والله تعبت و انا احاتي بنتي تكفوون فيدوني طلبتكم!!

[Zen&7ala]

طلبتكم أماانه !!



بنات والله بنتي تعبتني :krkrkr::krkrkr:


اول شي انا كتبت عن سالفه ان وزنها شويه 4 كيلو و 600 و اهيا بنص الشهر الثالث


و الدكتور زفني قالي بنتج فيها غازات وااايد !!!


و قالي لا تستعملين ماي غريب لان خلاص بنتج ماراح يفيدها لان عمرها 3 شهور


عطاني دوا حقها و عطيتها بس قالي 5 ايام و بس


انا عطيتها و امس وقفت بس عطيتها يومين لان ريلي قالي بس يومين !! (ابوه دكتور اطفال بعد)

و الصيدلاني قالي 5 ايام اما الدكتور الي رحتله قالي يومين فريلي قالي امشي على كلام الدكتور


بنااات اليوم قعدت تبجييييييييييييي و تتعصر واااااااي عورت قلبي

و ما قدرت تنام فعطيتها دوى


شرايكم؟؟ شسوي ؟

انا اعطيها بعد ينسون اسويلها كل يوم اعطيها حق بطنها


تكفون فيدوني شسوي بعد وين اروح ؟؟

الي تقولي تريعيها انا كله اتريعها بعد ما تخلص حليب و اذا ابوها قاعد يلعب معاها كلها يتريعها


حتى لو ماكانت شاربه حليب


امانه ابي شي بذمتكم مو شي سمعتوا عنه لا شي جربتوه ما ابي اهول ببنتي


فيدوني و مثواكم الجنه يا رب العالمين

 

[ميما الاموره]

رد : والله تعبت و انا احاتي بنتي تكفوون فيدوني طلبتكم!!

عزيزتي انشاء الله بتصير بخير وكويسه
دهني بطنها بزيت زيتون وحطي شوي كمون مع الينسون والبابونج
واحمليها بوضعيه انك تحطي ايدك على بطنها
واذا بترضع حليب صناعي بس تخلص الرضاعه على طول شيليها عشان ماتبلع هوا
امابالنسبه لوزنها فخليها ترضع كويس يعني طولي بالك عليها بالرضاعه الطبيعيه مش 5دقائق وتشيليها
وان شاء الله بتصير كويسه​

 

[Zen&7ala]

مشكوورة يالغاليه


بنات فيدوني شنو احسن حليب حق البيبي؟

انا استعمل سميلاك؟

زين ولا اغيره ؟ فيدوني بليز والله محتاجتكم

 

[*ماي الورد*]

سميلاك ابو الغازات معروف مع انه يعطي صحة للياهل
جربي نوفولاك و اذا ما طاح عليها
اخف حليب نان

 

[أم لطووف]

مشكوورة يالغاليه


بنات فيدوني شنو احسن حليب حق البيبي؟

انا استعمل سميلاك؟

زين ولا اغيره ؟ فيدوني بليز والله محتاجتكم

حبي سيميلاك معروف بسوي غازات وإمساك خلي الدكتور يغيره لج..وسويلها (ينسون+كمون+حبه حلوه)فوحيهم بماي حار وشخليه وصبيه بالمطاره وبين الرضعات عطيها وحتى تقدرين تخلطينه مع الحليبه..
ودفي بطينها لايدشها هوا...وماتشوف شر إن شاء الله وربي يطمن قلبج عليها:eh_s(7):

 

[موجة ~ بحر]

ابتاميل كمفورت واايد زين حق الغازات

 

[مروج الصحاري]

بقولج طريقه وبحول الله مو بحول بني ادم

تخف الغازات كثير وترتاح وتنام وتدعيلي

شوفي يا قلبي تجيبي صحن بياله الشاي وتحطي فيه كسره صغيره قد السمسمه مره تعرفين المره صح و3 حبات محلب وتعطين بنتك باليوم مرتين بوقت مافيه رضاعه تعطينها براس قفشه الشاي بس يثقل شوي الماي

وصدقيني الله يذكر الي قالتي ياه بكل خير اعرفه من 6 سنسن وماخليت وحده ماعلمتها ياه لاني احب الخير للجميع


جربيه واذكري الله وهو احسن من ماء الغريب وغيره ومايضرها باذن الله


تبين تطحنينهم بس لا تخلطينهم وكل 3 ايام غيري الماي بماي جديد وشويه مره وشويه محلب والله يوفقكي

 

[مناير زوجهاااا]

رد : والله تعبت و انا احاتي بنتي تكفوون فيدوني طلبتكم!!

