وحامج خفيف ..ثقيل ..بنت ..ولد ..تعالو نتناقش متى يبتدي الوحم ؟؟

[قدسـ17ـاوية]

هلا بخواتي ..

حبيت تشاركوني ونستفيد من بعض ...

كل وحده تكتب تجربتها متى يبدا معاها الوحم ..ووحام البنت يختلف عن وحام الولد والا نفس الشي ...؟؟؟؟

يالله ابي تفاعل ...جاوبي على الاسئله وبزياده بعد والله يجزاكم خير... :rerrerek:

 

[؛؛حلاوه؛؛]

هلا حبيبتي


وحامي بولدي طول الحمل كنت تعبانة

والحارج مافارقني وطول الايام والوقت احس بتعب وخمول

وثقل بصدري بس اكل والليل ابد ماانام صج عذااب

والحين فيني بنت

اول شهرين عذاب ماينوصف وبس اكل يوقف بصدري

وكله حارج وبلغم من بداية الحمل للحين انا بالسادس

وترجيييع فضييييع صج تعذبت اصعب من ولدي

بس خف الوحام اللي مستمر معاي البلغم بس أهون من قبل

واحس الحين أني احسن

 

[q8helwa]

الوحام يختلف من وحده لي الثانيه

انا بقولج عن وحامي في بنتي
يبتدي من نص الثاني لي اول الرابع

ووحامي كان ثقيييل شفت الوووويييل
وكارهه الاكل حتا الماي لي شربته

ارجعه تكرمون وعايشه علا الدربات اذا
خذيت ارتحت شويه بس

واما وحام الولد لي الحين ماجربته

 

[قدسـ17ـاوية]

الله يعينج حلاوه ويهون عليج

 

[قدسـ17ـاوية]

q87elwa الله يرزقج بالولد ان شالله وتجربين وحامه

 

[مناوووي]

مشكوره عالموضوع

اول حمال لي مدري شسالفه ههههه


بس من حملت تعبانه ولايعه جبدي
وما اكل وضعفت حيل

ولحد الان ماعرفت شنو فيني

 

[قدسـ17ـاوية]

الله يثبته لج منااوي وتفرحين فيه

 

[مناوووي]

جزاج الله خير حبيبتي

 

[قَلبڪْ صًخرْ]

مابقا شي ماكرهته
وماحبيت شي ولا طرا علي شي
اشتهيه

وللحين ماعرفت ولي عهد او ولية عهد

ههههههعع

 

[&هند&]

انا من حللت وبدا الترجيع والوحام وضعفت وبالخامس شوي خف والحين بالسادس احس الاكل واقف احس عذاب الحمدلله على كل حال وفيني ولد وحملي الاول اجهضته قبل لا اعرف جنسه وهم كان وحامي صعب،،،

 

[الزيـــــ^^ـــــن]

مشكووووره عالموضووووع

انا بما اني بجر بلش معاي من الشهر الثاني بس الحمدالله مارجعت وايد لان نفعتي حبوب مص لللوعه اسمهم موكسال

وانا اللحين بنهايه الخامس مرات اييني الحارج

 

[ملاك ^ الحب]

في بنتي البجر بس حللت رديت البيت ترجيع على طول

ونساتي ظلت لي التاسع كله ترجيع

وما اشتهي الاكل كلش بس كنت ابي شي حالي مثل قصب السكر


والحين نساتي هم في بنت

من حللت وانا كله ترجيع بس وايد قوي الترجيع حتى الماي كرهته
وكرهت الاكل كله بدون استثناء

وقف الترجيع اخر الرابع الحمد الله

وببدايه السادس بديت احب الاكل شوي

بس هالمره تعبي اكثر كله بالمستشفى وحاشني طلق مبكر وكله عوار وتعب اكثر من الحمل الاول

والحين انا بالسابع وتوني من اسبوع طالعه من المستشفى طلق مبكر

والله يتمم علينا يارب

 

[كتالونيه]

يعطيج العافيه عالمووضووع

انا بولدي من الشهر الاول لي الخامس
وبعد الخامس راح الوحام

اما بنتي ماحسيت بالوحام الا من الخامس جاني الوحام
والثقل
الله يسهل عليكم يارب

 

[الأميرة جوري]

انا من شهر ونص البنات كل شي حلو اتوحم عليه صبيان سبحان الله كله حوااااااااامض

 

[جمالي مو صج]

اول ما حملت وحام خفيف جدا ونزل علي افرازات بنيه بدايه الحمل

اختفا الوحام بالثالث بس من الشهر الخامس وانا احس بثقل مو طبيعي

فيني ولد

 

[أم زايد ويزن]

ببناتي كلش ما في وحام وخفيفه وايد
وحملي بالولد كان وحامي ع زوجي وحاسه الشم عندي قوي ومعاها مراره بالفم
بس
لكن هم يعتبر وحام خفيف مع الي اشوفه حولي

 

[زين ودلال]

ابنتي نساتي كانت عاديه وبدت من الشهر الثاني

بولدي من اول الحمل لي اول الرابع وانا تعبانة من النساة ترجيع ولويه ومستشفيات

والحين نساتي هم عاديه

 

[جكورة]

نساتي بولدي خفيفه وعاديه أما ببنتي لوعه ودوخه وهبوط ومن الثاني لي الثامن ترجيع وضعفت حيل وصرت جيكره

 

[Toggi]

نساتي ببناتي خفيفه حيل وبسرعه تعدي اول ثلاث شهور وحملهم خفيف وبطني صغيره ومدروه بس ها الحمال مابدئ الوحام ألا الشهر الثالث واستمر للخامس يلوع الجبد وحاشتني ببدايته صخونه وبالاعيم ومناعتي اكس صارت وبدايته على موعد الدوره نزل علي دم بني مدة يومين بس ثقل مو طبيعي وعوار اورك يذبح يذبح ماقدر احرك رجولي اللي لكا ارفعهم بيدي والحين انا بل الشهر التاسع قام العوار ينزل على فخوذي وشكل بطني كل من يشوفني يقول توام حتي جدتي وقالوا لي ولد بس صج صج حمل الولد مو بس يجكر الا متعب حددده

 

[PinkLulu]

نساتي كانت خفيقة الحمد لله لوعة خفيفة مع الحبوب اختفت بس الحارج من سيء إلى أسوأ ونووووووم

ويبت ولد