>>> واللـه واللـه أهم من هذآ آلموضــووع مـآآآآكــوو!! <<< لعيوونـكمـ يـآآعرايس ؛)

[barbya_q8]

رد: >>> واللـه واللـه أهم من هذآ آلموضــووع مـآآآآكــوو!! <<< لعيوونـكمـ يـآآعرايس ؛)

موضوعج وااااايد مفيد وحلو

 

[ريح قهوه]

رد: >>> واللـه واللـه أهم من هذآ آلموضــووع مـآآآآكــوو!! <<< لعيوونـكمـ يـآآعرايس ؛)

الله هذا اللي كنت ادوره زين ابسالج انا على وشك ولاده يعني اقدر استخدمه بنفاسي وشلون

 

[ام فاطمة وزهراء]

رد: >>> واللـه واللـه أهم من هذآ آلموضــووع مـآآآآكــوو!! <<< لعيوونـكمـ يـآآعرايس ؛)

هــآآآي عرووســآت شلوونكم ؟!​

بقرق عليكـم شـوي اتحملــوني ​

ذاك اليوم قاعده مع رفيجتي بالكليه عرسها عقب شهرين وكنت عارفه ان اليوم عليها الدوره .. المهم شوي ولا اشوف البنت راحت وجابت ببسي وقامت تشربه !!! :eh_s(12):​

انا انربط لسآني وماعرفت شقول @@ الحين عروس وعرسج مو باجي عليه شي وتعبانه على تجهيزج ليش ماتضبطين عمرج حق ريلج عشان تعجبينه من برا ومن داخل ؟! ​

انا بالنسبه لي هالشغله هذي ماكوووووووو اهمممممم منهـــآآآآآآ :eh_s(15):​

المهم جان اتل الببسي من ايدها وكلمتها وفهمتها وعطيتها البرنامج مالي اللي ماشيه عليه حق دورتي ​

عقب جم يوم كنت بالطريج رايحه الكليه ولا تدقدق علي وينج ابيج تعالي ابي اكلمج ضروري انا خرعتني وعبالي فيه شي المهم لمن شفتها بالكليه ولا البنت على راسها 100000 علامة استفهام تقول شنو هالسحر اللي عطيتيني اياه ؟؟؟ :080402ask_prv:
ماكو افرازات ولا لوعة جبد وحاسه روحي نظيفه نظيفه وطلبت مني اني اقول لها كل اللي اعرفه​

لأنها عرفت شلون تكون بنت عدله ومضبوطه وحست بالفرق​

والله والله والله يابنات اني احبكم في الله وانكم حسبة خواتي وابي افيدكم ببرنامجي اللي سوت لي اياه امي الله يخليها لي يارب ولا يحرمني منها وانا قبل جم شهر كنت عروس مثلكم وحايسه بعمري وحاسه فيكم والله :hjy5jewf:​

طبعا في كذا شغله كل بنت تعرفها بس قله اللي يطبقونها انا بقولكم شنو اسووي لنفسي بالضبططططط​

مستحيل مستحيل مستحيل اكل اكل خربوطي وانا علي الدوره وقبل ماحط اي شغله بحلجي اسأل روحي بتضرني ولا لأ​

كل شي ينشرب او ينوكل بارد او لزج او حامض او سبايسي وقت الدوره يكون بلااااااك لست مااذوقه ولا احطه بحلجي​

البس دلاغين وسروال قطن ثقيل وطويل وبجامه جم طويل داااافيه وما امشي ع السيراميك حافيه لو شنو وما اتعرض لهوا المكيف ولا اتسبح ابدااااااااا اللهم اذا اضطريت امسح جسمي بفوطه وماي واتنشف بسررررعه واتدفى عدل​

اول ثلاث ايام من الدوره الهم رشاد على الريج انا احط قفشه كبيره بفنجال واحط عليها شووويه عسل الخاص بالحريم اخذه من العويد بس عشان يتماسك ومايتبعثر بحلجي وبين اسناني ويسوي ريحه واشرب وراه ماي دافي​

