والله ما اتزوج مطوع ((ملتزم ))

[الغلا كله لبوي]

مابي ملتزم...
يختي الملتزم يعقد ومايخليني اروح وأجي على كيفي...
متسلط ولا عنده تفاهم..
معقد ولا يحب الحياة الاجتماعية ولا يطلعني ولاشي







اعذااار....واعذااار...






في البدايه وقبل أن أقول وجهه نظري عن الكلام اللي فوق..





لماذا ترفض الفتاة الشخص الملتزم؟؟


قد يكون لديها اقتناع تام بأن الملتزم شخص ديكتاتوري

متسلط..ليس لديه مجال للمناقشه..







يمثل في بعض المسلسلات انه رجل متسلط متعصب وماعنده تفاهم لو

يشوف شي مايعجبه يقوم يكسر ويخرب...




صوروا رجل الدين انه انسان ارهابي... بخيل.. جاهل لايفقه

ورجال الدين بكل صراحه ماهم بالصوره اللي ممثلينها في

المسلسلات




أكيد البنت تقتنع تمام الاقتناع ان الرجل الملتزم مايصلح زوج

بمجرد ماتشوف هالنوعيه من المشاهد

شي طبيعي بتخاف وبتكره شي اسمه (لحيه)



بعض البنات تعتقد ان المطوع،، الملتزم ::

لا يناسبها كزوج..لانه متشدد .. لا يعطيها الحرية ،،ولا الخروج

لأي مكان..




هذه نظريه خاطئة فكم أناس ملتزمون يعيشون قمّة الانس والسعادة

مع زوجاتهم





يسافرون،، يذهبون ،، يتنقلون يتسامرون ,,,ويكفي...

أن المطوع [[ الملتزم ]] إنسان يخاف الله

في نفسه وبيته واهله ,,,

انسان بار بوالديه... وكل انسان بار بوالديه تأكدي انك راح

تعيشين معه ملكه..



.

ولكن سؤالي هنا...

لماذا رجل الدين انسان غير مرغوب فيه؟؟

لماذا ترفض الفتاه كل ملتزم يتقدم لخطبتها؟

برأيكم؟؟ ماهو سبب انتشار الصوره السيئه عن رجال الدين؟؟



:


:



منقــــــــــــــــــــــــول للنقاش و الاستفاده

بنتطآر آرآئكم ونقشآتكم

 

[منو انت]

يمكن علشان يحصلون حريه اكثر من ناحيه اللبس والروحات والطلعات والتردد على اماكن معينه يعني تدرين مرت المطوع مستحيل تحط مكياج وفي حريم ماتستغني عن هالشي وومكن علشان راح يطلب ان اللبس يكون شرعي مستحييل بعد تكون مرت مطوع وتلبس جينز وجذي من هالسوالف وكل الاسباب بالنسبه لي ثانويه وشي مو اساسي لان المطوع انسان يخاف الله واللي يخاف الله ماينخاف منه (( بس طبعا في مطاوعه وعدد بسيط تحسين علاقته باللحيه شكل بس ))

 

[موج-البحر]

سؤالي هنا...

لماذا رجل الدين انسان غير مرغوب فيه؟؟

لماذا ترفض الفتاه كل ملتزم يتقدم لخطبتها؟

برأيكم؟؟ ماهو سبب انتشار الصوره السيئه عن رجال الدين؟؟


مممممم شوفي انا اخوي ملتزوم يعني الحلال حلال والحرام حرام بس يكره يناديه احد مطوع

ولا ملتزم لانه تعقد من الناس اللي تتطوع بس جدام الناس ولا هم من تحت لتحت يعني المنافقين كثروا

علشان جذي الناس صارت تنظر للمطوع بانه ارهابي او معقد او حتى متخلف بس مانقدر انقول نفس الكلام عن

الشيخ نبيل العوضي ليش ؟؟ مع انه مطوع ؟؟؟ لانه طلع للناس وتكلم وتكلم والناس اسمعته وحبوه

