والله مالي غيركم اطلع اللي بقلبي وحتى لو اعتبرتوه تافه هم على راسي

[nono93]

واي الله يعينج صج الله يعينج حبيبتي اغسلي ايدج منهم كوني صداقات مع رفيجاااااااااات واستانسي وياهم والله يعينج

 

[اشكي لحالي]

رد : رد: والله مالي غيركم اطلع اللي بقلبي وحتى لو اعتبرتوه تافه هم على راسي

حبيبتي مالج رفيجات ؟؟
والله الرفيجات بهالوقت صارو اقرب من الاهل وبالنسبة لحماتج روحيله وسوي اللي عليج عشان لا يجي منج غلط..

صاجه قلبي مشكوره

الله يعينج !!

شتسوين بعد هذي اطباعهم !!

وتعاملي مع ناس باللي يرضيج

مو مثل ما عاملوج وخليج احسن

منهم ...

صح هذا اللي تربينا عليه

حبيبتي والله

الله يكون بعونج

شتسوين بعد هذا نصيبج والحمدلله على كل حال

وإذا تبين أصير صديقتج والله وجدام الكل آنا مستعده وإن شاء الله نصير مثل الخوات وأحسن بعد

ولي الشرف والله

بعد عمرررررررررررررررررررررررررررررررررررررررررررررررررررررررررررررررررررري

فديتتج انا لي الشرف اكثر

 

[اشكي لحالي]

رد : رد: والله مالي غيركم اطلع اللي بقلبي وحتى لو اعتبرتوه تافه هم على راسي

من ناحيه حمولتج

انا اقول كما تدين تدان

انتي اخذي فيهم أجر وشوفي بعيونهم عيالج باجر لي كبروا وتزوجوا .. تبينهم يوخرون عنج ولا العكس ؟؟

سوي الواجب ولا تقاطعين وبس لا تتوقعين منهم انهم يكونون اهلج

انا فاهمتج وانا مثلج ساعات احس بوحده قاتله .. بس شتسوين الحياة ماشيه وادور اشياء تشغلني
اذا انتي شخصيتج اجتماعيه دشي نادي حلو وراقي تعرفي فيه على ناس مو شرط تخلينهم قراااب بس على الأقل بشر يسولفون معاج ويردون عليج الونس وعلى قولت المثل " جنة بلا ناس ماتنداس "
اذا انتي ملتزمه دشي سوالف احياء التراث والاصلاح مع اني ماحبهم كون توجههم سياسي بس عند الضرورة تبطل المحرمات وحطي ابالج انه الناس كلهم بشر مو ملائكة فلا بد بتشوفين منهم مايكدرج

وعادي ياوخيتج بهالدنيا منو فينا مرتاح ؟؟ كلنا شايلين هموم بقلبنا .. ولا تحطين ابالج انه " الأخت " خلاص بتكون مجابلتج 24 ساعه
ساعات الاخت تتزوج وتنسى بيتها واهلها وتنساج وياهم وتلهى بريلها وعيالها

وقولي الخيره فيما اختاره الله .. واهم شي والله الصحه والعافيه انا وحده امس كنت بالمستشفى استغفرالله الله لايوري احد شر ولا يبتلي احد
صج صج اهم شي الصحه والعافيه

اي والله حبيبتي وكلامج عين العقل 100% مشكوره حبيبتي

ياحياتي تاثرت حيل لكلامج خاصتا ان مبين عليج بنت متربيه وراعية واجب وقلبج ابيض وكبير
والدليل ان الناس تدقرج وانتي توبينهم..واسلوبج بالاطرح هادي وكله ادب

صج ترى مال البنيه رفيجات الا خواتها ..لا تقولين بنات عم ولا خال
وانتي ربي ما رزقج بخوات ويمكن ماقدرتي تترافجين مع بنات خالتج لانهم اقرب من بعد الخوات

شوفي بيت الحموله مستحيل تلاقين فيه احد على قلبج ولازم تكون لج شخصيتج وماتعطينهم اكثر من اللي يستحقونه ..كوني معاهم مؤدبه وراعية واجب..مو شرط تعطينهم هدايا بس كافي الزواره للمريض والوالد والعروس والمناسبات ولا تكلفين على نفسج بالهدايا لان مايستاهلون..بس انتي تبين تكسبينهم فاكسبيهم بزوارتج

وبما انكم توكم صغار مع العمر يعني ماوصلتو ال40 باجر تتوطد العلاقات

وابعدي عن المشاكل واي شي يصير بينج وبين زوجج وكلي امرج لربج بالاستغفار يطلع لج الحل او استشيري رفيجاتج الخاصات ولا تدخلين اهل الزوج لانهم بيوقفون مع ولدهم

