والله احبه بس ممكن مساعده

[shai5at al3arab]

اهو الصبي من يقول احبج بس نطري

احبج بس ما اقدر اتزوجج

احبج بس امي خاطبتلي ما ترضى

احبج بس احنا لازم ناخذ من قبيلة معينة او عايلة معينة

احبج بس اكون نفسي


من يبدي يبسبس عرفي انه جذاب

يقزرها عليج

 

[فديتك يا الأزرق]

اهوا اذا انا ما رديت علي يدق على البيت جم مره و عادي عند ايي لي البيت لان بيتهم يم بيتنا بس فرق شارع و فريج يعني يقدر اي مشي عادي عنده

 

[فديتك يا الأزرق]

و انا وايد حييل مع خواته و امه واايد تعزني حتى تكلمني بالوتس اب

 

[عاشقة هواك]

و انا وايد حييل مع خواته و امه واايد تعزني حتى تكلمني بالوتس اب

شوفي اهو ما يبي يتزوج ويبي يعلقج معاه ومدام قالج مابي اتزوج وتو الناس معناته ما يبيج

وامه واخواته على العين وعلى الرآس بس اهو اذا يه بيتكم قوليله مابي اكلمك شنو عبالك

انا تسلية جدامك مرة تكلم هذيج ومرة تكلمني وانا الحمد الله مو ناقصني شي وألف ريال

يتمناني واذا انت ما تبيني عادي انا بعيش حياتي مثل ما انت عايش حياتك واتكلم هذيج

وانا مو هامتك ولا شي

 

[last-moon]

للحين مافهمتي والله تكسرين الخاطر ​

 

[* بنت المطر *]

ليش دامه يحبج يكلم وحده ثانيه !!! وشنو يقولج اصبري ع شنو تصبرين ؟؟ حضرته قاعد يقارن بينكم

والا شيسوي !

 

[فديتك يا الأزرق]

انا مابي اي البيت لان اخواني و ابوي و و اهلي و انا جم مره قاعده معا و يقولي والله احبج بس صبري شوي لان البنت الثانيه كل ما يطنشها اهيا ترد له و اهوا مكلمها انه يحب وحده ثانية الي اهيا انا بس انا ما اقدر انسى لان انا ويا الروووووح بالروووح من و احنا صغار

 

[موج-البحر]

شلووووووووووون يحبج ويكلم غيرج ؟؟؟؟؟؟

صدقيني باقرب سكة بيخليج لا تقولين ما اقدر اعيش من دونه كاا عشتي قبل لاتعرفينه

تعوذي من ابليس واتركيه اذا اهوا يبيج بياخذج لو بعد جم سنة بس واضح من الحين يلعب

الله يستر عليج

 

[فديتك يا الأزرق]

انا من كان عمري 6 سنين ليلحيين و احنا مع بعض يعني حياتي كلها معا

و مشكوووورين يا بناات

 

[Hi--class]

َََ


امبيي من صجج ..
انتي الظاهر متعوده عليه من جذي متعلقه فيه
ولا يخوونج وتعرفينها وشايفته وسااكته !
انا اقوول اللي يابه اييب غييره انشالله
ولما تكبرين تنسيييييين والله
وهالطريج ما وراه غير العذاب
وحتى ولوووو تزوجتيه ..بما انج تدرين ان يخونج فراح يلعب عليج بعد الزواج
شلون ساكته ان يخونج !
هذي خياانه تعرفين شنو يعني ..اذا الحين مو ححاطلج اهميه واهتمام باجر تتوقعين شنو بيسوي ؟!
ولو على قولته ان اهو يطنشها..
خل يغير رقمه
يعطيها طاف مو يكلمها
لو انا بداله ما ارد عليها ولا بحرف ولو تكون جدام عيوني اطنشها احقرها
مو اقول صبري شوي !
انا اقوله تركيه عنج وادعي ربج واستغفري
وانشالله اييلج انسان على خلق ودين احسن منه يخاف ربه ومايخون



َََ

 

[فديتك يا الأزرق]

مو انا ابي طريقة انسى بس شنوو اهيا !!!!

