسجات يواسوني فيها فديت قلبهم:hjy5jewf:
انا وضحتلها وجهة نظري بس مادري عنها
مشكلتي اني طيبه وبسرعه انسى الاسائه
وللعلم اهيا كل سنه تطلعلي بسالفه يديده
وسلامتكم:blueSmCLR:

 

[معلمة مصدومة]

ماقلتي لنا وين عرسكم
هههههههههه
بصراحة مجتمع الحريم معقد
بس هونيها وتهون وطنشي عشان تنتعشي

 

[قفشه شكر]

طنشي طنشي طنشي
اهياا بتسووي رووحهاا مهمه بس موو عاارفه شلووون
والله يتمم عليكم العرس بخير
ومبروووك حق اخووج ويعطيج ألف عااافيه

 

[reem0o0o0o0]

عطيهاااااااااا طاف دام انج واثقه من نفسج لا تضايقين عمرج والله يتمم عليكم فرحه عرسكم ودامت الافراح في دياركم عامرة

 

[طيف الندى]

رد : واعليه واعلى حالي كنت الاول صرت انا التالي

ماعليه ياقلبي والله نصيحه اخت لاختها لاتحملين نفسج فوق طاقتها اللي عليج سويه انا تعيين جديد بس حاطه براسي مااتعب عمري ادخل حصصي وادي درسي بكل امانه واطلع وسائل خرابيط زااايده ماعندي اللي عاجبه اهلا وسهلا واللي مو عاجبه يشرب من ماي البحر
بس للامانه رئيسه القسم عسل ولاداره عسل مع انهم ينتقدون بالوسائل بس طااااف
اخر شي يتقاعد ومحد مقدر جهودي ولا احد داري عني فاليش اتعب عمري

 

[بخـــارى]

رد : واعليه واعلى حالي كنت الاول صرت انا التالي

يعطيكم العافيه بنات
والله يبارك فيكم
ماقصرتوا عالردود
وبالنسبه للمرضيه
اخاف اخدها لانه مايجوز وانا مو مريضه
والحمدلله خلصت شغلي واموري تيسرت

 

[tmtmt]

ياقلبي اول شي
مبروك حبيبتي والله يهني اخوج وتفرحون بهاليوم يارب

ثاني شي معروف
الوحده الي تشتغل وتكرف وعلى قولتج يطرشون مني ومنك وانتي ساكته
هذا يكون جزاها

ولي طاقتهم بالطوفه وتسوي الي براسها
تنحط فوق الراس
ولا تنباس ولا تنجاس

لا تحرين عمرج عشانها
اهم شي انتي عارفه نفسج

بس ليش مارديتي عليها !!

خو كله رئيسة قسم !

 

[خيشة شكر@]

رد : واعليه واعلى حالي كنت الاول صرت انا التالي

الله يهنيكم والله رئيسات الاقسام مصدقات اعمارهم

 

[شفايف كرزيه]

يااااشين ولايه المره

مانحشنى من التدريس الا هالاشكال عما بعينهم وعلى شنو تعنفق ياشينهم ياعاد مره وعطوها منصب

 

[شفايف كرزيه]

يااااشين ولايه المره

مانحشنى من التدريس الا هالاشكال عما بعينهم وعلى شنو تعنفق ياشينهم ياعاد مره وعطوها منصب:eh_s(14):


ماحب احد يزفنى لانى اخاف ما امسك نفسي واخربها واللى يحر اذا كنتى تتعبين عشان بس تسمعين كلمه حلوه وتجى وحده من هالاشكال وتزفج عشان غبتى او صار ضرف غصب عنج
:jumpon:

 

[دلوعة وبس **]

السلام عليكم ورحمة الله وبركاته

الله يتمم عليكم عرسكم وان شاء الله تتهنون

اول شي سوي اللي يريحك ولا تضغطين على عمرك وانت مو مجبوره تسوين شغل المدرسه بره وتروحين وتجين واذا طلبوا منك

تعذري لهم بأي سبب ( انا تعبانه - سيارتي خربانه - اخوي ماخذ سيارتي - زوجي ما يرضى 000000 ومن هذي الاعذار )

ثاني شي اذا صار عندك مناسبة اخذي مرضي وبالطقاق فيهم لأنهم ما قدروا كرافك وماراح يضرك كلامهم خل يتكلمون

