والحل معاها يعني !؟

[Alias]

انا زوجي شكاك بالأول تضايقت ورحت حق استشاريين. والحمد الله صرت أشوف الشك ميزة مؤ عيب. دائماً شوفي العيوب مزايا. هذي الجملة غيرت حياتي. والحين انا مستأنسة بشكه اقول يحبني حيييل ويحرص عاي. ودائما قولي أمي حريصة علي وتخاف علي من نسمة الهوا. انا متأكدة انج بتر وحين وتحبون راس امج. والله يوفقك. الام مدرسه. اذا أعددتها أعددت شعبا طيب الاعراق

 

[انونا]

انا مع ام الرر

وهالشي ماراح تحسين بقيمته الا بعدين
يوم ريلج واهل ريلج يقولون ام فلانه عرفت تربي

ويوم تشوفين عيالج بتحسيين بامج اكثر وان كانت خايفه عليكم

 

[Noofa @]

ي ححياتي انا

زي ما قالولكك البنات شخصية امك شكاكةة
امم صحبتي مثل امك بالضبط
لددرجة تجي الدوام وتسال بنات الفصل عن تصرفاتها وسوالفها
واعطيتها ذي الطريقة واللهي امها تغيرت ممممممرا

والطريقة
هيا انها كوني قريبة من امك مرا
اساليها عن كل موقف في البيت
واجلسي معاإها كثير
وسولفي معاإاها عن ملابسك يعني خوذي رايها بكل شى
وسولفي لها عن مواقفك في الدواممم
بعد فترة بتسير هيا ماتستغني عنككك
وتقولك كل شى وتجيب لك طلباتك

بس اهم شى حسسيها با اهتمام
حتىى قوليلها عن صحباتك وعلاقتهم مع امهاتهم مثلا قولي لها فلانةة عرفت تسوي حلا وككذا

وراح تشوفين كيف حتتغيرر

 

[ام الدرر]

الله يخليج خلج من المثاليات والكلام اللي مايوكل عيش
انتي يمكن مع بناتج ام مثاليه ولانج من الجيل الجديد اتوقع تعرفين تتفاهمين معاهم
بس احنا امهاتنا غير ماكو تفاهم كله صراخ

ياحبيتي
وين المثاليات بكلامي والحجي اللي مايوكل عيش
تبون تمشون على كيفكم وتروحون وتيون تصاحبون بنات وتسهرون على نت
والام تطالع بعيونها وتسكت
واذا حرصت عليكم وراقبتكم تقولون عصبية وتصرخ
انا اذا بنتي غلطت اعاقب واحرم ونفسكم تزعل واحس بانها تفكر اني ما احبها
لكن عشان مصلحتها وسمعتها كل شي يهون مردها بتعرف اني على حق
ياحياتي
امشي عدل يحتار عدوك فيك
ليش الام تحرص وتراقب غير انها تشوف شي مايرضي رب العالمين
عالعموم انا قلت باجر الزمن يدور وتتزوجون تعرفون ليش امهاتكم يسوون جذيه
عسى الله يهديكم ويصلح حالكم ويرزق اهلكم بركم​

 

[Patcholli]

تخاف عليج ..!!

انتي شايفه بلاوي هالزمن

شايفه مصايب البنات

والله ياحبيبتي اعرف بنات قمة بالاخلاق والتربيه والستر اختربو بسبة رفيجات السوء مع ان الاهل تعبانين على تربيتهم وحرصهم بس ماكو فايده الصاحب ساحب ..!!

اشلون تبينها تتطمن بهالزمن ..!! بذمتج انتي مو شايفه بعينج بنات هالوقت شيسوون وشيهببون ؟؟؟

تبين امج ماتخاف ؟؟

انا لو مكانها بسوي نفس الشي من حقها تتطمن ومن حقها تراقب

وانتي طالما ان ماعندج شي وواثقه بروحج طنشي ولاتبينينلها ان هالشي يظايقج

بالعكس روحيلها واهي تصلي وحظنيها وقليلها يما لاتخافين على بنيتج انا تربيتج وبوسي راسها صدقيني بتتطمن وبترتاح

والله العظين هالدنيا تخوف

امس اقول حق زوجي احنا بهالجيل قاعدين نشوف بلاوي ومصايب جيل عيالنا شراح يكون !!!!

