واي هلاقه ... حدج موشي ... لاانتي قديمه ...

[الخيانه ماتنسي]

][ بسمـ الله الرحمن الرحيمـ ][~


][ السلآآمـ عليكمـ ورحمة الله وبركاته ][~


شونكمـ ؟ شخباركمـ ؟


قال رسول الله -صلى الله عليه وعلى آله وسلم-: ( طوبى لمن شغله عيبه عن
عيوب الناس )



قال رسول الله -صلى الله عليه وعلى آله وسلم-: ( من تعاظم في نفسه واختال في
مشيته لقي الله وهو عليه غضبان )




\
/



للكل منا عيوب ومميزات يمتاز فيها .. فالكل يبي يتخلص من هالعيووب عشاان


يصير أحسن من إلي كان عليه فـ الساابق .. ولــكـــن !


صاار الكل ألحين يشووف عيووب غيرهـ ولا يشوف عيووبه !! صار أهوه


الكامل ومافي أحد كامل غيرهـ سبحانه وتعالى ,,


تشووف ألحين البعض من البنات تعلق ع غيرها من اللبس أو طريقة الكلام أو المشية


أو .. إلخ ,,


وتشوف بعض من الشباب يعلق ع غيرهـ ويستهزء بتسريحة شعره أو سيارته أو


لبسه أو .. إلخ ,,









][ مــوقـــف ][


إنتقل زوج مع زوجته لـ بيت يديد وقعدوا ع الفطور ولا تأشر زوجته من نافذتهم
على حديقة جيرانهم وتشوف الغسيل وتقول حق زوجها : "شوف غسيل يارتنا مو
نظيف عدل أكيد تستعمل مسحوق رخيص" .. وكل ماقعدوا ع الفطور تشوف و
تقول نفس الكلاام .. وبعد جم إسبوع إندهشت قالت : "شفت أخيراً تعلمت شون
تنقي المسحوق الزين وتغسل عدل" .. جان يقولها زوجها : " عزيزتي قعدت اليوم
إمبجر من النوم ونظفت النافذة إلي قاع تشوفين منها" !!









يعني للأسف قاموا البعض من الناس يبصرون عيوب غيرهم ولا يبصرون عيوبهم


ويتحجون عن عيب فلانه وعيب فلاان ولا يدرون أنه العيب فيهم !!


قالوها من قبل : " مــا يــعــيــب إلا الــمــعــيــوب "





..×.. أســئــلــتــي لــكــمــ ..×..



# هل أنت عزيزتي من هالنوع إلي يشوف عيوب غيرهـ ؟! ولماذا ؟!


# شنو الأسباب إلي تخلي البعض يشوفون عيوب غيرهم ؟!


# شنو إهي نظرتك بإلي يشوف عيوب غيره ويترك عيوبه ؟!


# شنو الحل برايك لـ إلي يبصرون عيوب غيرهم ولا يبصرون عيوبهم ؟!



\
/



واتمنى أن ينال الموضوع إعجابكمـ تفاعلكمـ الكريمـ


اتركـ الرأي لكمـ


تحياتي : الخيانه ماتنسي ​

 

[dodowa el7elwa]

الحمدالله انا موو من هالنــــــــــــــــوع بس ساعاات اشوف عيوب غيري مواطناازه بس علشان ماانشغل بعيووبي اعددهم بالعكس علشان احسن من عيوبي وكل انسان موكامل والكامل الله........ :eh_s(6):

 

[الخيانه ماتنسي]

صحيح كلامج اختي الكمال لله والانسان مو كامل
شاكره لج مرورج العطر

 

[ام سعود ديكسون]

شوفي اذا الوحدة نوعها تتفشخر وتحب تتفاخر شريت هذا وحطيت هذا وما البس الا شي ماركة الدو وناين وست وجواتي الحوش مال القيصرية ووويع ليش سوالف الحوش وييييع:lololoe::lololoe:مو ازمة اقتصادية عيل ليش انتي مو متازمة اقتصاديا نفس باجي خلق الله :080402ask_prv:هذي ممكن احش فيها مع خواتي من باب العلم بالشي ترا انا ماحب احد يقص علي :eh_s(4): بس للامانة ما حب افشلها جدام رفيجاتنا و لا اقولها لبسج ما يسواله وقديم بعكس ما تتظاهرين بالعكس الزم الصمت :eh_s(1):اما اللي تلبس بسيط ما تعرف الماركات او لبسها كلاسيكي او عبي فهذي ما احب اعلق عيب مو كل الكويتيين rich و اللبس ما يقيم هالانسانه من داخل شنو ما احكم من قشرتها احكم من جوهرها فرضا متسلفة والا ماخذة ديون واقصاد علشان تطلع لج بهالمظهر

 

[нιℓℓ¢]

السلام عليكم

بالفعل موضوعج نال إعجابي. ^^
لأنج انتقدتي سلوك متفشي و ما بسير بعيد انا شفت بعض النماذج في بعض المواضيع.
عقب ما الاخت تطلع العيب ، تقولج " هاي أذواق ".