بس مانقدر نوقف كل مطوع بالشارع ونقوله تكلم واحنا نسمع نبي نعرف تفكيرك

والتلفزيون ماقصر بعد شوه صورة المطوع عند الناس ولا في مطاااوعه عسل على القلب يعني الوحدة شنو تبي

غير انسان يخاف الله ويتبع سنة الرسول يعني يكون صورة مصغرة عن نبينا

وعلى سالفة اللبس ان يمنعها من لبس كيت وكيت ترى من حقه انه يمنع منكر وهاذي زوجته يعني اكيد بيخاف عليها

واحنا ندري ان هذا حرام وهذا حرام بس انسويه ونقول الله يهدينا ؟؟؟

ويسلمو على الموضوع صج فتحتي موضوع مهم

 

[عاشقة هواك]

لماذا رجل الدين انسان غير مرغوب فيه؟؟ لان في وايد ناس شوهوا صورتهم عشان جذي الناس ما قامت تتقبلهم

لماذا ترفض الفتاه كل ملتزم يتقدم لخطبتها؟ انا عن نفسي احب الي يكون وسط لان حلاته معتدل

برأيكم؟؟ ماهو سبب انتشار الصوره السيئه عن رجال الدين؟؟ لان في بعضهم مثل ما قلت شوهوا صورتهم الله يهديهم

يعطي يحط اللحيه واهوا ما يعرف بالدين شي

 

[ScarletteO'Hara]

انا عن نفسي ارفض المطوع
مو قصورا بالمطوع
بس اغلبهم متشددين بالدين و انا اؤمن بالوسطية
ما تربيت على التشدد مع اني الحمدلله ما طوف ولا فرض و و عندي اقتناع و لله الحمد ان الله راضي عني
فليش اربط نفسي مع شخص انا عارفة انه ماراح يكون في توافق بيننا؟؟

 

[LuLiTa]

انا عن نفسي ارفض الملتزم ...و انا احب الوسطية و سبب انتشار الصورة السيئة اهو انه في ناس يلبسون لبس المطوعين و يقلدون شكلهم و اسلوبهم في الكلام عشاان يمشون مصالحهم و معاملاتهم في الديرة + ياخذون المقسوم من فلان و علان + عشان اتكون صورته جدام الناس غطاء خارجي حق نواياه الصجية و انشطته الثانية اللي مالها شغل بـ الدين .. و هـ النموذج حيل منتشر في الكويت + صورته في الغرب انه ارهابي ...

 

[أم توتو]

انا نفس الشي احب الانسان المستقيم موشرط يكون عنده لحيه وثوب قصير
لان الحين في ناس مو ملتزمين بس حكر على غير سنع واهو مو متدين اصلا
وفي ملتزمين وزجاتهم ماخذين راحتهم من اللبس والكشخه والمكياج بس بالتستر مو سفور
حلو الوسطيه ان يكون ريال مثل ماقلت مستقيم محافظ على صلاته بالمسجد والشيشه مايشيش ولا يدخن
هذا رايي

 

[فديت حلاتي]

انا عن نفسي اتمنى اتزوج ملتزم

يخاف الله ومايسوي الغلط ويخاف علي

بس طبعا مايطول اللحيه ولايقصر الثوب

 

[>الحنان كله<]

بالعكس المطاوعه اللي بقلوبهم ايمان وخوف من الله ثقي تماما انج راح تعيشين معاه احلى عيشه بحكم انه يخاف الله فيج وماعنده الا انتي وعيووونه مو زايغه مثل بعض الرياااجيل يعني حطي ابالج راح يكون لج بروحج وماعنده سوالف خربطه ولا لف ودوران

 

[النملة نواري]

اجابتي مختصرة
اصابعج مو سوا
كل الفئات في منها الزين و الشين
و للاسف كثروا المنافقين

 

[نونو العصله]

انا هم ياني ملتزم ورفضته
اخاف من عيشتي معاه
راح اكون مقيدده في كل شي
افضل الانسان العادي