ماراح تحسين بهالشي لين يصير عندج عيال بتقولين امي كانت صح صدقيني

 

[Patcholli]

بنات اقولكم صايره غريبه
تخيلو اكون جالسه بالصاله مثلا على الاي باد العب او المنتدى
هي بتروح تنام
ربع ساعه ورجعت الصاله طبعا ماعندها شغله بس تصنع شغله عشان تراقبني

ولا اكون جالسه وماسكه الاي بود تشوف شي فيه نور تجي تفتح موضوع مال امه داعي
بس عشان تشوف انا شسوي

احسها مو طبيعيه شنو ذا اختنقت انا

ذكرتيني بايام المراهقه عاد احنا ايامنا كمبيوتر اللي ينحط عالطاوله يحليلها امي رايحه راده وكلساعه يايتني اتطلع اي موضوع تتحجى فيه بس عشان تراقب

كنت اقولها يما خلاص ادري يايه تطالعين يلا طالعي وارتاحي ماله داعي تطولين السالفه وكانت تظحك ياحلوها والله وياحلوها خوفها

بروحها الحين تقولي كنت وايد اخاف عليج تقول سامحيني اذا كنت حيل اشك فيج واغار عليج

لو ماتحبج جان قالت بالطقاق وماهمها كليت شربتي غازلتي جان ماهتمت

 

[حلوه بس هبله]

ادري انها تخاف علي حتى هي بنفسها قالت لي
باجر تجيبين عيال وتحسين فيني

بس كل شي له طاقه

وصدقوني ماراح اربي عيالي بنفس طريقه امي لانها اول بنت حواجز حاولت اكسرها بيدي

والله يعين

 

[مارلين منرو]

ماعليه امج خايفه عليج ! كلميها بكل اسلوب واحترام وحتى لو عصبت حاولي تهدينها ماعليه هاذي امج
قعدي معاها وفهميها انه ماعندج هالخرابيط وهالسوالف وانه انتي تربيتها ومن هالحجي ..
و لا تقولين ماتحبني لأنه مافي ام ماتحب بنتها

 

[لؤلؤة مكنونة]

لا ياقلبي لاتقولين جذيه
ادري ماراح تصدقيني
بس ماكو ام بالدنيا ماتحب ضناها
حتى اللي تتخلى عنهم
ولا تنساهم والله ان قلبها يتقطع عليهم
تصرفات امج وحرصها عليج يخليج تحسين انها ما تحبج
لما كنت بسنك احلف لج كنت افكر نفسج واقول امي ماتحبني وتحب خواتي
بس لما كبرت وتزوجت ويبت العيال
بجيت على حالي مع امي الله يرحمها وشلون ماحسيت الا على كبر بمحبتها
ياحياتي تقربي منها صارحيها باللي داخلج اشكي لها
انا استانس لما بنتي تقول لي سوالفها حتى لو شي ما ارضاه
بس ارتاح انها تفضفض ماتخش عني شي
واتضايق لما احس انه في شي خاشته عني واحاول بكل الطرق اعرفه اخاف لا احد يقص عليها ولا تطيح بالغلط
تقربي من الوالدة وحاولي تغيرين من نظرتج لحرصها يمكن طريقة الوالده انها جافة وعصبيه
ميخالف ياعمري قنعي نفسج انها محبة مو كره وعشان مصلحتج مو لشي ثاني
عسى الله يحنن قلب اميمتج ويحببج فيها ويحببها فيج
وعسى الله يرزقج الزوج الصالح ويبلغها فيج ​

:rerrerek:
والله صاجه يا أم الدرر اللي كلج درر
نفس الكلام اللي كنت بقولها كل البنات اللي بعمر المراهقه يحسون بجذي حتى انا لمن كنت ابهالعمر بس لمن تزوجت وعيلت حسيت بمعاناة الأم

 

[ملامح اوروبيه]

انا قبل كنت مثلج عبالي امي ما تحبني بس وربي اكتشفت انه مافي احد يحبني كثر امي صج مرات تعصب علي و تحرمني من الطلعاااات و الروحات و تفتن ابوي علي اذا ما طعتها بس كل هذا عشان مصلحتي خصوصا انه هالزمن ماله امان و ينخااف من بنات ابليس اللي يمشون و يخربون بالبناات