طول ايام الدوره اكل اللهوم وهم ع الريج اهو عباره عن فنجال من ( كمون - محلب - فلفل اسود - مسمار - فلفل ابيض - رشاد ) اطحنهم كلهم -الا الرشاد- لما يصيرون بودره واحطهم بعلبه واضيف عليه الرشاد الحب اللي ماطحناه هذا الهمه ع الريج قفشتين كبار واشرب وراه حليب خالي الدسم اغليه مع زنجبيل ودارسين او احطه مع العسل واشرب وراه حليب​

امي تشتريلي النقوعه من مره اكسرها صغار صغار واحطها ببطل ماي صحه واغلي ماي لمن يفتر اصبه عليها هذي اشربها ع الريج وقبل النوم طول ايام الدوره ترا هم تلقون النقوعه عند الحواج​

اخذ بطل ماي صحه احط فيه كسرة مقل وكسرة مره وشوية مسمار وشوية محلب وشوية حبه سودا تقريبا قفشه وسط واغلي ماي لمن يفتر اصبه عليها هذي انا اشربها ع الريج بس اشوف امي اذا عليها الدوره كلما مرت عليها شربت شوي فعادي كيفج يعني​

الحين خلصنا من الأدويه اللي تنوكل او تنشرب ع الريج الحين نجي للريوق :
تمر تعفسينه مع رشاد وحبه سودا وسمن وتخلينه على كور صغار وتتريقينه الصبح وتشربين معاه حليب وزنجبيل ودارسين >>> التمر بس اول 4 ايام
انا امي تسويلي عجينة خبز التاوه تحط معاها كمون مطحون وحبه سودا مطحونه وتحطها لي بعلبه واحطها بفريزري الصبح كل اللي علي اني اخذ خبزة ولا 2 واحطها بالمقلى مع شوية زيت زيتون لمن تستوي >>> عجينة خبز التاوه انا بصراحه ماعرفها امي تسويلي بس اتوقع معروفه يعني ​

والعصيده همن تسويها امي وتترسها ادويه الصبح اسخن منها واكل واتوقع طريقة العصيده معروفه​

اهم شي ماتجوعين نفسج ابدااااااااااااااااا انا كل ماجعت سويتلي من خبز التاوه هذا وكليت منه​

يابنات شوربة الخضار مع الدجاج مفيييييييييييييده حيل احط عليها كثر ماقدر فلفل اسود وفلفل ابيض واشربها والمرقوق مفيد مفيد حطي ادويتج فيه وعليج بألف عافيه تقريبا انا كل شي اكله ايام الدوره احط عليه فلفل اسود وفلفل ابيض وكمون مطحون للي ماتعرف فوايد الفلفل الابيض هذا يضييييييييييييييييييييق بشكل مو طبيعي والكمون يطلع الهوا اللي بالبطن والارحام كله​

يعني الريوق : حليب زنجبيل دارسين اما مع خبز التاوه او مع التمر او مع العصيده
والغدا والعشا : شوربة خضار - مرقوقه - عصيده او عادي اي شي بس المهم مايكون مضر​

اول يومين اسوي مطاره احط فيها زنجبيل ودارسين هذي تنزل الدم كلللللللللللله وتنظفج عدل ومن ثالث يوم الدوره لآخر يوم مطاره احط فيها زعتر ومرميه وكمون​

فيه دوا ينباع عند الحواج اسمه دوا القهوه هذا كل ماشربتي قهوتج "العرررربيـــــــه" تحطينه معاها بس ماتكثرين منه 3 فناجيل باليوم انا امي تشتريه من مره بكميات كبيره وتقسمه بيني انا وخواتي اهو والنقوعه اللي تكلمت عنها​

