وانتو بكرامة ابي جوتي طبي مريح حق المشي والدوام

[%عسولة الحلوة%]

السلام عليكم ورحمة الله وبركاته

شلونكم حبيباتي الحسناوات

شخباركم
عساكم بخير

حبيباتي
منو تعرف محل وانتو بكرامة يبيع جوتي طبي مريح
تعبت ماكو شي مريح
انا فيني فلات فوت
وابي شي مريح حق الكلية وحق المشي بالسوق:ada:
لان ريولي حييييييييل تتعب من الجواتي العادية
ولا تقولولي عن ماركة مااذكرها بس اللي بالمثنى تحت وبالمهلب ماحبيتهاطبيه حيييييل وكل صنادل

انا استخدم ماركة مااذكر اسمها بس برازيلية من المثنى
كعب وشحلاته
بس ابي شي عملي
يكون فيه شوية كعب
بس عشان يعطيني طول_03BA: مع ان طولي حلو
ويكون مريح
بس ماابيه جوتي رياضة

وسامحوني عالازعاج:eh_s(6):


ومشكورين ياقلب ام الخدود النظيفة​

 

[ام يعقوب]

ياالغالية مالج إلا محل الخطوة المريحة اللي بالمثنى بس فوق وراح تدعيلي ان شاء الله .وهذا غير عن المحل اللي تحت

 

[Ms. luxury]

أشوف أمي شارية من النصر الرياضي جوتي حلو شكلة زين مورياضة بس طبي وبعشر دنانير أو قالت بعشرين دينار..ناسية ..
بس هي قبل 3 سنين مسوية عملية الغضروف بالركبة وتوها تشتري هالجوتي لأن توهم ييبون منه تقول خفيف وتحس ان يخليها تمشي وبخفة بعد الله يتمم عليها مسكينه ...روحي سألي عنه شكله مقوس من تحت أسفل القدم يخليج خفيفة وتمشين وماأعرف تفاصيل أكثر من جذيه عنه

 

[&% *مجنونته* %&]

حبيبتي انا يوم كنت ادور حق العيد رحت حوش السالميه اشتري جواتي وجناط لقيت عند محل اسمه اغادير جوتي طبي حده حده حده مريح خذيت حق امي منه وحتى اختي حامل خذت منه بعد وتقول وايد مريح بالمشي في 12 فراشه على قولتهم وخفيف مو تقيل سعره 28 دينار بس والله يستاهل وفي منه الوان وشكله حلو بعد والله جربيه وادعيلي والله يوفقج انشالله حبوبه :ggdw:

 

[%عسولة الحلوة%]

مشكورين ما قصرتو فديتكم والله

 

[مسك الزهور]

حبيبتي انا يوم كنت ادور حق العيد رحت حوش السالميه اشتري جواتي وجناط لقيت عند محل اسمه اغادير جوتي طبي حده حده حده مريح خذيت حق امي منه وحتى اختي حامل خذت منه بعد وتقول وايد مريح بالمشي في 12 فراشه على قولتهم وخفيف مو تقيل سعره 28 دينار بس والله يستاهل وفي منه الوان وشكله حلو بعد والله جربيه وادعيلي والله يوفقج انشالله حبوبه :ggdw:[/QUOTE




فعلا عجيب شاريته من 3سنوات وسعره فيه وحده راقي وذرب
بس اخذي اللي مفتوح من ورى مريح اكثر وعملي
:wqedqw::wqedqw::wqedqw:

 

[الشيهانه83]

انا عندي نفس مشكلتج واعاني وايد من ريولي والمشكلة اني ما احب الا العالي وجربت مره من كلاركس صندل عالي شوي بس حلو ووايد مريح عملي وحتى الكعب مويابس ما ياذي والاهم شكلة ناعم مو مبين انة طبي لان العادة الطبي دايم تكون اشكالهم غلط بس هذا لا مو مبين طبي

 

[عبق البنفسج]

محل شول متخصص بهالسوالف .. روحي بتلقين كل الي تبينه ..
مكانه على نفس سطرة مجمع النقرة الجنوبي .. وقبال الشمالي

 

[queen angel]

تلقين في محل ecco بالكوت كل الاحذية اللي عنده طبية ومريحة ما تسبب اي مشكلة بس ترى شوي غالين يعني الجوتي ب30 او اكثر....
وبعد محل شول هم زين....

 

[العزيزة دايما]

اختي المحترمة:
آنا عيالي عندهم نفس المشكله وهي فلات فوت
وانصحج حبيبتي تروحين للافينيوز عند clarck'sاهو صج اسعاره غالية بس الصراحة احذيته معروفة عالميا وطبية مية بالميه!

 

[اميرة القلوب]

يقلبي قلبش وانا اعاني نفس المشكله تماتا ,,,, مابقي ماركه ماجربت لفييت ولفيييت ماكو ع ساس ساس ساس اللي بالاوقاف اسالي مجرب ولا تسالييش دختووور صج شكله عادي بس اهم والزم مــــاااعليش وانا اخيتش الراحه التاامه انتي جربيييه وادعيلي وسعره 36بس هاا يستاااهل والله ماستغني عنه حتي جربييه وشوفي,,,


( استخدم ماركة مااذكر اسمها بس برازيلية من المثنى)
تقصدييين كومفوورت صح كلامج موشي جربته :ada:

 

[%عسولة الحلوة%]

فديتكم والله
يا عساني ما انحرم منكم

فدييييييييييييتكم

مشكورين
ومحل
كلارنكس وين صاير
لانني
حدي ما احفظ اسماء وماركات
كللللللللللللللللش

بسرعة انسى والله

 

[أم عبدالعزيز1]

ساس وبس وبدون تفكير
وتاخذبنه على الطلبية على حسب حجم ومقاس القدم

 

[القرآن ربيع قلبي]

ساس تلقينه بالاوقاف وبالمثنى

 

[sunshine22]

اغاديــــــــــــــــــــر

بس منظر ووينه ووين الراحه ا حنا بالمدرسه 3 ابلات نلبسه وكلنا اتفقنا على انه غير مريح بس شكل ومشوار خفيف كلش مو عملي


اصلا اغادير يقلد محل بالصالحيه بس ذاك ستراسه يلمعععععععععع وب100 وطالع روحو وقارونو


الطبي ايكو وكلاركس ببرج حمود وبس

 

[عنايد]

صاجه سن شاين كاهو جوتي اغادير طاح بجبدي حسااافه عليه 25

 

[%عسولة الحلوة%]

مشكورين فديتكم

 

[جمر بردان...]

حبيبتي عندج شول متخصص بهالسوالف تلقينه عند مستشفى المواساه وبالسالميه القديمه اللي فيها المرسيدس
وعندج ايكو
وساس بعد مريح

 

[%عسولة الحلوة%]

مشكورة حبوبة​

 

[%عسولة الحلوة%]

للرفع