والله ما اتزوج مطوع ((ملتزم ))

[دلوعة أبوهآ]

لاآآآ ملتزم متشدد ولا صآيع مآيخاف الله ..,
خير الأمور الوسط ..

الملتزم بعض الاحيآن تكون أفكـآره غير ..
أشياء كثير يرفضها وأشياء كثير مايقتنع فيها
ف لمآ الوحده تكون حياتهآ عاديه وكل شي عادي صعب تتزوج شخص متشدد
وبكذا تبدأ المشاكل لمآ تكون فيه اختلاف في التفكير ..



،
,

 

[مسك وبخور]

فيه ناس هم اللي يشوهون سمعة الملتزمين الصح لانهم يكونون حكرين اكثر منه دين كل شي حرام وممنوع بس الملتزم الصح على العكس ما يودي الاسواق الاهو ومطاعم معاها وخصوصا الشباب الحين شحلوهم و الحمدالله ديننا يسر مو عسر
اما اللي حاصل في المسلسلات للاسف هذا تشويه لصورة الدين والملتزمين

 

[B d R d r]

اول شي مو كل مطوع مطوع فاول شي الواحد يسأل عن اخلاقه وطبعه

واذا الواحد خاف ربه اكيد بخاف ربه ببيته وزوجته

فاهم شي اخلاق الانسان

 

[الغلا كله لبوي]

مشكورات حبايبي على الردود وينكم بنات معقوله بس 23 مشاركه:rgewrg:

 

[مفسرة الاحلام]

اعيد واكرر الله يصلح مايعطي

 

[مس تسذآ]

ياااارب ما اخذ اله ملتزم يارب

ليش يعني لا قالوا ملتزم قلتوا واااي معقد ؟

شكوو بالعكس الحين اللي صار يرضي ربه و يحفظ عياله جم ايه

و يغار على حريمه و يغطيهم و يحرص عليهم

صاار معقد ؟

و الله انا اشوف هاذا الدين الصح

و احنا الغلط ,,

اهوا مو ملتزم اهوا معتدل

و احنا اللي سايبين عرفتوا ,,,

بعدين ترا الملتزم ما يحط قيود بالعكس و الله احسن ناس

معامله حلووه و عسل

ابوي ملتزم زين و عمامي و خوالي عاديين مو ملتزمين ,

زين ,,

ابوي معاملته لنا وااايد راقيه يعني حتى اذا غلطنا يوضح لنا ليش

و الاسباب و حتى مثلا في شغله ما يبينه نسويها يقول لنا ليش و يقنعنا

مو يغصبنا عليها ,,

انا اذكر انه يوم دخلت الثنوي فاتحني بموضوع النقاب و قالي انتي كيفج

بس فهمني اللي علي و انا اقرر ,

و عقب انا اللي رضيت و قلت يبا انا بتنقب لاني انا ابيه ,,

و الله و الله و الله ابوي عمره ما غصبني على شي ,,

كل شي ابيه برضاتي و احس انا غيرررر عن بنات عماتي

احنا ابونا مدللنا و اسلوبه وايد حلوو

يعني بس ندش المجلس يرحب و يهلل فينا و ما يطلب منا شي اله يقول : " نوره حبيبتي لو سمحتي جيبيلي قهوه "

في ارقى من جذي ؟؟؟

الله لا يحرمني منه يارب و ياريت اخذ واحد ملتزم يخاف الله فيني .

 

[جولينار]

عن نفسي قبل لا اتزوج ماكنت اتصور اتزوج مطوع ولا اعيش معه ( على فكرة زوجي اللي تزوجته مو مطوع )


وكانت نظرتي قاصرة اعترف ..


بس لما صرت اقرى في الدين ودرستة واتعمقت فيه وشفت نماذج راااااائعة


جد حبيت المطاوعه


لأنه لو كان فعلا ملتزم حقيقي راح يخاف ربي فيك ويعينك ع الاخرة قبل الدنيا

( مااتكلم عن اللي حفظ له جزئين من القران وقصر ثوبة وطول لحيته وقال انا فيضلة الشيخ ! )

لا اقصد المتلزم الحقيقي ..

