والله جد مب عارفه شسوي

[يكفيني غرامك]

حبايبي أنا جد محتاجه لكم أنا رييلي طيب والله ويحب اعياله بس مشكلته لا تقولين لي ودني ولاجيبني وانا إلصراحه تعبت من الحنه معاه والحين ولادتي ما باقي عليها شي يقولي خلصي أمورج مع السائق :rgewrg: أنا خلاص والله قلت بإدخال أهلي واله أهله أش رأيكم واله اصبر عليه يمكن يعتدل وانا احس خلاص حتى الصبر نفذ مني :eh_s(2): ابي رأيكم بنات انصحوني شنو اسوي

 

[ناتشوو]

وليش ماتبين تروحين مع السايق؟؟

 

[PuPa^^SWeeT]

عااادي رووحي ويا السايق



مو كبيرة السالفة


في رياييل مايحبووون فرارة السوق


بعد طبعهم



لاتدخلين اهلج ولا شي



عادي جهزي بحالج و افتكي



زيين اهو يعرف رووحه مايحب الفراارة و حطلج سايق

 

[يكفيني غرامك]

ليش اروح معاه هو المسؤول عني وبعدين في أوقات يعني تبينه يكون معاج عشان ان تحسين انج صج متزوجه وهو يكون قاعد في البيت ما عنده ماشي فديتك اشكر مرورج.

 

[يكفيني غرامك]

هو صح ما يحب الفراه با الاسواق بس هاي مب حل يعني كل شي اجهزه بروحي ليش مايصًرف هو حلات إحنا الاثنين نكون مع بعض معناه جي بفتح عليه أبواب واااايد يسويها ولا راح يحس عنده زوجه اذا هو شايل يده من كل شي واله اشرايكم بنات

 

[PuPa^^SWeeT]

ياحبيبتي


الاغلب جذي تبي اتحس انها متزوجة


بس الريال يشوف السوق و التجهيييز حكم مؤبد


انا اقووولج داامها مو من خااطره


لاتجازفين تجبرييينه


والله بتكرهييينه و بتكرهييين رووحج

 

[M!SS.LOBY]

صبري إنا الله مع الصابرين

 

[manoooram]

حبيبتي لا تدخلين اهلج ولاشي
لان مو ذاك الموضوع الصعب حبيبتي
بسيط
كلميه مرة ثانيه شفتي ماكو فايده روحي مع السايق
وشوفي مع الوقت يمكن ايي من نفسه يقولج امشي اوديج
بس الموضوع ما يستاهل تدخل الاهل صج

 

[Loloki]

روحي مع سايق

ترا هالعصبيه من حمال وحساسيه خليج ريلاكس ترا مو زين ع بيبي

نصيحه روحي مع سايق ولما تذدين وري هدوم بيبي جذي بتحسين انج متزوج ولا لما يطلع معاج غصب بتحسين

راح يخليج تكرهينحياتج لان ريايل طبعهم مايحبون لفراره ونقاوه وراح يتافاف يقولج خلصي وراي شغل

ف نصيحه روحي مع سايق احسلج :؛

 

[Loloki]

وترا مشكلتج مو عويصه وكبيره وحالتج حاله الي توصل حق الاهل لا حبيبتي

غلطانه جذي تصغرينه جدام اهلج

اذا تبينه يوديج بالكلمه طيبه وضحكه بس لاتعصبين وتقولين بدخل اهلي بهالمووضوع

سوري ع هالكلمه موضوع تافه

 

[سماء الاحساء]

الله يقومك بالسلامه هونيهاوتهون بالعكس فراقهم عيد برايي تسوين وتقضين اللي تبينه على كيف كيفج وما يمنع تأخذ ين وحده من صاحباتج او احدى خواتك

 

[قنــــــــــوت]

روحي مع السايق ... واخذي معاج اختج او صديقتج ...

مادام هو مايحب فرارة السوق .... لا تضغطينه ...

لأنه ان راح وهو ماله نفس بيخليج تكرهين الساعه اللي فكرتي تروحين فيها معاه ...

 

[يكفيني غرامك]

اي والله أنا قاعده اقول بس والله هو معودني اربع وعشرين ساعه مجابلني ما فيها شي لو ضحى اشوي اله كم ساعه بس والله صج فدونتي تسلمووووووون بحاول معاه اذا مافاد مالي اله الدريول.

 

[اخت عنود]

مافي شي جديد
لا تزعلين و لا تحرين عمرج هذا طبع كل الرجاجيل
بس انا رايي عكس البنات لا تروحين مع السايق لان زوجج خلاص بيتعود كل ما بقيتي شي بيقول روحي مع السايق فا لا تفتحين باب للسالفه قوليله اخاف اروح مع السايق دوري اي عذر

 

[رنيم الروح]

حبيبتي انتي مكبره الموضوع طول بعرض على ولا شي ياختي روحي مع السايق -واذا مسؤول عليك مثل ماقلتي وقفت هالمسؤليه كلها على ودني وجبني
وبعدين
ماعليهم الرجال اي ملامه في كره ودني وجبني لانه مانخلص ولا نكتفي
رايي اهدي اشوي لا تكبرين السالفه براسك

 

[ديوووووومه]

انا اتمني يكون عندي سايق اروح بروحي السوق
لاني ما احب السوق مع ريلي
يكرهني بعشتي وما اخد راحتي لو بشتري شي
ولو ناطرني في السياره يدق علي كل دقيقه يلا خلصي
يلا مادري شنو يلا يلا
والله من رأيي احمدي ربج

 

[last piece]

قوليله احي اخذ رايك في ملابس البيبي
واخذي بالكلام الطيب واذا ما راح معاج امرج لله روحي مع خواتج او اي احد بس مو سالفة تخربين بيتج بسبتها
ربي يسهل عليج وتولدين فالسلامه

 

[امـ خــزامـى]

البنات ماقصروا

 

[relly-story]

لا تكبرين الموضوع وذكري الله

بس بنظري ماتوصل ولادتج مع سايق هذي كبيره بحقه وبحق نفسج

من نايحة السوق وغيره روحي مع خواتج واهلج موشرط يكون معاج

اما من ناحية امور مراجعة الطبيب بعيد الشر عنكم وغيره من امور حساسه لازم يكون وجوده معاكم

وربي يسعدكم

 

[عسل حدي]

استغفرالله الذي لا اله الا هو عليه توكلت وهو رب العرش العظيم ولا حول ولا قوة الا بالله العلي العظييم ... اللهي هب لنا من لدنك ذرية صاالحة امييين يارب العااااااالمين