وحامج خفيف ..ثقيل ..بنت ..ولد ..تعالو نتناقش متى يبتدي الوحم ؟؟

[bubble.gum]

بنتي كنت كله اناااااام واحس بخمول وفي حارج بس خفيف ...
بس هالحمال ترجيع والحارج ما يفارقني وما اقدر انام ...

 

[bubble.gum]

ومادري شنو فيني !!

 

[..’’ياقلبـك الخوّاف’’..]

انا وحامي بعيالي الاثنين كله لوووووووووعه وخمول بس ابناااام..والحين حامل بالشهر الاول وللحين ماحاشني وحام ويارب مايحوشني عشان عرس اخوي قريب

 

[بيبي غيرل]

انا بجريه
وبداية حملي خموووووووووووووووول وكسل وترجيع وتعب تعب اول 4 شهور نفسيه وتعب والحاله حاله
وحامل فبنت وخف علي بالخامس والحين انا بالثامن بس الحاااااااااااااااااااااااااااارج ذبحني

والولد اذا الله كتب لي ان شالله حمال ثاني اقولكم

 

[جوانا2010]

انا عندي بنت يارب يخليها لي
من الشهر الثاني بدا وحامي وكرهت الاكل وريحته وكل شي وشفت الموت من كثر التعب
واستمر معايا الترجيع لشهر الثامن وضعفت مررررره ......
كنت احب الليمون مع الملح خخخخخخخخخخخ
والشيبسات مع الشطه وهذا كان اكلي بس ........

 

[حلآوهـ حمرهـ]

كل وحده وحامها غير عن الثاني .. انا بجر بعد والحين ف الخامس

الله يسلمج اول ماعرفت اني حامل سالت الدكتوره متى يبدا الوحام قالتلي في ناس تقريبا يبدا معاهم من الاسبوع السادس يعني نص الثاني تقريبا .. وناس من تعرف انها حامل يبدا وحامها يعني نفسيه .. وناس ماتحس بشي مول

ولما رديت البيت سالت امي وخففت علي شوي وقالتلي انه هي وخواتي الحمدالله مايتوحمون ووحامهم خفييف وانتي بتطلعين نفسهم قلت الحمدالله ..

المهم كنت مستااانسه اول اسبوع .. وعقب بدا مزاجي يتعكر ونفسيتي ارف وحاشني اكتئاب بدون لوعه ولا شي

عقب عاد مرضت .. حمى وبلاعيم وكحه وماتخف عني .. ف رحت عند امي اقعد عندها لين اخف .. بس طبعا ماخفت الكحه والبلغم ذبحووووني وبدت اللوعه الكريهه عااد بس بدون ترجييع لاني ماعرف ارجع .. بس اللهم يوم اكح بقوه ابي اتخلص من البلغم لازم ارجع .. واختي ماقصرت فيني يابتلي كل شي ممكن يخفف عني

خذت لي حبوب اللوعه نافيدوكسين ريحتني واااايد .. ولبن حامض يهدي اللوعه .. وبسكوت ناشف عشان البلغم
وسفن اب .. وبوكاري سويت عشان الجفاف ..

ومن دخلت الثالث بدت تخف اللوعه عني شوي شوي لين تقريبا وصلت نص الرابع الحمدالله راحت اللوعه

بسرعه ايوع بس ماشتهي اكل كل شي .. وماذكر اني توحمت على شي خاطري اكله .. احيانا اشتهي اشيا بس اليوم الثاني انسى

والموالح والحوامض والحلو كله واحد عندي يوم اشتهي هذا ويوم اشتهي ذاك وجي

والمغذي اخذته كذا مره لما احس انه ضغطي نازل .. او لما ارجع كنت على طول اروح المستشفى عشانه

ووالحارج ذبحني اوووف .. مانفعني الا الجافيسكون ريحني وايد وكنت اخلص غرش غرش


الحين نفسيتي وايد احسن وقمت اطلع واتمشى نفس قبل وابي اسافر ان شالله .. وبديت احس بالبيبي فدييته


نصيحتي لج حبيبتي عشان اتخففين وحامج مثل ما في روايح تلوع جبدج هم فيه روايح تخفف عليج .. شمي ريح الليمون الفريش وريحة الكوكيز واي شي تحبينه ..