أنا وياج أن الأذواق تختلف ، لكن وين الذوق في الكلام ؟
هذا اللي مفروض نلتزم فيه.

# هل أنت عزيزتي من هالنوع إلي يشوف عيوب غيرهـ ؟! ولماذا ؟!

نعم مرات ، بس أتجاوزه و ما تكلم عنه خصوصاً إذا كان شي سطحي.
لكن إذا الموضوع يتطلب مني نقد بناء ، فأنا بالعكس أتكلم و أبدي رايي لكن بطريقة ما تجرح الآخر.

# شنو الأسباب إلي تخلي البعض يشوفون عيوب غيرهم ؟!

يقول الشاعر ، و أنا أقولج اياها عن قناعة :
كن جميلاً ترى الوجود جميلاً
اللي نفسيته حلوة .. يشوف الخير في كل الناس.

# شنو إهي نظرتك بإلي يشوف عيوب غيره ويترك عيوبه ؟!

نظرتي ؟ أنا أقول خل يطالع نفسه بالأول.

# شنو الحل برايك لـ إلي يبصرون عيوب غيرهم ولا يبصرون عيوبهم ؟!

الحل أنهم يحاسبون نفسهم قبل لا يحاسبون الناس عشان يضمنون احترام الناس لهم.
و لازم يغيرون أسلوبهم ، و يعاملون غيرهم مثل ماهم يحبون الناس تعاملهم.
لأن محد كامل الا الله سبحانه و تعالى.
و كل الانسان يخطي ، مب معصوم من الغلط !


فضفضت شوي ..
مشكوورة على الموضوع ^^

 

[رند]

موضوووعج عجيب يالغاليه

وللاسف يحز بخاطري كلنا بنات ديره وحده وكل وحده تطنز عالثانيه من طريقه لبس او شكل .....الخ
يعني شدعوه عليج الحين انتي بيرفكت ولا نازله من القمر يوم تحشين بغيرج هالقد واااااااااااي

جد اتمنى انكون راقين بطرحنا وماتقعد كل بنت تتمسخر ع غيرها ياحافظ ترانا خوات بنات ديره وحده يعني عيب وموحلوه بحقنا خاصه ان معانا بنات من دول غيرنا خلونا نطلع باالزينه مو بالشينه

 

[بطاط مهروس]

مشكورة على الموضوع ..... والله على قولتج عيوبنا واايدة ودايم نشوف عيوب غيرنا وننسى عيوبنا والله ساعات اشوف عيوب الناس بس ما تناسى عيوبى

 

[][ sarah ][]

ههههههههههههههه
ذكرتيني بوحده , بنتها عمرها 16 سنه وحافه حواجبها وراسمتهم رسم , ام البنت قاعده جان تشوف وحده من رفيجات رفيجات بنتها ( فججوا لووووووول )
هالبنت عمرها 20 او اكثر بعد وحافه حواجبها وراسمتهم , جان الام تقول طاااااااالعواااااااااا حافه حواجبهاااااااااااااااا ( قالتها بطريقه جنها تقول شوفوا ماتستحي على ويهها حافه )
لووووووووووووووووووووووووووووووووووووووووووووووووووووووووووووووووووووووووووول انا واللي قاعدين بققنا عيونااااااااااااااا
انا لاشعوريا نزلت راسي وقعدت اضحك , يعني من صجها !!!!!!!!!!!!!!!!!!!!!!!!

الحين بنتج ام 16 حافه ولما شفتي وحده ام 20 حافه , نقدتي عليها !!

الحمدلله والشكرررر

 

[عاشقه رويشد]

يسلمو علي هل موضوع الحلو بس انا مو من النوع اللي اطالع غيري واطنز صج ساعات الانسان يشوف عيوب غيره وينسي نفسه

 

[غزلان]

# هل أنت عزيزتي من هالنوع إلي يشوف عيوب غيرهـ ؟! ولماذا ؟!
اي اشووف واحب اشوف عيوب غيري ليش عاد عشان ا1ا تكلموا على عيبي اقولهم حتى انت فيك كيت وكيت وكيت وعشان بعد اعرف شخصيه الي جدامي ايش

# شنو الأسباب إلي تخلي البعض يشوفون عيوب غيرهم ؟!

يمكن لان الي جدامي يشوف نفسه توب ومسوي روحه اسكت عشان جذي انحد اشوف عيوبه
# شنو إهي نظرتك بإلي يشوف عيوب غيره ويترك عيوبه ؟!
مريض

# شنو الحل برايك لـ إلي يبصرون عيوب غيرهم ولا يبصرون عيوبهم ؟!

نواجهم بعيوبهم

 

[لوكي 22]

مشكوره عالموضوع الهادف
وهالشي اشوفه وايد فناس واااااااايد يتكلمون جنهم اهما الصح
والله يهدينا جميع والله حتى انا مرات اشوف نفسي اتكلم قمنا ناخذ طبايع اللي نعاشرهم

 

[قوطي نيدو]

مشكوره على الموضوع

 