شوفي حبيبتي الغازات شي طبيعي اغلب المواليد تجيهم الغازات
اولا غيري حليبها سميلاك لعب في بنتي بالغازات والامساك الله يكرمج
فغيرته الى ابتاميل وماشاءالله ناسبها واجد
وبالنسبه لمي الغريب مانفع بنتي بشي ابدا
وبعدين حاولي تكون اخر رضعه لها بالليل قبل ماتنام رضعة اعشاب من سكر نبات وكمون وينسون وبابونج عشان ترتاح معدتها وتاخذ لها نومه محترمه
وحاولي تخلينها تنام على بطنها اكثر الوقت وانتي تكونين عندها لانها ترتاح
والغازات تكون بالاشهر الاولى وعقب ترتاحين
الله يخليها لكم ويخليكم لها
ولاي استفسار انا حاضره عالخاص

 

[ام فطوميي]

حبيتي اذا قاعدة قوليلي ؟ عندي حل بريحج و يريح بنتج

 

[" ام حمود "]

حبيبتي فيه حليب حق ياهل مخصوص حق غازات هم زين عليهاا
وفي بعد ماي وشكر جنه صخره يخفف من غازات جنه صخره تحطين جم حبه في مميميه ووفوقه ماي حار وتحطين قلاص ماي بارد لما يصير دافي وشربيهاا ..
تلقين ماي وشكر بالجمعيات
بس انصحج فيه وايد وايد زين حق غازات
ماتشوف شر

 

[مها23]

رد : والله تعبت و انا احاتي بنتي تكفوون فيدوني طلبتكم!!

يااحيااتي وربي ماحبيت اطلع الا ارد عليج لاني عاانيت مثلج شووفي حبيبتي ولدي عمره 3 شهور الحين الحمدالله احسن من قبل بواجد غيرت حليبه ببيلاك واستخدم دوا للغازات تعبت بالاربعين منه وفادني حيل ابيج تتدعيلي بس الله يخليلي ولدي اسمه gas bimbiلونه اخضر

 

[dnyay_mll]

رد: رد : والله تعبت و انا احاتي بنتي تكفوون فيدوني طلبتكم!!

غيري الحليـب
سميلاك كله غازااات
جربي ال 26 مافيه غازات كلـش

وحطيلها بالرضعه ديسفلاتيل تحصلينه بالصيدليه
وشربيها ماي النعناع وايد زين للغازات
تحصلينه بالعطار
رقم ماي ورقم ماي نعناع

 

[ام عفراء]

السلام عليكم

الله يشفي لج بنيتج

والله انا نفس المعاناة

مارتحت شوي الا لما كبر وطاف ال 5 شهور

..

والمشكلة انه امي تبي تعطيه من سوالف الاعشاب هذي

الحبة الحلوة واليانسون .. والسكر نبات وهالسوالف هذي

ولما اسأل الدكاترة يقولون لي لاتخربطين عليه معدته مايتحمل :x

وجربت معاه الماي غريب

وفي دكتورة وصفت لي اعشاب هيملايا نسيت اسمهم والله بس عليهم صورة طفل

بس بصراحة ماحسيت ولا شي فرق معاه بقوة


بس جربي دايم تسدحينها على بطنها وتمسحين على ظهرها ويكون طريقة التدليك انج تحركين ايدج عالخفيف على ظهرها بحركة دائرية .. وتمسحين على تحت

والله يعينج ويعينه

 

[meen_ana]

يمكن الحليب مو راكب وياها شوفي لها نوعيه حليب ثاني

 

[سآسي آلحلآ]

ابتاميل ممتاز لا يسبب غازات ولا امساك جربي لها نوع الكومفورت خليها ترتاح بعدين استخدمي العادي
وسويلها كمون مع يانسون وبابونج حيل حلو كنت اسويه لبنتي الحين الحمدلله مافيها شي
بس اتوقع من حليبها مو زين نفس الشي عذب بنتي حرااام

 

[دلع86]

واااااي سيميلاك موووووشي ثقييييل وغازات

جربي نان خفييييف ومايسبب غازات

 

[Zen&7ala]

تسلموون كلكم و شكلي بغير الحليب ان شاء الله

 

[Om 3zo0oz_2011]

اس 26 مافيه غازاااااااااااااااات نصيحه جربيه وادعيييييييييييلي