 

[ELFAD3Ah]

بولدي الله يحفظه بلش معاي النساة والترجيع من الشهر الثالث
الحين حامل وبلش معاي من اول شهر احس بارهاق ولوعه

 

[انوار2010]

الحمدلله على كل حال00انااعرف اني حامل من غير تحليل بسبة الوحام 00الثلاث شهور الاولى لااكل ولااشرب حتى الماي ارجعه وبلغم وترجيع متواصل وكله طايحه بالفراش ولاابي اكلم احد ووزني ينزل من10الى 15 كيلو ولايخف عني الا لما يرتفع الحمل0

 

[english muffin]

من بعد الثاني لنص الرابع يمكن او خامس
كان مممم خفيف بس اللوعة والكسل كانوا ملعوزيني
ويبت ولد

 

[المشاعر تحبك]

أنا بحمالي ابنتي كان وحامي اقشر ما اشتهي ولا شي ولا احب اشم ريحه عطر ولا اي شي معطر حتى الصابون والشامبو ماحب اشم ريحتهم بس الحمدلله ما طول بسرعة خلص

 

[kareeb]

أنا وحامي في بنتي ثقيل ومتعب لين بداية الرابع اما وحامي بالولد الحمد لله مريح وانا الحين حامل وعرفت من بداية حملي انه فيني ولد لانه وحامي كان مريح بعكس البنت وسويت سونا و طلع ولد والحمد لله

 

[Withered flower]

وحامي كان لوعه وتقلب جبدي من ريحة الاكل بس بدون ترجيع الحمدلله
كرهت الفاكهه وبعض الخضرة ولبن المراعي واللحوم من اول شهر وانا الحين باخر الرابع الحمدلله وخف الوحام
بس ما اقدر اكل اللي كرهتهم ولليحين مادري شنو فيني

 

[حوريه ...]

قبل احلل واعرف اني حامل حاشني تعب وزكام وكحه طولت ماراحت وطايحه بالسرير

وبنفس الاسبوع حللت حمل وبين الحمدالله

بدا الوحام من الشهر الثاني حارج ولووووووووووووعه ماتخليني انام مابقا حبوب مااخذتهم

كرهت الحلويات تلوع كبدي اذا شفت زوجي ياكل ايس كريم والا شوكلت

اشتهيت ورق العنب مع اني اكرهه قبل احمل
اشتهيت بطاط بنكهة الدجاج
طبعاً الاكل حارمته احسه بلوعه اذا اكلت

عايشه ع عيش ابيض وزبادي وبيره هههههههههههه

اول الرابع زاد الوحام علي وعقب مده خف والحمدالله اختفا

وبديت اكل عادي

اما الثقل مرات انسا اني حامل لاني مااحس بثقل ومرات لا احس وكأني شايله ببطني 3 تؤم


اي وكان ينزل علي اول الحمل افرازات بنيه واخذت مثبت

بس الله ماكتب انه يثبت وحاشتني ولاده مبكره بالخامس

وكانت بنووووته كامله الخلقه والكامل الله سبحانه

الله يعوضني ان شاءالله ويجعلها شفيعه لي ولوالدها ياحي ياقيوم


وبسسس قرقت واجد ههههههههه

 

[عتاب الاحبه]

بنات عذاب عذاب قسم بالله بمووووت من الترجييييع ومعدتي حارج وكله بالحمام غير ويهي انترس حب يطلع منه ماي وغير صدري صااااار ثقيل واسود

 

[غزلان الشماليه]

انا وحام الولد عندي اقشر بس البنت عادي فتره بسيطه ويروح

 

[بنوته ستايل]

انا بدا وحامي بعد ماحللت يعني نهايه الاول والحمدلله خف حيييل ببدايه الثالث وبشكل عام وحامي موقوي مثل ما اسمه من الحريم صج تعبت بس موحييييل الحمدلله..
ولي الحين ماادري بنت ولاولد..

 

[شووواقه]

انا بكررر موووو عارفه شي
حللت ومن قالو مبروك حامل قمت اتوحم مدري اكذب ع نفسي او وحام صج
وبس تعبانه وثقل وانيميا والتهابات ودوخه والله تعذبت بقووووووه
الجنس مو عارفته شنو لان ماسالته
والحين انا ع وشك ولاده بالتاسع الله يسهل علي ويرزقني بطفل معافا مشافا ومثل القمر يارب

 

[كارلوفي فاري]

اب اب

 

[كوكتيل عسل]

بولدي كنت كله تعبانه وابي اتم بالسرير اطول فترة ومن الخامس بدت قصتي مع الحارج بس عموما ما كانت متعبة وايد كثر ما سمعت قصص
الحين بحمالي الثاني قبل لا تتاخر علي الدورة حسيت اني حامل لاني كرهت عيال حماتي وما اشتهيهم يقربون مني ولا ابي اسمع حس لهم اقعد من صباح الله والليل مانامه يمكن باليوم انام لي ثلاث ساعات وكنت لازم اخذ بندول نايت عشان انام ومن حللت وانا الحارج ذابحني لو اكلت ربع خبزة والنفسية مأساة والحين مادري شلون انام بالليل لاني وقفت البندول نايت بعد ماعرفت اني حامل وانام بعد الفجر وماتيي سبع الصبح الا انا قاعده
الله يستر بس ويهونها علي وعليكم

 

[كندوره سبرايز]

بنات لازم الوحة تحس بالوحام انزين والي ما تتوحم