ونصيحة اللي يجيها مطوووع زين لا تفوت الفرصة

 

[عيوني مودي]

بلعكس الملتزم اذا كره زوجته عاملها بما يرضي الله
وكثير متزوجات ملتزمين وعايشين احلى عيشة

 

[مزاااج]

الحنان كله<, post: 25743200, member: 337903"]بالعكس المطاوعه اللي بقلوبهم ايمان وخوف من الله ثقي تماما انج راح تعيشين معاه احلى عيشه بحكم انه يخاف الله فيج وماعنده الا انتي وعيووونه مو زايغه مثل بعض الرياااجيل يعني حطي ابالج راح يكون لج بروحج وماعنده سوالف خربطه ولا لف ودوران

كـــــــــــــــــلاام صحــيــح 100 %

معاج بكل حرف قلتيه

 

[sweet.sanfoora]

حبيبتي الناس يرفضون المتشدد اللي يبي المرة كآلة تفريخ وربوميت تخدمه وتخدم عياله
ويطقها ويصرخ و افكاره غلط عن الدين و كل الناس عنده كفار وملحدين وكلهم بينشوون بجهنم << ولا تقولون ماكو من هالفئة

ثاني فئة: المتاجرين بالدين وهذول معروفين اللي يحطون اللحية عشان ينصبون ع الاوادم او يبوقون اموال التبرعات

وهالفئتين مو ملتزمين بس منخشين تحت ستار الاسلام والالتزام
وهذول اللي ينرفضون يعني تبيني اخذ اسامة بن لادن مع ويها مثلن وهالاشكال ما يعتبرون ملتزمين !

اللي ما ينرفض هو الانسان الملتزم فعلاً اللي ملتزم بصلاته وبصيامه وبعبادته واخلاقه حلوة ومحترم << هذا اكيد ما تعوفه اي بنية

وبثث

يعطيج العافية حبي

 

[روونــا]

أرفض
لأنـي افضضل الوسططيه بكل الأمور
ححتـى لوو زوآج




يسسسلمو عَ الموضضوع

 

[MISS JOJ0]

بالعكس حبيبتي انا اتمنى اتزوج ملتزم عارفه ليش لانو يخاف الله بيخاف على اهله وبيته ويتبع الرسول مافي احلى من الشي هذا وقصه انو عصبي وما ادري ايش هذا على حسب شخصيه الانسان اللي قدامك
بس اللي شوه صورتهم هو بعض المسلسلات اللي تنعرض مو كلها والارهاب كمان
وفي ناس ملتزمين كويسين مثل العريفي من ما تتمنى انو زوجها يكون مثله
وتقبلي مروري

 

[نجود]

حتــى انا بعد يمكن اذا جاني مطوع برفض مثل ما قالو البنات انا تعودت واحب الوسطيه والله يهدينا ويرزقنا بالزوج الصالح

 

[المرتاحة]

انا راح ارفض

لان بعض المطاوعه كل شي عندهم حرام و معقدين وااااااي

انا شفت ناس يقولون الكيكه والتصوير بالعرس تقليد الغرب و ما يجوز .. امبيه بالله ناس عقليتهم جذي اشلون تعيشين معاهم؟!!!!!

الاعتدال بكل شي حلو.. لا إفراط و لا تفريط

 

[روانتي 12]

والله مافي أحلى من المطأوعه شزينهم يخافون ربهم و محافظين على صلاتهم وعلى بيووتهم و حريمهم وعيالهم ويلبوون لهم و يحطون و يشترون و مايقصرون و كريمين و اخلاقهم عاليه و طيبين ..

اما البنات هالزمن يبون كل شي توب كل شي جديد يبون ياخذون الي يبونه و يتحكموون فيه

لا يبا وين قاعدين احنا حبايبي رايج راي امج و ابوج و اهلج عمر البنت ماصارت تتحكم بأهلها

و تمشين تحت رايهم انا ما اقول غصب لا بس من الاحترام و الادب و طاعة الوالدين ..

