والله ما اتزوج مطوع ((ملتزم ))

[ScarletteO'Hara]

حسستوني ان المطاوعة اهم الوحيدين الي مصلين و صايمين و خايفين ربهم بزوجاتهم و عيالهم
احنا قلنا نرفض المطوع بس ما قلنا نقبل بالصايع
خير الامور الوسط ووايد رياييل مو مطاوعة تعالي شوفي تعاملهم مع اهلهم و صلاتهم بالمسيد
انا ما ابي كل ما طلبنا شي انقال لنا "حرااااام"
لان الاصل بالاشياء الاباحة و عندنا مطاوعة كل شي حرام و ما يصير
و الله مو قصورا بالمطوع انا عمي مطوع يعني لحية طويلة و دشداشة قصيرة و من رواد جمعية احياء التراث يعني مو غشمرة
و اموت عليه حبيب و دمه خفيف و قلبه مافي اطيب منه
بس بالزواج غير هذا شخص راح اعيش معاه طول عمري و راح اكيف حياتي على حياته

 

[طموحه بزياده]

@@@




انا كنت مابي مطوع وابجي ان سمعت خطبني مطوع لانه اشوفه راح يحكرني ومرح استانس واطلع واشوف الدنيا كنت ابي واحد فري بس وسطي بالدين يصلي ويخاف الله بس مو متشدد

وخطبني واحد شكله ما يوحي انه مطوع بس طلع بتصرفاته كلها مطووووووع ملتزم الحمدلله بس ضاق خلقي لبسني نقاب وعباة راس واشياء واجد ويشطب قنوات منها ام بي سي تو ...مو مقتنع بالانترنت والواتس اب الا للدراسه


ولكن الحمدلله على كل حال اخلاقه تسوى كل شي


مع ان لي الحين في قلبي اخذ واحد شوي فري بس شسوي هذا نصيبي واسال الله يرضيني فيه اكثر




@@@

 

[التفاؤل عنواني]

اصابع اليد مو سوا
بالمقابل فية شباب مو ملتزمين وانواع الخراب والدمار الله يصلح الجميع يارب

 

[krkooora]

حبيبتي مو كل الماطوعه ملتزميييييين الملتزم شي و المطوع غير في ناس تتظاهر بالدين
و تسوي نفسها مدينه و تخاف ربها و كله نفاق بـ نفاق انا اتكلم عن البعض ..
و سمعنه مشاكل و بلاوي عن كل شخص يتظاهر بالدين و يسوي نفسه مطوع وهني
صارت رده فعل عكسيه عند البنات و كل وحده قبل لا توافق تفكر الف مرة
بهالريال
وجان زييييييين نلاقي ريال ملتزم و يخاف ربه مثل مشاري العفاسي ولا احمد الشقيري ناس ملتزمه بالدين و تخاف ربها احد ينشرح صدرج بالسوالف معه و فاهمين الدنيا صح

 

[krkooora]

هههههه الماطوعه = المطاااوعه

 

[عانيت القهر]

لا تقولولـي حبيبـآتي المطـوع زين أو مو زين .. في و في ي قلببببـي ,,
في مطــآوعـه ما شاء الله علييـهـم نآس يخافـوون ربهــم .. وفـي نـآس أستغفرالله .. يعنني أنتي قبل لا يملج عليج خلي أبوج يسسئل عننه يشوف أهو من أي طققـه ..
مشكـورهـ ي قلبي ع المموضووع

 

[رتبه دبلوماسيه]

......​

 

[(دنيتي)]

شاكره لج لطرحج الموضوع الهادف

بالنسبه للاعلام مشوهين صوره المطوع المتدين بانه ارهابي ومعقد وحرام وكفر ولايجوز وعيب

بس انا اشوف انه المطاوعه وايد انواع واهم شي انه الاهل يعرفون الانسان هذا شنو مو مجرد انه مطوع معناتها مناسب

انا اشوف كثير من المطاوعه خوش ناس شايلين حريمهم وعوايلهم وماشالله عليهم فاهمين بالدين ويعرفون حق الزوجه

والابناء وبالنهايه التوفيق من رب العالمين وقسمه

تقبلي تحياتي وشكري

اختكم دنيتي

 

[نجداويه نجد]

حتي اكون صريحه انا أحب الملتزمين كثيرا ولكن احب الشخص المعتدل يعني لاإفراط ولاتفريط لا له ملتزم ولاهو منحرف وسط

 

[G!RLooNa]

انا صراحه ارفض اخذ مطوع ولا واحد حيل ملتزم لاني فبساطه مو جذي

احنا بيتنا و اهل امي و اهل ابوي كلنا بالنص لا فري ولا متشددين فماراح اقدر اعيش مع مطوع او متشدد بالالتزام هذا حرام و هذا مايجوز و يلبسني عبايه و نقاب لا مابي جذي صراحه :/

و بعدين المطوعين احس الزواج الثاني سهالات عندهم

 

[aṕriliå]

صراحة ارفض

آحب الوسطية

آهم شي مصلي ومسمي واخلاقه زينه

 

[الغلا كله لبوي]

مشكورات حبايبي على الردود
وينكم بنات خلينا نشوف ارئكم بعد تتزوجين رجال
مطوع ولا لا

 

[الغلا كله لبوي]

انا صراحه ارفض اخذ مطوع ولا واحد حيل ملتزم لاني فبساطه مو جذي

احنا بيتنا و اهل امي و اهل ابوي كلنا بالنص لا فري ولا متشددين فماراح اقدر اعيش مع مطوع او متشدد بالالتزام هذا حرام و هذا مايجوز و يلبسني عبايه و نقاب لا مابي جذي صراحه :/

و بعدين المطوعين احس الزواج الثاني سهالات عندهم

انا معاج ان المطوع الزواج عنده بثانيه وثالثه سهالات