يابعد راسييييييييييييييييييي يالغاليه لاخلا ولاعدمممممممممممم ماعليج قصووووووووووووووووور حبيبتي انتي

زوريها وسوي الواجب مالج شغل فيهم خليها علي الله وبعدين حاسه بضيقث وضايقه عليج الوسيعه اقري اية الكهف وراح الله تستانسين

ان شاء الله قلبي اكيد راح اقراها ويارب ارتاح

والله مادري شقولج الله يكون بعونج

ليش ماتحاولين تتعرفين على بننات لي بره شوي وتصيرون ربع؟

انتي مفتقده الصداقه بحياتج وهذا شي طبيعي

حاولي تدورين بره وحده نفس اطباعج واخلاقج

وان شاء الله بتتوالمين معاها


الله يوفقج

ان شاء الله حبيبتي ويوفق الجميع يارب

 

[اشكي لحالي]

رد : والله مالي غيركم اطلع اللي بقلبي وحتى لو اعتبرتوه تافه هم على راسي

واااااااااااااااااي بنات

صج صج كلامكم اينن وعسى الله لايحرمني منكم

احبكم

 

[noo7a]

انشالله باجر عيالج يكبرون معاج
و تصيرون ربع و اخوان

 

[نهايتنا قبر و موت]

الله يعينج .~

لكن صدقيني راعي الطيب ما يندم ابدد هذي من ناحية اهل زوجج ...~

لكن من ناااحية انة ما عندج خووات انززين ما عندج صديفاات .. وانا همن من ضمن البنات اللي قالووو انهم يبووي يكونون صديقاتج

ولي الشرف يا الغالية .~

 

[om Fouz]

الكل يعمل بأصله ​

خلي هذا شعارك وديري بالك على بيتك وعيالك واهتمي فيهم وبنفسك اشغلي وقتك باللي يفيدك احفظي القرآن صدقيني الوناسة اللي تدورين عليها مو بالعلاقات لالالالا الوناسة بكتاب الله الآ بذكر الله تكمئن القلوب صدقيني هو عزك وسندك وظهرك ورفيجك وهو كل شي بالحياة وبالآخرة بس اياك ومقابلة الإساءة بالإحسان

 

[Tom ♥ Jerry]

.


قولي قولي حيآتي طلعي الي بقلببببببببببببج كلللللللللله !


انا برايي أنه خآلتج مآ تدخلت بالعكس هاذا شي زين
و آنتي لا تتعودين تشتكين لها .. ترا قآلوهآ ( الشكوه لغير الله مذله )
آحسن لج أنه خآلتج مآ تتدخل و الله
وآيد بنات منضرين من خآلتهم .. خليها و لا تدخلينهآ بحيآتج
آنتي عندج مشكله .. لا تقولين حق أحد قعدي و فكري وحآولي تناقشين زوجج
لمآ توصلين حق حل .. و مو شرط توصلين لحل بيوم وآحد أو بساعه وحـده
يمكن يوم يومين اسبوع اسبوعين .. :×

دآم ريلج يحبج و طيب و كل شي خلاااااااااااص ..
يبا اشتبين من الدنيآ دآم ريلج عندج و عيالج حوآلييييج خلي الكل يولي
صدقيني المره مو كل يوم عندهآ ريال و محـد رآح ينضر اذا تطلقتي الا أتني و عيالج
صدقيني أهوه رآح يلاقي أكثر من وحـده و مآشالله البنات الي يبون يتزوجون شكثرهم ..

لا توسوسين حبيبتي .. تعوذي من آبليس و تقربي من ربج ..
خلج مرحه و خلي بيتج مرح .. شغلي وقتج انا عرفت سبب كل شي قلتيييه .. مآكو شغل صح ؟؟
هاذا أهوه السبب أنه أنتي قأعده مأكو شغل ..
لو تشوفين بلاوي غيرج رآح تهون عليج مشكلتج .. بعضهم يطقونهم و كل شي
و آنتي الحمد لله قولي الحمد لله على النعمه الي أنتي فيها ..
خلي علاقتج سطحيه معآهم .. طلعي و تععالي و ونسي ريلج و عيالج ..
ترا الدنيا مآ تسوى تزعلين دقيقه وحـده صدقيني ..