 

[معلمة شيسمونه]

موضوعكم وايد حلووووووووو انا من فتره كنت ادور على جذي موضوع

لاني بصراحه خطبني مطوع ورفضت

رغم انه الوالد الله يحفظه مطوع وكل شي ابيه متوفر لي ما جبرني على شي بالعكس حتى النقاب كان باختياري ولما خلصت الثانويه بفتره يعني بالجامعه تنقبت وكان بارادتي
حتى لبس عباية الراس كان بارادتي
دايم ينصحنا ويقولنا بس ما يجبرنا والله كل شي نبيه عندنا وزود ونتدلع عليه ولا عمره بخل علينا الله يحفظه لنا هذا الوالد طبعا

لكـــــــــــــــــن وقفت عند سالفة المطوع وخفت مثلكم رغم انه عندي نموذج الوالد

بس ابوي طمني وقالي لا تخافين من شخص يخاف الله

وبصراحه فكرت بوايد شغلات
يعني لو اخذت شخص مو ملتزم او خلينا نقول وسط ورفضت انه يجبرني على اي شي يخصني
بلاقيه يجبرني بتصرفات كريهه ومشاكل اكبر مثل المغازل والسهر تالي الليل بالشاليهات والجواخير
والسفرات مدري وين و و و و طبعا ما اشمل الكل بس مو الكل خااااااااااااااااااااالي من هالسوالف

فما تضمنينهم كلهم

لكن اللي يخاف من ربه بيخاف عليج وهالشي انا متاكده منه الحمدالله

وسالفة انه يجبرني على اشياء ما ابيها انا باخذ حقي بطريقتي كل شي بالهدوء يصير

ومثل ما قلت حالي من حالكم خفت منه حيل بس بعدين بديت اتقبله
خاصه انه مو متشدد رغم انه ملتحي ومقصر الثوب بعد

والله يسهل الامور ان شاء الله



اما بالنسبة للي نشوفه بالمسلسلات انه دايم محتج ومعترض
ويشوف الكل كفره وفسقه

شدعوووووووووووه

هذا ابوي ما يسوي جذي
وتراه بالنهايه مطوع كويتي يعني الكويتي غيررررررررر


وعلى الطلعات بالعكس احنا مع ابوي نروح حتى اخر الدنيا
مطاعم وسفرات وسوقه حتى اي سوق يديد يودينا بس نقوله
وشاليهات وما عمرنا طلبنا منه شي ما يابه لنا او ودانا

لكــــــــــــــــــــــن فكرة البنات
انها ما تتقبل مو المطوع
ما تتقبل القيود
وبصراحه انا حالي حالكم ما احب اتقبل اي قيـــــد زيادة

لكـــــــــــــــــنني هم خفت من الاتزام الزايد

لكن اقتعنت بشغله
انه التغيير بيدج

بيتعود على طبعج
واسلوبج
صحيح الامر صعب مو هين
بس بالنهايه بيتعود علىطريقتج


وعسى ربي يرزق الكل ان شاء الله
​

 

[$ بنت علمي $]

صراحه اتمنى يجيني شخص ملتزم <<<<<

ويعطيج العافيه​

 

[لياليـ]

امم انا عن نفسي راح ارفض لاني مو مؤمنه وايد اللي يسموني مطوعه ولا اللي استغفرالله ناسيه ربي متوسك يعني اصلي اصوم بس اهوه راح يكون شديد او يقيدني
اتقبلي مروري

 

[Madrideya ~]

انا عن نفسي ارفض الملتزم ...و انا احب الوسطية و سبب انتشار الصورة السيئة اهو انه في ناس يلبسون لبس المطوعين و يقلدون شكلهم و اسلوبهم في الكلام عشاان يمشون مصالحهم و معاملاتهم في الديرة + ياخذون المقسوم من فلان و علان + عشان اتكون صورته جدام الناس غطاء خارجي حق نواياه الصجية و انشطته الثانية اللي مالها شغل بـ الدين .. و هـ النموذج حيل منتشر في الكويت + صورته في الغرب انه ارهابي ...

