والله هالشي صارلي عقده

[vevo]

بنات انا حدي تعبت انا احمل عادي ما فيني شي بس من تكمل احمالتي 40 يوم اطيح وانا عندي من قبل طفلين بس ما ادري ليش الحين قاعد يصير معاي جذي سويت كل التحاليل طلع ماكو شي سليمه ليش يصير جذي ما ادري الحين 3 مرات والحين قمت اخاف اروح احلل لاني تعقدت احلل هرموني واعيده كل48 ساعه ويكون كل شي اوكي بس فجاه ينزل الهرمون واطيح ورحت لاكثر من دكتور وكلهم نفس الكلام سليمه 100% حتى يعطوني مثبتات من يصير يوم التبويض وماكو فايده بس الحمد الله على كل حال والله يرزقني معاكم بالذريه الصالحه

 

[$غــ(ز)ــل$]

حبيبتي ارقي نفسج والله يخفظج يااارب
ويرزقج الذريه الصالحه

سويتي تحليل الاجسام المضاده
؟؟

 

[vevo]

هلا حبيبتي سويت تحليل الاجسام المضاده وبدال المره مرتين وطلع سليم ماكو شي

 

[كويتيه مذهله 87]

كل شي بيد ربج
يمكن فيه تحاليل ثانيه أنتي ما سويتيها

 

[بـــطوووطه]

عادي حبيبتي انا بنت عمي نفسج قعدت 13 سنه جابت بنتين وولد وبعدها كل ماحملت 40 يوم ينزل راحت لندن والكويت ولبنان والاردن ومصر

المهم راحت لمطوع الخفجي رشيد وقرت عنده والحين ماشاءالله نفاس جابت ولد عقب ما اجهضت مسكينه 13 مرة

 

[أم تروفه]

هلا بج حبيبتى شوفي مافيج الا العافية رقي نفسج اول شى واذا تعرفين مراة موثوق فيها تكوى خليها تكويج اسفل اخر فقرات العمود الفقري فيه لما تضغطين يدج تحسين بحفرة داخل هذا علاج التسقيط انا امى تعالج وتجوى بس المشكلة ان من السعودية وحدة 6 اسقاطات ومن جوتها الحمدلله احملت وجابت بدون مثبتات ولا شي حبيت افيدج ياعمرى شفيلج وحدة شاطرة وتوكيلى على الله وموفقة

 

[سلسبيل]

الله يشافيج وتحملين حمل تام وكامل ويرزقج

 

[درابيل وحليب]

تحتاجين انج تنسدحين على ظهرج من اول ما تحملين لين الولادة

 

[فتكات بنت كيداهم]

الحمدللة على كل شى اختى اللة يرزقج انشالله حبيبتى لازم تقراين سورة البقرة يوميا وراح تشوفين الفرق كبير واعوذ بالله من الشيطان الرجيم ومن الوسواس الخناس الذى يوسوس فى صدور الناس واقرى الرقية الشرعية على نفسج ويارب يثبت حملج وفى المرة الثانية .

 

[Queen-q8]

هلا حبيبتي
انا نفسج بس انا يصير هالشيء بين بناتي وبعدهم يعني كل 3 حملات اسقط اللي بعها يثبت وما كنت اخذ علاج يعني بيبي اسبرين وفولك اسيد ومثبتات وهالشيء بكل حملاتي

اخر مرة حملت قبل 3 شهور وطيحت بنفس الفترة يعني 5-6 اسبيع يوقف البيبي وما اشوف نبضات قلب بس خذيت هالمرة هبرين وهمن ما كمل ولله الحمد

انا سويت تحاليل الاجسام المضادة اللي متوفرة بالكويت و طلع عندي نوع واحد مرتفع شوي ونوع مرة يطلع بتحليل ومرة يصير عادي بتحليل

عموما انا اعتقد انه عندج اجسام مضادة تطلع بالحمل مو قبل او بعد وهالشيء بعد انا اعتقد انه يطلعلي

انصحج بدكتورة خالدة المجيبل تىخصصها اهي ود ماجد الشمري علاج الاجهاض بس ترى علاجها للحمال عادي بس من تحملين على طول روحي لها

يمكن تحتاجين بس الهبرين ابر السيولة واعتقد كافيه بس انا وضعي معقد اكثر واخر علاج لي راح يكون ابر الوريد والله كريم

اذا تبين شيء مفصل عندج د ناهض حمادية من م المواساة وايد شاطر بعد عنده تقدرين تسوين التحليل الشامل اللي يدزونه امريكا ب 600 دك ويعلمج شنو ممكن يكون معاج اذا ما بين شيء بتحاليل الكويت
ولا تقولين سويت انا سويت قبل بنتي تحاليل الدنيا بس مو الدقيقة وبعدها سويت اكثر من 4 مرات تحاليل دقيقة وهمن احس مو كافي