ثالث ورابع وخامس وسادس يوم الدوره اسوي الغسول اللي اغلبكم عارفينه ( مره وملح خشن وقشر رمان وبابونج وارطا) اخلي الارطا وقشر الرمان والبابونج يطبخ عدل تقريبا 15 دقيقه بعدين قبل لا اسكر الجوله احط معاه المره والملح الخشن انا ماحب اسويه بشقتي عشان ماتطلع ريحه فأمي تسويه لي وتخليه مركز حييييييييييييييييييييييييييل وتحطه ببطل ماي صحه وانا اخذ منه شوي واحط معاه ماي دافي اقرب للحار واتشطف فيه ما انقع فيه وبعدين على طول اتنشف بسرعه والبس ملابسي وما اعرض نفسي للهوا لا مكيف ولا غيره​

اخر يومين من دورتي اخذ نص قلاص ملح خشن واحطه بسطل واصب عليه ماي حار وانقع فيه يعقم المكان عدددددددل ويضيق وتحسين نفسج نظيفه ومنتعشه ولااااااااااازم بعدها تدفين نفسج على طول​

يمكن بعض البنات يشوفون نظامي صعب بس صدقيني لمن تتعودين عليه وتفهمينه عدل بيصير عندج عااادي وسهالات كل اللي عليج انج تجهزين شغلج وتجمعين اغراضج من الحواج ​

انا قبل لا اتزوج كنت عادي يعني لا مهمله ولا مهتمه حيل يعني بس قبل عرسي بثلاث شهور امي عطتني هذا النظام وعلمتني عليه والله يا بنات ما جا يوم عرسي الا وانا ناااااااشفه لا افرازات ولا ريحه ولا صوت ولا غيره ونظيفه نظيفه مو اي كلام انتو امشو على نظامي دوره او دورتين ورا بعض وراح تحسون بالفرق ​

ترا اجكــــررررر البنات واقبحهم الشيفه اللي ماتنبلع ام كششششه لي صارت ناشفه وضيقه ونظيفه مافيها لاريحه ولا افرازات ولا اصوات صارت عند ريلها ملكه وحطها على راسه وهي الشيخه وهي المدللـه ليييييييييييييييش ؟؟!
عشانها مريحته ومونسته​

واجمل بنت واحلى بنت اللي كشختها مافي منها وريحة عطوراتها توصل الشارع اللي وراها وبياضها بياض الثلج ونعومتها حرير لي اهملت عمرها وقت دورتها وصارت وسيعه من الافرازات والريحه وتهوهي على قولة امي والله مايقرب صوبها ولا يجيها ولا يبي الا فرقاها ليييييييييييييييييييش ؟ عشانها مو مريحته ولا مونسته من افرازاتها وريحتها​

يمكن بعض البنات يقولون كل هذي الادويه راح تخلي ريحتي من تحت مو حلوه ... انا اقولج شتسوين
هذي طريقة امي وخواتي وعلموني عليها لمن تزوجت تحطين بمطاره نعناع طازج وزنجبيل طازج وتصبي عليه ماي مغغغغغغغغلي عدل عدل تنطرين ربع ساعه بعدين صبي منه نص قلاص وحطي نص فنجال ماي ورد وزيديه ماي دافي لمن يصير القلاص مليان واشربيه وربي تصير ريحتج من تحت عطررررررررر هذي ابلش اشربها ثاني او ثالث يوم الدوره 3 مرات باليوم​

والله ان هذا برنامجي اللي مخليني ميه ميه مانقصت منه ولا شي ومابي منكم غير الدعاء الله الله واي استفسار انا حااااااااااضر ومن عيوني​

والله يوفقكم ياعرايس ويسعدكم مع ازواجكم ولا يشوفون غيركم يارب​

مشكورة اختى على الرد لكن اختى تعبت وانا ادور هالنقوعة من وين محد فى البحرين يعرفها \ار راسى وانا ادورها
اللى من البحرين بنات ارجوكم فيدونى جان تدرون وين تنباع

مشكورة فديتش

 

[حزني عم المكان]

رد: >>> واللـه واللـه أهم من هذآ آلموضــووع مـآآآآكــوو!! <<< لعيوونـكمـ يـآآعرايس ؛)

