وبعدين مع قلة ادب البنات

[english muffin]

سلام عليكم بنات
طبعا اغلبكم يعرفون اني ولدت قبل اسبوع قيصرية والحمدلله الله رزقني بمهطي الله يخليه لي يارب
المهم موضوعي عن قلة اطب بعض الحريم .. سمعوا شصار امس
امس الله يسلمكم ياو بنات يزوروني يتحمدون لي عالسلامة وحدة من البنات اختها يات معاها
هالبنية زاد وزنها في الحمال 30 كيلو نفسي انا و صارت منتفخة و ويهها ماساة وخشمها ورم و و و المهم لين وقفت جدامهم شهقت شهقة امبيييييييييييه متييييييييينة !!! انا هني سكت منصدمة
جان تقول وايد وااااايد متينة قالت لها رفيجتي صلي عالنبي انقلش بطنا فلات ماشاء الله مب جنها والدة الا ذيج قالت بسووفي فخووذها وااااايد كبار وايد متييينة
وصديقاتي مستغربين يقولون لها تووووها والدة تقول حتى لووووو
انا هني تمنيت الارض تنشق وتبلعني
دشيت الحمام وقعدت اصييييييح وامس طول الليل اتذكر واصيح
يعني اهي انسانة صارت جيييييكرة في الحمال و تمت تموت روحها يوع سنة على مارطت ضعفت المفروضتتفهم وضعي
و شلون تقول لوحدة توها والدة هالكلام وعكرت نفسيتي عدل عدل احس يعني عيب المفروض تشجعني اضعف مب تقول لي جذي حتى يوم طلعت من الحمام عيني حمرة جان تقول لي لكن صج متينة !!


مجرد فضفضة

 

[نور دنياه]

شعليج منها عطيها اكبر طااف خلج واثقه من نفسج وباجر بيرد وزنج مثل ماكان مع الرياضه وذيج الساعه خليها تشهق عدل وبطي جبدها :eh_s(4):

 

[هدولى]

صج ماتستحي في وايد من هالنوعيه تافهين باسم الله ما مداج توج والده اكيد بتكونين متفوخه ومورمه .

 

[english muffin]

من امس والله وانا خانقتني العبرة

 

[sosowaty]

سووري ماا فهمت !!

 

[مسـك]

طااااف شعليييج منها خل تولي شكلها حقوده واجهت واجد من هالنوعيه تحب تكسر فيج عشان تحبطين ولاتعتنين بنفسج

استانسي واهتمي بنفسج وبالبيبي الله يخليه لج وكل الزياده بسبة الحمل راح تنزل


سلملم

 

[روح الأحزان]

حبيبتي انقلش شعليج منها وحده تافهه وماعندها سالفة وايد تحب تتفلسف بعدين توج والدة ان شاء الله بتضعفين ويصير جسمج سمبتيك وبتحتر

 

[Nano0H0o]

هههههه
شر البلية ما يضحك ....
حبيبتي الناس اجناس واخذي وخلي
بس صج بهالفترة الوحدة تحتاج رعاية خصوصا وانها بنفاس ونفسية ميييح
وعلى فكرة ساعات الوالدة تكبر المواضيع بسبة الهرمونات تكون العاطفة جياشة بس بعدين تحس ان كل هالبجي ما يسوى والموضوع ما يظايق لهاذه الدرجة

والحمد لله على سلامتج حبوبة

 

[miss nina]

هذي وحده مااتفهم ...ماااعليج منها ..كلنا كنا حوامل وانتفخنا وبعدين الحمدلله رجع جسمنا ورشاقتنا ..اهم شي الحمدلله على سلامتج وسلامة البيبي ..وخلها تدق راسها بالطوووف ولاتخلين كلامها وكلام غيرها يأثر عليج وعلى نفسيتج ..بالرياضة والاكل الصحيح يرجع كل شي اووكي ..لاتعطينها اكبر من حجمها ...صج نااس ماتفهم​

 

[جــوريــه]

