والله اشتقت لكم وابي نصيحتكم

[يارب نور حياتي]

السلام عليكم
شلونكم
ادري من زمان مو داخله المنتدى
واليوم دخلت ابي مساعدتكم بعد الله عز وجل
تعرفون قصتي
تزوجت زوجي غصب عن اهلي وتزوج على الى الان اربع مرات
خلال السنتين لاخيره:eh_s(11):
ولا ادري شنو السبب وطلق منهم ثنتين
المهم
كنت
ولا امدح مثل للزوجه المتجدده
والحين
احس قلبي مات
ماعندي احساس ابدا

حتى كلمه احبك ماسار يسمعها ونطلعتها من ورا قلبي
والسبب بس قاعده عشان عيالي لانه ذبح الحب اللي بقلبي
انا مادري عن شرايجي
ابدا في بيتي ومو مقصر بشي من اكل وملبس
بس حب
مافيه
مات الحب وشلون وشنو الطريقه اللي تساعدني
ابي عالاقل اقدر اتغلب على الحاله هذي:bbbiu:

 

[زمرد Q8]

الله يسعدج يارب

 

[اشتياق]

بعد كل هذا ومستغربه ليش مات الحب؟؟
الله يعينج اصلا

 

[ام شووووق]

مممممممممممممممممم

اذا طلع من قلبج صعب تردينه الا اذا رجعت شراره الحب بينكم

تذكري الاشيا اللي حببتج فيه من البدايه

 

[يارب نور حياتي]

والله ادري بس اهو احاجني بانه مو مقصر
والله وربي يعلم اني فقط صابره لوجه الله ثم رحمه لبناتي لانه متعلق فيهم وهم متعلقين فيه بس شوفو فرحتهم

لدخل من الباب بنتي الجبيره ماتاكل الا لما تشوفه صبرني يارب

 

[" ام حمود "]

اكيد يموت الحب اللي بينكم !!
تزوج عليج جم وحده.. ماادري شقولج غير الله يوفقج والله يعينج

 

[يارب نور حياتي]

شلون شلون يرجع وهو جرحني
الاذبح قلبي
والحمد لله
من زمان ماسمعت منه نفس ماسمع من قبل
الان توه 3شهور متزوج
واحيانا اكون مشغول مسجات معاها
ونا معطيته طاف لان خلاص مومهم نفس قبل

 

[تعبت اداري...~]

وعليكم السلام ورحمة الله وبركاته
اسئل الله العظيم ان يؤلف بين قلوبكم ويسخركم لبعض ويسعدكم با الدارين يارب

 

[ام ريتاج.]

الله يعينج ويفرج همج

 

[dectora 7elwa]

اذا انتي مرتاحه خلج جذي
اذارد الحب
ردت الغيره واللهفه وليش ما تحبني وووووو
الحب يرجع ينسقي مثل الزرعه يبيله ممارسه ورعايه واهتمام عشان يرجع يعيش
الله يهديه لكم

 

[ام شووووق]

الله يقوي قلبج يااااااااارب

 

[((shoOoshoOo))]

مات الحب من ريلج
اهوا اللي اذبحه بيده

الله يصبر قلبج

 

[صمــت_ALsHfaaH]

ماقول الا الله يعينج ويصبرج

 

[ترجمة احساس]

الله يعينج والله يهديه ويسخره لج يارب