الحمد لله

 

[lakatat nour]

رد: >>> واللـه واللـه أهم من هذآ آلموضــووع مـآآآآكــوو!! <<< لعيوونـكمـ يـآآعرايس ؛)

up up up

 

[MeskDxb]

رد: >>> واللـه واللـه أهم من هذآ آلموضــووع مـآآآآكــوو!! <<< لعيوونـكمـ يـآآعرايس ؛)

كل اللي طريتيه نشربه؟؟

 

[coralia]

رد: >>> واللـه واللـه أهم من هذآ آلموضــووع مـآآآآكــوو!! <<< لعيوونـكمـ يـآآعرايس ؛)

مشكوووورة ​

 

[عطري انفاسك]

رد: >>> واللـه واللـه أهم من هذآ آلموضــووع مـآآآآكــوو!! <<< لعيوونـكمـ يـآآعرايس ؛)

فدييتج موضوعج فله بس فيه واايد شغلات

ماكو شي اقدر استخدمه حتى لو يوماا بس يكون شي واحد

 

[عطري انفاسك]

رد: >>> واللـه واللـه أهم من هذآ آلموضــووع مـآآآآكــوو!! <<< لعيوونـكمـ يـآآعرايس ؛)

شوفي انا في وحده من اهلنا كبيره اهي من بعد ملجتي
انصحتني اشرب زنجبيل ونعناع يوميا
تقولي وايد زين .. ينفع مايضر
وانا ماشيه على كلامها بس مويوميا احيانا اتكسل




الحين عرفت اهي ليش قلت لي جذي
يازين حريمنا

 

[i afnan]

رد: >>> واللـه واللـه أهم من هذآ آلموضــووع مـآآآآكــوو!! <<< لعيوونـكمـ يـآآعرايس ؛)

يعطيك العافيه
صادقه هذا ام شي الحين اشوف العرايس مهتمين بالتجهيز والعطورات والقمان واللي اهم منهم ناسييينه

بس قاتل اللله العجز اللي فيني دايم قبل الدور احط لي نظام حلو واذا جتني ونفظتني من التعب كرهت كل شي ابي السلامه منها بس وطبعا ما اطبق شي ياشينييي

وفيه شي حابه اضيفه لموضوعك
اللي هو تمارين كيجل جداااااااااااااا مفييييده مع نظامك وتمارين كيجل راح تصيرون تماام التمارين مفيده للبنت والمتزوجه بس البنت تسويها من فتره لفتره عشان لو فيها هواء او ارتخاء والمتزوجه طبعا كل يوم وللابد
و

 

[روان_الكويت]

رد: >>> واللـه واللـه أهم من هذآ آلموضــووع مـآآآآكــوو!! <<< لعيوونـكمـ يـآآعرايس ؛)

يعطيج العافيه

 

[جْلَ مـن سـواني]

رد: >>> واللـه واللـه أهم من هذآ آلموضــووع مـآآآآكــوو!! <<< لعيوونـكمـ يـآآعرايس ؛)

السلام عليكم



اختي عندي كم سؤال
مطاره النعناع كم يوم ؟
الملح اللي نتنقع فيه بسطل وماي حآر كم مره وأي يوم ؟وكم دقيقه


وي رب يسعدك ياارب

 

[il-fad3a]

رد: >>> واللـه واللـه أهم من هذآ آلموضــووع مـآآآآكــوو!! <<< لعيوونـكمـ يـآآعرايس ؛)

يعطيج العافيه ووالله يوفقج

بس اسالي امج عن الخبزه اللي تسويها شلون طريقتها ؟؟

 

[ريح قهوه]

رد: >>> واللـه واللـه أهم من هذآ آلموضــووع مـآآآآكــوو!! <<< لعيوونـكمـ يـآآعرايس ؛)

مضاوي خلي امج تسوي برنامج للنفاس وعساها بميزان حسناتها

 

[..~Goolz]