معاها بكل كلمه قالتهآ (=

 

[nono93]

عن نفسي راح ارفض


والسبب

وهذا الي اشووووووفه

في مجتمعنا مو بالتلفزيون

والمطوع مو ارهابي


لا بس الي اشوفه

المطوع الي عندنا >> يبي مرته مغطيه من فوق لتحت وتصير خدامه له ولعياله

وماتشتغل في مكان في رياجيل

وكلا شايفين ان حريمهم وبناتهم اذا قربوا يم رجال

بياكلمهم او يغتصبهم او يغازلهم >> سوري بس هذا الصج <<


والصج مافي ملتزم طيب وحبووب وكاااااااامل


الا واااحد من مليووووووووون مطوووووووع



اهم شي

مصلي ومسمي ويخاف ربه ويخاف علي وعلى عياله


وفي حريه بس اكيد بحدود

 

[لوجين الكويتيه]

عن نفسي راح ارفض


والسبب

وهذا الي اشووووووفه

في مجتمعنا مو بالتلفزيون

والمطوع مو ارهابي


لا بس الي اشوفه

المطوع الي عندنا >> يبي مرته مغطيه من فوق لتحت وتصير خدامه له ولعياله

وماتشتغل في مكان في رياجيل

وكلا شايفين ان حريمهم وبناتهم اذا قربوا يم رجال

بياكلمهم او يغتصبهم او يغازلهم >> سوري بس هذا الصج <<


والصج مافي ملتزم طيب وحبووب وكاااااااامل


الا واااحد من مليووووووووون مطوووووووع



اهم شي

مصلي ومسمي ويخاف ربه ويخاف علي وعلى عياله


وفي حريه بس اكيد بحدود

حرام عليج بالعكس المطوع حبيب وكامل ويكفي انه يخاف ربج


ويخاف عليج نظرتج غلط عن المطوع وياليت تغيرينها

وش تبين بانسان مايخاف عليج وكل يوم بشاليهات وزير نساء

وهذا اغلب رجاجيل الزمن هذا

 

[راعية الطويلة]

ما أعتقد إن هذي ظاهرة

و اللي ما تبي ملتزم
الملتزم مو ميت عند باب بيتها عشان ياخذها

اللي ما تبي ملتزم إنسانة غير ناضجة
وهذا اختيارها و هي كيفها

و المطوع موجود بكل عائلة إذا مو في كل بيت

فالفكرة الخاطئة هذي تجي من عدم وعي و دراية

أشكرج أختي ع الموضوع
​

 

[عمرها السعودية]

بالعكس وش فيهم الملتزمين عندي خوال ملتزمين مو كلهم لا كم واحد

والصراحة مدلعين حريمهم وهم اللي يودونهم كل محل من اسواق ومجمعات

ولصديقاتهم واشوفهم حييل حييل يخافون على حريمهم ماشاء الله عليهم الله

لا يغير عليهم .. وتوي شايفة بمجمع شاب يمكن عمرة 26 او 27 ماشاء الله تبارك

الوجة منور وخجوووول مرتة تدخل المكان تتقضى وهو برة وع فكرة هي لابسة عباية

كتف ونقاب ..

يعني مو كلهم مشددين ومتحكمين وش دعوة بنات

 

[~ بنت الهدى ~]

مممممم انا عايشه في مجتمع ملتزم متدين فما تفرق مطوع ولا لأ

بس في مطوعين متدينين لدرجه يحرمون الحرام ممنوع مجمعات ممنوع طلعات و كل شي عيب و حرام

هذا مابيه لو يحط لي القمر بيد و الشمس بيد شسوي فيه و اهوا بيعلعل قلبي

انا ابي واحد ملتزم مابي فري لأني مو متعوده على هالشي .. و مابي بيتوتي لأني متعقده من ابوي البيتوتي