صبـــآحكـــم خيــــر ،
~
الحزين ، اللي طموحه :- يتصـل بـك
لا تضيق إن كان ( دقْ دقه ) وسكّـر!
لا إسألـو عنّـه ، بعـد ماشـح قلبـك
وش يسوي ؟ جاوبو ( قاعـد يفكّـر ) !
إيه أفكّر .. وين تفكيرك وصـل بـك ؟
ما إستحى من كثر ما أخطيت وتشكّـر ؟
قلت له ب( أنساك ) وبفكره رحـل بـك
خايـف ومرتـاب دونـك ومتعـكّـر !
وقال ( ابنسى ) حبّك ، ووصلك ، وصلبك
وجت ف. باله كلمة ( أنساك ) وتذكّـر !
كنت وافـي يـوم إذا وقتـك فعـل بـك
لو تذوق المر .. صار المـر / سكّـر !
يوم كنت أزعلْك واشـوف الزعـل بـك
وإن سريت أقول مـو كنّـه مبكّـر ؟ !!
وش حصل فيني بْعدك ، ووش حصل بك
ووش حصل حتى ضياء الوقت يتنكّـر !
ودي .. إني كـل لحظـة ، أتصـل بـك
وبس أقول ( إنك على بالي ) وأسكّـر