ي قلبي انتي خليها تولي هذي قاااعده تبالغ شكلها غيرانه منج خلج واثقه من نفسج والجسم مرده راح يرد هذا كله ماي مو سمنه والماي بسرعه ينزل من الجسم ان شاء الله بس تضعفين روحي لهااا وحريهااا اهم شي قمتي بالسلاااامه الحمدلله وفكري بالاشياء ايجااابية لات فترت النفاس تخليج حساسه والحمدلله ع سلااااامتج

 

[ELFAD3Ah]

ماعليج منها انا هالنوعية مااعطيها اكبر من حجمها

انا الي اكلمج لما حملت صرت درام وكاني ظعفت الحمدالله ووايد الي كانو يعيبون ويقطون نقزات محترين مني الحين

 

[احلامي غير]

هذي وحده قليلة ادب ماعليك منها كلنا كذا بعد الحمال والنفاس وش دخلها اختي وهي اختي ماقولها كذا
والله الوقت هذا ودك مااحد يزورك وانتي نفاس بس تشرف وكلام خرااااط الى من رحم ربي
انا لما كنت نفاس وحده قعدت تعيب على ولدي الى ماقالت بس قسم بالله ناس مجردة من الاحترام والله تشوفينهم بنفاسهم براميل الحمدلله والشكر

لاتبكين ماعليك منهم ولاتنكدين على روحك ياقلبي انتي نفاس وكلنا كذا لاتحسبين نفسك بس كلنا نزيد وبعدين نسوي رجيم كولي واهتمي بنفسك والله يجعلك عرووووووووووس بعيون زوجك

 

[جوريه 4]

لا تحرين عمرج انتي نفاااس وموزين عليج عطيهااا طاااف اهم شي صحتج كل اللي ولدوا جذي عااادي رااح تشوفين عاااهاات بالزواره دخلي من هني وطلعي من اهني

 

[the note book]

الكلام صج يضيق الخلق بس عاااااااادي

انتي لانج نفسه نفسيتج تعبانه

و ماعليج منها

دام هذا مو عودج بتردين ان شاءالله

 

[ام الحلوااات]

عـــــطـــيــهــــا طـــااااااااااااف
وبــــعــــد الاربــعـــيــــن قـــوي ارااادتـــج
وبــلـــشـــي ريــجــيــم وريـــااضــــه جــم شـــهـــر
وعـــلــمــيــهـــا ســاعــتــهــا مـــنــــو الــمــتــيــنــه

 

[أكذب عليك]

حياتي مبررووك ولي العهد
انا توني ولاده من كم يوم واول ماطلعت من الولاده
كان وجهي حيييييل وارم لدرجه انا كنت اضحك ع عمري هههههههههه

موزين لج تغثين عمرج كافي النفاس غثيث
يبااا عادي اللي تقولج متنانه قولي متنانه لروحي
صج اهي قلة ذوق منهااا بس طااف استانسي مع ولي العهد

 

[أم عزيـز]

هذي وحده جليلة حيا وجليلة ذوق

والله لو انا منج جان قلت لها ذكري ربج انا توني والده وان شاء الله راح اضعف
الحمدالله على الصحه والعافيه

علشان تندقر وتسد حلجها

المهم خليها تولي اهم شي الف مبروك على سلامتج وسلامة البيبي

 

[om MaRyooM]

ههههههههه امبي هذي شفيها شهالاسلوب !!

انا معاج شي يحبط وايد وايد بس عاادي ماعليج منهم

بس خل يمر جم شهر وبتردين احلا واحلا

لاتهمج التعليقات
الحمدلله قمتي بالسلامة والبيبي بصحته وعافيته غير جذي حجي طلعيه من اذنج


صج فراغة وناس ماعندها اسلووب @@

 

[أأأميرة الورد]

عااادي يااقلبي طااااف


كلنا جذي بالنفاااس متان ووزننا زاااايد



وان شالله تنزلين بصحة وعاااافية

 

[ناتشوو]

قليلة ذوق
بسيطة خلصي نفاس وامشي لج ع نظام غذائي وتردين بجسم جميل
وخل تحتر