والله العظيم تعبت

[temari77]

سلام عليكم

بنات ممكن حد افسر شو قاعد اصير لي

انا كل احلامي كوابيس تعرفون شو يعني كوابيس
يعني رعب في رعب

من اول ما حملت لين شهر ثامن
حتى ولدي توفي

خبروني هذه شو معناته دخيلكم لاطنشوني

 

[ام نوره..]

رد : والله العظيم تعبت

مافهمت !
يعني ولدج توفى صج ولا بالحلم ؟

 

[شقرا كويتيه]

رد : والله العظيم تعبت

ماعندي فكره بس ماحبيت ادخل ومارد انشاءالله البنات يفيدونج وموفقه

 

[تبارك الرحمن]

رد : والله العظيم تعبت

هذي تابعة يا قلبي
كان المفروض ترقين نفسج سوميا وتقرين سورة البقرة يوميا
مالج الا هالحل

 

[temari77]

رد : والله العظيم تعبت

مافهمت !
يعني ولدج توفى صج ولا بالحلم ؟

الغالية ولدي توفى

انا بكر وماكنت افهم شي بالاحلام

وريلي اقول حقي خبري خواتج شو يعني احلامج بس انا طنشت

بس حسبي الله ونعم الوكيل على المستشفى خلوني لين صبح وتوفي الولد

 

[temari77]

رد : والله العظيم تعبت

هذي تابعة يا قلبي
كان المفروض ترقين نفسج سوميا وتقرين سورة البقرة يوميا
مالج الا هالحل

شوقصدج تابعة مافهمتج

خبرني لاني بكرية ومافهم بسوالف الحمل

 

[دآنة آلرشآيده]

اختي اللي فيج تابعه
مثل العين لازم تقرين عند شيخ
والله يشفيج ويرزقج ويعوضج يارب

 

[temari77]

رد : رد: والله العظيم تعبت

اختي اللي فيج تابعه
مثل العين لازم تقرين عند شيخ
والله يشفيج ويرزقج ويعوضج يارب

تابعة يعني عين

قصدج حسدوني حسبي الله عليهم

كنت شاكة انها عين

 

[TeKaNa_Girl]

حبيبتي
هذي عين قويه
نفسي انا من بداية زواجي كله كوابيس واحلام تخرع
واجهضت مرتين ورى بعض


وبعدين رحت لشيخ يقرى علي وعلى زوجي واستمريت معاااااااه بالرقيه
والحمدلله الاحلام اختفت
فقال لي هذي عين قويه فيكم والاجهاض من هالعين ( تابعه )

حسبي الله ونعم الوكيل

نصيحتي ارقي نفسج بأسرع وقت ممكن واذكار الصباح والمساء لاتخلينهم

 

[Talyan Rose]

هذي اكيد تابعه نفس ما قالو الخوات

اقري سوره البقرة ودفعي صدقه
وتوكلي على الله

 

[temari77]

رد : والله العظيم تعبت

انا الحين مرت عليه اربع شهور من العملية

تراني شاكه بوحده من اهل ريلي احس العين ياتني منها

 

[Talyan Rose]

حبيبتي تابعه مو معناته عين

التابعه يكونون من الجن الي مو زينين
كلله يأذون الحامل خصوصا بالأحلام
كله يتشكلون على هيئه حيوانات او يخرعونج نفس ما صار وياج اختي


هذا على كلام يداتي

 

[temari77]

رد : والله العظيم تعبت

حيرتوني وحده تقول عين وحده تقول جن:eh_s(12):

ياماما خرعتوني:eh_s(16):

بس ما ادري ليش احس انها عين

يعني لحين شو يوم احمل مرة ثانية اروح حق مطوع يقرا علي
وله ما لازم اكون حامل

 

[بنت الحرزي]

رد : والله العظيم تعبت

هذي تابعه حبيبتي مو عين مثل ماقلت الاخت يعني من اهل الارض لازم تعالجين قبل الحمل شوفيلج شيخ يقرا عليج

 

[جمالي ماله حدود]

رد : والله العظيم تعبت

شوفي حبيبتي الله العالم هذي الي يسمونها التابعه لان من اعراضها الي تخلي المشايخ يعرفونها انها تجي بالاحلام وتسبب كوابيس وضيقه شديده كذلك تذبح الاجنه اما في البطن قبل الولاده او بعد الولاده اذا ماتمكنتي منها بالقرايه وتحصين نفسج
لاني قريت عنها ورفيجتي مثلك بعد من تحمل تجهض يمكن اجهضت خلال سنه وحدة خمس مرات وتحلم بكوابيس للدرجه لمن يجيها الكابوس من ثاني يوم يطيح البيبي والسنه هذي يوم حملت وجابت البيبي والكل فرح لها واستانسنا ان الله عدا عنها الشر مات في فراشه مخنوق لانها تركت القرايه بعد ماولدت الله يرزقها ان شالله ويفرح قلبها
انا مابي اخوفج بس ابيج تقرين على نفسج الاذكار وسوره البقره لانها اهي الحصن لج وان شالله تحملين وتفرحين فيه

 

[temari77]

رد : والله العظيم تعبت

صج خفت بروح اخبر ريلي

 

[خبيرة اعشاب]

رد : والله العظيم تعبت

اقري على نفسج اهم شي

و الله يعوضج ان شاء الله

 

[Miss-_-Fl0wer]

الله يشفيج ياااارب

 

[noo7a]

الله يغوضج خير
و مثل ماقالو البنات هذي تابعه

 

[غزالة 83]

الله يشفيج ان شالله ويعوضج خير
ولا تنسين ترقين نفسج وتقرين سورة البقرة كل يوم وحاولي تختمينها يوميا

الله المستعان لاحول ولا قوة الا بالله