[الخيانه ماتنسي]

اهلا حبايبي عطرتوا الصفحه
ردودكم شرفتني

 

[happy&single]

هل معنى عيوب الناس انتقاد سلوك او تصرف او عاده سووها !!؟؟
اعتقد الكل ينتقد مو شي غريب ولا اهو عيب اذا القصد منه تصحيح الوضع وليس التشهير بالانسان وبس​

#هل أنت عزيزتي من هالنوع إلي يشوف عيوب غيرهـ ؟! ولماذا ؟!
احيانا تكون اشياء واضحه لا يمكن انج اتجاهلينها ،، عادات وتصرفات انا استغربها فأضطر اني اتكلم عنها من باب الانتقاد احيانا او من باب العلم بالشي ،، لأن يمكن هالشي دارج وطبيعي وانا ما ادري عنه

# شنو الأسباب إلي تخلي البعض يشوفون عيوب غيرهم ؟!
مثل ما قلت لج احيانا تكون هناك اشياء وااااضحه مثل الشمس لا يمكن تجاهلها واحيانا من باب العلم بالشي واحيانا
كرهه للشخص نفسه ان كان الفضح والتشهير واكو ناس واااايد ما عندهم شغل بصراحه فاضيين

# شنو إهي نظرتك بإلي يشوف عيوب غيره ويترك عيوبه ؟!
مسكـــــــــــــــــــــين ،، لانه غافل عن نفسه وعن تصرفاته ومثل ما قالوا ما يعيب الا المعيوب

# شنو الحل برايك لـ إلي يبصرون عيوب غيرهم ولا يبصرون عيوبهم ؟!
ولا شي التطنيــــــــــــش ولا تعطينهم فرصة يتكلمون عن احد لان اكيد اهم بدورون اطراف ثانية للسوالف فاذا الكل صدهم ماراح يلقون احد يكلمونه ولا يتكلمون عنه فبينشغلون بنفسهم[/]

 

[Sukkar]

تصدقين يا "الخيانه ما تنسي" موضوعـــــج كان في بالي من فتره ودي أطرحه .. :ggdw:

شوفوا شصار وياي أمس و آنا بمارينا !
كنت حامله جنطة أل في تقليـد .. و إلا وحده طالعتني من فوق لتحت و قالت بصوت تقريبا مسموع يعني آنا سمعتها .. قالت جنطتها تقليد ! .... انصدمت .. تفشلت شوي بس رديت لها خطوتين لوول و ابتسمت و قلت لها .. تفكيرج محدود !

مادري ليش قلت لها جذي لوول هذا الي طرى على بالي وقتها !

كلنا عندنا جناط ماركات بس ماله داعي نشتري على حساب الكريديت كارد و بالديـن ! هذا تخلف .. سوري يعين بس إيه تخلف إنه الواحد يكشخ من فلوس مو له و يكدس على نفسه مصاريف و ربا ! .. آنا توني 18 سنه مو معقوله كل لبس بييبله جنطه بسبعين دينار فما فوق على حساب هلي ! .. اهم ما يقصرون بس الرحمه حلوه .. و جناط بيرشكا و غيرها تهبل ! إلا ماااركه ؟



للأسف أغلب شعبنا يحب يحط على نفسه أقساط شكثر بس عشان يكون شكله هاي هاي هاي هاي كـلاس ! و بعدين يبجي و يذبح نفسه و يقول .. أسقطوا القروض ! ما حد قالك روح استانس و سافر و اشتري بيت بفلوس مو لك :krkrkr:

مشكوره حياتي بردت جبـــــــــدي لووووول :dddds:

 

[-مذهلهـ-]

موضوع جميل
ويعطيك الف عافيه للطرح
فعلا اكثرنا يحمل العيوب ولكن من منا يرا عيوبه
ويترك عيوب الناس

 

[ذليته بعيوني]

الحمدالله انا مو من نوع هذا مثل ماقلتي مــا يــعــيــب إلا الــمــعــيــوب انشالله مااصير نفسهم

 

[الخيانه ماتنسي]

sukkar ياحياتي اخذي راحتج والموضوع موضوعج
شاكره لكم مروركم

 

[شموع الفرح]

انا عندي حكمه ((( من راقب الناس مات هما ))) ووبس مشكوره على الموضوع

 

[tmtmt]

ماكو احد ما يشوف عيوب غيره بس تختلف طريقة التصرف

انا اشوف عيوب غيري بس استفييد منها احاول نا اصير نفسهم

وانا بعد لي عيوب واكيد الناس تشوفه بس عادي عندي لو احد يقولي فيج هالشيس بس طبعا الطريقه لازم تكون ذربه عشان اتقبلها ولازم الشخص نفسها ما يكون فيه نفس العيب عرفتي ..

يعني مو اتييني وحده لبسها ضييييييييج واتيي تقولي لبسج ضيج شلون ريلج يرضى ... هذي بعصب

اما لا يت وحده وتقول .. شحلات الي لابسته بس لو اكبر برقم جان صار احلى علييج

يعطيج العافيه