والله محتاره والناس دايم يقولولي ......فشرايكم؟؟

[اللولو الغالي]

السلام عليكم








جبيباتي انا والله محتاره
الحمد لله الله رزقني بالذوق الحلو وقدرتي على التصميم وتركيب الالوان والكل يقولي من اقاربي او صديقاتي ان افتح مشغل ابدع فيه واستغل مواهبي من تصميم عبي دراريع واكسسوارت او حتى ملابس اطفال
لان انا ما البس والبس بناتي الا من تصميمي
لكن من كثره المشاغل متردده وخايفه اضيع مع الزحمه
وبعد اللي مخليني اتردد اني موظفه وعند مسؤليات بيتي والاولاد خايفه المشغل يخليني اقصر عن مسؤلياتي

فيا ليت اللي عندها مشغل تقولي عن تجربتها واذا كان المشغل اشغلها عن اهلها وعيالها او لا
وارجو من حبوباتي ينصحوني باللي يشوفونه

 

[اللولو الغالي]

شدعوه ؟؟
مافي ردرد
ساعدوني حبيباتي

 

[شرطيه حلوه]

أنا نفسج كل الأهل يقولولي ليش ما تدشين كعرض
لأن أحب أسويلي بدلات وحق بناتي
بس لأن ماعندي مكان بالبيت وأخاف من البدايه أؤجر وما أتوفق
فلو عندج مكان لا تترددين
أقصد مكان تحطينلج فيه خياط
والله يوفقج انشالله

 

[عيون السواهي]

اذا عندج راس مال وعندج مكان توكلي على الله لنه اهم شي الذوق بتجاره وتنوع بتوفيج لج

 

[اللولو الغالي]

مشكورين حبيباتي عا المرور
بعد ابي ارائكم ونصايحكم

 

[HeR HiGHNeSs 90]

شوفي اختي انا من رايي الحيين كل مايت لج فرصه صممي شغلات بسيطه وشاركي باي معرض يعجبج اذا شفتي والله عليج الطلب ويبووون وسعي شوي البزنس خليه اول شي معارض احسن من انج تلتزمين بمحل المهم اذا نويتيي انه خلاص تبطلين لج بوتيك اخذي اجازه من الدوام واليهال شوفيلهم مكان لانه هل شي يبيله تفكيييييير ودرااسه وطبعن لازم في احد يجابل البوتيك 24 ساعه وموفقه

 

[اللولو الغالي]

شوفي اختي انا من رايي الحيين كل مايت لج فرصه صممي شغلات بسيطه وشاركي باي معرض يعجبج اذا شفتي والله عليج الطلب ويبووون وسعي شوي البزنس خليه اول شي معارض احسن من انج تلتزمين بمحل المهم اذا نويتيي انه خلاص تبطلين لج بوتيك اخذي اجازه من الدوام واليهال شوفيلهم مكان لانه هل شي يبيله تفكيييييير ودرااسه وطبعن لازم في احد يجابل البوتيك 24 ساعه وموفقه

والله نصيحتج تسوى ذهب يالغاليه
وهذا اللي كنت افكر فيه وانشالله اعزم واتوفق باذن الله
مشكوووووووووره عالنصيحه:ggdw:

 

[om.5doja]

رايي من راي الاخت هير هاينس

اشتغلي بجم شغله واشتركي بمعارض منها تعرفين طلب الزباين واللي عليه اقبال ومنها يصير لج اسم بين الناس والبنات يعرفونج


وموفقه يارب

 

[مساء مونترو]

انا نفس حالتج بس المشكلة خايفة هم من التقصير ولا من ناحية ال>وق لا يعلى عليه معروفين فيه ..
بس شالفايدة ا>ا بسوي مشغل واهمل ولدي وريلي؟؟
اهم شئ العايلة ..