و بعدين اشفيهم المطـآوعـه .. مافيهم الا كـل خـ]ـير . يعني تبين واحد رومنسي ولا واحد صايع ولا واحد من شارع تربينه عندج

بس اهم شي انه يوديج و يجيبج .. اجل وش فايده دام انه مو محافظ على صلاته او انه ينام الفجر و مايحضر صلاه مع المسلمين

او انو برمضان لما يأذبن المغرب يقعد يفطر مثل ماخلص راح وصلى ..

هذا بالله عليكم تسموونهم رجال .. والله كلمة رجال للأسف ماتناسبهم .

طيب و اذا اخذتي واحد راتبه حلو و اهو طيب و ماعليه و مايقول شي .. طيب الحين وش الفرق بينه و بين المطوع اعتقد مابينهم

شي غير ان المطوع ملتزم بالقنوات الفضائيه و ملتزم بصلاته .. و ثاني ملتزم بس مو ذاك زود مثلآ لا أذن الفجر كمل نومته و ماصلى .. و عنده جميع القنوات الباحيه و غيرهاا و فوق كل هذا عادي عنده عياله يتابعون هالقنوات .

مو حرام اطفال يتابعون هالمسلسلات الي مالها معنى غير تدشير البنات و العيال

و آخيرآ أٌقول ألمطـآوعه مايعيبهم شي

مشكوووره على المووضوع رائع بس حبيت اوضح للبنات الي ماخذين فكره سيئه عن المطاوعه .

 

[mire.fares]

انا عن نفسي ارفض الملتزم ...و انا احب الوسطية و سبب انتشار الصورة السيئة اهو انه في ناس يلبسون لبس المطوعين و يقلدون شكلهم و اسلوبهم في الكلام عشاان يمشون مصالحهم و معاملاتهم في الديرة + ياخذون المقسوم من فلان و علان + عشان اتكون صورته جدام الناس غطاء خارجي حق نواياه الصجية و انشطته الثانية اللي مالها شغل بـ الدين .. و هـ النموذج حيل منتشر في الكويت + صورته في الغرب انه ارهابي ...
إذا قلنا مطوع نحن نقصد طائفة معينة أما من يدير العمامة السوداء ويلهف الأخماس فهو خارج الحسبة

 

[كويتية صغيرة]

أنا اول ..... لما كنت صغيرة

ماخذة فكرة غلط عن الملتزم ..... انه معقد وكل شي حرام ...او متشدد ويدقر

بس لما كبرت و شفت قرايبنا ماشاء الله الله يهنيهم ويحفظهم

اكتشفت ان تفكيري غلط بغلط

احنا دائما نخلط بين الأطباع و الاخلاق ..... وبين الملتزم بالدين

الشخص المعقد اهو معقد .....سواء ملتزم اولا
واللي يحكر ويدقر ويحرم من الطلعة والروحة ...... هذا طبع حكارة ....ماله علاقة بالدين والاتزام

شفت وايد دينيين ....ملتزمين ...... لكن سمحيين ماشاء الله عليهم
يسافرون مع زوجاتهم علشان زوجته تكمل دراستها بره ..... ويساعدها ويمسك عنها اليهال
يودي السوق وكل مكان والسفرات كل مكان يسافرون .... ويخاف على زوجته وعلى طول يسأل عنها .... ويدير باله على عياله ..... تعرفين الدين السمح .....هذا اللي اقصده ...... اكو واجد جذيه ....
والخدامة يحط لها 2 و3 خدامات بس يبي راحتها
اكو احسن من جذيه !!!!!!