اهم شي انك مو مقصره في دروسك وطالباتك لأن هذا اللي انت مسؤوله عنه جدام رب العالمين وارضاء الناس غاية لا تدرك يالغالية

 

[اريج الجوري]

رد : واعليه واعلى حالي كنت الاول صرت انا التالي



اكيد انتي معلمه علوم الحسره والمستهلك ,,, :eh_s(4)::eh_s(4):


بالنسبه لرئيسة القسم عندنا وعندكم خير تمر على المختبر جنها تتمشى واهي تشوفنا نشرح او لأ ؟؟؟


وانتي مو ملزومه تسوين شغل مو شغلج ,,,


لا تروحين جمعيه والشويخ ولا مكان ماتبين تروحين له لأنه مو من مهام عملج ,,,


يختج ما ادري شقولج الكلام شكثره ,,,



اهم شي لا تعطينهم اكبر من حجمهم ولا تسوين الا شغلج وبس ,,,


والله يهنيكم بعرس اخوج يارب ...

 

[أم حمد =)]

رد : واعليه واعلى حالي كنت الاول صرت انا التالي

عطيها طاف ولا تهمج

والله يهنيكم حبيبتي

 

[محبة منتداكم]

رد : واعليه واعلى حالي كنت الاول صرت انا التالي

مصيبة والله ...ليش الناس صايرين جذي الادب والذوق ماينفع معاهم؟؟
ولمتى ؟؟بنظل نعاني من هنماذج المؤذيه اللي ماتقدر ولا ترحم؟؟؟

 

[ترانيم انثى]

رد : واعليه واعلى حالي كنت الاول صرت انا التالي

عطيهم اكبر طاااااااف ومتى ماطقت براسج غياب غيبي واشتري راااحتج
حلوووه هذي فوق كل اللي سوتيه تعاملج هالمعامله..ياااعمي بس اشتري رااحتج
ومبررررووووك عرس اخووج..

 

[الأميرة جوري]

رد : واعليه واعلى حالي كنت الاول صرت انا التالي

عطيها احلي طاف والف مبروك عرس اخوج ...والله يكون بعونج .,

 

[دانة))))]

طنش تعش تنتعش

هذا مبدائي :dddds:

فحبيبتي اذا انتي ماتحبين تاخذين مرضية و انتي مو مريضه حرام على قولتج؟


انتي اذا حضرتي عر س اخوج وتعبتي من الرقص موتصيرين تعبانه ؟

خلاص اخذي مرضية عشان التعب اللي راح يجيج؟:tomato2:

والف مبروك لعرسكم

 

[^^ريهام^^]

ألف مبرووووووووووك عرسكم

لا تحرقين نفسج

ما دام تسوين شغلج

محد له كلمة عليج

 

[زماني على كيفي]

مبروووووووووووووووك عررررس أخوووووووووووج وأنت تشتغلين حق ربج مو حق الأدارة والطالبات أمانة عندنا وأنت لاتنطرين كلمة شكرا من أحد عند اللـــــــــة ما يضيع واللـــــــــه يوفقج

 

[نسمه بارده]

عورتي قلبي والله مادري اواسيج ولا اواسي نفسي صج التربيه صارت مهزله والمعلم الي يشتغل ياكل تبن ويكرهونه عيشته تدرين تعبت وكلامج هذا زاد التعب تاذيت من ضميري الصاحي الي ماعرفت انومه لانهم موكفو ضمير صاحي الي يعيش وياهم لابد يصير نصاب وبويهين ومشكلجي هذا يحبونه ويحطونه علي روسهم اما الادمي والي يشتغل الكل ياذيه ويحاربه ويقتل طموحه وحبه لمهنته انا الحين مؤمنه ان التربيه صارت مافيا وعصابات اذا ماكنتي ضمن جروب معين مارح توصلين قبل فهموني ((اهلي )) ان الي يشتغل يوصل
الحين شفت وفهمت بنفسي ان الي يشتغل يصير بنظر الكل حمار كراف وخادم بلا احساس ماكينه تشتغل بلا توقف
كرهت التربيه ويؤسفني اشوف هذا حال كل الشرفاء فيها