رد: >>> واللـه واللـه أهم من هذآ آلموضــووع مـآآآآكــوو!! <<< لعيوونـكمـ يـآآعرايس ؛)

موووضوعج حلوووووو

بسالج عن النقوعه مابي اشتريها من الحواي
ابي اسويها انا بيدي شلوون .؟


والمقل شنو وفااايده ؟

 

[Bnt 36a]

رد: >>> واللـه واللـه أهم من هذآ آلموضــووع مـآآآآكــوو!! <<< لعيوونـكمـ يـآآعرايس ؛)

الله يجزاج خير عشتي

 

[نـازك الملائكة]

رد: >>> واللـه واللـه أهم من هذآ آلموضــووع مـآآآآكــوو!! <<< لعيوونـكمـ يـآآعرايس ؛)

ماقصرتِ حبيبتي والله ينول لك اللي في بالك
أنا مستحيل اطبق اللهوم وهالاعشاب على الريق لانو برجع مره حاولت اكل لهوم بس طريقة ثانية مو على الريق
ماقدرت ابلعه رجعته تكرمين تعبت حاولت مادري كيف تاكلونه على الريق
وكنتِ تعانين قبل ماطبقين هالنظام من افرزات وريحة وراحت مع هالبرنامج
لانو انا اعاني من التهابات وعالجت كم مره بمضادات بس ماراحت للأسف
مع اني مو مهملة وقت الدورة ولامهتمة وسط وانا توني بنت مادري وش اسوي

والجبن والمعكرونة ضارة وقت الدورة لانو سمعت
إذا صار الجبن ضار ليش الحليب مايكون ضار لانو من نفس مشتقاته

\

/

 

[sema]

رد: >>> واللـه واللـه أهم من هذآ آلموضــووع مـآآآآكــوو!! <<< لعيوونـكمـ يـآآعرايس ؛)

احنا البنات مشكلتنا مشكله عسى ما نقال لنا شيء الا رحنا ركض طبقناه ..

لا هانت صاحبة الموضوع والله يعطيها العافيه ..

بس يا بنات احنا ما اله !!

يعني اذا جت الدورة ابعدي عن كل شيء بارد ..

وكثري سوائل حاره بس لا تعيدين العشبه اكثر من مره ..

يعني اشرب جاي ..

اشرب قهوة واحط فيها الدوا مال الدورة ( مقل . حلب . مره )

اشرب مردقوش ..

كل يوم وحده من هالاعشاب اسويها حاره واشربها ..

الاكل :

ابعدي عن الحامض و اللزج ..

وتدفي ..

لكن انج تسوين لج نظام اكل وتمشين عليه لا والف لا ..

كل عشبه اهنيه انذكرت لها مضار ..

يعني الكثره من اللهوم تسوي رطوبه ..

الكثره من الفلفل الاسود والابيض تضر المعدة ..

بنات خلكم معتدلات ..

اشرب اشيا دفيه .. ادفي روحي .. اكل اللي ابي بس يكون حار وشغل بيت وبعيد عن الحموضه واللزوجه ..

والله والله ما بتشوفن الا العافيه ..

 

[سعودية روعة]

رد: >>> واللـه واللـه أهم من هذآ آلموضــووع مـآآآآكــوو!! <<< لعيوونـكمـ يـآآعرايس ؛)

الله يسعدك
موضوعك مفيد

 

[صمت مشاعر]

رد: >>> واللـه واللـه أهم من هذآ آلموضــووع مـآآآآكــوو!! <<< لعيوونـكمـ يـآآعرايس ؛)

اووووولاااااااااه كل هذوووول
انا ان تعبت نفسي دارسي وادفي عمري بس
احااول اني مااتسبح بس ربي يبلاني بالسبوح وقت الدوره شسوي
بس الحمدلله صارلي دورتين ماتسبحت عقبال الباقي



اب للموضووع ومشكوووره
يمكن يمكن اسويها بس مو كلها
الرشاد مع التمر