انا قبل لمآ ولدت بنت خآلي الروح بالروح معاها و من ولدت مآ يت و لا حتى دزت مسج
لا يكون عبالج شلت بـ قلبي ؟
لا و الله حشا مآ شلت و عايشه حيآتي و الحين اشوفها عادي و اسولف و فررري كويت
صدقيني حبيبتي و الله الناس بعضهم مو كفووو تزعلين عليهم
هاذي قدرت و يت و هاذي مآ يت ..
ترا لو ايوون و يظحكون جدآمج اشدرآج يمكن يتكلمون و يتحجون من ورآج ..
خليهم فدييييييتج و اللهي ..
عيشي حيآتج آنتي و زوجج و آبدي صفحه يديده و روحي و تعالي
و خلي الكل اييب طآريييييييييج بالزييييييييين ..

 

[بنت باباتي]

الله يعينج طلعي مع عيالج لعبيهم ونسيهم تواعدي مع بنات خالتج وطلعوا اعزميهم
اما عن حمولتج صج الناس طبايع ماراح اقولج عامليهم مثل مايعاملونج عامليهم باللي يريحج اللي تحسن انه يريحج سويه مو لازم تضغطين على نفسج عشان احد
ودام حماتج بولايدج ماتوصلج ولا تهاديج
بولادتها روحي لها وتحمدي لها بالسلامه وبس مو لازم تودين هديه
واتوقع طبع حمواتج من طبع امهم يعني مايعرفون عايشين فبيئه سلبيه مايبون يروحون ويجون ولا يوجبون اتوقع خوف من الناس

بالنسبه لزوجج بعيد عن المشاكل والتزمت بالراي
كلميه قولي ادري ان دوامك متعب ومقدره انج تجي بس تبي ترتاح بس حاول تفضا لنا لو بالويك اند
وخليه براحته اهو من روحه بيحس بدون حنه

بس اللي اشوفه ان جنتج عيالج طلعيهم استانسي معاهم بيتغيرر الروتين عندج
والحين بالصيف دخليهم نادي ودخلي معاهم
اول فتره بتحسين انج مو مرتاحه بعيدن بتعودين وبتكون لج صداقات

 

[اشكي لحالي]

رد : والله مالي غيركم اطلع اللي بقلبي وحتى لو اعتبرتوه تافه هم على راسي

وااااااااااااااااااي بنات صج الموضوع صارله فتره بس كلامكم حدة يريح ويثلج الصدر ماقصرتووووووووو

 

[مهااوى]

حبيبتى صدقيني هذا التفكير راح يرووح بس يكبرون عيالح وتلهين مع دراستهم وطلباتهم وهذا علي امتحان وهذا طقني ولا تنسين لما تستغلون بالسكن كل شيء يتغير تصيرين غاليه وتكثر زياراتهم لج لدرجة انتي تملين وتاكدى كل المتزوجات نفس حالتج طول ما اهم في بيت الحموله قليل تلقين تقدير ونصيحه لج كثرى من البنات علشان يصيرون لج رفايج وخوات طول ما انتي صغيره وخلي علاقتج قويه مع امج حريم اخوانج عزميهم وعيشى حياتج مع اهلج مو مع اهل الزووج وصدقيني مع مرور الزمن راح تمرين علي هالموضوع وراح تتحسفين علي الايام الي قعدتي تتحسرين وتتحلطمين لان كل البيوت جدى وقولي مهااوى ما قالت انتي سوى الي عليج وبالدعاء ان الله يحببج خلقه فيج راح ترتاحين بقوولج ان اهلج اهم عزوتج حريم اخوانج وخالاتج وعماتج كلنا مرينا بنفس الاحساس بس من كبروا العيال ما نلقي وقت حق روحنا ههههههههههههههههه وربي باليل ازحف زحف حق الفراش لاااااااااااااااااا وابونا ورااى يزحف من كثر المشاغل بس صيرى صيرى صبرى اصلا الناس تنحاش من الخموله وانتي تبينهم انا ما اشيشج لااا بس لا يكون تفكيرج كله شلون اراضى هذى وهذى ما وجبتني وهذى ما قدرتى هذا طبعهم يمكن الام جذى طبعها ما علمت بناتها علي التوجيبات ولا عندهم عادى مرت الولد ما تزعل المفروض اهى الي تتمصلح وتدور رضانا
اخر شيء طنشي واهتمي بعيالج وبعدى عن الافكار السلبيه وليش وما ليش

 

[الاحساس]

ماعندج جيران ؟؟

بالطقاق مايبون يحتكون فيج مولازم مايشوفون شر المهم لاتحرين عمرج

انتي سوي اللي عليج وبس وصيري مثلهم والله احسن لج بعدي عنهم ,, احسن من انج تحتكين فيهم ويصيرلج مشاكل