 

[بيرلا ستور]

بسم الله الرحمن الرحيم (ولا تقل لهما اف ولا تنهرهما وقل لهما قولا كريما) صدق الله العظيم

ايام ماكنت عزباااااااااااا وايد اعصب مثلج مع انها ماتفتش ولا شي بمواقف عادية يعني

لحين اتخذت معاهدة وجربت هالشي

كنت احط هالاية امام عيني انه شنو ماسوت تبقى ام وتخاف وفعلا ماخليها تنام زعلانة مني مع اني اكون مو مسوية غلط

وابوس راسها وايدها

اللي ابي اقولج ياه امشي عكلام ربنا وبس وصدقيني بالقران في كل حلول لمشاكلنا

وبعد ماصرت ام الحين اقول ياربي ما اعظم الام جد جد صح كلمة امج ماراح تحسين الا ليصير عندج ياهل

وتحملي حبيبتي الضنا غالي وانتي غالية عندها ولا تخلين الوسواس يلعب براسج

وكوني جدا رايقة وراح ترتاحين قوليلها اللي تبين يماااااا بس ما احس خاطرج مكدر

وشوفي شلون الحياة

ربي يديمكم لبعض ولا يحرمكم بعض

تقبلي مروري ياقلبي

 

[وردة الشتاء@]

مستحييييييييييييييييييييل امك ماتحبك!! مافي ام ماتحب بناتها بس اكيد هي خايفة عليك من اللي يصير في هالدنيا

 

[رنا 2012]

امك تحبك بس انتي مو فاهمتها
قاعدة تفسرين افعالها انها تكرهك
طيعي امك ترى اذا تزوجتي وصار عندك عيال بتحسين بكل كلمة كانت تقولها لك
بتحسين بالتربية وخوفها عليك تسمينة ان امك مو طبيعية
اللة يوفقك

 

[بكيزة هانم]

الله المستعان .. مسكينه امج الخوف ذابحها مو الشك ..احنا الامهات نعرف مشاعرها
وانتي مطلوب منج ماتدخلينها بدائرة الخوف وتحسسينها بالامان عشان تعرف تنام
ابعدي عن مواطن الشبهات وافتحي لها قلبج
الله يخليها لج ويخليج لها
وتذكري !! كل شغله تطلع منج للوالدة بتردين تاخذينها من عيالج
شوفي شنو ودج تاخذين منهم
واعطي في البداية

 

[برنسيسة2007]

اولا مافيه ام ماتحب بنتها
لكن كل ام وبنت لها شخصيه ممكن الحب مايبين الا بقفاج
ثانيا:اقلمي نفسج مع هالتفتيش واعتبريه امر ضروري مثل الماي والهوا
ولو امج ماتحبج مانبشت وراج
ثالثا:يابعد قلبي حتى لو امر خاص فيها ومسحتيه انا ما اعرفج وتوقعت اشياء ممكن انها تأثر علا تفكيرج او توديج ورا الشمس
وامج ماتنلام
بس انتي خليج كتاب مفتوح معاها اهي سترج وغطاج واذا تبين نصيحه اخذيها منها
ترا بيجي يوم تحتاجين فيه النصيحه الصادقه وماراح اتحصلينها

لذلك خليج كتاب مفتوح وبجذي امج بتثق فيج وبتبطل تفتيش
واسال الله لك السعاده وانه يسخرلج امج ويخليج عند حسن ضنها

 

[what's up]

خلييها تفتش خلييييي قلبها يرتاح .. ترى من السوالف الي تسمعها
و لا تبوق لا تخاف .. خليج واثقه من روحج دام ما عندج شي

 

[حلوه بس هبله]

ياعمري عليكم كلكم
قسم قمت الاحظ خوفها علي


والله يلين قلبها اكثر واككثر

 

[خوخة سمسم]

الله يهديكم لبعض يارب ..

 

[||سمّـني روحك||]

..


امك مهما تقسى بتظل الوحيده الي تهمها مصلحتك
يمكن يكون كذا اسلوبها يعني من اهتمامها الزااايد تبين قسوتها

الله يخليها لك