 

[Hi--class]

َََ


حبيبتي الطريقه انا اقولج
عندج رفيجاتج اهلج خليهم اهم شي بحياتج
طلعي استانسي
سجلي بدورات
لهي نفسج
لا تقعدين بس تفكرين فيه وتقولين احبه .. مثل ما اهو مو قاعد يفكر فيج انتي بعد لا تفكرين وحتى لو تفكرين خليج قويه
واذا شفتيه لا تبينين له انج تبينه وضعيفه
قوليله انا عندي عزة نفس وكرامه اذا تبيني بيت اهلي موجود وتعرفه .. وانا مابي اكلم واحد خاين وانا ادري بهالشي
واذا ماعندج صديقات تعرفي
يعني عندج وايد خيارات
طلعي مع بنات عمج خوالج اي احد..


َََ

 

[كنت و كنت]

الصــراحـه لــوؤ أنــا منــج مــا أطــل حــتـى بـ ويـهــه
أنتــي مــن صـجج يــخــونج و أنتـي راضيــه ويــن الكــرامــه حبيبتـي
أكـيـد هــو جـذي قــاعــد يســوؤي لأنــه يــدري أنــج راح تكــونين لــه
بـسس لازم تــغـيريـن خـط فـونج و بالببي أم عـطيــه دليــت و حــاوؤلي تتـجاهلينــه ليمــا يحــسس بـ قيمتـج
ولا تـضـعفيــن حبيبتــي بس تــراهـ واللــه مــا يســتـاهـلــج ولا حــتــى ذرة حـب منــج
بـالتـوفيق .. ​

 

[My girlfriend]

ياقلبي اسمعي نصيحة خواتك ترى والله العظيم بكره يتركك وانتي تموتين من القهر اتركيه من الحين احسن ولاتقولين مااقدر الا تقدرين هذا الشيطان يقولك ماتقدرين شوفي ياقلبي اذا تبغين هو يحبك صدق او لا اتركيه واذا صدق يحبك بيخطبك وانتي توك صغيره الف من يتمناك الدنيا ماتوقف عليه بس بعرف شلون يخونك هذا مايستحي على وجهه ويقولك بعد اصبري عشان اذا طفش منها يرجع لك اتركيه الحين احسن من بعدين لانه بعدين راح يكون اصعب عليك بتتعلقين فيه زياده .. ..وربي اقتنعي داخليا انك راح تقطعين علاقتك فيه صح صعب بس مع الايام تتعودين وانتي صغيره الحياة قدامك بكره يندم ويعرف غلطه ..
وسووري على الكلام الكثير بس كله لعيونك

 

[بنت حلال]

مو فاهمه شنو تبين؟؟؟؟



ان شاء الله يتزوجكم انتوا الثنتين يارب



وا عجبي!!!!!!!!!

 

[فديتك يا الأزرق]

اوووكي انا سويتله دليت بالبي بي و بلوك بالوتس اب و مسحته و كل شي سوييت بس اهوا قام يدق على البييييت يعني ما اقدر اغير رقم البيت بعد و غيرت رقمي بس اهوا خذا من بنات خالاتي

 

[فديتك يا الأزرق]

مشكووورين بناات

 

[Hi--class]

اوووكي انا سويتله دليت بالبي بي و بلوك بالوتس اب و مسحته و كل شي سوييت بس اهوا قام يدق على البييييت يعني ما اقدر اغير رقم البيت بعد و غيرت رقمي بس اهوا خذا من بنات خالاتي

خل يدق واذا كلم بنات خالاتج قوليلهم يوصلوله حجي ان ماتبين واحد يكلم غيرج..
لان مو ثقه و اذا صج يبيج يدل باب اهلج..
وخليج قويه مثل ما انتي :eh_s(7):
وادعي ربج واستغفري و لا تفكرين فيه وايد
خليج مع بنات خالاتج و رفيجاتج وايد..
سوي شي تحبينه بالبيت ولهي نفسج
اشتريلج افلام وقعدي طالعي يمر الوقت بسرعه

 

[عروس كيووت]

اهو الصبي من يقول احبج بس نطري

احبج بس ما اقدر اتزوجج

احبج بس امي خاطبتلي ما ترضى

احبج بس احنا لازم ناخذ من قبيلة معينة او عايلة معينة

احبج بس اكون نفسي


من يبدي يبسبس عرفي انه جذاب

يقزرها عليج

كلامج كله صصح فديتج:rerrerek:

والله ونعم فيج ياا بنت عمووو

 

[عروس كيووت]

الصــراحـه لــوؤ أنــا منــج مــا أطــل حــتـى بـ ويـهــه كلشش
أنتــي مــن صـجج يــخــونج و أنتـي راضيــه بعدد​