وتالي الحجي ؟؟؟

[kajool_80]

السلام عليكم وتقبل الله صيامكم وطاعتكم .... حبيباتي المعلمات ما بقى شي ونداوم احنه وعيالنه ورى العيد والوضع الصراحه حده حده مزري ويخوف وانا صايره مينونه من اقعد من النوم على طول على شريط الاخبار بالتلفزيون وكل شوي اقرا حالات وفاة واصابات والسبب اللي ما يتسمى انفلزنزا الخنازير والحمدلله على كل حال ..... خواتي ماادري انا مبالغه بالسالفه والا السالفه صج وباء وحل علينه والعياذ بالله ؟
حبيباتي شنسوي بهالحال ؟؟ شنو المفروض انه يصيير ؟؟ شلون نتصرف ؟؟ الصراحه السالفه مو بس بالدوام حتى الطلعات والاماكن العامه ؟؟ والجو صيف وحر ؟؟
انا اقترح دراسه علميه وافيه بهالموضوع قبل لا يقدمون التربيه وغيرها من وزارات على هالشي واالا انتو اشرايكم ؟؟​

 

[kajool_80]

شدعوه ولا رد ؟؟

 

[مدرسة متدربة]

اي والله صاجة

 

[يا ليل مطولك]

الله يستر علينا يااااارب

عليك بالدعاء والاستغفااااااااار

لا يرد القضاء الا الدعاااااااااء

واحنا الحين بشهر الخير اغتنموا الفرصه

والله المستعان ..

 

[منورة]

اول شي احنا بنداوم 6 تسعة مو ورى العيد

ثاني شي الحافظ الله يابنات اتكلوا على الله وربي يرحمنا برحمتة ترى من كثر الكلام ملينا الله الحافظ واذا الله كاتب لنا ننصاب بهالمرض شنسوى نعترض بعد ربي كاتب لنا كل شي شدعوة بنات ترى كثرة هالموضوع تملل اتكلوا على الله واذكروا الاذكار وربي حافظنا من كل شر وبسسسسسس

 

[ام مسااعد]

حطي الكمام لمن تروحين مكان مختلط والله الحافظ

امس طلع دكتور بسكوب خوووش حجي تكلم عن الوباء

ومجتمعين مع وزيرو التربية وبتطلعون قرار مناسب ان شاء الله

وتوكلي على الله ولاتتظايقين احنا مسلمين ايمانا ويقينا اكثر من اي احد ثاني

واقري الادعية والله يحفظج
(( بسم الله الذي لايضر مع اسمة شي ف الارض ولا ف السماء وهو السميع العليم)) 3 مرات

(( اعوذ بكلمات الله التامات من شر ماخلق)) 3 مرات

وماراح يصيبج شي بإذن الله

وادعي هالدعاء لعيالج وبيتج وريلج

اللهم اني استودعك اهليومالي وعيالي يامن لاتضيع لديه الودائع

والله يكافينا الشر احنا وحبايبنا والمسلمين اجمعين

 

[الرهيييفه]

الله الحافظ

 

[حلوة ومتينة]

الله الحافظ حدي مخترعة وكلا افكر بعيالي

 

[دانة الروابي]

والله حتى انا خايفه على عيالي يعني انا عن نفسي متكله على رب العالمين الحافظ بس لازم ناخذ بالاسباب ونحرص هالفتره من الابتعاد عن الاماكن المزدحمه لان حالات الوفيات عندنا وبره تخوف والله يحفظنا انشالله

 

[kajool_80]

انا بعد افكر بعيالي وايد وما قمت اطلع من البيت وايد
والله الحافظ انشالله
واليوم الساعه 9.30 كان اكو جلسه عشان الدوام المدرسي خل نشوف شبيسوون
انا اقول احنه نداوم والعيال لا