وترى في بعض الحريم ما يكون عندهم اجسام مضادة بس يكونونهم اثناء الحمل ويسمونهم القابلين للاجسام المضادة او اللي اجسامهم تتصرف وكأن في دمهم اجسام مضادة وبالتحاليل ما يبين شيء

والله صرت خبرة

بس ان شاء الله افدتج بهالشيء

 

[zyoonaaq8]

الله يرزقج يارب

 

[vevo]

مشكورين يا قلبي ما قصرتوا
queen-q8مشكوره حبيبتي انا الحين اراجع عند فوزيه القطان بسالها عن سالفه الاجسام الضاده اللي تطلع اذا حملت واذا هالشي قاعد يصير معاي وما ادري تنصحيني اروح لخالده اذا حملت اواكمل مع فوزيه القطان

 

[vevo]

up,,,

 

[Swan]

اختي انا مثلج من احمل خمس ست اسابيع والا انا مطيحه
وتوني قبل شهر اكتشفت ان الاجسام المضاده اهيه السبب
لأنها تهاجم الجنين وتعتبره جسم غريب
والحين دكتورتي معطيتني بيبي اسبرين وقالت لي اول ما احمل ان شاء الله راح تعطيني هايبرين
وان شاء الله ينفعون معاي

 

[vevo]

بس انا سويت تحليل الاجسام المضاده طلع سليم ما فيني اجسام مضاده :0bee2e8d89: بس الدكتوره عطتني اسبرين والحين انطر لما احلل واشوف انشاء الله يثبت حملي هالمره

 

[Queen-q8]

vevo اذا حملتي كملي مع خالدة او ماجد الشمري لان مو شرط يكون عندج بالتحاليل بس جسمج يتصرف اثناء الحمل كأنه في اجسام مضادة وهالشيء قالتلي خالدة وتقول مع كل حمالة يبين اكثر وانصحج فيهم لان انا ما بقا دكتور ما رحتله بس المشكله اني كنت نفسج مو عارفة شفيني وليومج مو ضامنه الحمل الياي يثبت والا لأ والأمر انه حتى الخمل صار يتاخر

خليج مع فوزية ولي حملتي كملي معاهم وتفائلي وان شاء الله تترسين البيت كله عيال

دكتورة خالدة تتابع تدفق الدم من شرايين الرحم ليما الجنين وتشوفه طبيعي والا لأ بس الله يعينج على الصرف بتهلكين وايد خساير الله لا يخسر وترى تجارية وايد

 

[بيوتي]

حبيبتــي انـا اقوولـج داام مافيـج شـئ // علييييييييييج بالقرااايـه ....

وحتى لو حملتــي اقررررررررررررررررري لمـا توولدين بالسلامـه ... يمكن اللي فيج تاابعه والله اعلم .

 

[vevo]

vevo اذا حملتي كملي مع خالدة او ماجد الشمري لان مو شرط يكون عندج بالتحاليل بس جسمج يتصرف اثناء الحمل كأنه في اجسام مضادة وهالشيء قالتلي خالدة وتقول مع كل حمالة يبين اكثر وانصحج فيهم لان انا ما بقا دكتور ما رحتله بس المشكله اني كنت نفسج مو عارفة شفيني وليومج مو ضامنه الحمل الياي يثبت والا لأ والأمر انه حتى الخمل صار يتاخر

خليج مع فوزية ولي حملتي كملي معاهم وتفائلي وان شاء الله تترسين البيت كله عيال

دكتورة خالدة تتابع تدفق الدم من شرايين الرحم ليما الجنين وتشوفه طبيعي والا لأ بس الله يعينج على الصرف بتهلكين وايد خساير الله لا يخسر وترى تجارية وايد

مشكورين حبايبي ما قصرتوا
ملكه الكويت شكلي انا وياج نفس الحاله ابسال الدكتوره اذا رحت عاد انا اراجع عند مساعدتها شيماء قالت لي ما فيج شي عشان اتابع معاج انا اتابع الحالات الصعبه وحالتج عاديه عاد اذا الله وكتب لي الحمل بشوف اكمل مع شيماء او اروح لخالده انا مرتاحه لها انشاء الله اللي فيه الخير يكتبه ربي واذا عالمخاسير فشنسوي كل شي يهون المهم الصحه والعافيه

 

[Swan]

ترى تحاليل المناعه وايد
يمكن في تحليل غفلتوا عنه

 

[نفـــائس]

مدام مافيج شي

ارقي نفسج وجنين

وامسحي على بطنج بماي زمزم از مقري علية

وقولي (( والله خير حافظ وهو ارحم الراحمين |))