بس مع الأسف الإعلام شوه صورة الملتزمين

واحنا تأثرنا بالإعلام

كل وحدة ردت رد فوق مخالف لي ارجو انها تراجع نفسها مليون مرة
ولاتتأثر بالإعلام ..... وتشوف الواقع
ياحلو الملتزم وسمح بنفس الوقت ...... والحين الزمن تغير وايد

 

[mi corazon]

السبب بسيط

لأن الناس ماقامت تاخذ من الدين غير القشور

راح زمن الصحابه .. والصحابيات

نادر تلاقين ملتزم بالصورة المثاليه


عن قناعة ومشاهده وعندي مطاوعه بعد بالعايله وييرانا ... اشوف اكثرهم ياخذون الدين حجه لهم مو عليهم

يعني تلاقين زوجته مافيها شي وكامله والكامل الله .. وقايمه بواجباتها على اكمل وجه .. وبالاخير يتزوج عليها .. واهو يعرف انه ماراح يساوي ويعدل .. ومعاشه على قده

وتلاقين سبحان الله المره لابسه مغمغم ومستور مايبين منها شي واهو اللحيه والتيشيرت بولو والبرمودا !!!! وين هيبتك ؟ هاللبس مو لك

احترم اللي يمك .. صايرلي فنكي يعني؟

بصراحه يضيق خلقي من هالاشكال " ما اعمم .. قاعده احدد بعض الاشكال اللي اشوفها"

وشي طبيعي لما البنت تكره المطاوعه لما تشوفهم عيونهم مني ومناك تطامر بالسوق .. وين غض البصر .. وين محاربة الفتن والنفس والهوى؟

يعني بالعربي الحين لو لقيتي مطوع صجي .. فا الله موفقج وامج داعيتلج


عن نفسي ما اتمنى اخذ مطوع .. ابي انسان ولد ناس يصلي بالمسيد ويصوم ويبر امه ويخاف ربه .. ولا مطوع من بره مطوع ومن داخل كوكتيل

 

[PuPa^^SWeeT]

شوفي مثلا بشر النفوس

الملتزم اللي بالعايلة اهو اللي دايمن ينقذهم بالنهاية

وهادي و يخاف الله بتفسه و بالبنية


حبيبتي اهوو مو سالفة ارهابي ولا مو ارهابي


السالفة انه الدين قاعدين يحاربونه بوسايل الاعلام بشكل مبالغ فيه

فا بالتالي شتنطرين من المراهقات ولا من البنية اللي تحت 30 اكييد تبي اتروح واتيي

فا لما الاعلام يطلع الدين متسلط ماتلومينها

لومي وسايل الاعلام اللي ماعنده رمادي يا ابيض يا اسود


يا ريال مخلي مرته مفسخة لا حجاب ولا شي

ولا ريال دين مخلي مرته تلبس حجاب مدرسة ظ؟؟؟


الالتزام حلوو و امان


بس اذا وسايل الاعلام اتغلفه بطابع من الشر و الجشع و التسلط و الدكتاتورية



فا لاتنطرين من الناس المدافعة عنه


وحتى لو طلع واحد ولا اثنين ارهابييين


مو فيه موضوع اهنيي البنية باخلاقها مو بلبسها

حتى الدينات و الدينين باخلاقهم مو بلبسهم يعني مو انشوف وحدة متسترة انقول عنها هذي معقدة

ولا ريال دشداشته قصيرة و ملتحي انقول ارهابي

كل من يمثل نفسه و جدام الله مو جدامنا احنا

 

[عطر المدينه]

اهم شيء الاخلاق ثم الدين يابنات ارجعوا للحديث واقرؤه بتمعن ستجدون انه قدم الخلق على الدين لان الدين بدون اخلاق بيكون جلف ولو جا الرجل لادين ولا اخلاق فهذا مصيبة ..

اما الانسان الخلوق لكن بدون دين صدقيني هذا انسان عايش لنفسه وبس

احينا يكون مطوع بس اخلاق عدم
واحيانا يكون عادي مو ملتزم بس اخلاقه عااااااااااااليه
يعني انا انصح كل فتاه تقبل على الزواج من رجل محافظ على الصلاه واخلاقه تمام وبس
ما يهم يكون مطوع وبس
لاني اعرف كثير مطاوعه بس للأسف اخلاق عدم ويهين زوجته
يعني اذا تقدم لك واحد ملتزم لا توافقين على طول لين تسالين عن اخلاقه
عشان تعرفين