وجهي مو لون واحد

[رغوة لوكس]

عندي يقع خفيفة في وجهي يعني وجهي مو لون واحد وابي اوحده من عنده طريقة او جرب شي ونفعت

 

[جوك احلى جو]

الاغلبيه تكون بشرتهم جي شوفي الحل تعرفين الماسكات اللي تصير علي شكل مناديل بشكل وويه هذي ميزتها لما تحطينها تخلي الماسك يتغلغل اكثر من اي ماسك عادي اللي بدون مناديل لان يتعرض للهوا وينشف اما المناديل تظل محافظه علي الماسك اتمني فهمتي شرحي واذا ماعندج ماسكات اللي تصير علي شكل مناديل حطي كمادات قطنيه علي ويهج نقعي فيها بابونج اغلي البابونج وعقب خلي بالثلاجه واستخدمي واهو بارد وممكن الشاي الاخضر او البقدونج لاتحطينه بروحهه لا نقعي القطنه الكماده تخلي يتشرب ويهج ويصير نضر وادعيلي لما تفيدج الطرق

 

[om-3abodey]

والله الحال من بعضه
بس الي الحين هابه قيه احط كريم حمايه واستخدم سنفرة وكريم كاب

 

[- Shouq -]

انا بعطيج عنايتي بويهي تلرى والله فادتني وايد بس مو شرط تناسب بشرتج..

استعمل كريمات التقشير: Ratin-a , eldoquin ,NeoStrata HQ skin lightening gel
واخلطهم ويا بعض.

- اغسل ويهي بصابونيتي: صابونة المر و الكبريت و ماكسي بيل والعسل والبابايا وترانس 2000 وشوية جلسرين وزيت الليمون (انشالله ماكون نسيت شي) بس انتي تقدرين تستعملين اي صابونة والبنات يمدحون فير اند وايت

- بعد كل مرة اغسل ويهي لازم ارش من بخاخ خلطت فيه ماي ورد وجلسرين طبعا لازم ترجين الرشاش قبل لا ترشين

- استعملت كريمات التقشير قبل النوم واغسلها الصبح 3 مرات بس كنت احط وايد وصارت بشرتي تحرقني شوي بس شفتها تتقشر قمت وقفت الكريمات لين ترتاح بشرتي واكمل

- استعمل سنفرة اولاي اليومية لتجديد البشرة بس مو بانتظام

- ارطب ويهي فقط عند الحاجة لانه اصلا الجلسرين اللي ارشه يرطب وحلو ويكون بنسبة بسيطة علشان مايطلع حبوب

- كل اسبوع (صارلي اسبوعين) اسنفر ويهي بسنفرة سويتها بس اغراضها واااااااااايد (سنفرة العروس وسنفرة كاب واملاح الحليب يوكو و صابونية عطار باب اليمن و زيت زيتون وجلسرين و زيت اللوز المر وزيت الليمون وشوفان وانشالله باكون نسيت شي هههه) بس اعتقد تقدرين تكتفين بسنفرة كاب وسنفرة العروس.

واللللللللللله العظيم ان بشرتي تحسنت بشكل موطبيعي واقدر استغني عن كريم الاساس. عاد انا اليوم بالدوان وفيني صخونة ومالي خلق ميك اب بس الحمدالله ماقمت احتاج... وناسة

على فكرة اول ما تستعملين الكريمات راح تكرهين نفسج بس لازم توقفين بس تحسن التقشير صار قوي وتمي على الرشاش والنتيجة تشوفينها بعد جم يوم لان البشرة تجدد نفسها بعد التقشير

 

[- Shouq -]

ويييييييه نسيت كريم الحماية الصبح بعد الرشاش ضروووووووووووووووووووري

 

[زوجة حياتي]

انا بعطيج طريقتي أخلط قفشة عسل مع قفشة شكر واحطهم على ويهي ودلكه بحركات دائرية خفيفة وبنعومة لين ماحس ويهي تنضف وتقشر ويكون الماسك نشف
بعدها اشطفه بمي دافئ
واخلط قفشة حليب بودر مع شوية طحين ومي ورد ونشا احطهم على ويهي واسترخي وقبل أجهز ماسك البطاطا لعيوني يساعدج على الاسترخاء ويبيض الهالات السوداء ببشر بطاطا واحطها أهي وميها على عيوني يعني حطيت ماسكين مرة وحدة واحد على وجهي ورقبتي ومال البطاطا علي عيوني واسترخي لمدة نص ساعة وبعدها اغسل ويهي وآخر شئ ادهن بزيت لوز بتشوفي شلون بشرتج تصير ناعمة وبيضة طبعا مع المداومة انتي جربي اول مرة راح تستانسين وتشوفين الفرق
وحاولي تتجنبين الشمس هي الي تسبب السواد ومشاكل بالبشرة

 

[عازفة الآلام]

هلا حبيبتي انا استخدم سيروم وايت اكسبرت:

وبصراحه مره رهيب ويوحد لون البشره ويصفيها

 

[يحبنى الله *]

للرفع

 

[رغوة لوكس]

دكتورة عطتني كريم سعره بمئة وشوي حطيته مرة بس حسيت تعبت مدري ليش
انا ابغى اسوي اشياء طبيعية بسيطة وقليلة علشان مااصير كسولة

 

[رغوة لوكس]

هلا حبيبتي انا استخدم سيروم وايت اكسبرت:

وبصراحه مره رهيب ويوحد لون البشره ويصفيها

طيب كم مرة استخدمتيه وفتح بشرتك

 

[تبيني آرضى عليك]

آآآآآآآآآآآب

 

[قمر2012]

غسلي ويهج يوميا بصابونه المر والكركم لما تقومين من النوم
و بعدها حطي لوشن فيتامين c على ويهج
واذا بتطلعين حطي كريم واقي ظرووري
و استخدمي اي سنفره تعجبج بالاسبوع ٣ مرات
واهتمي بالترطيب والماسكات

انا في جم شغله قاعده اجربها هالايام واذا عجبتني النتيجه راح اقولج

ان شاء الله اكون افدتج

 

[سميره مملوحه]

انا حاليا مجرد غسول وماسكات

 

[إم بــــرٍآك]

كثري شرب الماي وثانيا التصبغات تكون اغلب اسبابها من داخل الجسم

 

[خلطات المذهله]

تقشير خفيف وماسك الكركم واللبن